ليوناردو : نحتاج الى وقت

ميلان يحتاج الى استقرار اتمنى اشوووفة من المباراة القادمة في كاس برلسكوني

ليوناردو : ’’ مدرّب اليوفي سـ يرى ميلان آخر يوم الإثنين ! ‘‘

يوم الاثنين قريب وراح نشووووف

إقتباس أكمـّل : ’’ لا أريد التحدّث عن السوق .. هُناك مُفاوضات قد تُحسم الإسبوعين القادمين ! ‘‘

ننتظر اللاعبين الجدد اتمنى يكونون قد المسؤلية وبحجم ميلان

إقتباس وشباب اعذروني سيقل دخولي بسبب اني بسافر ولككن متى ما اتيحت الفرصة فسوف اكون معكم ترا كلها كم يوم وداعا

تروح وترجع بالسلامة ان شاء الله

بانتظارك وان شاء الله اذا جيت راح تلقى الاخبار الحلوة



يعطيكم العافية

مسهم بالخير جميعا ,,

ناخذ جوله على بعض الردود ,,

إقتباس ترا في الجمارك مافي تفتيش جامد , تبي اجيبلك بيبسي حار من هناك <_ ..

أيه وانا بجهز الثلج على مابال تجي ,, ماتبي أجيب فصفص بعد ..

إقتباس مسأله انك تقلد برشلونه وتبي تسوي بيب جديد هذي صعبه وحركه بايخه !! قوارديولا مدرب صُمم للفريق وتجهز تجهيز كامل , درب شباب برشلونه وقعد كم سنه لين ماحست الادارهـ انه جاهز وجت التوصيه خاصه من الاسطورهـ كرويف جا ومسك الفريق <_ والانسان باين عليه شخصيه قويه وناجحه

هذا شي أنا ملاحظه بمدربنا شكله رومنسي الاخ ,, يحلم واجد ,,


الشي اللي لاحظته أمس من متابعتي للفريق وأنا أؤيد كلام أخوي عبدالله أن فريقنا مو ناقصه لاعبين ,, بالعكس العناصر الموجوده كلهم مستواهم رائع ,, لكن اللي يعيب على الفريق هو عدم الانسجام ,, وهذي لاحضتها بأكثر من كوره ,, تحصل أن الكوره تطلع من الدفاع وتوصل الوسط بعد كذا تضيع بين لاعبين الوسط ,, اللاعب نفسه مو عارف يلعبها لمين ,, هذي نقطه أعيب فيها على ليو ,, يعني صارلك أكثر من شهرين مع الفريق ولا عرفت تخلق الانسجام بينهم ,,؟ وأعتقد أن هذي مده كافية لخلق الانسجام لكن مدربنا لسى يحتاج للخبرة ..

إقتباس و انتم حطو تشكيلة الميلان و راح تشوفون ان الميلان قوي بكل ماتحمله الكلمه و تذكرو كلامي بس انتم تفائلو لا تحطمون بعض

معك أبو عابد بهالنقطة بس مثل ماقلت الانسجام معدوم بين الاعبين ...

إقتباس لكن على مسأله قوارديولا , ترا فرق شاسع بينه وبين ليو بـ بشي بسيط الي هو ان قوارديولا كان مدرب وليو كان مدير رياضي المهم كان ماسك شغله اداريه !! نعم متابع للفريق <_ انا متابع للفريق , وعندهـ خبرهـ كرويه <_ كـ لاعب .. لكن ماعندهـ التجربه مثل بيب ..

أفحمتني يامهندس منجعص ,,

معك حق خالد خصوصا أن ليونادو أيضا ماكان قريب من اللاعبين كثير يعني كان أغلب المباريات يشوفها من المنصة الشرفيه وكان نادر مايكون جالس بالاحتياط معهم ,,
الشي الاخر واللي وضح على تدريب ليوناردو من بدايته مع الفريق لحد اللحين أنه ماقدر يولف التشكلية المناسبة للميلان لحد اللحين ,, يعني لو أنه كان درب من قبل كان سهلت عليه هالمهمه أكثر ,,
أيضا ,, أرجع وأقول الحكم عليه بهالوقت وبضل الضروف الحاليه يعتبر ظلم له ..

