.


" بسم الله الرحمن الرحيم "

في الخطوهـ الأولى لـ فكرتنآ .. كآن اللقاء الاول مع مؤسس الرآبطه ورئيسها الحالي ,,
حيث اجاب على العديد من التساؤلات .. وكشف العديد من الامور في لقاء مطول ,,

.

.

( ميلانو كوستا ) .. يُجيب على أكثر من 90 سؤال ..!
ويقول ..:
سأستمر رئيساً من أجل الأعضاء , لن أنسى مباراهـ لاتسيو , الريال أول من تابعت
كلمات مدرس الكيميآء عالقه في ذهني .. سأتزوج عند الـ 29 وخمسه أشهر



أولاً ..: في معمة الرياضه ../

س1/ هل ميلان أول فريق تابعته يوم كنت صغير .. أو أنه كان هناك فريق آخر قبله تابعته بتأثير من هم حولك ؟!

كان ريال مدريد أول الفرق الاوربية اللي تابعتها .. وبعدها كنت أتابع فرق الدوري الايطالي كلها بدون أستثناء على حسب الفضاوة..

س3 / من متى بديت تشجيع ميلان ؟

تقريبا من عام 2003 ..

س4 / من اللاعب الي خلاك تشجع ميلان ؟

روي كوستا

س 5 / لاعب تتمنى انتقاله من الميلان ؟

اللي ماله فايده للفريق .. .. ممكن يكون فافالي على رأس القائمة السوداء ..

س 6 / سنة حسيت ان الميلان لا يقهر فيها ؟

ممكن كان موسم 2004 .. لان ميلان كان محقق دوري الابطال في 2003 والموسم هذا بالتحديد كان ميلان في قمة عطائه .. يكفي أن الفريق حقق الدوري بهذه السنة وعوض خروجه من دوري الابطال ..

س 7 / ماهي اقسى هزيمة وانت تشجع الميلان ؟


كانت نهائي دوري الابطال 2005 أمام ليفربول .. كانت هزيمة قاسية .. لدرجة أني صرت ما أتابع الميلان كثير الموسم اللي بعده..

س 8 / افضل هدف هذي السنة للميلان ؟

أكثر هدف أعجبني هالموسم كان لبيرلو .. في مباراتنا ضد ريال مدريد ..

س 9 / ما افضل هدف شاهدة في خماسيات الهلال هذا الموسم ؟

هدف تياقو ضد الاتحاد ,, الهدف الثالث ..
وهدف رادوي كان مجنون .. الهدف الخامس

س 10 / ايهما اقوى اربعة مانشيستر ولا اربعة الانتر ؟

أكيد أربعة مانشستر .. لان الانتر سبق وأن عطيناهم 6 أهداف ..

س 11 / اكثر انتصار افرحك وانت تشجع اليلان ؟

لحظات الفرح كثيرة مع ميلان .. بس ممكن نهائي دوري الابطال 2007 له طعم خاص لان ميلان عاد لمكانه الطبيعي وحقق الانجاز أمام الليفر .. وأيضا نهائي كأس العالم أمام البوكا له ذكريات حلوه ..

س 12 / وش تشجع بالدوري الانجليزي والاسباني وثاني فريق تشجعه بالدوري الايطالي ؟

أقدر أسميها متابعه مو تشجيع ..

الدوري الانجليزي مانشستر .. << أحسكم بتذبحوني

الدوري الاسباني أتابع البرشا كثير ..

ثاني فريق إيطالي اليوفي .. ويعجبني نابولي


س2/ أي منتخب يجذبك .. وليه ؟

الانجليزي .. لأنه منتخب كبير
س 13 / من الافضل ../

ليوناردو - انشيلوتي ؟

صعب الحكم بسبب فارق الخبرة وفارق العمر في التدريب .. لكن حاليا أكيد أنشلوتي ..

ري كوستا - كاكا ؟

سؤال صعب .. روي كوستا كان أفضل حتى قدم كاكا لميلان ..

فييري - رونالدينيو ؟


رونالدينهو

ستام - نيستا ؟

نيستا

ديدا - ابياتي ؟

ديدا

ميسي - كريستيانو ؟

ميسي

مورينهو - كابيلو ؟

كابيلو

بويول - نيستا ؟

نيستا

مرسيليا - ليون - بوردو ؟

مرسيليا

س14 / وانت تشجع الهلال هل مرت عليك ايام وشجعت نادي غيرة بالدوري السعودي ؟

مستحيل ..

بس ممكن إذا كان فريق سعودي يلعب بطولة خارجية أميل له .. أّذكر كنت متحمس مع الاهلي في بطولة الصداقة لما فاز على فريق مرتيمو البرتغالي .. أيام خالد قهوجي ..

س15 / بعد مابديت بمتابعة الدوري الايطالي ( الاوربي بشكل عام ) هل هذا نقص من حبك او متابعتك للهلال ؟

لا بالعكس .. الهلال دوم بالقلب

س 16 / من تحب اكثر الهلال او ميلان ؟

الحب الاول كان للهلال .. فأكيد يكون الهلال أولا وميلان ثانيا ..

س17 / وش تتوقع ينقص الهلال بالوقت الحالي ؟

الحظ ..

س18 / من اللاعب السعودي الموجود بنادي الهلال تتوقع بأمكانة يحترف بأوربا ؟

ياسر - أسامه هوساوي

س19 / مباراة لن تنساها لـ الميلان ؟

ميلان ضد لاتسيو .. ما أذكر بالظبط أي موسم بس أّذكر أنها أنتهت 2 - 2 .. كان لاتسيو متقدم 2 - 0 بالشوط الاول .. وكان ريفالدو إحتياط ,, ودخل بالشوط الثاني وقدر أنه يغير مجرى المباراة ويقلب حال الميلان من تأخر لفوز .. هذي من المبارايات اللي كانت تظهر شخصية ميلان الحقيقية اللي أفتقدناها هالايام ..

