لن نقول الا كما قال السيد موجي


فيرارا واقي تضعه الاداره لسوء افعالها


ظلم هذا المسكين بهذا المنصب ونتمنى له التوفيق في حياته المهنية


زاكروني كـ تاريخ افضل من رانييري وفيرارا وباذن الله يفعل لو شيء بسيط مع السيدة



شكرا للمترجمين

إقتباس القرار تم بموافقة حملة الاسهم والملاك "

القررار تم من اكبر شخص حامل للاسهم وهو جون الكااان ,, امااا بلانك لا يهش ولا ينش في مثل هالامور

على قولتك اخوي ناااصر ,,

إقتباس ابشرو يا ابوحميد انزل صور بعد شوي ان شاء الله بس اذا صليت الجمعه ورجعت

تقبـــل الله اخوي ناااصر وانتبه على روحكــ من هالبرد القارص

في انتظااارهااا الله لا يهينكــ ..


المؤتمر الصحفي لرونيـــ

http://www.youtube.com/watch?v=vrzfjoyTnak

و الله الله يستر من وضع الفريق


المدرب الجديد لو يخسر في مباراة اليوفي الجاية راح تكون اكبر محبط لنفسيات الاعبين

المباراة الجاية صعبة جدا قدام لاتسيو اللي هو بنفسة جريح

غير الاصابات اللي مدسة غرفة العلاج في اليوفي

حاليا اشك انا ان فيه بعض الاعبين ما يعرفون بعض

يعني اتوقع ان غيروسو ما يدري ان ياكوينتا بالنادي ... ماعمره شافه يلعب

و حتى كاسيراس تراه لو تقول له ان لك بديل اسمه زبينا و الله يشك

و كاندريفا ينكر وجود مهاجم رابع باليوفي اسمه تريزي

و حتى باوليتشي تراه لو تقول له وشو بولسن قال اكله مكسيكية

و بوفون لو تسأله عن كامو اتوقع قال انه لاعب سابق باليوفي

يعني الموسم ذا ما اجتمعوا ابدا الاعبين ...

الى متى هذي المهزلة

طبعا الحين راح نطب بالجهاز الطبي بعد رحيل المرض ذاك

حيو النيـو كوتش










Juve, ecco il traghettatore Zaccheroni

السلام عليكم ورحمة الله وبركاته


مبروك عليكم طردة فيرارا .. لن امدح زاكاروني او انتقده ولن استبق اي حدث !!


يبقى فيرارا اللاعب الكبير التاريخي .. ولكن مدرب سيئ !!





ناصر واحمد اعذروني على التدخل في شؤونكم .. وفي الاول والاخير كلنا لمصلحة الرابطة ..

إقتباس 9 - يمنع النقل للاخبار والاهداف وكل مايتعلق بالفرق من المواقع العربيه منعا باتا وفي حال اكتشاف ذلك ستم معاقبة المتسببّ .. وستتضاعف العقوبه في المرات الأخرى .. خصوصاً إذا كان الناقل عضو متميز في تلك الرابطة .

هذا احد بنود قوانين منتدى الروابط العالمية


وبصراحة في اعضاء ولن اذكر اسماء وهم عارفين نفسهم ينقلون الخبر من مواقع عربية وبالاخص اليوفينتوس مانيا .. حتى ولو حرف المحتوى ولكن كل شيء واضح !!


وهذه ماهي من عادات الرابطة اللي كانت دائما ً متفوقة .. واللي تتميز بمصداقية اعضائها ..

والحقيقة كلنا اخوان هنا وما بينا بلاغات ولا بينا هالكلام !!

واتمنى من الاعضاء ينتبهوون لهالنقطة واللي ماهو عارف يترجم .. يا يتعلم يا يعلق على الاخبار او يساهم بصور او رأي ..



