|
انا بعد اتفق مع سعد دييقو ما قدم شي ولا اعتقد ان الدوري الإيطالي مناسب له,, !! لاعب ما عنده حلول ولا يعرف يهاجم او يضبط إيقاع الوسط أعتقد نيدفيد وزيدان كانت أدوارهم تختلف أختلاف كلي عن دييقو.!! أيام زيدان ونيدفيد كنا نشاهد محورين ثابتين اما مع دييقو نشوف ثلاث محاور " سيسوكو - ميلو - ماركيزيو " او محورين ومهاجم وحيد :d بلاش مباكره وليش نغير طريقة لعبنا عشان لاعب واحد ما خدمنا طول الموسم.. / سمعت فيه أخبار عن بيع بوفون شكل بوفون طالع هذا الصيف :cry: |
../ ماجد التوتو تقول ان اليوفي لديه فكرة مجنونة حيث انه بيعطي المان يونايتد بوفون وبياخذون فيديتش :s5s: المشكلة انه فيديتش يلعب بمكان كيليني :s5s: http://www.tuttosport.com/calcio/ser...azza+idea+Juve |
والله فكرة فيديتش قويه وحلوه الصراحه لكن جي جي بالقلب ولا احد افضل منه ما اتمنى انه يطلع ابد يطلع ديل ويطلع نيدفيد ويطلع كانافارو وكامو وتريزي الا بوفون هذا الحارس الافضل بالتاريخ للسيدة ياليت يجلس وان راح الله يوفقه بحياته الكرويه ونشكره على مراعاة مشاعر جماهير السيدة اللتي لطالما احبته |
خروج بوفون مرتبط بقدوم لويز حارس ليون اللي سامعه ان الباير داخل بالسالفه عشانه يبي حارس صاحي على العموم بوفون انهار بقوة بعد اللي يشوفه من الصد و الرد دون اي احساس من اللي قدامه و على كلامه قبل الصيف اللي راح " يوم يصيح بالملعب و تيهاوش مع رانييري " اذا ما حقق اليوفي شيء الموسم هذا راح يترك الفريق و الله خروج بوفون عندي ثاني اسوء شيء راح يصير لليوفي من 10 سنوات اذا اعتبرنا ان اعتزال بافل الاول ... الكاتشو بولي برائيي اهون من خروج بوفون صراحة الرجال صبر و رجع الفريق لفرق الصدارة بعدها يطلع ... مستحيل اقبلها |
إقتباس:
وتعرف سالفة كيليني كان اسواء لاعب لدينا والحين فرق بين اول والحين مع احترامي ولا لاعب قدم شي هل نحكم عليهم انهم ماينفعون غير الاعبين العواجيز اللى معنا تبون تقنعوني ان دييغو يغير فريق ويصنع ويسجل وحده وين تجي هاذي مافي غير مسي ممكن يعمل كل هذا نكون وقاعيين اكثر عموماً السامبا فاز قبل شوي بالقوه واخذ الرابع والحين الفرق 6 نقاط شكل كل شي انتهى هذا الموسم |
<table width="620" bgcolor="#7ba2ad" cellpadding="0" cellspacing="1"> <tbody><tr></tr><tr><td class="league" colspan="10">http://img.kooora.com/i.aspx?i=italy_small.gif الدوري الإيطالي الدرجة A 2009/2010</td></tr><tr><td id="jm0x2" class="z">يوفنتوس</td><td id="jm0x4" class="z">باري رقعونا بـ 3 </td></tr><tr><td id="jm0x2" class="z">كاتانيا</td><td id="jm0x4" class="z">يوفنتوس رقعونا بـ 2 </td></tr><tr><td id="jm0x2" class="z">يوفنتوس</td><td id="jm0x4" class="z">بارما فزنا عليهم بـ 2 </td></tr><tr><td id="jm0x2" class="z">ميلان</td><td id="jm0x4" class="z">يوفنتوس رقعونا بـ 3 </td></tr></tbody> </table> آقول شباب الظاهر ماعاد فيه آمل للمركز الرابع .. الله يعين بس !! |
إقتباس:
بس دييقو لو فيه خير كان استدعاه دونقا قبل مايجي اليوفي وحالياً :yes: لاعب فرق متوسطه ,, وبالنسبة للفرق ككل ,, اعتقد ان ( تغير الخطه ) عشان عيون دييقو هي الي ظلمت الهجوم والوسط والدفاع, وسطنا ( ميت ) عشان كذا نشوف ضعف هجومي ,لاحد يقول لي هجومنا ضعيف ومادري ايش. متى اخر مره شفت رفعه من رفعات نيدفيد او تسديدات ( نيدفيد - دافيدز - تاكيناردي ) او اختراقات زامبروتا. يعني معليش اذا دييقو ما يسوي شي واحنا دافعيين فيه 25 مليون , مين بيسوي ؟ حوسة النص سببت مشكله للهجوم والدفاع , ككل اليوفنتوس ظهر اسوء بكثير من المتوقع. |