س 20 / هل تعتقد ان ميلان مات او انة مريض , اذا كان مريض متى تتوقع عودته ؟

المقولة اللي دايم نسمعها أن الكبار لايمووتون .. تنطبق على ميلان ..
وعودة ميلان مايحكمها زمن معين .. يحكمها تغير في فكر الادارة الحالي أو بمعنى أخر تغير الادارة ..

س 21 / انت تلعب كورة والا مجرد متابع واذا كنت تلعب وشو مركزك ؟

من أيام الابتدائي كنت ألعب مهاجم .. بس لما وصلت لمرحلة الثانوي صرت أحب ألعب في مركز المحور كثير .. والايام هذي منقطع عن اللعب بسبب إنشغالي بالدراسة ..

س 22 / افضل دوري بأوربا بوجهة تظرك وترتيب الدوري الايطالي على مستوى الدوريات الاوربية ؟

حاليا الدوري الانجليزي أفضل ..
أعتقد أن الدوري الايطالي يأتي ثانيا بعد الانجليزي .. مع إحترامي للدوريات الاخرى ..

س 23 / مين ودك يفوز بدوري الابطال هذي السنة ؟

ودي الانتر يفوز .. صارلهم 45 سنة مافازوا فيه .. << مايقصد شي لحد ينط عليه

س 24 / من افضل فريق بالعالم بالوقت الحالي ؟

برشلونه

س 25 / هل عمرك فكرت مرة انك تترك الكورة ومتابعتها ؟

لا ..

الانجليزي .. لأنه منتخب كبير

س 26/ ميلان بعد الموسم الشبه مخيب .. أنت راضي على ما وصل بحكم الأمكانيات.؟

أكيد مو راضي .. بس مقتنع أنه هذا اللي يقدر يسويه الفريق ..

س 27 / وش اللي يحتاجه ميلان من لاعبين عشان يرجع عملاق زي أول لو فقط بذكر المراكز .؟

والله بكل مركز نحتاج لاعب .. إبتداء من الحارس لحد المهاجمين ..

لكن أعتقد أن صانع الالعاب أكثر لاعب يحتاجه الميلان .. والاسماء كثيرة ومميزه ..


س 28/ وش أهم مركز يحتاج تدعيم بالميلان .؟

صانع الالعاب ..

س 29/ لاعب في بالك ودك يجي للميلان ؟

روزيسكي لاعب الارسنال ..

س 30/ هل أنت مع أو ضد رحيل ليوناردو ؟

ضد .. بسبب أن الادارة مانفذت مطالبه كما يجب .. وبالتالي صعب أننا نقول أنه أخفق طوال الموسم ..

س 31/ باتو الجوهرة الوحيده حالياً بالميلان والمراقبين له كثر .. هل تتوقع أنه يطلع .. وهل لو جاء عرض خيالي تتمنى يطلع وجلب لاعبين بداله ؟

ماتوقع يطلع ,, على الاقل هالموسمين القادمين ..

إدارة الميلان لو باعت باتو ماراح تجيب لاعب في مستواه كالعاده .. مثل ماشفنا مع كاكا .. أو حتى لما ربح ميلان بطولة أوروبا مافكر يجيب لاعبين لهم القيمة الكروية العالية بس أكتفى بحفظ المال في الخزائن ..

س 32/ من أفضل لاعب بالميلان الموسم هذا . بشكل عام ؟

رونالدينهو ..

س 33 / الهلال الموسم هذا يقدم كرة شاملة وممتعه لمن يحسب هذا الأداء ؟

للإدارة أولا .. بسبب أنها جلبت لاعبين بمستوى عالي ..
والمدرب ثانيا اللي قدر أنه يخلق فريق متكامل ..
وإصرار اللاعبين على تحقيق الانجازات والوصول للأفصل دائما ثالثا ..

س 34/ الزعيم الحين داخل في مرحلة حرجة الي هي دوري الـ 16 الأسيوي ومن 6 سنين والدور يشكل عقدة برائيك هل الهلال قادر على تخطيه .؟

الموسم هذا إحتمال كبير أن الهلال راح يلعب مع الاتحاد .. راح تكون مباراة صعبة على الهلال بسبب أنه تحت ضغط الجمهور في أنه يتخطى هالدور .. لان الفريق حاليا لاينقصه شي .. سوى الحظ ..

س 35/ بالدور نفسة من المحتمل مواجهة الأتحاد السعودي . هل تتمنى مواجهة الأتحاد أو نادي ثاني .؟

الاتحاد ..

س 36/ ياسر بعد الأنتقادات بالموسم الماضي وبداية الموسم الحالي هاهو يقدم أفضل ماعنده .. وش السر بأرتفاع مستوى ياسر .؟

إحساسه بالمسؤولية تجاه الفريق والجماهير .. وايضا ثقة المدرب فيه .. رغم مستواه المتواضع بداية الموسم إلا أنه كان يشركه بشكل كثير حتى رجع لمستواه .,, أرجع لمقولة سامي الجابر ,, أن اللاعبين اللي مثل ياسر القحطاني لايعودون لمستواهم وهم على دكة الاحتياط وإنما بكثرة المشاركة ..

س 37 / الشلهوب أخذ هداف دوري زين .. وبالموسم الماضي كان حبيس لدكة الأحتياط .. هل كنت تتوقع الرجعه القويه منه والا قلت خلاص أنتهى الموهوب .؟

السبب في عودة الشلهوب هو ثقة المدرب فيه .. مثل ماكان السبب في تراجعه عدم ثقة كوزمين فيه ..