°ˆ~*¤®§§®¤*~ˆ° ][ عَــالَمُ التَـــرْجَمَةِ ][ °ˆ~*¤®§§®¤*~ˆ°

وهذا موضوع الاخ سليمان المشرف السابق ، وفيه روابط في اول صفحة لرابطة اليوفي تقدر تترجم منها الاخبار ..



اعتذر لـ ناصر واحمد على التدخل في شؤونهم

بس ما ودنا نشوف احد من اخوانا موقوف ولا مرسلينله انذار ولا من هالكلام

إقتباس الرسالة الأصلية كتبت بواسطة Fo0oRzA JuVe وبصراحة في اعضاء ولن اذكر اسماء وهم عارفين نفسهم ينقلون الخبر من مواقع عربية وبالاخص اليوفينتوس مانيا .. حتى ولو حرف المحتوى ولكن كل شيء واضح !!

انا المقصود بهالكلام

اخوي تركي .. كلامك كله على عيني وراسي والله ولا زعلت منه ولا شي بالعكس
اخذتها على مبدا اخ ينصح اخوه لما هو احسن

بس خاطري اشرح لكل نقطه .. بالاول يوم اقراء الاخبار ماخلي ولا موقع ومن ظمنها المواقع العربيه
في مواضيع تكون بعدها مانظرحت هنا .. واحصلها في مواقع ثانيه اقوم ادخل ع المصدر الرئيسي
طبعا من المصدر الرئيسي راح تكون ترجمتي غير عن الي في يوفي مينيا وليس تحريف

,,

احب اقولكم انا مب مشجع هلالي .. ولا اتابع الكوره السعوديه .. واهتمامي كله هنا
في منتدا الرياضه العالميه وبخاصه في اليوفي وهذي الرابطه الكريمه.

مافي مكان الا دخلته عشان اقرا الاخبار واخر التطورات وهنا شفت ناس عليهم القيمه
ناس تفهم في الكوره واصولها وتكتيكها .. بمعنى اوضح ناس محترفه درجه اولى
قسم بربي ان شهادتي فيكم مجروحه لو شو ماقلت من الرئيس لين اقل عضو.

من الحين انا مسجل خروج من هالمنتدا ولا راح تشوفون اسمي معلق في المتصفحين
ولا راح ارجع بعد هالرد .. احس اني تجاوزت حدودي وآسف على هالشي

لكن اتمون في عيني والله علي شاهد احسن من يفهم في الكوره قابلتهم في حياتي

الف الف الف شكر على كريم اخلاقكم جميعاً
والف الف الف شكر على استضافتكم الكريمه
والف الف الف شكر على تحملكم غثاي وصبركم

فمان الله

السلام عليكم

شباب سالفة النقل من المنتديات الثانية ممنوعه في كل المنتديات
سبق ورحت لمنتديات ثانية وشفت ناس زارفة اخبار مني او مواضيع وبلغت المشرفين هناك وتعاملو مع الوضع
الغرض انها ظاهرة غير مرغوبة في النت الا في حال الاشارة الى الناقل بعد اخذ الاذن منه
في الزعيم والمنتديات الثانية ممنوع النقل من المواقع العربية
والاخ الغالي ينقل ونبهته مرتين والله يهديه ماقالي حتى وصل كلامك
هذي سياسة هالمنتدى مالنا صلاح نغيرها

