إقتباس الرسالة الأصلية كتبت بواسطة عاشق السيدة العجوز صراحة قصة مؤثرة يا صالح والله يجزاك خير على الي سويته السعوديين يموتون من الجوع وحكومتنا الرشيدة تتبرع للبنان والمغرب والبحرين بالمليارات الرياض وجدة يغرقون بالمياة والصرف الصحي وحكومتنا الرشيدة تتكفل ببناء المشاريع التنموية في البلدان التي يصيفون فيها طويلين العمر وحاشيتهم الطلاب يدرسون في مباني قديمة وبالية ومهترئة وحكومتنا الرشيدة تتكفل ببناء المدارس في لبنان وغيرها حظيظ تراك خويي ان سحبتني الداخلية مع اذني بكرة

تراك مانت صديقي

بالنسبه لسالفة صالح نقول له جزاك الله خير وزين سويت والله يفرج عنهم مصيبتهم
---

اما ردك يا مبارك صراحه انا انقد على اي واحد يقول زي هالكلام ..

أولن لأن فيه الضمان الاجتماعي يعطي فلوس للأسر المحتاجه وغير كذا فيه الجمعيات الخيريه ..

للأسف فيه ناس كثير تحتاج وعندهم عزة نفس الدوله والشعب والجار بنفسه ما يدري عنهم لأنهم ما يشتكون ..

كثير من الناس يحط اللوم على الدوله بس .. وليه يتبرعون وليه يسون وليه وليه وهذي اشياء سياسيه اكبر مننا كلنا ويمكن تكون اشياء مفروضه على الدوله !!

لكن قبل نتكلم عن الدوله وليش وليش !! حنا مسلمين وهذي من مسؤلياتنا بعد !!

يعني تخيل لو كل مواطن سعودي يخرج زكاته السنويه ( ومانبيه يتصدق بريال واحد بس ) .. اتحداك لو كان فيه واحد فقير ..

لكن المشكله كلنا الحين ايماننا ضعيف ونادر تلقى الي يطلع زكاته صح !!

انا من الفضاوه هاليومين نسولف بسالفة واحد كان داخل ب33 مليار ريال بالاسهم وبعد ما طاحت الاسهم بقاله 12 مليار ..

طبعن الي بالاسهم بس 33 مليار فما بالك الي برا الاسهم .. المهم انا فاضي شغل هاليومين زي مانتم شايفين

قلت ابي احسب زكاة هالشخص المحترم

طلعت زكاته 850 مليون ريالن ينطح ريال .. هذا شخص واحد ولاهو امير ولاهو من المعروفين !!

يعني بالله عليك لو كل واحد بالسعوديه يطلع زكاته كم تتوقع مجموع الزكاة بالسعوديه ؟؟؟؟ انا عن نفسي اتوقع فوق 100 مليار وهذي تكفي كل المحتاجين بالسعوديه وجيران السعوديه !!

فما بالك الصدقات والتبرعات وا وا وا ... للأسف اذا قل الايمان وضعف الاسلام تكثر المشاكل ... ولو رجعنا لديننا وافتكينا من كل واحد يحط اللوم علي غيره كان انحلت الامور .. لكن وين الي يفهم

<<---- يحس انه خطير وممكن يصير امام جمعه راتبه 4500

نرجع لليوفي ...

بصراحه لو يكون فيه مبادله بين دييقو ودزيكو بتكون ضربة معلم .. لكن المشكله لو مبادله وفوقها 20 مليون

بنكون خسرانين !!

والاعور سألوه متى بيكون فيه شي رسمي بالانتقالات .. يقول بعد اسبوع او اقرب !!

---

لا ويقولون دزيكو مسلم

بس انه يصلي صلاة وحده باليوم ( على ذمة احد الشباب )

الله يعطيكم العافية شباب

حظيظ
تمنياتي لك بالتوفيق في إمتحانك النهائي بكــره



شباب بحول الله بيكون ميركاتو اليوفي من خلال ما نقرأ

( بونوتشي - موتا - بيبي - كراسيتش - دزيكو )

ننتظر إنهاء صفقة قبل المونديال وهي بيبي شكلها !

وباقي الصفقات تدريجيـا ..

واللـه أعلم

|| GOAL.COM == دزيكو يُفضل اليوفنتوس على مانشستر سيتي ||





ذكرت صحيفة توتو سبورت أن اليوفنتوس يقترب من التغلب على مانشستر سيتي و الحصول على خدمات هداف فولفسبورج و الدوري الألماني إدين دجيكو، مدعية أن المدير العام للبيانكونيري سيجتمع خلال الأسبوع الحالي مع وكيل أعمال اللاعب.