س 38/ من ودك من الأجانب أنه يستمر ومن ودك يمشي .؟ ومنهو البديل ؟

بالعكس أجانب الهلال كلهم 10 على 10 .. وأتمنى أن يستمرون لمواسم أكثر خاصة الكوري ..

س 39/ سامي الحابر أو المعجزة زي ما أسميه أنا .. تعتقد أنه نجح بمنصبة الجديد .؟

بكل جدارة .. الرجل المناسب في المكان المناسب .. رجل مثقف وله شخصية قوية ورأي مسموع .. هالاشياء ساهمت في نجاحه ..طبعا لاننسى حب الجماهير ..

س 40 / من سنين والمعجزه سامي يحارب بشكل مستمر . بنظرك ليه الحمله على سامي بالشكل هذا ؟

الحملة هذي من المتعصبين ضد الهلال .. ولكن لو فكروا فيها بالعقل كان عرفوا أن سامي من أفضل ما أنجبت الكرة السعودية .. وعلى قولهم الناجح دائما محارب ..

س 41/ من هو لاعبك المفضل سعودياً ؟

يوسف الثنيان

س 42/ لاعبك المفضل عالمياً بعد روي كوستا ؟

زيدان

س 43/ أفضل مدرب مر عليك بحياتك ؟

فابيو كابيلو ..


س 44/ المباريات تحب تتابعها لحالك .. والا بمقهى وأجواء صاخبه ؟

لا أحب أتابعها بالبيت أو مع الاصدقاء .. بس المقاهي ماحبها كثير ..



خارج نطاق الرياضة ../


س45 / البطاقة الشخصية ؟

منصور الداوود

س46 / كم عمرك .. ادري انك شايب ؟

23

س47 / الحالة الاجتماعية اعزب او متزوج واذا كنت اعزب متى على الله ناوي تتزوج ؟

أعزب .. إن شاء الله إذا صار عمري 29 سنة وخمسة أشهر ..

س48 / وش التخصص الي تدرسة بالجامعة وكم باقي لك وتخلص منها ؟

هندسة الحاسب - باقي ترم واحد غير هذا وأخلص إن شاء الله ..

س49 / معدلك يالحبيب .. ؟

معدلي بين 1 و 5 ..

س50/ أحب أعرف هواياتك .. يعني دايم وقت الفراغ وش تحب تسوي ؟

علىحسب المشاغل تتغير الهوايات ..

هالايام لما أكون فاضي أجلس على النت .. ,وأتصفح لين يطيح اللي براسي

س51/ لو بتسافر الصيف تتمشى .. وين بتروح ؟
( داخل المملكة وين ؟ .. وخارجها وين ؟ )


داخل المملكة .. ممكن أروح لجدة ومكة .. وخارجها ماضنيت أسافر بسبب أرتباطي بالتدريب بالجامعة ..

س52/ وش تحب تركب من السيارات .. وش تقتني حاليا ؟

انا مو من النوع اللي اهتم بالسيارات .. لان المظاهر غالبا ماتهمني ..

حاليا سيارتي ابيكا .. طبعا معروفه عند اللي حولي بــ سبيكا

س 53/ تحب ترافيان أو جيمزر ؟

ترافيان جتني فترته طحت فيه بس على خفيف .. بس تركته ..

س54/ أنت من شلة بلاي ستيشن أو أكس بوكس ؟

بلاي ستيشن ..

س55/ تحب تلعب بيس .. أو فيفا ؟

بيس


س56/ بلاك بييري أو أي فون ؟ أو سوني أريكسون و نوكيا ؟

أي فون

س57/ بريزون بريك أو لوست ؟

كلهم مميزين ,, بريزون بريك

س 58 / بعض الاعضاء هاجروا من شبكة الزعيم ليه ؟

أحيانا تكون الاسباب أكبر من الشخص ,, مثلا يكون توه متوظف أو مشغول بالدراسة .. أو أحيانا مشاكل مع بعض الاعضاء تسبب في عزوف البعض ..
وأكثر شي أتضايق منه بالمنتدى بعض الاعضاء اللي يأخذ أراء الغير بشكل شخصي ويزعل منه ..

س 59 / بخبرتك بالرابطة ايهما افضل او انشط الرابطة بالموسم هذا او بمواسم سابقة ؟

الموسم اللي راح ماكنت متابع كثير للرابطة .. لكن المواسم اللي قبل على أيام الرئيس المميز مينليستا ( ميلان ) - فراس - كانت من أفضل الروابط .. وإن شاء الله تكون رابطتنا مثلها بيوم من الايام ..

س 60 / امنية لك بالحياة ؟

إرضاء ربي ..

س 61 / هل انت متابع للشعر واذا كنت متابع من الشاعر المفضل لك ؟

لا والله مو متابع بشكل كبير .. بس جتني فترة أسمع لحامد زيد عبدالرحمن بن مساعد ..

س 62 / رايك بالسفر وهل انت من محبين السفر ؟

مافيه أحد مايحب السفر ,, بالعكس أحسه من أهم الأشياء بالحياة أن الواحد يغير جو بين فترة وفترة حتى لو يطلع 200 كيلو .. أهم شي يطلع

س63/ نصيحة توجها لي شخصيا انا الكسندر pato ؟

عبدالمجيد بحكم بالمرحلة الثانويه وتحديدا في ثالث ثانوي ,,
كل اللي أقدر أقوله أنتبه لدراستك لان هذا مستقبلك وحياتك ومافيه أحد راح ينفعك بهالدنيا غير شهادتك .. هالكلام عارف أنك تسمعه كثير .. بس صدقني راح تحس فيه لما تجي تقدم على الجامعة ..
طبعا أكيد لا أوصيك على صلاتك وبر والدينك لانها مفتاح نجاحك بهالدنيا ..

