كيف حالكم شباب
اعذرونا على الانقطاع بس والله النت مفصول والحاله مزريه

المهم بالنسبه لاخبار الانتقالات والله مافي اي شي يوسع الصدر
وشايبنا صايبته علة فينجر اللي يحب الدراهم ..

بس ابي اعلق على كم شغله ... بالنسبه للحارس انا اؤيد اخوي MANU10
ان حارس البرتغال مايطمن وشكله فيه شطحات بس انا ما ابي حارس
الاوروغواي موسيليرا ونوير خلاص طاح من عيني بعد ما رفض المان
اتمنى ان لوريس هواللي يجي ..

وبالنسبه لفابيانو انا مع MANU10 ميه بالميه لاني انا اصلا ما اقتنعت فيه..

حتي كيير توني قاري خبر انه صار قريب من فولفسبورغ ..وسيلفا
شكله خلاص وقع مع السيتي .

هيرنانديز يالبى الاصرار بس اتوقع ان روني لقى ضالته .. اما سالفة
ان فالنسيا يبيه انا من زمان كنت اتوقع انهم بياخذون ماكيدا بس شكلهم
طمعوا بهيرنانديز ..

اوزيل يلعب مع فولفسبورغ









( الرابطه نايمه واخبار التعاقدات كلها مو من صالحنا حتى اللي كانوا قريبين شكلهم طاروا والنت مفصول وكاس العام ما يحمس ) <<<< والله جاني اكتئاب

إقتباس الرسالة الأصلية كتبت بواسطة ~ عبادي ~ 888888 يالغالي مسعود اوزيل يلعب لنادي فيردر بريمن

^^^^^^^
ههههههههههه صادق انا كنت اقصد فيرديربريمن بس انا دايم
الخبط بينهم

يسلموا

هو فيه مثلك

صباح الخير ... صباح الفرح والانبساط .. الحمد لله اخير شفت هولندا بالنهائي

عشقي هولندي من زماااان .. واميل لانجلترا لحبي بلاعبيها ومتابعتي للدوري الانجليزي وكنت متوقع ان الانجليز بيوصلون ابعد من هولندا بكثييييير لاني عارف هولندا دايما وقت الحسم تختفي ودايما تسوي الصعب ووقت السهل جميع عشاقها يصابون باحباط ؟! واخرها اليورو 2008 كيف لعبة بحسبة فرنسا وايطاليا والكل قال اللقب هولندي اخر شي طلعت بطريقه غبيه ومذله نوعا ما من روسيا ما احد توقعها ( فيس يناظر الكبري اللي في ابو ساره )

خلوني من هولندا لان مو هذا مكان الحكي عن هولندا .. بس هنا مكان الحكي عن شنايدر اكيد

الموسم الماضي طلعت الانباء عن طلعته من ريال مدريد .. السير تقدم بعرض له ولروبن .. وبصراحه خلونا واقعيين السير ما كان جاد العرض ابدا لا من ناحية الاصرار والنشبة لادارة مدريد وكان لازم يستغل انهم يبون كرستيانو ويدخل شنايدر وروبن بالصفقه ؟! .. او على الاقل يقدم عرض مالي مقبول ؟! .. روبن راح للبايرن وكان احد الاسباب اللي حرمتنا فاينال التشامبيونز ؟! .. وشنايدر راح للانتر .. هو وميليتو كانو نجمين الفريق طوال الموسم وهم اهم سبب في تحقيق الدوري .. الكاس .. التشامب ... بعدها جينا لكاس العالم وتوقعت ميليتو وشنايدر يواصلو تالقهم والله .. ميليتو ظلمه المحشش مارادونا .. وفضل مهاجمين غيرهم عليه منهم اجويرو عشانه البوي فريند حق بنته واسطه يعني

بقى شنايدر وشوفو وش اللي يسويه ؟! يوصل بهولندا للنهائي ويخالف كل التوقعات ويكسر عقدة سنييييييييين بهالبطولة ؟! .. يعطي امل كبير لهولندا انه يذوق طعم كاس العالم لاول مرة .. ينافس على هداف البطولة .. شايل الفريق كله مع احترامي لروبن الا انه ما يجي نص شنايدر واللي سواه بالبطولة ؟!

شنايدر طبعا افضل لاعب في كاس العالم خذوها مني الموضوع منتهي .. لكنه بهالشي سيصبح من اقوى المرشحين لافضل لاعب في العالم هالسنه .. وبيغطي على روني اللي شكينا كلنا ان كابيلو اختاره بتشكيلة انجلترا ؟! .. وعلى ميسي اللي نسى كاس العالم وسنتر عند المصريين بكنتاكي ودق بالمايتي زنجر لين نام وما شفناه ...

