إقتباس شباب حبيت اشاوركم بشغله وما اعتبركم الا اخواني وحنا في رابطه اليوفي وكل شي ,, وش رايكم برسيفر هويمكس HD مع الدوري الانجليزي لمده عام بـ 1013 ريال .. مع العلم انه اتوقع ماني متاكد رسيفر الجزيره HD بـ950 او 850 ماني متأكد ,, بس تشوفون اشتري هالرسيفر ومعه الدوري الانجليزي واشترك بالجزيره واستمتع بالـHD ,, والله مدري فهمتوا ولا لفيت روسكم المهم اللي مثل وضعي ومايدري وش يسوي ينورني واللي فاهمين لايبخلون علينا ,, على فكره العام كان عندي رسيفر دريمر وغربلني وكرهت الرسيفرات اللي زي كذا ,,

هلا و الله اخوي سامي

اسمع انا تقريبا نفس قصتك

تعاملت مع الدريم بوكس و ما ارتحت له

الهيوماكس شغل ثاني ... فاهم للرسيفر صح

انا توني ادري باسعار الدوري الانجليزي

بس ما ادري اشترك بالدوري الانجليزي ولا لا

مع انني توني مجدد بالجزيرة بتاريخ 1/6 ميلادي مع شهر اضافة بسبب التقطيع

عشان كذا انا زيك محتار بين اشري هيوماكس اتش دي ولا الدوري الانجليزي مع ريسرفهم

و للمعلومية سعر جهاز الجزيرة 950

و ان كانت بتحلل الدوري الانجليزي اشترك بجهازهم

عن نفسي ما اتوقع بتابعه كثير

عشان كذا حرام اصرف الف ريال عليه و انا ماراح اهتم فيه كثير


> سوري على الشطحة يارابطة كل شيء

إقتباس المصور بطل وضع جيوفنكو بهالصورة مشابه لوضعه مع اليوفي انواع التشتيت

ياناصر ارحمنا

تفقعت عيوني و انا ادور جوفينكو

لا تصير تقصد الولد اللي جالس هذا

تراه مشجع ... ما يشبه جوفينكو ابد

"موقع قول مصرين انهم يبدلون دييغو !!!"



موقع قول حاط خبر ان اليوفي بيستخدم ورقة دييغو لجلب مهاجم فريدبريمن مسعود اوزيل .. او جلب ديزكو المصدر في الصورة.

" اليوفي يتجه لمسعود اوزيل "



مسعود اوزيل رفض فكرة تجديد عقده مع بريمن و الذي سنتهي في 2011 مما يفتح باب انتقاله خصوصا بعد تألقه في كأس العالم الاخيرة مع المنتخب الالماني، اللاعب وجد اهتمام من اليوفي و ايضا من الانتر وقد يكون مفتاح انتقاله لليوفي هو دييغو ريباس !!

من المحتمل في حال قدوم اوزيل لليوفي عودة دييغو لألمانيا .
^
^
هبلت بي الاخبار اليومين ذي عربية انجليزية ايطالية كل ما جت تتكلم عن انتقال لاعب لليوفي حطو دييغو كبديل في الصفقة بديت اشك انه من جد بيطلع !!

متى يبدى الدوري علشان نخلص من الاشاعات و وجع القلب

إقتباس على فكرة الطقم الرديف لليوفي ليش ماعليه شركة راعيه مثل الاساسي وهل لكل طقم شركة ..!!

واحد موصيني عليك شكله

طيب اجاوبك على السؤال ذا

اليوفي كان يبي يسوي حركة جديدة بالدعاية بكرة القدم

اللي يقسم نص مبارياته بالطقم الاساسي و نصها احتياطي

و كان و عقد الشركه ذي اللي اليوفي موقع معها الحين مع الطقم الاساسي

اللي بيلعبون فيه نص موسم

او جميع المباريات اللي بارض اليوفي

بس الطقم الاحتياطي كان مع نيوهولاند بس هذولاك فسخوا العقد

و كان بيحط اسمهم على الطقم الاحتياطي اللي هو يلعب به اليوفي خارج ارضه

و بحكم انهم فسخوا عقدهم اليوفي ما لقى شريك لطقمه الاحتياطي الى الحين

و اصبر على بلانك كم يوم و يضبط لك الوضع

اي مشكله يا سامي انت بس امر ...