س 64 / وش رايك فيني <- الحديث لـ ( ميلاني للابد ) ؟

خالد بكل أمانه أنت من الاعضاء النشيطين بالرابطة .. مشاء الله عليك من الاعضاء اللي ما أفقدهم كثير بسبب كثرة تواجدك ,, ويارب تواصل بهالنهج وتكون أفضل من كذا ..ماخاب ضني فيك أني أخترتك تكون أحد المحررين .. ولايهونون البقية ( عمر - رعد ) ..
من ناحية أخرى ماقدر أحكم لاني ماعرفك إلا بالمنتدى ..


س 65/ رقمك المفضل .. وليش ؟

15 .. بسبب أنه كان لأبو يعقوب

س 66 / وش يعني لك كل من : الهلال , ميلان , مدينة الرياض , الجامعه , البيبسي , السفر , الأختبارات , رابطة عشاق ميلان ؟

الهلال : النادي اللي أحب ..

ميلان : النادي اللي أعشقه ..

مدينة الرياض : مدينة الزحمة والاسواق والبثاره كلها ..

الجامعة : محاظرات ووجع راس ..

الببسي : مابيني وبينه أي مشاعر

السفر : مطلب أساسي للترفيه عن النفس ..

الاختبارات : هم وحصاد الموسم

رابطة عشاق الميلان : أهم شي في جدول يومي بعد دراستي ..


س 67 / اول شخص تعرفت عليه في الرابطة ؟؟

أبو حمد كان أول شخص تواصلت معه بشكل كبير ..

س 68 / الاشياء المفضلة لك من :
السيارات ، الأكل , المشروبات , القنوات , الأماكن او
الدول , فريقك الأوروبي بعد الميلان طبعاً , الجوال .

السيارات : سبق وأني قلت ماهنم فيها كثير لكن يعجبني الـ lexus

الاكل : بيتزا

المشروبات : سفن أب

القنوات : الجزيرة

الدول : إيطاليا

الفريق الاوروبي المفضل بعد ميلان : مانشستر

الجوال : أي فون

س 69 / جدولك اليومي بإختصار ؟؟

بأيام الاجازات مثل هالايام يكون النوم غالبية يومي .. لكن بأيام الدراسة تكون الجامعة والدراسة ماخذه وقتي ..
طبعا لازم الواحد يطلع ويدور بشوارع الرياض الجميلة ..


س 70 / لو حصلت لك فرصة لزيارة إيطاليا أول مكان بتروح له وشو ؟؟

أول مكان بروح له الفندق اللي بسكن فيه ..

من زمان وانا ودي أزور ملعب السان سيرو .. ممكن هذا يكون أول مكان أفكر بزيارته ..

س 71 / وش الكلمة الي سمعتها يوم وما قدرة تنساها ؟؟

أحبك .. أهي مو كلمة بقدر ما أسميها كلمات عالقة بذهني من مدرس مادة الكيمياء في صف ثالث ثانوي ..
طبعا السالفة تعود لـ خمس سنوات لما كنت في ثالث ثانوي أيام الهم الكبير ..
المهم أنه دخل علينا المدرس الله يذكره بالخير وكنا نستهبل ونضحك ولا هامنا شي .. فعصب وقال كلام عن أنه لازم كل واحد يتعب في سعية للوصول لمستقبل ناجح ومشرق .. وأن اللعب والضحك مو كل شي بالحياة وأن الواحد إذا تعب وأهو صغير راح يرتاح وأهو كبير .. ممكن هذي الكلمات أثرت كثير علي وقتها وإلى يومك وأنا أتذكرها ..

س 72 /افضل موقف واصعب موقف ؟؟

صعب الواحد يتذكر الاشياء الحلوه .. على عكس الاشياء الـ مو حلوه تبقى عالقة في الذهن ..

أفضل موقف كان لما قبلوني بكلية الحاسب بالجامعة ووقتها كنت متشقق من الفرحة ..

أصعب موقف .. قبل فترة ليست بالبعيدة توفى عمي - الله يرحمه - وكان واحد من عيال عمي يبكي مثل الاطفال بالمقبرة .. كان هالموقف من المواقف الصعبة في حياتي ..

س 73 / اقرب صديق لك بشبكة الزعيم او الرابطة ؟؟

الجميع في رابطة ميلان قريبين مني ..

س 74 / لونك المفضل ؟؟

الابيض

س 75 / مواقع تزورها يومياً ؟؟

شبكة الزعيم
ِشبكة الهلال
مواقع تتعلق بالجامعة
eztv.it بحكم أني طايح بالمسلسلات



س 76 / ماذا يعني لك الصيف و الشتاء ؟؟

كل حياتي .. .. لانه مايمر علي غيرهم طوال السنه

أحب الشتاء أكثر لانه يذكرني بأشياء حلوه بحياتي ..

س 77 / ماذا تعني لك مقولة : لا يأس مع الحياة ؟؟

مبدأ ومنهاج لكل شخص طموح .. لانه فعلا لايأس مع الحياة ..

س 78 / الجريدة المفضلة لديك ؟؟

الجزيرة .. بحكم أني أقراها كل يوم بالجامعة


س 79 / كلمة لزوار الرابطة ؟؟

شكرا لكم على تواجدم معنا وعلى تفاعلكم .. أخص بالذكر الزوار اللي يشاركونا كثير في نقاشاتهم .. وأتمنى من الزوار الباقين يتحفونا بارائهم لانها مسموعة ولها صداها بالرابطة ..

س 80 / أعضاء تتمنى مقابلتهم على الوآقع , يجب التحديد ؟

بصراحه مافيه أحد في بالي .. لكن أتمنى أشوف كل الاعضاء بيوم من الايام بالواقع .. كلهم بدون تحديد ..

