المباريات الباقيه صعبه علينا خصوصا السيتي اللي بنفسيات اللاعبين هذي ماظن بنفوز عليهم ما ابي اقول صفقات واتكلم عن شي انتهى خلاص .. اقصد من بداية الموسم وانا اشوف ان الفريق ينقصه شي ، على العموم مافيه وقت للكلام بالماضي لأن الكلام في الماضي نقصان في العقل .. الكلام من اليوم ورايح عن المستقبل وتعديل الاخطاء اللي صارت بالماضي ، تشلسي ماظن بيتعثر ، الموسم مابقى منه الا كم مباراه وراح يشدون الهمه في سبيل تحقيق الدوري
كنت متخوف ان اللاعبين تتأثر نفسياتهم بسبب الخروج من دوري الابطال واعتقد هذا اللي صار اليوم .
مباراة ما شفها بصراحه. لكن تعليقي ان السير له خبرته في التدريب, السير دايم يستفيد من الأخطاء ويصححها, وبالنسبه لتيفيز هو اللي طلب الانتقال للسيتي, مثله مثل كريستيانو, واللي جاب تيفيز وكريستيانو يجيب غيرهم, فيه أفضل من تيفيز لا تحطون اللوم كله على السير, السير عقليته وصفقاته للمواهب الشابه مجنونه, وتذكروا كلامي بعد ما يجيب اللاعبين وتشوفون أدائهم. وبالنسبه للدوري صحيح اللقب وتحقيق الصداره ابتعد شوي لكن الدوري إلى الآن ما انتهى وتشلسي بإمكانه انه يتعثر في مباراته القادمه واحنا نفوز في مباراة السيتي.
فريق ماشي صح بالموسم كامل إلى قبل هالاسبوع , ويوم انّه طاح شبّيتوا فيه ؟
اللي كان يمدح السير قبل اسبوع , جاي يسبه .
وقاموا يفتحون لنا سالفة رونالدو وتيفيز
ترانا ملينا اقسم بالله من هالسالفة
اللي يبي كريستيانو رابطة الريال مفتوحة للجميع .
واللي يبي تيفيز يروح تقديم الدوري الانجليزي الله لا يهينه.
طبيعي جدًا لأي فريق يحصل له دروب خفيف بالمستوى.
صح ان الدروب وقته غلط , لكن هذا مو معناه ننكر مجهوم ثلاث ارباع الموسم الماضية !!
وغير كذا قاعدين تصايحون كننا فقدنا الدوري , ترى للحين الدوري ما انتهى.
بالعري .. مباراة تشيلسي مع توتنهام هي اللي بتحدد الدوري لمين , لو تعادل او خسر اقول المانيو رجع للدوري.
لأنه 100% بيخسر ضد الليفر , الليفر حاليا يقاتل عشان المركز الرابع.
غير كذا , ترى خروفهم ما يحب يزعلنا , دايم يخسر من فرق مدري وش تبي
فما استبعد تعثرهم ضد بولتون , وان كان تعادلنا بيمثل دفعة قوية لهم لا.
ياشيخ كل تبن ,, تبكي على ايش يعني ان الحظ ضدك وانت لاعب فاشل ,,
اقسم بالله اني صرت مااتابع مباريات مانشستر بسبة الزفت ذا ,, انا مارديت من امس متعمد
لأني امس في حاله الله يعلم بها ,, ,, فيرغي الى متى واحنا كذا يعني هل حالنا بيصير
مثل الليفر ولا شلون ,, ؟؟ ياشباب اتركوا النقاشات الى نهاية الدوري افضل لنا ,,
عموما هاردلكم والدوري اعتقد انه صعب جداً لأن تشلسي افضل بكثير من مانشستر بالفتره الحاليه
والدوري اقرب لهم . ان شاء الله نعوضها الموسم الجاي ,, مع تدعيم الفريق بلاعبين افضل
هاردلك خسارة الدوري
أتمنى تكون بداية التعديل ويجيب السير لعيبه عليهم الكلام
( لحسم البطولات وتخفيف الظغوط عن الباقين )
ياناس والله مظغوط هالمسيكين والسبب روني حسبي الله عليه كل مباراه يسجل
هدفين ثلاثه وفجأه أصيب وطاحت براس بربا والمصيبه ان العالم يبونه يسوي
مثل ما يسوي روني واي شي يصلحه يقارنونه بروني .. يا جماعه اتركوا روني
على جنب وشوفوا بربا شلون كان يفحط بالمباراه ويلعب بحماس صحيح ما جت
معه ولا نفعنا بس هالشي مو غلطته غلطة الظغوط اللي عليه وبعدين منهو اللي
أدى أمس من مانشستر كلهم كانوا سيئين والجماعه اللي كانوا يطالبون السير
أن يلعب ماكيدا أساسي أتمنى أسمع تعليقكم على ماكيدا أمس..