و قد أوضحت الصحيفة الصادرة من مدينة تورينو إلى أن النجم البوسني الدولي لن يُلقي بالًا لعرض السيتي - الذي يُتوقع أن يكون أفضل من عرض اليوفي على الصعيد المالي - مُعتبرًا أن النادي الإنجليزي ليس ناديًا مرموقًا و مُفضلًا السيريا آ على الدوري الإنجليزي الممتاز.

يُذكر أن دجيكو كان قريبًا للغاية من الانتقال إلى الميلان الذي صبَّ كل اهتمامه عليه، إلا أن المدرب الجديد لفولفسبورج في الصيف الماضي أرمين فيه قرر التمسك باللاعب و قام النادي الألماني فيما بعد بوضع شرطًا جزائًا لعقد نجمهم يصل إلى 40 مليون يورو.

http://www.goal.com/ar/news/2375/%D8%B3%D9%88%D9%82-%D8%A7%D9%84%D8%A7%D9%86%D8%AA%D9%82%D8%A7%D9%84%D8%A7%D8%AA/2010/06/06/1961404/%D8%A5%D8%AF%D9%8A%D9%86-%D8%AF%D8%AC%D9%8A%D9%83%D9%88-%D9%8A-%D9%81%D8%B6%D9%84-%D8%A7%D9%84%D9%8A%D9%88%D9%81%D9%86%D8%AA%D9%88%D8%B3-%D8%B9%D9%84%D9%89-%D9%85%D8%A7%D9%86%D8%B4%D8%B3%D8%AA%D8%B1-%D8%B3%D9%8A%D8%AA%D9%8A

السلام عليكم ورحمة الله وبركاته

ejeex

الله يعطيك العافية يا صالح ويجعلها في موازين حسناتك
كلش ولا الفقر يا شباب
اعتقد ان سيدنا الامام علي رضي الله عنه قال لو كان الفقر رجلا لقتلته
خلوني اقولكم قصة بعد
امي الله يطول بعمرها ويحفظها ( على فكرة تراها مريضة الحين ادعو لها بالشفاء تكفون الله يقر عينها بشوفتي)
المهم قالت لي ناصر وانا امك العفش القديم اللي مجمعينه ورا بالحوش ودي ارسله لناس اعرفهم فقارى ,قلت ابشري وش تامرين فيه بس ؟ قالت ابد هم بيجون ومعهم سيارتهم وياخذونه ابيك تقعد بالبيت وتستقبلهم , قلت من عيوني
والله يا شباب يوم جو للبيت ( حرمة كبيرة وولدين معها اعمارهم بين 25 -30 تقريبا ) اني بغيت اصيح
لانهم يناظروني نظرة خجل على اساس وضعهم الاجتماعي
انا انصدمت صراحة وقمت اساعدهم لين ضفينا كل شيء المساكين حتى القدور اخذوها
والله يا شباب اني رحمتهم وتقطع قلبي والى يومك ما انسى اشكالهم
الله لا يفقرنا ان شاء الله

بخصوص كلامكم عن الدولة
فالدولة ما قصرت , بس فيه ناس عندها عزة نفس واعرف ناس اقرباء لي جدا لكن عزة النفس هي الحاجز
الدولة عملت بعض الاجراءات لكن لابد فيه قصور ولا فيه شيء كامل
وكلام احمد سليم بخصوص الزكاة لكن بعض الناس من البخل وحبه لتجميع القروش لو تقوله عطني ذنوبك قال لا
كلنا ننتقد الدولة اذا قامت تدعم الدول الثانية وتسحب علينا
بنو مطار بالجزائر وملعب بعمان ولا بنو عندنا لا مطار ولا ملعب جديد
بس مع ذلك احسن من غيرها واللي يسولف مع جنسيات ثانية يعرف قيمة دولته

خلاصة الكلام الله الله بالصدقة والزكاة

- - - -




بخصوص هالشخص فزي ما قلت لكم ماني متفائل
بس اليوم جاني التفاؤل يوم ذكرت ان موجي يمدحه
ويوم ذكرت بعد ان موجي صديق اندريا والعكس صحيح
حتى يقول اني ابنصحه واول نصيحة ابقولها لاندريا انه لا يقول لاحد عن اي شي اقوله له
فهذا شيء يدعوني للتفاؤل
وان شاء الله نبدأ بسماع الاخبار المفرحه قريبا



بخصوص دييجو
اعتقد والله اعلم انه يقدر يلعب مهاجم ثاني
واللي قال هالكلام موجي واللي نظرته بالرجال ما تخيب
بس الحكم الاول والاخير يقرره المدرب ومدى حاجته له وبعدين المدير الرياضي وهل يقدر يسوقه والا لا

وفي امان الله

ملاحظه

شباب تعرفون ان الشرع محرم الرياء , وهو اللي يجي ويتصدق ويعلم خلق الله كلهم
طبعا اذكر وانا صغير سالت مدري مين وقلت ليه طيب الملك فهد يعلن انه يتبرع لفلسطين اذا سوو حملة تبرعات مهوب رياء ذا ؟
قال لا, اذا اعلن الملك هالشيء فالهدف منها انه يحث الناس انهم يحذون حذوه هذي غير عن الرياء

دارت الدنيا وانا جالس بالدوام وكان فيه واحد حاله معسور فقطو له ناس فجوني 4 من الشباب بعد فترة فقلت لهم يا شباب لا تنسون سالفة فلان الفلاني تراهم جمعو له وانا قطيت له بمبلغ كذا
شوي الا وقامو ومسكني واحد وقال يا ناصر لي ملاحظه ماكان ودي انك تعلمنا انك تبرعت ووو
قلت يا عبدالله انا اقولها لكم علشان تقلدونن لاني رئيسكم وبتحذون حذوي وقلت له سالفة الملك فهد
قال لا والله غلبتني يا ابوتركي صدقت والله ومعلش

حبيت اقول هالملاحظه اللي فوق علشان ابعد الشبهات عني وعن صلوحي

- - - -

عليكم رابطة شكلنا بنسميها رابطة الحشيش ما فيه شي بهالدنيا الا وتكلمنا عنه ما بقى الا القطب الجنوبي الظاهر خخخخخخخخخخخ

ملا تلاحظون اني بربارة

^^
ههههههههههههههه ناصر الله يكثرها من بربره ومنكم نستفيد يا صديقي

سلاماااات والله الوالدة ما تشوف شر والله يحفظها يارب من كل شررر


شباب زبطو لنا نقاش عشان تنتعش البربره بمؤشــر حليو خلينا نملي كم صفحة على نقاش :pPp~~

الله يعطيكم العافية شباب,,,,




4 أيااااام تبقت على كأس العالم

السلاام عليكم ورحمة الله وبركاته

صباح الخير شبابكوووووووو ,,

ما شاء الله على عيالناااا شغااالين , ان شاء الله دوووم ..

الله يعطيكم العافيه شباااب ,,

,,

ابو صلووح الله يجزاك كل خير والله يعيينا وياااكم على فعل الخيررر وترك كل ما هو شر

ناااصر الف لاااباس على الوالده وان شاء الله طهوور والله يخليهااا لعين ترجيهااا وترجع وتشوفهااا وتمل عينهااا بشوفتكـ يا رب .




,,

إقتباس حبيت اقول هالملاحظه اللي فوق علشان ابعد الشبهات عني وعن صلوحي

الله يبعدنااا واياااكم عن مثل العمل ,,


,,,

نقااش ابو سريع لاجل عيون ابو التركـ

1) تصور نفسكـ مكـــان " ماروتـــا " مـــأذا ستعمل وماهي البدايه وفق بطولات الموسم المقبل , بالعاميه وش بتسوي من بلبله بالنادي ؟ عيش الجوو وفق الاوضاع الحاليه في الناادي ؟


,,,


forza juve


,,,

اجل لو على مبادء ناصر صرت انا ان شاء الله قدوتكم


يالله يا شباب احذوا حذوي


و شرطي الوجيد ان كل واحد يتبرع يقول الله يجزي صالح خير


و يقول الله يقوم ام ناصر بالسلامه و يقر عينها بشوفة ولدها و حبيب قلبها و عقبال ما تشوفه امام بالحرم


ليش لا ... ؟

جزاكم الله خير
امين يا صالح

إقتباس الرسالة الأصلية كتبت بواسطة R A F A N E L L I السلاام عليكم ورحمة الله وبركاته صباح الخير شبابكوووووووو ,, ما شاء الله على عيالناااا شغااالين , ان شاء الله دوووم .. الله يعطيكم العافيه شباااب ,, ,, ابو صلووح الله يجزاك كل خير والله يعيينا وياااكم على فعل الخيررر وترك كل ما هو شر ناااصر الف لاااباس على الوالده وان شاء الله طهوور والله يخليهااا لعين ترجيهااا وترجع وتشوفهااا وتمل عينهااا بشوفتكـ يا رب . ,, الله يبعدنااا واياااكم عن مثل العمل ,, ,,, نقااش ابو سريع لاجل عيون ابو التركـ 1) تصور نفسكـ مكـــان " ماروتـــا " مـــأذا ستعمل وماهي البدايه وفق بطولات الموسم المقبل , بالعاميه وش بتسوي من بلبله بالنادي ؟ عيش الجوو وفق الاوضاع الحاليه في الناادي ؟ ,,, forza juve ,,,

وعليكم السلام والرحمة

ابد لو انا مكانه هذي اهم الخطوات بدون ما اشاور المدرب /

1- زيبينا الى اي فريق
2- جرجيرا الى اي فريق
3- كيمنتي اجيب كل الفريق واخليهم يتوطون ببطنه وبعدين ابلغ امريكا انه ارهابي وانقذ العالم منه

وبعدين اعزم ديل نيري في مطعم ايطالي واطلب بيتزا خضار لانها اضمن شي ما فيها خنازير خخخخخخخخخخخخ
واشوف وش يبي يسوي بالاسماء التالية
1- ياكونتا
2- اماوري
3- تريزقيه
4- باولسن
5- دييجو
6- دي شيلي
7- قروسو
8- كاسيرس
9- رقم 33
10- حمدتش

10 لاعبين ياكثر عاهاتنا

وابقوله طبعا ( ميلو+سيسوكو+كلييني+بوفون+كامو+دل دل+ماركيزيو) هذولا ما تقربهم

وبناء عليه والمتوقع انه بيشيل نص الـ10 وبيخلي نصهم

اماوري+باولسن+كاسيرس+دييجو+رقم33

البقية تصرررريف

البدلاء :

1- موتا روما ظهير يمين
2- دفاع باري مدري وش اسمه
3- ارجع اريادو من كالياري
4- اجيب دزيكو باللي هي به
5- اجيب الصربي ذا مدري وش اسمه
6- اجيب اي لاعب من اي دوري من اوربا الشرقية كمركز ظهير يسار
7- اصعد ايمبولي للفريق الاول واعطيه ثقة كاملة
8- ياجو بعد نفس الفكرة


وخلاص كذا يكون الطلب جاء , عاد انا ابصير نذل وابطرش بالصحن حقه علشان ماياكل


- - -

على فكرة يا شباب
ترا السبع الايام الجاية ابكون مسوي شيء ماودي اقوله علشان ما ينشب لي ايوب فبالتالي يمكن تشوفوني اتصفح تحت من الجوال لكن ما اقدر ارد

ejeex : الله يجزاك خير ويكثر من آمثالك .. ما نقول الا الحمدالله والله لا يغير عليينا ويرزقنا ويرزقهم من فضله ..

R A F A N E L L I : عمره مقبوله والله يتقبل دعاك ..

بالنسبه للنقاش راجع له بحول الله


ناصر : الله يعافي امك ويقومها بالسلامه ويسعد قلبها بشوفتك




شباب انا لعبت كوره يوم من الايام وقدر الله واُصبت وطلعت نتيجة الاشعه قطع في الرباط الصليبي الامامي والجانبي ..

فما ادري .. لي حول 3 شهور من الاصابه وابغى اسوي عمليه بس متردد .. كنت بسويها عند الزهراني بس سألت عنه وقالوا هو يهتم بالمشهوريين وغيرهم ما يعطيهم وجهه ..

فبالله اللي يعرف احد قد سواها فلا يبخل علي

::
هههههههههه
فشلتوني في الدوام
لابوكم من رابطة مقرقعين

لا صلاة ديزكو ولا عزيمة دلنييري وكلها كوم وإمامة ناصر للحرم كوم ثاني
إلا سالفة تطريش ناصر
جزاك الله خير ابو صلوح وجعلها في موازين حسناتك
بخصوص تعليق الحاير اللي علق به مبارك
فأنا اقول وبدون مجاملة الأمر أكبر من معرفة الناس له
والمسؤولية شغلة وربكة وتعب وجهد ذهني
لكن مالهم علي إلا الدعاء إن الله ييسر أمورهم ويعينهم ويقويهم
ومال إخواني المسلمين إلا الدعاء بإن ربي ييسر أمورهم ويرزقهم ويوسع لهم من فضله
وخذوني كمثال فاشل مصارييف
أشوف موظفين في المملكة العربية السعودية تكفيهم 2000ريال
وناس ماتكفيهم 10,000 ريال