إقتباس $اسير الحب$

أول شي تروح وترجع بالسلامة ,, ثاني شي خل موضوع التقديم بعدين بوقته لان فيه أشياء تشغلنا أكثر , منها إختيار المحررين ,, بس نخلص من أمور الرابطة راح نلتفت للمواضيع اللي خارج الرابطة

إقتباس والمدرب اخذ دوره عن التدريب اول ما استلم المنصب (( يعني ماهو فاهم شي ابد )) !!

أخوي حظيظ مساك ربي بالخير

قبل لا أبدا بالتعليق على رأيك بس بوضح نقطة ,, السبب أن ليوناردو أخذ دوررة تدريبية ليس لسبب أنه فاشل ,, بس لأن النظام بالدوري الايطالي ينص على أنه مايحق لأي أحد بالتدريب بدون شهادة تدريبية ,, يعني أهو مجرد روتين ..

إقتباس ما أشره على رونالدينيو انه انتهى وضيع نفسه .. لكن اشره ع‍لى ادارة ميلان (( الغريبه)) انها تحط امالها على هاللاعب

ياجماعة الخير وش فيكم على رونالدينهو

أنا بس ودي أشوف كلامكم بعد مايرجع ميلان لمستواه الحقيقي ,, هل بتقولون نفس الكلام أو لا
لاني ذكرت قبل وهذا رأيي أن هبوط مستوى رونالدينهو بسبب أن الفريق كله ضايع ,, لو تجيبون زيدان معهم مافادهم بشي ,, يعني ميلان رايح فيها ومو من العدل أننا نصب جام غضبنا على رونالدينهو وننسى أمر الفريق ككل ,,

إقتباس الغريب ... بيع شيفا ب40 مليون تقريبا قبل بداية موسم 2007 الفوز بأبطال اوروبا الكأس بس مكافأته اعتقد كان ماني غلطان 100 مليون غير انه كل فوز ببطولة ابطال اوروبا لها مبلغ مالي .. بيع كاكا ب60 مليون تقريبا !! بيع جيركوف ب 15 مليون تقريبا !!

تدري لما حسبيتها بيني وبين مخي لقيت أن جالياني يلعب بالفلوس ومادري وين يوديها ,, شكله معرس على وحده ثانيه وسارقته

لأن هالموسم الميلان دخل 65 مليون من كاكا + 15 مليون من جوكوف = 80 مليون
طيب اللي شريناهم : هونتنيلار 4 مليون ( بالتقسيط المريح ) + أونيو ( هدية بمنديل ) + زيقوني 1,2 مليون + روما مدري كم جابوه = يعني كل الاعبين كلفونا تقريبا 6 مليون ,, أبي أعرف 74 مليون وين راحت


أتمنى أن يعود ميلان ..

إقتباس ههههههههه تلزخنا الحمد الله ما شفت المباراة و الله يعينا في رمضان الواحد صايم ماله خلق يرتفع الضغط عنده و هارد لكم يا شبيبه أن شاء تكون كبوة جواد <<< سقها بس ^_^

يالسمي إن شاء الله هالكبوة ماتطول قل أمين

إقتباس ليوناردو : ’’ مدرّب اليوفي سـ يرى ميلان آخر يوم الإثنين ! ‘‘

بدينا الهياط يامدربنا اللي يسمعه يقول بيسوي غربلة بالفريق بهاليومين

أهم شي ياليو فكر بالدوري والابطال وخل الوديات على جنب ,,

وسائل الاعلام الايطالية أجمعت على أن الحل الوحيد لميلان هو فابريقاس ,,!





ذكرت وسائل الاعلام الايطالية اليوم أن ميلان وبعد نتائجه السلبية المخيبة للآمال فأنه يحتاج إلى لاعب مثل فابريقاس .. كما ذكرت بعضها أن بيرلسكوني سيفاجئ الجميع يوم الاثنين بالتوقيع مع فابريقاس بصفقة قد تبلغ 30 مليون جنيه أسترليني ,

إقتباس وسائل الاعلام الايطالية أجمعت على أن الحل الوحيد لميلان هو فابريقاس ,,!