إقتباس لو تتذكرون بداية دلبيرو في 93 .. لما كان باجيو ماسك الخانة .. (ما لحقت على الحقبة هذه علشان لا تقولون شايب ) دلبيرو رغم موهبته الكبيرة ذاك الوقت لكنه عانا علشان يمسك المركز و صبر .. لكن يوم مسكه ما فكه .. عسى جوفينكو نفس الفال ان شاء الله

و للمعلومية

نادي بروجيا حفر 3 سنوات على دل بيرو يوم كان احتياطي

و اذكر ان اليوفي كان يلمح بيبيعه عليهم

بس الملك كان يرفض

و الحين شوفوا وش صار

و اتمنى من جوفينكو المكافحه و الصبر و ترك الترزز قدام الكامرات و حركات المبزره

شباب

ما تهقون ان مورتا بيسوي حركة بنت كلب

تخيلوا لو جاب كراسيتش و اوزيل

و جاب باتزيني مهاجم

و لعب بديغو مهاجم ثاني

طبعا نحط بولسن بدال اوزيل بحكم كم نادي خاق عليه

و نحط جريجيرا و فلوس زبينا اللي هي اصلا ريالين و نص على باتزيني

و باقي الفلوس تقصيد

يصير الاجنحه ولا بالاحلام

و الهجوم بادزيني و ديغو

^^^^^

عندما يستغرق المرء بأحلامه

ونا اخوك ذي صعبة جدا صراحة بالله من بيقبل بزيبينا او جراجيرا كورقة مبادلة !!

هذولا مايطلعون الا اذا فيه نادي غبي بما فيه الكفاية عشان يطلبهم !


بالنسبة لاوزيل الخبر واضح انه اشاعة كما سبقته من اخباااار لكن حتى لو صدق الخبر لااحبذ

قدومه ومبادلته بدييغو , دييغو جوهرة ثمينة والفريق ككل كان سيء الموسم الماضي فلماذا

فقط دييغو هو من يحاسب؟؟

السلام عليكم ورحمة الله وبركاته

إقتباس الرسالة الأصلية كتبت بواسطة ejeex ياناصر ارحمنا تفقعت عيوني و انا ادور جوفينكو لا تصير تقصد الولد اللي جالس هذا تراه مشجع ... ما يشبه جوفينكو ابد

ههههههههههههههههههههههههههههههههههههههههههههههه
المعذرة يا صالح راد على السريع واذكركم تقولون ان جيوفنكو متزاعل مع الفريق وشفت ذا بوهته حول جيوفنكو فعلى طول صرفت انه جيوفنكو
بس يوم دققت طلع فعلا مهوب سيبا

إقتباس الرسالة الأصلية كتبت بواسطة الخبراء فلماذا فقط دييغو هو من يحاسب؟؟

نفس كلامي من زمان
اسوأ واعقد جمهور حاليا جمهور اليوفي بايطاليا
جمهور غبي ومتخلف
فريقهم كان يتصقع من كل فريق وبدا بالانهيار مع الكلب فيرارا وهم ناشبين لبالوتولي !!
الفريق بدا يدحدر ولا همهم , ما شفنا اي ردة فعل منهم

وراحو ينشبون لميلو ودييجو كانهم السبب ورفعو لوحات ضدهم ارجعو للمطار ومدري وشو
بالله عليكم هل شفتو لوحة ضد البسطار جرجيرا والا السفله زيبينا والا ياكونتا والا اماوري ؟ جمهورنا copy paste من جمهور الفقر


رجعو الدوليين



ماركيزيو وبونتشي



بيبي



كليني والنازي

للاسف رجعو للفينوفو

تياجو وميلو بيرجعون بعد كم يوم


= = = =


يا شباب ابغى اشتري من النت وانا بالسعودية من موقع اليوفي ومن مواقع ثانية مثل EBAY مثلا فكيف الطريقة ؟
صالح اذا بتذلني لا تجاوب

إقتباس الرسالة الأصلية كتبت بواسطة skroo يا شباب ابغى اشتري من النت وانا بالسعودية من موقع اليوفي ومن مواقع ثانية مثل EBAY مثلا فكيف الطريقة ؟ صالح اذا بتذلني لا تجاوب

ناصر افتح لك حساب عند ارامكس ولا اي شركة اخرى من هالطقه
الظاهر افضلهم ارامكس
وبيفتحون لك بريدين واحد في امريكا وواحد في بريطانيا
همين تحط عنوان بريدك حق بريطانيا ولا حق امريكا اللي فتحوه لك اذا جيت تطلب بعدين مباشره بياخذونه رامكس من هناك ويجيبونه لعند باب بيتكم

اعذرني هذا اللي اعرفه ما عندي زود تفاصيل لاني ما قد طلبت من النت لكن اعرف كذا واحد يطلب من النت .. اذا عندك سؤال تبيني اسألك ابشر

^
^
عليك لمبه .. هذا الملاحظ !! مهيب غلطة دييغو اذا المدرب غير الخطة علشانه و حمله مسؤولية الفريق لصنع الكرات الهجوميه لوحده !! بل المفروض المدرب هو الي يوظف اللاعب حسب امكانياته و حسب حاجة الفريق ...

الامر الاخر على مقولة دل نيري ان دييغو لا يناسب خطة 4-4-2 !! اولا : المفروض من يقرر مناسبة اللاعب او لا المدرب مهوب مدير التعاقدات.. اثنين : دييغو ما لزم على خطة 4-3-1-2 بالعكس متجاوب مع اي مكان يحطه فيه المدرب و اكبر مثال في بعض مباريات الموسم الماضي لما كانو فيرارا و مكيفات الزامل في بعض المباريات يغيرون الخطة في الشوط الثاني و تصير 4-4-2 او 4-2-3-1 و ما مانع دييغو ايضاً مع دل نيري انه يكون مهاجم ثاني.

الامر الاخر .. المفروض الان اننا نقوم بتدعيم الفريق .. يعني كمثال تخيل اليوفي بقالة (تخيل بس ) و عندك معلبات غذائية منتهية الصلاحية .. علشان تطور البقالة هل تروح و تبدل المعلبات الجديدة بمعلبات اخرى جديدة ايضاً !! طيب المنتهي صلاحيته لسى موجود !! ما سويت شي و لااا .. بعد تروح تصرَف بعض المنتجات الطازجة لبقالات اخرى !!

اقول صك بقالتك ما لك سنع .. اقصد صك سوق انتقالات النادي مالها سنع

انا اشوف ان اول خطوة لازم تصير قبل التعاقد مع اي لاعب هي اعدام الحمير (تكرمون) الي عندنا من امثال زبينا و جريجيرا و شلة الانس الباقية لان بقائهم خطر على اليوفي حتى ان ما لعبو !!
على ان يتم تعويض الكديش بلاعبين من البريمافيرا حتى نستطيع التعاقد مع الافضل.

لانه منطقيا لا يمكن ابدا الاستفادة من الكديش الي عندنا في الملعب بالعكس وجودهم معناه زيادة عدديه للفرق المنافسة .. فاذا هي خربانه خربانه اشوف ان المغامرة مع شباب اليوفي و تصعيدهم افضل بكثيييير .. طبعاً حتى نتعاقد مع من هو افضل او الابقاء على الصغار لانه في اسؤ الاحوال بيكونون افضل من الكديش هذا واحد .. و الشي الثاني بيكونون متحمسين و يحرقون الفنيلة لعب و قتالية ...