^^ هذا اللي كنت اقصده بالظبط تغيير الخطه لعيون دييقو غلط ، واكبر غلط ان الاداره هي اللي غيرت الخطه .. رانييري رفض دييقو لانه ما يمشي على خطته .. واللي حصل مع رانييري نفس اللي حصل مع ديشامب لما رفض تياقو و الميرون وبعض الصفقات اللي تختارها الاداره دون الرجوع للمدرب ! يعطيك العافية ماجد |
^ ^ الله يعطيكم العافية يا شباب على هالنقاش الطيب اخوي ماجد ماتلاحظ إن ردك فيه إجابات على كلامك :yes: إقتباس:
ندفد ودافيدز وتاكيناردي وحتى زيدان كانت المجموعة تدعمهم وغير كذا كان في مدرب على الدكة بعكس المسيكين دييقو .. هو لاقيها من العاهة قريقيرا والا من مراكض سيسوكو والا من ثوارة اماوري والا من روكي البطل الشجاع (فيرارا) والا من مكيفات الزامل ابو عضة ضروووس :mad: خلاصة الكلام اتمنى عدم التحامل على دييقو .. لو الظروف اللي مر فيها يمر فيها مارادونا والله مافلح على فكرة ندفد اول ماجا جلس نص الموسم والجمهور يلقبه بالخروف لكثرة شعرة :razz: وقلة بركته وكلنا قلنا راحت فلوسك يا موجي بالرغم من المجموعة القوية اللي معه وكان وراهم ليبي ولكن التأقلم والتوليفه لها دور وايضاً اللاعب يحتاج للتوفيق ولــنـا في بــدرو لاعب البرشا اكبر مثال .. لاعب عادي ولكن محظظظظظظظظظظظظوظ :yes: كلنا أمل بقدوم مدرب يؤمن بقدرات دييقو عشان يبدع وبعدين يلعب اساسي في المنتخب ويقهرك يا ماجد :s4s: إن شاء الله اكون خفيف عليكم فورزا موجي |
^^^ اتفق معاك المجموعه تفرق بس عندي تحفظ كبير على التكتيك الي يلعب فيه اليوفي يعني تحس دييقو اول اسم ينرسم على التشكيل وبعدها يحطون 10 لاعبين. الفريق 11 لاعب وتعرف كيف توظفهم وتتعامل معاهم هل تعتقد أن باليرمو أو سمبدوريا يملكون أسماء أفضل من وسط اليوفي ؟ الجواب لا. لاكن المشكله ان دييقو غير فعال ابداً وهذا راجع لــ العشوائيه في منتصف الملعب انا عندي قناعه أن ثلاث محاور تخلف عشوائيه وإتكاليه كبيره في منتصف الملعب. أفضل اللعب 4-1-4-1 او 4-2-2-2 على 4-3-1-2 او 4-2-3-1 في نقطه مهمه ( الأظهره ) اذا الفريق يلعب بــ ثلاث محاور يحتاج اظهره هجوميه. ولا ايش الفايده تلعب بــ 3 محاور و الاظهره ما تساند الهجمه ,, وهذا الشي الوحيد الي ممكن ابرر ضعف مستوى دييقو. نيدفيد وزيادن احتاج نص موسم حتى يتأقلمون. واتمنى دييقو ياخذ موسمين عشان يوصل نص مستواهم :cry: |
السلام عليكم يعطيكم العافية شباب متابع لنقاشكم من أول محور الحديث كله حول ديــغو.. شباب أتمنى ما نحط الحمل على البرازيلي ديغو هذا الموسم لأنه ما وجد من يساعه يعني الحمل كله عليه.. صحيح أنه يبطئ الهجمه وهذي عيوبه لكن أين المسانده لمن يبطئ الهجمه لازم يكون مسانده من الجناحين أو مهاجم على الأقل.. بإختصار لازم عشان يبرز ديغو يجي لاعب بقدرات ندفيد من الجناح الأيسر مثلا و لاعب بمواصفات خرافية على الحناح الأيمن... أيضا الظهيرين لها دور كبير في بروز أي لاعب وسط.. هذي الأمور كلها ماتوفرت بفريقنا بالتـالي ديغو راح يكون اداءه سلبي.. النقطة اللي عليها التركيز أن النادي دفع في اللاعب مبلغ وقدره ولكــن النادي ما استفاد؟ هذي غلطة ادارية تجيب لاعب موب على طلب المدرب ومن هنا الفريق تغير تكتيكه على حساب لاعب واليوفي دحدر عن المواسم اللي قبلها.. الموسم الجاي مدرب يأتي يختار اللاعبين حسب رغبته ويكونون بتكلفه معقول حسب المقدور من قبل النادي بس يكونون مفيدين ومن هنا يأتي الفارق... الفريق يلعب بخطة ولكن ليس حسب قدرات اللاعبين أفضل خطة في ظل وضع الفريق هي 4-5-1 صحيح الديل بيرو احتياط بس مايمنع اذا كان لصالح الفريق و بمقدور المدرب تغير التكتيك حسب ظروف المباراة و الزج بالديل اللي بيعطيك كل جهده حتى لو في آخر نص ساعه.. هذا رأي وشكرا شباب :rose: المتبقي من المباريات بلاطموح بنظري الشيء الوحيد اللي بيخيليني أتابع المباريات هو العشق لفريقي ولكن الحماس غير موجود ولا يوجد هدف نستطيع تحقيقه... |
|
انا بس بسأل سؤال .. كم مره شفنا دييقو يتأخر في المناوله وفاتح معه كم واحد ؟ الحقيقة دييقو حصل على فرصته موسم كامل ، ولكن ما شفناه كم وصف بخليفة لـ نيدفيد ! دييقو لاعب مهاري فقط هذا كل ما يجيده ، وينفع في دعايات بيبسي بس ! اما بالنسبة لدييقو مع كامو وجيوفينكو نجحت الخطه بسبب كامو وسيبا وليس بسبب دييقو والكل يذكر كامو واهدافه في تلك الفتره ، وفي نفس الوقت دييقو تحرر ولا شفناه ! نبي اجنحه بمعنى اجنحه .. يعني لو عندنا ماركيوني وما بعناه ، ولعبناه يسار وكامو يمين وصالح احتياطي لهم موب احسن ؟ لو كريستيانو زانيتي بجانب ماركيزيو ولا ميلو موب احسن ؟ لو ميلبيرق موجود .. ويلعب ظهير يمين ولا قلب دفاع حسب الازمه موب احسن ! لو و لو و لو و لو و لو !!! ميركاتو حقيقة ً كان الافشل منذ الصعود .. الاداره ما حسبت حساب لو فشلت صفقاته وش البديل ؟ |
سعد الله يعطيك العافيـة... أنت تقول ماشفت منه شيء لكــن أتوقـع أنه بالأسلوب اللي تكلمت عنه قدم كل شيء وبالعكس سبب ازعاج للخصم و كانوا ثلاثي ممتاز وقدر يثبت وجوده بنظـري وكان حتى بداية الهجمات تكون من عنده هو المفتاح الحقيقي لبناء الهجمات لازم بقدر ما نذمه نمدحه له عيوبه وله ميزاته كلاعب إي نعم استقدامه كان نقمه للفريق عكس ما كنا نتوقعه!! الفريق يلعب بثلاث محاور لا يهاجمون ولايدافعون كويس الفريق لايملك ظهيرين سوبر ولا حتى تقدر تستفيد منهم تذكرون لمن لعبنا بثلاث مدافعين وتخلينا عن الأظهرهـ ما استفدنا بالعكس كان الوضع للأردى؟؟! إذا خلونا نتكلم في كيفية حل مشكلة الفريق وبوجود ديغو؟ لأن اللي يقول ديغو لازم يطلع يعني بيزيد الطين بله حل المشاكل الدفاع بجلب لاعب بحجم كيليني - جلب ظهير أيمن يفيد جلب مهاجم يفوق المهاجمين اللي عندنا بمراحل الوضع كله يعود ثم يعود للمدرب لأن المدرب أهم نقطة في الموضوع... و أيضا الأساس حق الفريق مضروب من الإدارة كل شيء له مرجع ومشكلة الفريق بدأت من أفكار الإدارة البائسة اليوفي يعيش أصعب المراحل فنيـا و إداريـا و جت النكسة هذا الموسم والمصائب ماجت إلا مع بعض... يــارب تكــون ردت الفعل الموسم الجاي أن الفريق يكون مختلف تماما عن الموسم هذا لأن الفريق يبيله شغل جاااااااااااامد الله يصبرنا شكرا شباب :rose: |
الموسم انتهى وانتم للحين تخططوون .. لوووول ., ودي اضحك من القهر لان الفارق الان 6 نقاط ,. |
| الوقت المعتمد في المنتدى بتوقيت جرينتش +3.
الوقت الان » 08:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd