^^^

اينما يذهب حظيظ اذهب حتى لو ذهب الى جحر ضب للحقته



-- انييلي: ديل نيري هو الرجل المطلوب لليوفي --





" امامنا الكثير من العمل ولكننا مستعدون ومتحفزون فقد رحبنا بالمدير العام الجديد بيبي ماروتا مهتمين بقدرته في سوق الانتقالات وليخلق حلقة فعالة بين النادي والفريق

ديل نيري هو الرجل المناسب لنا فلديه تاريخ عظيم ونحن متأكدون بانه يستطيع ان يعيد ميراث تاريخ اليوفي الى مكانه الصحيح

دائما ما كنت مشجعا لليوفي وحالي حال الجميع اتمنى ان ارى يوفنتوس رائع "


المصدر


وشكرا.....

نقاط من حياة بيبي ماروتا (الدجال )

.. بدأ حياته المهنية كـ اداري في نادي فريسا

.. تواجد في ثمان اندية كـ اداري ومدير رياضي قبل القدوم ليوفنتوس

.. حقق مع اتلانتا اعلى رصيد نقطي في تاريخ النادي وذلك كان موسم 2002

.. عمل لمدة 38 سنه كـ ادري في المجال الرياضي تولى خلالها عدة منصاب منها 20 سنه كـ مدير رياضي و 15 سنه كـ مدير عام

.. بزغ نجمه عندما انتقل لنادي سامبدوريا حيث اصبح من الاداريين المشاهير بعد استقدامه لاعب نادي ريال مدريد في ذلك الوقت كاسانو وبمبلغ زهيد جدا يقدر بحاوالي سبعه مليون يورو

السلاام عليكم ورجمة الله وبركاته
صباح الخيرررات للجميع ,,

اول شيء احب ابارك للاخ " ابرا " على تخرجه , وعقبااال الدراسات العليا واجتيازهااا , باذن الله , وكل التوفيق
اتمناااه لجميع اخواااني واخواتي في الحياة العلميه والعمليه ,,

,,,
:::

إقتباس :: قرار جمهوري :: رئيس رابطة اليوفي 2010-2011 شبيه الذيب والنائب forza_JUVE10

نااااصر " بحثت عن كلاام يوفيك حقك " ما لقيت , لكن صدقني تواجدك معنااا هو من سينجح الرابطه ان شاء الله
ولا يهونوووا جميع اخواني الاعضااء والكل لهم معزه وتقدير, لكن الله يعيينااا على هالموسم ونقدم ما يرضي الجميع في رابطة السيده العجوز " لليوفي نوفي " والمهم هو التلاااحم والاخوه وعدم الخروج عن النص , وهذا هو العشم
في عشاق البيانكونيري ..

طيب وش حقه العجله يا خوي نااصر على هودك , نبي نفلهااا في كم الشهر هذي ونسافر للنمسا وجنيف ولطوكيو
قبل الربطه وعدم الفكه , ترااا الوضع فررري يا رابطة كل شيء كلناااا في مستوى المسئوليه وباكووون للشعب
والشعب بيكون لي >> بداية ترميم العلاقات وتوطيدها بينناااا بس صدقوني الواااحد يفتخر انه يكووون مع اعضاء
بهالشاكله وانااا جزء لا يتجزا من اي منكم ...

تواجدي بينكم هو المهم والاحترام المتبادل بيننا هو الاهم ,,



ولد الزعيم البار | بدر | والله لك وحشه...



فمان الله


....