بـكل صراحه , اذا اردت رأي صريح عن الميلان لـ من تتجه من ردود الاعضاء ؟

جميع الاعضاء لهم طريقتهم بالتعبير عن أرائهم .. عن نفسي ما أتجه لعضو معين .. لأن اللي يجذبني أكثر كلام الاعضاء وتحليلاتهم .. وليس الاعضاء أنفسهم ..


س 81 / بـ كلمه وآحده بماذا تصف لـ هؤلاء ؟؟

MOOOJ9

إنسان عملي في حياته ..

Lover Milano

أسلوبه راقي

الرعبوب

واضح وصريح ..

sir'ABDULAZIZ

قوي الشخصية ..

ميلاني للابد

طموح ..

الكسندر pato

واقعي ..

بصمة الميلان

فنان ..

س 82 / حكمتك في الحياه ؟

الفشل هو دائما أساس النجاح .. والهروب من مواجهة التحديات لايؤدي للنجاح ..

س 83 / هل أنت شخص عصبي أم هادي ؟

هادي

س 84 / كلمه لو سمعتها يتحرك كل مافيك ماهي .؟

إذا تزوجت راح أجاوب على هالسؤال

س 85 / واحد بالرابطة ودك تعطية وردة .. ..؟

جميع أعضاء الرابطة بلا إستثناء ..

س 86 / واحد بالرابطة دابل تسبدك .. ؟ لايكون انا بس ..

عدالمجيد أول واحد ( ألكسندر باتو ) ..

بالعكس كل أعضاء الرابطة مايجي منهم إلا كل خير .. وشرف لي أني أكون معهم ..

س 87 / رابطتنا ما فيها تفاعل كبير ليه ؟

ممكن المشاكل اللي صارت بالرابطة القديمة لها تأثيراتها وسببت عزوف أغلب الاعضاء ,, وأيضا حال الفريق اللي مايسر أي مشجع ..

س 88 / وش تقول للي يشوفون الاخبار بالرابطه ولا يردون ؟

أتمنى كل عضو يشارك ,, وانا قلتها قبل أن الرابطة للجميع وكل واحد له حق أنه يقول رأيه ويدافع عنه ... للأسف أن أغلب اللي مايردون متوقعين أنه محد يشوف ردودهم أو يعبرها .. أنا عن نفسي أقرا ردود الاعضاء كلهم وأكيد البقية مثلي .. الواحد لازم يتعود يقول رأيه مهما كان ..

س 89 / عضو مفقتقده بالرابطة ؟

الاعضاء كثير .. منهم عمر ( M4E ) , عبدالاله ( أعتقد نكه كان ألكسندر باتو بالانجليزي ) , , وايضا النائب المؤسس just Milan ..


س 90/ كيف اصبحت رئيس للرابطة ؟؟

بنهاية الموسم الماضي كنت أدخل الرابطة كثير .. وكنت أشوف حالها مايسر ..
كان أحيانا يمر يومين بدون ماتتغير الصفحة أو الاخبار .. فحاولت أني أنشطها ببعض الاخبار .. وبنهاية الموسم كلمت أبو حمد اللي تقبل الفكرة وبعد مشاورات عدة أصبحت رئيس الرابطة ..

س 91 / لو ترك لك الاختيار , هل ستستمر رئيس لـ الرابطه , اذا لا من ترشح ؟

لو ترك لي الخيار ماراح أقول لا .. لسبب أني أتمنى إستمرار الاعضاء الحاليين بتواجدهم .. ولكن لكل زمن رجاله ..

س 92 / كلمة للاعضاء المتواجدين بالرابطة ؟

معرفة أعضاء الرابطة جميعهم بدون إستثناء كان شرف كبير لي .. خصوصا أن أغلب الاعضاء الحاليين جدد على الرابطة .. أتمنى أن تستمر هالرابطة وأعضائها لمواسم أكثر من هالموسم مو شرط تحت رئاستي لكن الاهم أنها تستمر لان رابطة ميلان هالموسم من أحلى الاشياء في يومياتي .. وشكرا لكم على تعاونكم الكبير في كل شي ..

س 93 / هل أعجبتك هذه الفكره أي ( المقابله ) ؟

أكيد ,, لانها تقرب الاعضاء من بعضهم .. واشكر عمر اللي تعب عليها .. وإن شاء الله تستمر ..

س 94 / من ترشح ان يكون الضيف القادم ؟

سعد ( النائب )





.

^ ^

تم بـ حمد الله الانتهاء ,,
لـ ذلك يجب أولاً أن أشكر منصور على تحمله لـ هذا العدد من الاسئله .. فـ شكراً منصور
أما ما قمت به أنا فـ لا أحتاج عليه الشكر .. لكن من يريد أن يقدم لي شيئاً .. لا أريد غير الدعاء
أتمنى أن اكون موفق في تقديم هذهـ الفكرهـ بالشكل الذي يليق بكم , وأعذروني على ماقصرت

إن كان هناك أي نقص أو تكرآر .. فأنه غير متعمد نهائياً .. حاولت التدقيق قدر الامكان
تقريباً أستمريت أكثر من ساعه .. كانت رغبتي أن يكون اللقاء اليوم بـ حكم الاجازهـ
فأن حدث أي خطأ فـ هو من محاولة تقديم كل شيء في وقته وعدم التأجيل ,,

لن أستمر بدونكم .. من لا يشكر الناس لا يشكر الله .. ( شكراً لـ الجميع ) ..

إقتباس الرسالة الأصلية كتبت بواسطة Lover Milano ( ميلانو كوستا ) .. يُجيب على أكثر من 90 سؤال ..!

كفيت ووفيت يا بيرلو أنت .. ولاهنت على رحابة صدرك يالغالي ..