مع أني ما أثق بهالموقع بس أني بتخيل أنه راح يجي ,, لا وكاتبين أن بيرلسكوني بيوقع معه الاثنين ..

هذي يمكن أصدقها ,, بس اللي مستحيل أصدقه أن بيرلسكوني بيدفع 30 مليون جنيه إسترليني



اليوم مافيه أخبار بالمواقع العالمية المختصة بميلان مدري وش السبب .. !!

مساكم بالخير
شباب باللهي انتم مع او ضد بالتكتيك الجديد للميلان
خطة 4-5-1 او 4-4-2 كل الفرق تعرف التحكم في الخطه هاذي و كيفية التقفيل على الفريق الثاني يعني سهل التعامل معها
اظاهر من اول مافتحو الدوري الايطالي ماحد غير هالخطه ابد
تذكرون كيف كنا نعاني الموسم اللي راح و من فرق صغيره خلاص الكل عرف ذا التكتيك
فا اذا انت جيت بتكتيك جديد و طريقة لعب جديده الكل ماراح يعرف يتعامل معها الا مع الوقت ؟ و الا لا
الحين تلقون ليوناردو يقرا كلامكم بالرابطه و يتحطم مالكم داعي
ليوناردو ماعليك منهم شد حيلك بس >> خش جو هه

السلام عليكم


مساء / صباح الخير


وجهة نظري بمرحلة ميلان الحاليه


مع اطلالة كل يوم جديد , خيبة امل جديدة تظهر على جماهير الروسينري ..!!!



اعتقد ان السبب بأختلاف الطموحات مع الواقع والامكانيات , فـ جماهير ميلان مطالبها كبيرة دائما وتريد المنافسة

مهما كانت الظروف , وعلى العكس فـ الواقع مرير ميلان كما قال الكثير ميلان في مرحلة انتقاليه , بمعنى الكلمه ,,

بعد رحيل كاكا واعتزال باولو , ولا ننسى مدرب شاب وجديد على اجواء المنافسة الصخبه في الدوري الايطالي ,,,

يعني انا استغرب من الي يلومون وينتقدون ليوناردو بكل قسوة وكأنه المتسبب بما يحدث لـ ميلان حاليا ,,

بالتأكيد له نصيب من الاخفاقات , لكن عندما تحكم على مدرب , وخاصة انه مدرب حديث العهد في هذا المجال ,,

لابد ان توفر الامكانيات كامله , يعني مثلا لو مدرب ميلان الآن كابيلو , فريجسون , او حتى انشي ,,,

لن ابالغ واقول ستكون هناك نجاحات كبيرة ,, لكن ستكون الاخفاقات اقل بكثير مما عليه الآن ,,,

يعني اتمنى عدم الاستعجال والحكم على ليوناردو بالفشل من الآن ,, لا نعلم قد يتحسن الوضع في المنافسات الرسميه

صحيح سجل ميلان سيء للغايه بالمباريات الودية ,, لكنها لا تعدوا كونها ودية ,, يعني الاعب ماراح يعطي كما يعطي بالرسميه

وبعدين لا ننسى ان ميلان لديه خانات كثيرة ضعيفة وركيكة ,, دائما تكون محرجه لـ ليوناردو , الي مثله مثل انشي ,,

راح يظطر يدخل الموسم بـ لاعبين منتهين الصلاحيه , واخرين يقدم مباراة قويه وينام عشر مباريات بعدها ,,

يعني اذا ابتكلم عن الخانات :

1 _ ظهير ايسر ,,,, 2 _ قلب دفاع احتياطي , شفنا اونيو كيف جاب العيد

3 _ حارس مرمى اساسي , حتى روما الي تعاقدنا معه مو قد الطموح , نبي حارس شاب يكون مستقبل ميلان

4 _ لاعب وسط مهاجم ,, ماعندنا الا ثلاثه , سيدورف اذا كان ماله خلق مايتحرك , وروني يلعب مباراة زين ويدج بالباقي