نرجع لدنيري

من الصعب الحكم عليه و لسى ما بدا الموسم علشان نشوف نتاج عمله .. لكن الحق يقال ان عمله حتى الان جيد و نقول ممتاز مقارنة بسيكو .. المميز في دل نيري انه واضح اذا ذهب لمحاولة التعاقد مع اي لاعب تعرف النتيجة مباشرة بدون مماطلة ...

يعني اما انك تشوف اللاعب جاء لتورينو مثل موتا و بيبي او يزبد للمفاوضين و يعطيهم الشروط النهائية و يرجع مثل موضوع كراسيتش .. و انا اشوفها ميزة .. افضل من مماطلات سيئ الذكر سيكو الي خسر النادي تذاكر من يوم تبدأ الصيفية و هو يطامر على كل نادي يفاوضهم و يترجاهم و في النهاية يا يلعبون عليه و يشتري بغلاء او يرجع على غير سنع

فدل نيري صراحة جيد لكن فيه حاجتين مستغرب منها ..
1- مارتينيز !!
2- وضع اسم دييغو في اي صفقة يبي يدخل فيها.

هذا و الله اعلم

شباب بالنسبة لما خط بالاحمر يقصد به .. بانديف و كاسيراس

السلام عليكم يعطيكم العافية شباب


اخبار الاصابات تأتي واحدة تلو الآخرى!!

استقبلو اصابة جديدة

|| يــاكونــتا يتوقف لمدة شهر على الأقــل ||





ياكونتا عند وصـوووله لــ/Vinovo للــتو...

خضع للتصوير بالرنين المغناطيسي.

عموما الاشعة ليست ايجابية

اصابة اللاعب في اوتار الركبة من ساقه اليسرى.

السلام عليكم ورحمة الله وبركاته

إقتباس الرسالة الأصلية كتبت بواسطة forza_JUVE10 السلام عليكم يعطيكم العافية شباب اخبار الاصابات تأتي واحدة تلو الآخرى!! استقبلو اصابة جديدة || يــاكونــتا يتوقف لمدة شهر على الأقــل || ياكونتا عند وصـوووله لــ/Vinovo للــتو... خضع للتصوير بالرنين المغناطيسي. عموما الاشعة ليست ايجابية اصابة اللاعب في اوتار الركبة من ساقه اليسرى.

هههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه

كان اساسي بالمنتخب وراح اجازة
ممداه يعتب الفينوفو اللي وجته اصابة هههههههههههههههههههههههههههههه

شكل الاصابات بتكون اكثر من العام الماضي
اذا اللاعب اول ما يعتب المركز يتعور شهر اجل اللي يتمرن وش بيصير له
المفروض الادارة ترجع كل المعارين واللي ملكيتهم مشتركة ولا يبيعون احد ويطلبون استثناء من الاتحاد الايطالي ان القائمة تتكون من 100 لاعب ويطلبون من الفيفا ان الدكة يكون فيها 11 احتياط و 7 تبديلات مهو 3 بس

الله يصبرنا بس


الـبـيـانـكـونـيـريـ

الف شكر يا عمر على الخدمة
= = = =

نزلت موضوع بالمنتدى سيرو يا قدعان

صور زيارتي لمتجر ليفربول الجديد في مدينة ليفربول

مهوب خلاص ما صرت رئيس تسبحون علي
اي واحد بيسحب تراه بيكون من قائمة " تنابلة السلطان "

إقتباس الرسالة الأصلية كتبت بواسطة forza_JUVE10 السلام عليكم يعطيكم العافية شباب اخبار الاصابات تأتي واحدة تلو الآخرى!! استقبلو اصابة جديدة || يــاكونــتا يتوقف لمدة شهر على الأقــل || ياكونتا عند وصـوووله لــ/Vinovo للــتو... خضع للتصوير بالرنين المغناطيسي. عموما الاشعة ليست ايجابية اصابة اللاعب في اوتار الركبة من ساقه اليسرى.

شيء طبيعي هذا من تبعات الموسم الماضي والجهاز اللياقي والطبي السيء


الا اقول وش صار على ديزكو ؟؟ انقطعت اخباره!! وحنا في حاجة مهاجم سوبر