إقتباس الرسالة الأصلية كتبت بواسطة Lover Milano س 8 / افضل هدف هذي السنة للميلان ؟ أكثر هدف أعجبني هالموسم كان لبيرلو .. في مباراتنا ضد ريال مدريد ..

من خلال إجاباتك ،،
استشفيت أنك من محبي الأهداف الصاروخية من خارج منطقة الـ 18 ..
بيرلو ثم نيفيز ورادوي ! .. خصوصا أنك من معجبي روي كوستا

إقتباس الرسالة الأصلية كتبت بواسطة Lover Milano س 21 / انت تلعب كورة والا مجرد متابع واذا كنت تلعب وشو مركزك ؟ من أيام الابتدائي كنت ألعب مهاجم .. بس لما وصلت لمرحلة الثانوي صرت أحب ألعب في مركز المحور كثير .. والايام هذي منقطع عن اللعب بسبب إنشغالي بالدراسة ..

عرفت ليه قلت لك بيرلو

إقتباس الرسالة الأصلية كتبت بواسطة Lover Milano س 26/ ميلان بعد الموسم الشبه مخيب .. أنت راضي على ما وصل بحكم الأمكانيات.؟ أكيد مو راضي .. بس مقتنع أنه هذا اللي يقدر يسويه الفريق ..

احترمك أكيد .. واحترامي لرأيك شيء مسلم به ..
ومثل ما أنت عارف أن الاختلاف لا يفسد للود قضية ..
فإني أقول باختصار والتفاصيل لاحقا أن ميلان كان يستطيع ويقدر على تحقيق السكوديتو الموسم هذا .. لكنه فرط فيه

إقتباس الرسالة الأصلية كتبت بواسطة Lover Milano س47 / الحالة الاجتماعية اعزب او متزوج واذا كنت اعزب متى على الله ناوي تتزوج ؟ أعزب .. إن شاء الله إذا صار عمري 29 سنة وخمسة أشهر ..

أخوي منصور " من استطاع منكم الباءة فليتزوج "
كل شخص وحر بحياته وله ضروفه الخاصة .. لكن نصيحة طلق العزوبية وراح تدعي لي
وترا تعمدت أكتب هذا هنا ولا أرسلها لك على الخاص ..
عشان يستفيدون باقي الأعضاء

إقتباس الرسالة الأصلية كتبت بواسطة Lover Milano س49 / معدلك يالحبيب .. ؟ معدلي بين 1 و 5 ..

قوووووية

إقتباس الرسالة الأصلية كتبت بواسطة Lover Milano س 58 / بعض الاعضاء هاجروا من شبكة الزعيم ليه ؟ أحيانا تكون الاسباب أكبر من الشخص ,, مثلا يكون توه متوظف أو مشغول بالدراسة .. أو أحيانا مشاكل مع بعض الاعضاء تسبب في عزوف البعض .. وأكثر شي أتضايق منه بالمنتدى بعض الاعضاء اللي يأخذ أراء الغير بشكل شخصي ويزعل منه ..

هذي من أهم أسباب قلة تواجدي بالرابطة .. وأقدم اعتذاري ولو أنه ما يفيد ولا يقدم ولا يؤخر ..
لكن والله ما بيدي حيلة ..
في راسي علوم وأفكار ومشاركات .. لكن ما به وقت ..

إقتباس الرسالة الأصلية كتبت بواسطة Lover Milano س 88 / وش تقول للي يشوفون الاخبار بالرابطه ولا يردون ؟ أتمنى كل عضو يشارك ,, وانا قلتها قبل أن الرابطة للجميع وكل واحد له حق أنه يقول رأيه ويدافع عنه ... للأسف أن أغلب اللي مايردون متوقعين أنه محد يشوف ردودهم أو يعبرها .. أنا عن نفسي أقرا ردود الاعضاء كلهم وأكيد البقية مثلي .. الواحد لازم يتعود يقول رأيه مهما كان ..

حقيقة ،، بالآونة الأخيرة وفي آواخر عهد المرتزق جالياني ..
ما صار للواحد نفس يعلق على أخباره البايخة ..
يعني تخيل معي ( سالفة دزيكو ) لو نعلق على كل أخباره بس
راح يكون رصيد كل واحد منا ألف مشاركة

يعني سالفة صفقة أخذت أكبر من حجمها من الأخبار والتصاريح ..
والحين جاي الدور على ليوناردو ..

وأنا عن نفسي لست من النوع اللي يكتب ويشارك من أجل أنه يقاله شارك ..
إذا عندي جديد وشيء مثير ومثري للموضوع .. راح أكتبه
وإذا الخبر لا يستحق راح أكتفي بـ لا تعليق .

وجهة نظري

إقتباس الرسالة الأصلية كتبت بواسطة Lover Milano تم بـ حمد الله الانتهاء ,, لـ ذلك يجب أولاً أن أشكر منصور على تحمله لـ هذا العدد من الاسئله .. فـ شكراً منصور أما ما قمت به أنا فـ لا أحتاج عليه الشكر .. لكن من يريد أن يقدم لي شيئاً .. لا أريد غير الدعاء أتمنى أن اكون موفق في تقديم هذهـ الفكرهـ بالشكل الذي يليق بكم , وأعذروني على ماقصرت إن كان هناك أي نقص أو تكرآر .. فأنه غير متعمد نهائياً .. حاولت التدقيق قدر الامكان تقريباً أستمريت أكثر من ساعه .. كانت رغبتي أن يكون اللقاء اليوم بـ حكم الاجازهـ فأن حدث أي خطأ فـ هو من محاولة تقديم كل شيء في وقته وعدم التأجيل ,, لن أستمر بدونكم .. من لا يشكر الناس لا يشكر الله .. ( شكراً لـ الجميع ) ..

