إقتباس الرسالة الأصلية كتبت بواسطة ميلانو كوستا مايحتاج يجي ,, المشكلة في ميلان اللحين واضحه ,, خط الوسط وعدم تفاهم المهاجمين ,, يعني الفريق كله على بعضه ضايع .. لو يجي بيليه بالهجوم ماغير حال الميلان .. ,, مشكلة اللاعبين نفسيه ,, يعني تخيل أنك تتعرض لخسارة بالديربي وبالجولة الثانية وبنتيجة قاسية ,, وبعدها تقابل فرق أقل منك مستوى وتتعادل معها وتخسر .. وفي 6 مبارايات فقط تسجل 3 أهداف ,, هذي كلها أمور تخلي اللاعبين فاقدين الثقة بأنفسهم .. وبالتالي يكون مستواهم سيء .. بس مو معنى أن المدرب ماله ذنب ,,

كلامك صحيح الفريق متفكك و متهالك لأقصى درجة ... درجة انه ستوراري افضل لاعب في الفريق لحد الأن ..

لكن عن ليو صراحة انا ما احمله و لا 1% من المسؤلية يمكن الغلطة الوحيدة اللي ارتكبها ليو انه قبل قيادة فريق نتهالك زي هذا .. و قبوله المنصب كان بوعود جالياني بالصفقات و تدعيم الفريق ..

ليو الى الآن ما عرفنا هو كويس و لا لأ لأنه ببساطة ما طبق تكتيكه لأنه اللاعبين اللي طلبهم لتنفيذ التكتيك ما جابهم الأقرع الكلب .. ليو من بداية الميركاتو طالب اظهرة و لاعب نص و راس حربة جسمانيا قوي و طويل .. جالياني جابله اوددو و هونتيلار ,, يا شيخ والله لو ليو ساحر ما يسوي شي بالتشكيلة هذه ..

الله يعدي الموسم على خير و ارجع و اقول يا رب خبر موت بيرلسكوني اليوم قبل بكرة

.
.

ماذا دهااك ياميلاان

هارد لكم

تكلمتو عن المباراة ووفيتو وكفيتو

لاكن حاب ازيد كلام وماراح اطول


الله يستر على ميلان وهذا الموسم للنسياااااااااااااااااااااااااااااااااااااااان

راح نتاابع ميلان لاكن راح انسى هذا الموسم وامسحة من ذاكرتي


المباارة والله مالي خلق اتكلم عنها لاكن الحظ وعدم التوفيق كانو ضد ميلان

لاكن هذا مو سبب مقنع للخساراة

ليو كثرت اخطائة

برلسكوني هو السبب الاول للي يحدث لميلان الان


ميلان يمرض ولايموت

استرااحة محاارب بانتظار العودة

صباح الخير جميعا ,, بعد الهزيمة المذله وبعد ماروقنا نبدأ نناقش بعض الشباب

إقتباس sword

إقتباس لكن عن ليو صراحة انا ما احمله و لا 1% من المسؤلية يمكن الغلطة الوحيدة اللي ارتكبها ليو انه قبل قيادة فريق نتهالك زي هذا .. و قبوله المنصب كان بوعود جالياني بالصفقات و تدعيم الفريق .. ليو الى الآن ما عرفنا هو كويس و لا لأ لأنه ببساطة ما طبق تكتيكه لأنه اللاعبين اللي طلبهم لتنفيذ التكتيك ما جابهم الأقرع الكلب .. ليو من بداية الميركاتو طالب اظهرة و لاعب نص و راس حربة جسمانيا قوي و طويل .. جالياني جابله اوددو و هونتيلار ,, يا شيخ والله لو ليو ساحر ما يسوي شي بالتشكيلة هذه ..

يالغالي بقولك شي ,, انا مقتنع بشي في عالم كرة القدم ,, اللي هو أن شخصية المدرب تفرض نفسها على الفريق سواء كان كبير أو صغير وبالتالي ينعكس هذا الشي على أداء اللاعبين بشكل إيجابي أو سلبي على حسب المدرب ,,
والمثال بسيط ,, مثل ماصار مع بورتو في عام 2004 لما فازوا في بطولة دوري الابطال وفريقهم ماكان مرشح أبد لكن شخصية مورينهو على الفريق فرضت نفسها ,, هذا شي ,, الشي الثاني أنشلوتي الموسم الماضي وميلان كان الموسم الماضي سيء جدا ,, في بعض المبارايات كان كاكا مايلعب وسيدورف مايلعب مع كذا كان ميلان يقدم مستوى رائع وكنا نفوز لو بهدف واحد ,, ليش ؟ لان شخصية أنشلوتي على الفريق فارضة نفسها واللاعبين عارفين أنهم إذا مابدعوا راح يجلسون على مقاعد البدلاء لنهاية الموسم مثل ماصار مع رونالدينهو وأنتونيني ..

الشي اللي أبي أوصله أن ليوناردو لحد اللحين ماكون شخصية له بالفريق ,, لين اللحين مو قادر يثبت على تشكيلة وحده ,, كل مباراة يغير فيها على مزاجه ,, هالتغيرات تأثر على اللاعبين نفسيا ,, تخلي اللاعب يقول في نفسه انا مهما بدعت يمكن المباارات الجاية ما ألعب ,, لان المدرب لسى يجرب ,,
والدليل المباراة السابقة مع أدونيزي كان باتو إحتياطي ودخل وكان سيء ورغم هذا ملعبه ليوناردو أساسي مباراة الامس ,,

انا بس أبي أعرف وشلون يبي هونتيلار يبدع إذا كان مباراة يلعبه والثانية لا ؟؟؟
وشلون يبي رونالدينهو يبدع ويرجع مستواه إذا مباراة يلعبه والثانيه لا ؟

بالنهاية هذي غلطت مدرب ,, اللي لين اللحين موقادر يفرض شخصيته على الفريق وموقادر يختار التشكيلة المناسبة..