واللي يقولون ان هذا كله بسبب بخل السير وانه ماجاب بدلاء لكرستيانو
وتيفيز أتمنى يشوفون أنديه ثانيه مثل ليفربول اللي راح من عندهم ألونسو
وأربيلوا اللي مايقارنون بكرستيانو وتيفيز وشوفوا شلون داجين ويتمنون المركز الرابع
وماشكلهم بياخذونه حنا راح من عندنا كرستيانو وتيفيز ومع هالشي نافسنا على
أبطال أوروبا ونافسنا على الدوري وماخسرناهم بسهوله أتوقع ان هالشي معناه
ان فيرجسون عارف وش قاعد يسوي ..
هآرد لكم شبآب التعآدل ما أتوقع فيه مباراه لأحد من الأنديه الكبيره أسوأ وأمل من مباراتنآ أمس , لآعبين بدون روح وكأنهم يقولون لتشلسي تفضلوا خذوا الدوري , صحيح الأوضآع النفسية بعد فقدان الصدارة والخروج إنها أثرت علينآ , لكن حظوظنآ في الدوري كبيره فـ ليش نفرط في البطولتين الدوري والأبطآل..؟؟ ما رآح اتعآطف برأيي وأقول إني أحمد ربي على اللي وصلنآ له بعد خروج عنآصر مهمه و و و .. إلخ , انا عندي إيمآن بأن الموجودين قآدرين على المنآفسة سوآء في التشآمبيونز أو الأبطآل , اللي عندنآ عنآصر مو سهلة أبد , جآتنا ظروف وإرتكبنآ بعض الأخطآء الغبيه في مباريتين البآيرن وودعنآ البطولة , طيب الدوري ليش ما نهتم منه اذا صآر هو بطولتنآ الأخيره واللي لنآ أمل فيهآ , خصوصآ وان منآفسينآ لهم مباريات قوية ومن الممكن تعثرهم !!! جعلني ما أشوف الاعاده وأموت غبنه من مهزلة أمس , و الله و الله ما أشوف أي قوة في بلآكبيرن يوم اننا تعآدلنا معهم في مبارة أمس .. اللي شفته ان لاعبينآ مآلهم نفس يفوزون , أشياء كثير تقهر أمس , أفكر .. أقول التبديلآت فيهآ خطأ يوم ان الحآل ما تغير , والا التشكيلة الأساسية فيهآ حوسه !! التشكيلة كآنت تخوف شوي خصوصآ في الوسط بغيآب كآريك وفليتشر والكل يدري بأنهم نقطة قوة الوسط عندنآ , لكن برضو لو الروح موجوده , أو شوي من الحمآس وبنفس التشكيله كآن رآح نفوز ومع فرض إسلوبنآ .. بربآتوف أمس أحس انه هو أكثر لآعب متحمس ووده يسوي شي , ومع ذلك حسيت انه مو قآدر أبد حتى بوجود مآكيدآ معه , شفت منه أشياء حلوه ما أبي أظلمه , كآن يطلع ويتحرك ويمرر صح لكن أسرع شي هو فقدآننا للكورة , ناني كآن العصبية وتأثير الخروج من التشآمب مأثر عليه جدأ جدأ .. ومع ذالك شفنآ منه كم لعبه حلوه ولو انه كآن فردي في كثير من الوقت .. أول ما طلعنا من التشآمب , أقول أملنا بالدوري كبر بنظغط على تشلسي وبننهبل في السيتي اوف مانشستر وبعدها نلقم توتنهآم وبذا الفترره بيمدي تشلسي يكون قد تعثر اما في الديربي مع توتنهآم او ضد الليفر , لكن أتوقع تشلسي ألحين بدون ظغوط , والمركز الثآني شكلنا بنودعه اذا ما تعثر الأرسنآل قدام السبيرز ألحين ما عآد فيه شي نخسره , واللي على مآنشستر انهم يربشون تشلسي بالنتآيج الكبيره , صحيح ما بقى الآ أربع مباريات وثنتين منهم صعبآت اننا نحقق نتآيج كبيره , لكن نبي نقدم أحلى مستوى نقدر عليه في كل هالمباريات , روني بيرجع وقتهآ ان شآء الله ويكون الفريق كآمل .. وما عاد فيه شي غير هالمباريات المتبقيه , فـ تقديم المستوى الحلو مطلوب لحصد ما تبقى من نقآط ولإربآك تشلسي على أمل انهم يتعثرون
ذايب يعطيك العافيه حبي وليتك تركز بالشغلات المهم بالخبر اقل شي عشان المعني ما ينفهم غلط البنز مطلوب من المان لكن الخبر وش يقول :
إقتباس
Karim Benzema has told Manchester United to forget trying to sign him from Real Madrid this summer.
إقتباس
'I did not sign for Madrid to sign for another club soon after,' he said. 'I want to succeed here.
'People like to invent stories but I am focused on staying at one of the biggest clubs in the world.'
بنزيما يقول : اتمنى من مانشستر يونايتد يلغو فكرة التعاقد معي الصيف المقبل ويحاولو ينسو هالموضوع من اساسه ...
انا ما وقعت لمدريد عشان اطلع منهم واوقع لنادي ثاني بعد فترة قصيرة من توقيعي لمدريد ... انا ادور النجاح هنا ... الناس حابين يخترعون ويالفون قصص بكيفهم ... لكن انا اركز على موضوع بس اني ابقى في نادي من اكبر اندية العالم .. ويقصد مدريد طبعا
موضوع بنزيما اتوقع مع هالتصريح انتهى تماما الرجال ما وده المانيو كيفه .. وبالنسبة لي ما ابيه والله ليت السير تعلم من موضوع برباتوف ودامه بيدفع يدفع يجيب لنا واحد جاهز مو يجيب واحد بيفيدنا بعد 3 سنوات اذا اكتسب خبره ..
بكل الاحوال نوعا ما هارد لك الدوري بيطير ... فرق اربع نقاط لو فاز البلوز .. المانيو قدامه السيتيزن والسبيرز ورى بعض .. مباراة البلوز مع الليفر بالجولة قبل الاخيرة اتوقع موضوع المركز الرابع بيكون محسوم وقتها للسيتي .. والليفر رح يبيع المباراة للبلوز لانه ما فرق معه شي دامه ما رح يلحق على التشامب .. اكيد بيخلي البلوز يفوز في سبيل ان المان ما ياخذ الدوري ويكوش على زعامة انجلترا
نقول هارد لك ... التشامب احط اللوم الاول والاخير على البزر رافائيل لكن عساه بكره يكبر ويعرف غلطه ... الدوري مدري الوم فالنسيا على سماجته يوم يضيع انفراده ؟! والا الوم برباتوف رجل الثلج ... خلوها على ربكم المان كان ماشي حلو وفاق كل التوقعات والمنتظر من هالموسم .. ليش خربو امها اخر شي
وربي ما اذكر المان مر بانتكاسه بهالسوء ... اسبوعين مرو كل شي زفت للمان يخسر ويطلع من بطولات بهالسرعه .. ما ندري وش مخبى لنا السبت الجاي بالديربي .. فريق زي السيتي امس فايز 3-1 ويلعب بطريقه هجومية وتكتكه كانه يلعب مباراة اياب وهو خسران ذهاب بالخمسه .. اعتقد انه يخوف ونص .. والله يستر على المانيو
ما أحد وده يدخل بعد سلسلة النتايج المخيبة للآمال ..
لكن يبقى بأننا نافسنا على اللقب بكل شراسه ..
كان عندي سؤال ولكن سيطرح بكل تأكيد بعد نهاية الموسم عن متطلبات الفريق و خروج برباتوف ( قصدي خروج بعض اللاعبين ) وكذلك قدرة السير على السير مع المانيو والعودة لطريق الأمجاد ( أحسه أنلحس الضعيف )
,, فيرغي الى متى واحنا كذا يعني هل حالنا بيصير 
الوضع العادي