ألف مبروك لتخرج العزيز ابرا و عقبال بقية الشباب و الشابات

ولد الزعيم البار لك وحشة يا مطول الغيبة

ناصر دامك فاضي لا شغله و لا مشغله عطنا من سواليف السربته أقصد السفرة الأخيرة

^ ^ ^

ابشر بعزك يا ابوفاطمة عاد تراني فاضي الحين رديت رد رياضي ولا احد عقب فخلوني احول عن اخر حوار مع القساوسة

كنت راكب المترو حق نيويورك وواقف بوسط الميترو وجنبي امريكي اشقر عمره 25 سنة تقريبا احلى من دي شيلي ومعه بلكاش مدري لوح
المهم التفت علي ومعه ورقة صغيرة
( ابخلي محادثتي بالاخضر وهو بالبني )

وقالي : هل شفت هذي قبل ؟
لا وش هي ( لقيت فيها شعار كنيسة وزي الاستفتاء مكتوب هل هالاشياءتدخلك الجنة ومن ضمنها طاعة الرب والماء المقدس وعضوية الكنيسة وحول 14 نقطة ناسيها )
وش رايك بهالاشياء ؟
انا مسلم ولا لي بامور الكنيسة هذي
طيب وش رايك فيها
انا مؤيد لاغلبها عدا الماء المقدس وعضوية الكنيسة
ليه عضوية الكنيسة ؟
لان المساجد عندنا للناس كلها ما نحتاج عضويات
طيب هل هالاشياء تدخلك الجنة ؟
ليه وش رايك انت ؟
كل هذي يمديك ما تسويها ومع ذلك تخش الجنة
وشلون ؟
تؤمن بالمسيح
وهالاشياء ذي كلها اخليها ؟
ايه خلها
اجل وش فائدة الكنايس ؟ الغوها اجل !!
صرف الموضوع وقال ابسألك طيب هل محمد ( اللهم صلي وسلم عليه ) انقتل علشانك ؟
وشلون ما فهمت
هل ضحى علشانك ومات علشانك ؟
والله بيني وبينه 1420 سنة وشلون تبيه يضحي علشاني
في هاللحظة وقف المترو وانفتح الباب وقال بتنزل بهالمحطة قلت لا
وتسكر الباب وانطلق المترو
<--- يمديكم على الاكشن
طيب المسيح مات علشاننا
وشلون مات علشاننا ؟
قال انصلب وانقتل علشاننا
قلت هذي عقيدتكم حنا عندنا مقام عيسى عليه السلام اعلى منكم
وشلون
حنا مؤمنين ان كل الناس بتموت وكل الانبياء ماتو عدا سيدنا عيسى عليه السلام
كيف للحين مامات ؟
لا رفعه ربي للسماء وبيرجع بعدين يحقق العدل
انت شيعي قصدك المهدي ؟
قلت خل شيعي وسني انا اتكلم عنا كمسلمين هذا إيماننا ان الارض بيكون فيها ظلم كثير وبينزل سيدنا عيسى عليه السلام ويحقق العدل
طيب هو انقتل
لا ما انقتل بعقيدتنا
قال طيب والشهود اللي شافوه انقتل قدامهم ؟
مهوب هو هذا الدبوس بطرس الراعي وربي حوله على شكل عيسى ورفع عيسى عليه السلام للسماء وهذا انصلب مكانه
هل تصدق هالاشياء ؟
اكيد اصدقها
كيف طيب تحول؟
يخوي هذا الله سبحانه وتعالى له القدرة على كل شيء
قام يصرف وطلع الانجيل
تؤمن بهذا ؟
قلت الانجيل كاسم اؤمن فيه واحد عقائد ديني الايمان فيه والتوراة والقرآن لكن اللي بيدك ما اؤمن فيه
طيب هذا انجيل
لا اللي بيدك محرف
من قاله ؟
عقيدتنا
والقران ؟
ما تحرف
ليه ؟
ربنا تعهد ابحفظه
فتح الانجيل على صفحة مدري كم ووراني كلام من الرب ان الانجيل صدقي
من كتب هالكلام ؟
الرب
قلت اي واحد فيهم اللي اعرفه ان ربكم ثلاثه الله سبحانه وتعالى وجبريل وعيسى من اللي كتب هالكلام ؟
فتح الصفحه اللي قبل وفيها اسم واحد فوق زي العنوان اسمه الاخير mathew
من ماثيو ذا ؟ من الحواريين الثناعش ؟
انت تعرف ان فيه 12 حواري ؟ ؟
يخوي قاعد اقولك نؤمن بعيسى فاكيد نعرف اصحابه
طيب انت مؤيد لكلامه ؟
لا طبعا لان ماثيو اللي كاتبه او ناقله ما ادري لكن حنا غير
في هالوهلة انفتح الميترو والرجال قال هذي محطتك قلت لا قال هذي محطتي ونزل عاد طلعت هي محطتي ونزلت وراه وامشي جنبه احتريه يكمل النقاش ولكن ولا كأني جنبه شوي الا وتقابله وحده شقراء في ساحة التايم سكوير اللي يسأل عنها محمد بغيت اصير وقح واقوله خل هذي ورح تعبد في الكنيسة بس خفت تصير زوجته هههههه


ان شاء الله اعجبتكم المحادثة

- - - -

احمد وتركي تستاهلون كل خير يا بعدي وانا اول واحد يبايعكم للموسم القادم واتعهد ببذل قصارى جهدي في الموسم الجاي كترجمة ونقاشات وكل شي

Ibra_9

الف مبروك التخرج وعقبال اعلى المراتب يا رب
وان شاء الله يجيك ابتعاث وتقعد تخربط علينا مثل ما اسوي

إقتباس الرسالة الأصلية كتبت بواسطة حظيظ ههههههههههههههههههههههههههههههههههههههههههههههههههههههههههه صراحه يا ناصر عقب هالسالفه التي كويسه ،،، انا ارشحك رئيس للسنه الجايه !! معليش احمد ،، صح ان رئيسنا ناصر خبيل(بعض الاحيان ) وبرضه فاشل بالكوره لو انه جيد اقتصاديا ،،، لكن اهم شي فكاهي وانا عشان كذا ارجع اصوتله بالرئاسه !!

هههههههههههههه من حبي لمبارك والله
مبارك رمز رابطتنا صراحة
والله اني انبسط لما اشوف رد له

السلام عليكم ورحمة الله وبركاته


شباب الردود كثيرة
ابعرج على اللي اقدر عليه



MHM

يخوي ترا راس مالها بلاطة
وبعدين صدق حقين الكنيسة ما يتزوجون ؟
تراني رحت لليوتيوب وطلعت لهم بلاوي حتى بالفاتيكان
استغفر الله
الله لا يبلاانا والله انهم مساكين
اشوفهم يوم الاحد يطلعون من الكنايس واقول في نفسي الحمدلله على نعمة الاسلام
اجل فيه وحدة قلت لها ولد اخوي فخذه اطول من الثاني وعمره 5 سنين ولازم يقطعون من العظم الزايد قالت ما يحتاج عملية رح للكنيسة الفلانية فيها قسيس يعالج هالاشياء بثواني ابد يمسك العظم ويضبطه
قلت خيييير قامت تحلف وقالت رح بامكانك تشوف
انا صملت وقلت يالله بس وين العنوان قالت ابعطيك اياه بعدين وسحبت علي الى يومك
مساكين والله , المشكلة وهي تقولي سوالفه عيونها تدمع من الخشوع
الله لا يبلانا
فكونا من الكنايس حسيت اني عضو بحوار الاديان


forza_JUVE10

المشكلة ان الاعمى يشوف ان جرجيرا وزبانيته عار على كرة القدم
وخوفي ان الادارة ما يشوتونهم
حتى جماهيرك الزلايب ناشبين لميلو ودييجو وتاركين جرجيرا اللي من اسمه ما عنده سالفة بالكورة


السوبر ستار

وش دعوى عاد
الا موسم عبدالله بن مساعد تراها فترة سوداء في تاريخ الهلال
حسافة المباريات اللي تابعتها ذيك المواسم
اجل سيسه وتراوري وذاك اللي كسر يد الحكم
امحق موسمين
عبدالله بن مساعد من بدا يحوق بالهلال وانا اقول ان وجهه وجه شركات مو وجه ادارة فريق والحمدلله صار كلامي صح ويوم مسك ملف الهلال الاقتصادي صار ابويعقوب الاقتصاد

