أنا وأبــي<<<أول موضوع له لآتفشلونه - نادي الهلال السعودي - شبكة الزعيم

فـــهد · #1 16/07/2009, 11:57 PM

مسـاء الخـير لأحلى شبكه وأحلى اعضاء بالدنيا وبالسعوديه كلها<<< مايعرف يقردن

وشلونكــم عسـاكم متعشين..؟<< هو لآتحمس يطب بأشياء غلط

عـاد تعرفون إن هذا أول موضوع لــي أنا مسجـل من سنتين بـس أدخل اقرأ واطلع واليوم مسكت معي أتحفكم بكتاباتي<< برـآ يالحبيب

أنا وأبـي

تقريبا قبـل ثلآث أيـام وأنا مـاسك الدرج ببيتنا وعندنا الدرج تقول مـاسك دوار ملفوف لف وأجيك ماشي منه مليون ومادريت إلآ وأنا آخذ الدرج شقلبه

جت سليمه كسر بالرجـل بـس المهم جبستها وأجيك رآجع البيت مع ولد خـالي إلآ وأبوي

كـآن بالإنتظـار

وأدخـل أتكـي بالــصـاله وجـاك الوالد وهو اللـي مسك خط المطبخ أنـا أنصدمـت قلت أبوي يطبخ والله تطورت منفوحه

إلآ ويطلـع الوالد بعد دقايق بسيطه قلت عشـانا كورن فليكس مـا أمداه يسوي شي
إلآ ويجيك ومعه كوب قلت ذآ نعنـاع صار إتكيت الشايب وذوق شكله مشبك له سوريه قلبت طاسته<< وين أمك تمزع على خشمك كف يوريك الأدب
إلآ وهو يتكي جنبي يقول أشرب قلت تسلم تونـي متقهوي

قـال آخر مره تصفقت متى قلت مخبر اسـأل نفسك قال بتوطى ببطنك خلك رجال وأشرب قلت حاضر طال عمرك وش ذا كابتشينو<<من شوي نعناع

قال لآحليب عشان مفيد للعظـام قلت حليب حليب وش ورانا وأنا آخذ أول نفــس<< فـاهم غلط
قصدي وأنا آخذ أول شربه منه أحــس بطعم غريب

قلت متـأكد ذآ حليب اللحين أطيح متسمم والله مـا أسامحك وأمآغط بك من محكمه لمحكمه تقتلني ياقليل الأدب<<< يهايط على أبوه
بعد ما عطـاني جوي جـاني كف على قفاي قال أشرب وأنت سـاكت لأخليك تعض الأرض عظ قلت بأمك خير سوهـا<<< نصآآآآآب

المهم جت أخــتي وتقول فهد ووووووووووووووع قلت بعينك وش صاير قالت هذا عليه بيض بكور

قلت إيش إلآ وأنا أمسك الكوب وأزرعه بزاوية الصـاله

قلـت بيض وحليب وينا فيه بعزبة بنقاليه قال أبوي يالثور هذي تقوي العظـام بسرعه ويمسك خط محاضره نص سـاعه
وهو اللــي يقول يوميـاً تشرب كوبين من ذا واحد بالصبح وواحد بالليل

يااااااااااارب تصبرنــي

مايستفاد من القــصه

إذا جيت مدرعم من الدرج فتح عشـان ماتتكعبل وتمسك الدرج سباحي على ظهركـ

إذا قرأت القصه أكتب شي لصـاحب الموضوع بحكم إنه أول موضوع لــه لآ يجيك قوطي بيبسي على جبهتك وتقول فهد ما قال

إن شاء الله كنت ضيف خفيف عليكم وإذا اعجبكم الموضوع انتظروا فصلآت فهد وأبوه

شكراً لكم