هذي الخانات , بعد اختصارها , ولا لو اجيب كل شي ماخلصنا , لكن مع هالاختصار

متأكد ان كل الي قلته فوق ماراح يتحقق , بوجود حاسم الصفقات وقاهر الخصوم الاقرع جالياني

عشان ماننصدم بالواقع ,, لازم يكون تفائلنا على قد امكانياتنا و العناصر المتوفرة لدينا , وبعد على مستوى تفكير الادارة



هذي وجهة نظري بأختصار كان ودي اقولها من زمان لكن , كل شي في وقته حلو ,,,

وان اختلف احد معي بوجهة نظري , فهذا يفيدني قبل مايفيده ,, والاختلاف في الرأي لا يفسد لـ الود قضية

وزين اني ماشفت مباريات امس كان ارتفع ظغطي من هالفريق


يعطيكم العافيه جميعا على الاخبار ,, وعبدالعزيز على النقل



عــــمــــر

إقتباس تذكرون كيف كنا نعاني الموسم اللي راح و من فرق صغيره خلاص الكل عرف ذا التكتيك فا اذا انت جيت بتكتيك جديد و طريقة لعب جديده الكل ماراح يعرف يتعامل معها الا مع الوقت ؟ و الا لا الحين تلقون ليوناردو يقرا كلامكم بالرابطه و يتحطم مالكم داعي ليوناردو ماعليك منهم شد حيلك بس >> خش جو هه

أبو عابد كلامك صح ,, وشي حلو أنه يكون بالفريق أكثر من تكتيك يلعبه ويفاجيء فيه الخصم في المبارايات ,, هذا شي أنا أؤيده لكن الفريق حاليا في مرحلة إنتقالية فبيكون من الصعب تطبيقها بالوقت الحالي ,, أنا أتمنى أن ليوناردو يركز على خلق اانسجام بين اللاعبين أكثر لان اللي شاف المباراة أمس بيقول أن الفريق يلعب لأول مرة , موكأنهم لعبو أكثر من 6 مبارايات مع بعض ,,

إقتباس لن ابالغ واقول ستكون هناك نجاحات كبيرة ,, لكن ستكون الاخفاقات اقل بكثير مما عليه الآن

يالله حي عمر

التفائل شي جميل بس ميلان ماعطانا شي لحد اللحين نتفائل فيه ,, ماعدا مباراتنا مع البوكا اللي كان الفريق فيها مبدع رغم الخسارة ,, لكن نتمنى أنه مع بداية الدوري يتغير كل شي ,,

أتمنى أن يعود الميلان ,,

إقتباس الرسالة الأصلية كتبت بواسطة ميلانو كوستا [ يالله حي عمر التفائل شي جميل بس ميلان ماعطانا شي لحد اللحين نتفائل فيه ,, ماعدا مباراتنا مع البوكا اللي كان الفريق فيها مبدع رغم الخسارة ,, لكن نتمنى أنه مع بداية الدوري يتغير كل شي ,, أتمنى أن يعود الميلان ,,

الله يحيك ويبقيك منصور


هذا الي كنت اقوله , مو مشكله نتفائل لكن تفائلنا مايكون مبالغ فيه ,, يعني مافيه بوادر تخليك تتفائل بالدوري مثلا ,,

نتمنى بداية الدوري تكون مطمئنه لنا ,, لكن المشكله ميلان راح يدخل الدوري بقوة ,, لان ثاني جوله الديربي ,,

واذا فكرت فيها تفائلك بيقل , هذا اذا ماتشائمت ,, خاصة ان ليوناردو راح يدخل الديربي لاول مرة وهذا مزعج كثيرا له ,,

لكن مثل ماقلت منصور ,,,, نتمنى ان يعود ميلان الامجاد , تعود هيبة ميلان , تعود هيمنة ميلان ,,,

كل هذا يحتاج وقت ,, لكن المحزن ان الوقت راح يطول , وبـ يطول كثير ,,, اتمنى ان اكون خاطىء



يعطيك العافيه منصور ,, افدتني كثير