حظيظ

الف مبروك التخرج وعقبال اعلى المراتب بالدنيا والاخرة
وان شاء الله هالتخرج يعطيك دافع ونشوف شخابيطك دائما معنا في هالرابطة بس
رابطة الموسم الجاي اجحدها وخلنا نسوي حزب زي النصر علشان يقولون يا زين زمان ناصر هههههههههههههههههههههههه



ع ـــــآزٍف


مو ممنوع يالغلا
الممنوع = النقل من المواقع العربية + الاخبار بدون مصدر


اليوفي و بس

ابوفاطمة الملحدين واجد
يا كثرهم اللي يقولك انا نصراني بالاسم لكن ساحب على الدين
بخصوص المسلمين شفت موقف رائع
في ساحة التايم سكوير فيه كشكات زي كشكات البليله, يدفونها ناس ويسوون فيها كباب او ساندوشات, اغلبهم عرب
المهم اماكان تواجدهم بزوايا الشوارع , وانا امشي حول الساعه 9 يعني ذروة الزحمة وعالم رايحه وجايه , لقيت واحد جالس جنبه كشكه بالكرسي وكانه صنم , انا استغربت وقمت الاحظه واثاريه يصلي وفعلا كان يصلي العشاء
يوم خلص رحت له وقلت له بالعربي ( حرما ) قال ( جمعا ان شاء الله )
طلع مصري كبير في السن وكان يشتغل بالسعودية
صراحة منظر رائع وشكرته مليون مرة وقلت له والله انه من اكثر المناظر تأثير علي من جيت لامريكا
الناس رايحه جايه وانت قاعد تصلي الله يجزاك خير
وشريت منه سندويش كباب <--- مالها دخل بالسالفة
وبس

بخصوص الميول فاكيد تعرفون اني رايح وطي مع البايرن من زمان من ايام ايفنبرج وماثيوس ووو
وغير كذا حركاتهم النبيلة مع اليوفي ونزلت موضوع حق رومنقيه واليوفي هدايا في الاخلاق, حتى ما اسميهم الا فريق الرجال
فاكيد اشجعهم خصوصا ان الخصم انترميلان اللي ما اكرهه بس للاسف مشجعينه خلوني اكرهه كره العمى
ونفس نظرية عبدالعزيز ( العسيماوي ) طز في ايطاليا ومقاعدها ومنتخبها
التسبد حايمه منهم من جد

a l 7 a n a y a

عقد مكيفات الزامل الى 30 يونيو على ما اعتقد
وبعدين لازم لكل رحلة مشرف

احد المشجعين
بسيط
ضد التيار
الـبـيـانـكـونـيـريـ

إقتباس الرسالة الأصلية كتبت بواسطة شبيةالذئب ,, من يوم ما صارت هالعلامه التجاريه على قمصان الفريق اصبحناا من جرف لدحديره , لا اطقم زي الاوادم ولاتصاميم ولا اي شيء .. بصراحه اتمنى يعود زمن الـــ " kappa " او " lotto "

لا يا احمد مع نايكي وكابيلو كنا نكتسح الكل
نايكي روووعه
بس كابا ولوتو ارووووووع مليووون مرة

خصوصا kappa اخخخ لو ترجع
بس المشكلة ما تقدر على قيمة العقد لان نايكي واديداس يدفعون اكثر
المفارقة العجيبة ان كابا مقرها تورينو

نايكي كلنا نتذكر وقفتها يوم هبط الفريق للسيريا B ومع ذلك جددو للفريق ولا سوو زي تام اويل






ما كانه في مقبرة ؟

|| اللاعبون الذين سينتقولون للولايـات المتحدة الأمريكيـة ||

ريسنا ناصر (توه باقي شهر)

لو محل الامريتسي كان كان قلت لك : شف هذا الانجيل بتاخذه والا شلون .. اخلص علي.

ياخي تشوف شكل انيلي تقول معلم حمص و مقبلات .. لكن اسمه انيلي و ان شاء الله خير.

شباب هدف رحلة امريكا تجاري بحت او اعداد مبكر و هل فيه لاعبين اخرين بيلحقون بالبعثة بعدين ؟؟؟

أهلن بسعادة الرئيس زمباااوي
تابعو رئيسنا زمباوي !!