إقتباس الرعبوب

إقتباس والله أحياناً أعذرهـ أقول ماله ذنب باللي يصير لانه طلب لاعبين ولا جو بس بنفس الوقت أقول الا له ذنب خلاص أنت اللحين قبلت انك تصير مدرب ميلان تعرف وش يعني ميلان مو كاتانيا والا فيتشنزا هذا ميـــــلان .!!!!

نفس كلامي السابق ,, وانا مقتنع أن المدرب غلطان بنسبة كبيرة ,,,



في نقطة باتكلم عنها وملاحظ أن الاعضاء محد جاب طاريها ,,

ماتلاحظون أن الحكم أمس حسب 4 تسللات كلها كانت مو صحيحة ..

إقتباس الرسالة الأصلية كتبت بواسطة ҜђâŁЗđ 88 انت رجل عصامي وربي راح يوفقك في حياتك , شخصيتك قويه ورجل صبور وفيك صبر وعزم ماشفته في حياتي .. ^^ لاتحسبني اتريق , بس كل هـ الصفات اكتشفتها فيك من خلال هـ الرابطه .. لاالحين تفكر ان في فريق اسمه الميلان .. روق يا بعدي .. / بـ أختصار فريقكم { اهبل } فقط !! هذي الكلمه الي ممكن تشخّص حال فريقكم !! مقومات الفريق { الناجح } معدومه !! سياسه الفريق تعبانه !! بدايه موسم لا حفاظ على استقرار فريق ولا استقطابات ناجحه تعيد للفريق هيبته ولا طموح على قد التطلعات و اعتماد على لاعبين منتهين !! بـ اختصار الفريق مايواجهه ولا يُعتمد عليه !! \ المدرب !! مسكين في وضع { حرج } !! . . ..

إنبرشاتك خايسه , تحليلك خايس , مالك داعي , انا زعلان , يطلع من الشبكة , إطلع برى

وش ذا السحبه , وين الناس ووين هياطك يا دب , يا واحشنا

إعتذر عن وضع الفيسات من اليُوم حتى يحطون الفيس المعروف بالمسن عندي [ ز1 ] اللي دموعه بتطلع من عينه بالقائمة

وداعاً فيسات

.
.

صباح الخير

والله ياشباب امس كنت افكر في حال الميلان

الادارة ماتتحرك الا اذا نزل الميلان لدرجة الثانية

انا سمعة خبر بيع 40% من اسهم النادي لي رئيس ليبيا

إقتباس ҜђâŁЗđ 88

يالله حي المهندس خالد

وأشكرك على مجاملتك يالغالي كلامك على العين والراس وربي يوفق الجميع إن شاء الله

بقول نفس كلام عبدالعزيز نائبنا وينك يالقاطع ؟؟


خالد صدقني مرحلة ميلان الحالية يمر فيها أي فريق لكن السؤال هنا هل هالمرحلة بتطول ,,؟ لاني بديت أطفش من الهزايم ,, شكلي بالنهاية بشجع فريق ليفورنو

إقتباس مفارق

والله أتمنى هالكلام يصير صدق بس لسى المفاوضات جارية وماصار شي رسمي ,, وودي يكون 100 % مو بس 40 % ,,

مفاوضات ميلان مع الرئيس الليبي حول بيع 40 % وصلت لمراحلها الاخيرة ..



ذكرت الصحف الايطالية هذا اليوم أن المفاوضات بيرلسكوني مع الرئيس الليبي وصلت لمراحلها الاخيرة حول بيع جزء كبير من النادي وهو 40 % ,, وقد تكون هذه الصفقة قد تمت بالفعل وينتظر بالايام القادمة للإعلان الرسمي ,,


Il Riformista: Berlusconi ha ceduto il 40% del Milan a fondi libici

هالثنين شكلهم بيجيبون نهاية ميلان ..


ودي يكون فيه شريك أخر يدخل مع الرئيس الليبي ,, وتكون حصة الرئيس الليبي 30 % والشريك الاخر 30 % وبيرلسكوني طبعا 40 % ,,

كذا راح يكون أحسن لان كل واحد من المساهمين راح يكون مجبور أنه يدفع مبلغ معين في فترة الانتقالات وبكذا راح نشوف صفقات تملى العين ..

بس وجود هالثنين فقط يخوف ,, مع أني أتوقع أن الرئيس الليبي في البداية راح يكون متحمس ويجيب لنا كم لاعب ينشد فيهم الظهر

جالياني بعد مباراة الامس دخل لغرفة ملابس اللاعبين وخرج منها غاضبا ,,!




ذكرت الصحف الايطالية أن جالياني بعد مباراة الامس وتحديدا بالساعة 10,50 دقيقة بتوقيت إيطاليا ,, أي بعد نهاية المباراة توجه لغرفة ملابس اللاعبين وكان ليوناردو متواجدا هناك وخرج بعدها بـ 10 دقائق وكان وجهه يدل على الغضب ,, وبعدها صرح للإعلامين أنه يجدد ثقته بـ ليوناردو ..

Milan, faccia a faccia tra Galliani, i giocatori e Leo