لا أنت ولا هو كلكم ما تستاهلون إلا الشكر والثناء ..
كنتم ولازلتم محل تقدير وإعجاب كل من في الرابطة .. ولا يهونون البقية ..

أنا فخور لأني معكم ..

عمر , منصووور

الواحد وش يقول لكم

والله صحيح اخاف اقول لكم شكرا اكون ظالمكم بهذي الكلمة لانها ماتعطيكم حقكم ..

بصراحة الكلام يعجز عن الوصف ..

عمر فكرة رائعة ومجهود كبير وتنظيم رائع

منصووور كلام رائع من انسان اروع

الله يعطيكم الف عافية ..

إقتباس س63/ نصيحة توجها لي شخصيا انا الكسندر pato ؟ عبدالمجيد بحكم بالمرحلة الثانويه وتحديدا في ثالث ثانوي ,, كل اللي أقدر أقوله أنتبه لدراستك لان هذا مستقبلك وحياتك ومافيه أحد راح ينفعك بهالدنيا غير شهادتك .. هالكلام عارف أنك تسمعه كثير .. بس صدقني راح تحس فيه لما تجي تقدم على الجامعة .. طبعا أكيد لا أوصيك على صلاتك وبر والدينك لانها مفتاح نجاحك بهالدنيا ..

نصيحة راح تبقى في بالي من اخوي الكبير منصور ..

مــــســــابـــقة الــتـــوقـــعـــات

ماهي توقعاتكم لمباراة باليرمو vs ميلان ؟




1- ماهي التشكلية المتوقعة من مدرب الفريق ؟

ديدا

انتونيني .... البرتازي ....سيلفا .... اباتي

..........فلاميني ...........بيرلو

...............سيدورف

رونالدينهو ............... مانسيني

..........هونتلار

- اتمنى اعطاء البرتازي فرصة انا اعرف ان المباراة صعبة لاكن لاعب صغير يتمنى يثبت نفسة اتمنى اعطائة فرصة حتى لو على حساب خسارة المباراة ميلان حتى لو يخسر هذي المباراة ماراح يخسر شي
المركز الثالث بفوز واحد يقدر يضمنة



2- باليرمو فريق صعب على ملعبة .. وميلان هذه الايام يعاني من التخبط الشديد في مستواه حيث أنه في 6 مبارايات ماضية لم يفز إلا في واحده فقط .. ماذا يجب على ليوناردو أن يفعل ليتخطى عقبة باليرمو ؟

اعتقد من الصعب جدا تخطي باليرمو خصوصا على ارضة

لاكن اذا الحظ كان مع ميلان وظروف المباراة ممكن يفوز ميلان





3- باليرمو سيدخل لقاء السبت وعينه على الفوز هل تفضل أن يلعب الميلان بشكل دفاعي ليتفادى هجوم باليرمو ؟

ميلان بضل الغيابات الدفاعية الكثيرة من الصعب انة يدافع

واعتقد ان حاول يدافع راح يخسر

على ميلان الهجوم ويجبر باليرمو على العودة للخلف واللعب بمنطقة باليرمو



4 - نجم المباراة بالجانب الميلاني ؟

اذا كان بيرلو بحالتة ممكن يكون هو نجم اللقاء




مشكوووور على النقاش

يضيق صدري لاطروا ليلة السبت ...... ليت الليالي كل ابوها ربوعي ..

إقتباس مــــســــابـــقة الــتـــوقـــعـــات ماهي توقعاتكم لمباراة باليرمو vs ميلان ؟

اعتقد صعب الفوز بهذي المباراة

اتوقعها تعادل 2-2

إقتباس || .. إحتمال حدوث تبادل بين ميلان ومانشستر .. ووكيل هونتيلار يؤكد رغبته بالانتقال ..||

قلت قبل هالمرة التفريط بهونتلار خطأ

انا شخصيا افضل هونتلار على برباتوف

هونتلار عمرة 26 سنة وبرباتوف عمرة 29 سنة

انا شخصيا اعتقد ان هونتلار حاسة التهديف عندة افضل من برباتوف

هونتلار لم ياخذ الفرصة بهذا الموسم ويجب اعطائة الفرصة بالموسم القادم وانة يلعب بمركزة راس الحربة الصريح

دائم نشوف هونتلار يلعب بمركز مو مفضل لة

على العموم اتمنى بقائة

إقتباس بوريلو : أنا في حالة جيدة

ههههههههه قسم بالله انت نكتت هذا الموسم ياثوريلو

إقتباس باليرمو ـ ميلان : الموقوفون

بوريللو غيابة لمصلحة ميلان

امبرو لة البديل الجاهز

بونيرا متعودين على غيابة

لاكن اكيد الغيابات الاكبر نيستا وباتو ..

إقتباس في 17 مقابلة لعبها داخل ميدانه فاز في 12 و تعادل في 5 و لم يخسر قط

باليرمو مع سامدوريا والانتر هم الافضل على ارضهم هذا الموسم

كلهم ماخسروا ولا مباراة على ارضهم

اعتقد ان باليرمو راح ينهي الموسم بدون اي خسارة على ارضة

إقتباس أزمة دفاعية كبيرة في الميلان قبل مواجهة باليرمو ..!

اكيد توجد ازمة بالدفاع

مافي الا مدافع واحد تياغينهو ..

انا اتمنى ان يعطي الشاب البرتازي.. فرصة مع اني اتوقع ان راح يلعب اودو .. بجنب سيلفا

إقتباس الميلان يُصعد إهتمامه بدييجو ألفيس ووكيل أعماله يؤكد تركيز اللاعب مع ألميريا

ظهر كلام كثير بالاونة الاخيرة عن الحارس

ماعرف مستواة ولا اذكر اني تابعت لة مباراة

لاكن اذا كان الكل مهتم فية يدل ان عندة امكانيات ممتازة



يعطيكم العافية ..