وبحكم إن بكرة الرواتب
فنصيحتي لكم كلكم يالربع
مامثل بر الوالدين ودعاءهم وصرف المال قليلة وكثيرة لخدمتهم
والله إن ربي يبارك لك ويرزقك من كل جهة
أخلصوا النية وادعوا الله لو على الأقل في سجود الفرض
إذا ما إنت راعي سنة راتبة ولا قيام ليل
ادع في السجود فقط بدعوة وحدة أو دعوتين
وغيرها بين كل فترة وفترة واحسن الظن بالله
ولاحظ التغيير في حياتك
الله يتقبل منك صالح وعمرة مقبولة أحمد والله يشفي أميمتك أبو تركي (ناصر)
وأخيرا لو تعينت حمادة يالشمالي خطيب تقدر تعتبر هذي أول خطبة
والله يحللك ويبيحك فيها

×

إقتباس الرسالة الأصلية كتبت بواسطة a l 7 a n a y a ejeex : .. شباب انا لعبت كوره يوم من الايام وقدر الله واُصبت وطلعت نتيجة الاشعه قطع في الرباط الصليبي الامامي والجانبي .. فما ادري .. لي حول 3 شهور من الاصابه وابغى اسوي عمليه بس متردد .. كنت بسويها عند الزهراني بس سألت عنه وقالوا هو يهتم بالمشهوريين وغيرهم ما يعطيهم وجهه .. فبالله اللي يعرف احد قد سواها فلا يبخل علي

ماتشوف شر ياخلفهم

اعرف لك كم واحد سوا العملية عنده ورجعوا يراكضون زي الحلاوة

بس اهم شيء يعتمد عليك بالتقوية والذراقة >> كلمة قصيمية اي لاتخاف ونت تلعب

لكن التقوية مهمة جدا جدا لأنك بتعمد على عضلات فخذك من بعد العملية عشان كذا ركز


وفيه ايضا الدكتور نعمان يمدحونه .

بالعافيه ان شاء وماترى باس

السلام عليكم ورحمة الله وبركاته

جزاكم الله خير جميعا يا شباب

إقتباس الرسالة الأصلية كتبت بواسطة فيلسوف ياخي لك شهر وانت تقول فيه شي بقوله ومنب قايله عشان أيوب ليه >

ايه يخوي ما نشب لي بالحياة الا انت ههههههههه
ابسافر بعد شوي لواشنطن وهي الحاجة اللي كنت اخبيها عنك
عموما اللي يبي شيء من اوباما والا الجبير السفير اللي هناك يقولي
الا على طاري الجبير, ما قد سمعتوه يتكلم انجليزي ؟ ترانا مثل بعض ما نفرق الا شوي <----- يحلفون


a l 7 a n a y a

وابضيف لهم ان واحد من الشباب سواها قلبي
قصدي سواها عند خالد نعمان والرجل الحمدلله طيب
والله يلبسك ثوب الصحة والعافية


اضافة اخيرة بموضوع الصدقات

اذكر في 1425, استضاف ذاك المذيع حق الجزيرة مدري وش اسمه الشيخ عايض القرني
وعلى باله حشر الشيخ بسؤال ( انتم دولة نفطية ومع ذلك نسمع عن وجود فقراء )
قاله الشيخ ( ياخي سويسرا اغنى دولة بالعالم فيها فقراء بعد, وربنا سبحانه وتعالى يذكر بالقران الكريم غني وفقير وهذي سنة الحياة بس الفرق في تفاوت النبسة )

والله اعلم

نشوفكم على خير بعد سبع ايام ان شاء الله

والله ياعلينا رابطة الله لايضرنا , مافيه موضوع ماخشينا به

بعد الرابطة راح كرت برنامج 99 . تصدقون اني اتابع بعض الاخبار اللي ماله علاقة بالكورة عندنا بالرابطة

حتى اول ماشفت خبر قافلة الحرية نحرتكم على طول قلت اكيد الشباب متناقشين فيه


اوما ديزكو مايصلي الا مرة وحدة . بعدين تطريشك ياناصر ذكرني بسالفة واحد من

الشباب لاشافنا مقبلين لحس كل الفلافل حقاته عشان مايعطينا مع ذلك ناخذ منه << اتوقع هذا من اسباب الفقر عندنا بعد