كل هالحكي اللي فوق الهدف منه نربطه بالاخبار اللي تقول ان الشيخ بينيتيز ناوي يتخلى عن بعض نجوم الفريق للتجديد .. يا زينه من قرار لو يستغله فيرغي بس .. تخيلو عندنا شتايدر ورى المهاجمين .. وعندنا جناحين بنت كلب تخيلو القوة الهجوميه اللي بتكون عندنا مع تالق روني ؟! .. لاعب زي شنايدر يشوت من بعيد مناولته ورفعاته بنت كلب .. رجله على الباب بالملي .. اعتقد بيضيف شي كبير لاي فريق ؟! .. لعل وعسى فيرغسون يتهور شوي ونشوفه جاد فعلا باحد الصفقات الكبيره تعبنا نجيب لاعبين ننتظر عليهم 2 و 3 .. نبغى صفقه قوية تخلي هيبه للفريق ونفسيا فرق البريمر تخاف من هالصفقه ؟!

صدقوني لو هولندا اخذت كاس العالم مستعد اسويلكم اللي تبغوه هنا واترجم لكم اخبار واجيب لكم كل صفقات الفريق حصريا من المواقع العالميه لكن المشكله اني مسافر بعد نهائي كاس العالم بيومين ... بس صدقوني لو فازت هولندا بكاس العالم واااااااااااااااوتس لكم مني مفاجاه حتى لو بعد اجازتي لا رجعت

هذا وبس

المدافع جاري كاهيل يؤكد ويقول انه احتمال يغادر بولتون هالصيف ..
يقول :" اذا فيه نادي كبير حكى معي بشكل رسمي وقدمو عرض كويس لـ بولتون
هالشي بيخليني اقول انه على الاغلب انا طالع من بولتون .. انا ما اقول اني ودي
اطلع او لي رغبة بالخروج من النادي .. لكن هذي الحقيقه والواقع .. وهالشي ممكن
يصير ومتوقع حدوثه ...

وفي موقع Manchester Evening News .. حاطين تصويت وش رايك
في قدوم كاهيل للمان يونايتد .. 58% يقولون ما نبيه .. انقلع عني محبك وش تبي بي ..

^
يالبى قلبك يالدحمي ولكم باك يالقاطع ياليت هولندا كل يوم تفوز علشان نشوفك
كاتب رد طويل عريض مثل ذا والف مبروك الفوز وعقبال الكأس وشسمه على البركه
لون الخط الجديد اخيراً غيرت اللون الازرق راجع لكم بكتب عن رأي بـ شنايدر
وروبين .. وعن ارتباط اسم شنايدر باليونايتد وعن الاسماء اللي ارتبطت باليونايتد
اللي الى الان تقريباً وصلو الى 14 اسم والله لو اننا نبي نجدد الفريق كامل ..

هذا الرد لـ الترحيب بـ الدحمي .. دحمي راجع لك بما انك استنقصت من روبين

^
^

على راسي عبود تسلم يا غالي يا شيخ خلهم يفوزون بكاس العالم وشف الهياط من جد وبسنتر هنا

اللي مبسطني اكثر ومخليني افرح بكل فوز هولندي .. ان بداية البطولة بالدوام عندي يقولون لي انت مع مين اقولهم هولندا كلهم ينصدمون انه وش هالفريق اللي تشجعه تحس اني اشجع ضمك بالدوري السعودي من كلامهم .. واللي يسالني يقولي ياخي هولندا من عندهم لاعبين ما فيهم الا سيدورف بس .. قلت له طيب لو قلت لك ان سيدورف المدرب ما اخذه ما هو معهم بالتشكيله خخخخخخ .. قالي يوووووه اجل هولندا ما عندهم احد والله مدري على ايش تشجعهم على اساس ان هالخال هو رمز هولندا يمكن لان الطقم الاورنج يطلع خقق على الخوال الكل متذكره خخخخخ

المهم كل ما فازو هولندا هايطت اكثر لين اخر شي طحنا بالبرازيل .. كلهم يهايطون علي ان المباراة مضمونه للبرازيل وانقلع بس ومن ورى التحديات تقدر تقول امنت مصروفي لاسبوع قدام عزايم وهياط وتحديات .. وسووها الرقاله الجدعان .. ما اخبي عليك كنت متوقع خروجهم من الاوروغواي ولو طلعو بكون راضي انهم وصلو لهالدور ويكفيني انهم طلعو البرازيل .. بس كملوها ووصلو النهائي الحمد لله

ما يستفاد من الموضوع .. شنايدر اطلق من روبن غصبن عنك ولو بتناقش بيديك ورجليك ما رح تقدر تقنعني ان روبن اصرف لبكره الصبح .. الا لو روبن جاب قول الفوز بكاس العالم ساعتها انا احبك

بالنسبة للون غيرته يمكن هاللون يحسسني اني كيوت اكثر لاني بصراحه العد التنازلي لحياة العزوبيه كل ماله يسرع خخخخخ ودي احس اني حساس ورومانسي