عمر منصور شكراً على الحوار الرائع



1- ماهي التشكلية المتوقعة من مدرب الفريق ؟

...............ابياتي

انتونيني .... البرتازي ....تياغو سيلفا .... زامبروتا

..........قاتوزو ...........بيرلو

...............سيدورف

رونالدينهو ............... مانسيني

..........هونتلار



- باليرمو فريق صعب على ملعبة .. وميلان هذه الايام يعاني من التخبط الشديد في مستواه حيث أنه في 6 مبارايات ماضية لم يفز إلا في واحده فقط .. ماذا يجب على ليوناردو أن يفعل ليتخطى عقبة باليرمو ؟

الميلان في ملعبه خسر من باليرمو 2 ـ 0 لكن الميلان يؤدي جيداً خارج ملعبه ـ وعلى ليوناردو ان يدخل بتشكيلة متوازنة والهجوم يكونو جاهزين وروني بيومه .



3- باليرمو سيدخل لقاء السبت وعينه على الفوز هل تفضل أن يلعب الميلان بشكل دفاعي ليتفادى هجوم باليرمو ؟

الدفاع ليس حلاً ـ باليرمو فريق هجومي وعلى الميلان ان يقابله بالهجوم من البداية



4 - نجم المباراة بالجانب الميلاني ؟
روني



التوقعات

1 ـ 0 لـ باليرمو

نسبة التفائل -5

اعود اليكم بعد انقطاع عن العناوين ...



" الجمعــــة 23 / 4 "

La Gazzetta dello Sport



- الامور انتهت الآن لهم!
- اليوفنتوس وبينيتيز لتدريبهم وجالي مستعد لتدريب الميلان ..
- توتي ، كاسانو أعداء اليوم ..
- ليفربول يخسر في مدريد.و فولهام يتعادل ..
- بالوتيلي وفكرة مجنونة مبادلا مع فارغاس أو جيلا ..
- وكيله رايولا يبدأ في فلورنسا لايجاد فريق لسوبر ماريو ..



Corriere dello Sport



- بالوتيلي إلى الميلان ، باتو الى تشيلسي ، واجويرو للانتر ..
- تمرد سوبر ماريو يطلق جولة مدويا من الرهان..
- توتي ، يهاجم الانتر : وروزيلا سينسي بغضب : : الاحترام! "
- دل بييرو : "اليوفنتوس ، والراحة!"..
- ليفربول بينيتيز يخسر ضد اتلتيكو..



TuttoSport



- "حسنا ، ماروتا سينتقل إلى يوفنتوس "
- الرئيس غاروني لن يعارض مغادرته ..
- كوبا ايطاليا ممتاز لروما و حلم الفوز بلقب الدوري الايطالي قريب : رنيري يحلم برقم قياسي ..
- الميلان: اوجو هو الاسم الجديد للدفاع ..
- ومورنيهو سوبر ماريو يجب ان تتحمل الجماهير ..
- بعد بالوتيلي هناك : كافاني ..


.

[ الموقع الرسمي ]:" اللاعبين المستدعين من قبل ليوناردو لمواجهة باليرمو "



ابياتي ، ديدا ، روما ، البرتازي (رقم 59) ، انتونيني ، دي فيتو (رقم 56) ، يانكولوفسكي ، اودو ، روماجنولي (رقم 53) ، تياغو سيلفا ، زامبروتا ، جاتوزو ، نوفينتش (رقم 55) ، بيرلو ، سيدورف ، ستراسر (رقم 51) ، ادياه ، هانتيلار ، انزاجي ، مانشيني ، رونالدينيو.

غير مستدعين : اباتي ، فافالي ، كالادزه ، نيستا ، اونيو وبيكهام وفلاميني ، باتو.

الموقوفين : امبروسيني ، بونيرا ، بوريلو.




* الموقع الرسمي العربي لم ينزل القائمة

إقتباس - بالوتيلي إلى الميلان ، باتو الى تشيلسي ، واجويرو للانتر ..

صفقات اتمنى انها ماتحدث

إقتباس - الميلان: اوجو هو الاسم الجديد للدفاع ..

كثرة الاحاديث بالاونة الاخيرة عن اجو

بالنسبة لي ماعرف مستواة لاكن الي اعرفة اللاعب عمرة 23 سنة ويلعب ظهير ايسر

إقتباس غير مستدعين : اباتي ، فافالي ، كالادزه ، نيستا ، اونيو وبيكهام وفلاميني ، باتو. الموقوفين : امبروسيني ، بونيرا ، بوريلو

.


غيابات كبيرة ومؤثرة

11 لاعب غايب + امام فريق صعب على ارضة ويطمح للمركز الرابع = خسارة نقاط

بصراحة انا متفائل لما قلت تعادل 2-2

||.. توثيق ميزانية نادي ميلان لعام 2009 ..||



ميلانو ـ صادق اليوم مجلس المساهمين بأي سي ميلان
و ميلان إنترتايمنت سارل و ميلان ريال إستاتي أس بي أي عل
ى ميزانية فترة 1/1 ـ31 / 12 - 2009 و تمت المصادقة على الميزانية
حسب التدابير التي وضعها الإتحاد الأوربي لكرة القدم

قيمة الإنتاجية لمجموعة الميلان وصلت إلى 327.6 مليون يورو
مقابل 237.9 مليون يورو في سنة 2008 (زائد 38 في المائة )

النتيجة العامة المستخلصة هي تقريبا 9.8 مليون يورو من
الخسارة مقابل 66.8 من الخسارة لسنة 2008 ( ناقص 85 في المائة )


AC