إقتباس الرسالة الأصلية كتبت بواسطة вίαηcσηεяι انا المقصود بهالكلام اخوي تركي .. كلامك كله على عيني وراسي والله ولا زعلت منه ولا شي بالعكس اخذتها على مبدا اخ ينصح اخوه لما هو احسن بس خاطري اشرح لكل نقطه .. بالاول يوم اقراء الاخبار ماخلي ولا موقع ومن ظمنها المواقع العربيه في مواضيع تكون بعدها مانظرحت هنا .. واحصلها في مواقع ثانيه اقوم ادخل ع المصدر الرئيسي طبعا من المصدر الرئيسي راح تكون ترجمتي غير عن الي في يوفي مينيا وليس تحريف ,, احب اقولكم انا مب مشجع هلالي .. ولا اتابع الكوره السعوديه .. واهتمامي كله هنا في منتدا الرياضه العالميه وبخاصه في اليوفي وهذي الرابطه الكريمه. مافي مكان الا دخلته عشان اقرا الاخبار واخر التطورات وهنا شفت ناس عليهم القيمه ناس تفهم في الكوره واصولها وتكتيكها .. بمعنى اوضح ناس محترفه درجه اولى قسم بربي ان شهادتي فيكم مجروحه لو شو ماقلت من الرئيس لين اقل عضو. من الحين انا مسجل خروج من هالمنتدا ولا راح تشوفون اسمي معلق في المتصفحين ولا راح ارجع بعد هالرد .. احس اني تجاوزت حدودي وآسف على هالشي لكن اتمون في عيني والله علي شاهد احسن من يفهم في الكوره قابلتهم في حياتي الف الف الف شكر على كريم اخلاقكم جميعاً والف الف الف شكر على استضافتكم الكريمه والف الف الف شكر على تحملكم غثاي وصبركم فمان الله

هلا فيك اخوي حياك الله

والله كذا مرة نبهناك والتنبيه ما يزعل احد
كلنا نتناصح هنا والرابطة ملك للجميع هلالي وغيره
المنتدى مليان ناس من مشجعين فرق ثانية

انضمامك لنا كان شرف ورحيلك عنا ما نقول الا الله يوفقك
بتجلس حياك الله وعين فراش وعين لحاف
واذا انت بترحل فالله يستر عليك
الرابطة عمرها ما توقف علي احد سواء skroo او على شبيه الذيب ولا على اي واحد

= = =

الله لا يهينكم شباب وبالتوفيق لزكريا

|| تـصريح زكريا من الموقــع الرسمـي ||



ألبرتو زاكيروني واجه واقعه الجديد ، وتحدث مع اللاعبين وأوعز إلى الدورة التدريبية الأولى في Vinovo.

@ فيما يتعلق فيرارا:
التقيت تشيرو قبل الدورة التدريبية ورحب بي كثيرا عموما لم نتبادل الآراء لأني لا أريد أن أعرف عما حدث سابـقا.
أريد أن أتطلع إلى الأمام. وأنا لا أقول ذلك لأنني لا أقدر على شيء ولكـن لأنه في بداية الكالتشيو اليوفنتوس أعجبني كثيرا.


@ التحدي:
اعتبارا من اليوم الأول سيبدأ محاولة لكسب هذا التحدي وأنا واثق من نفسي كثيرا.
مع هذا الفريق أنه يمكننا التقدم في المستقبل. ولا بد لي من أعيد اللاعبين الى المستوى المطلوب لأن العقل يلعب دورا كبيرا في كرة القدم ، وسوف أعمل على هذا الجانب.

@ الاجتماع الأول مع الفريق:
لقد تحدثت مع اللاعبين لأن لموهبة ليست كافية. بالتالي نحن فقط يجب أن نستعد لمواجهة هذا التحدي.
كل من يحب كرة القدم مثل ما أفعل ، ولدينا العديد من الفرص وسأتـشبت بها.

@ الهدف:
الحد الأدنى هو التأهل لدوري ابطال اوروبا
وكان يأخذنا في ظروف ما أن نصل إلى هناك. وبالنسبة لإصابات الفريق أن لدي مجموعة من اللاعبين سيكونون 11 لاعبا منهم في الملعب.

@ التشكيل:
التشكيل أو التكتيـك سيعتمد على خصائص اللاعبين.
وأود أن فريقي سيكون قادرا على تغيير الجلد خلال أسبوع.
وعموما أنا أعلم أن لدي عدد من اللاعبين مميزون من الناحية الفنية والتكتيكية وسأعمل على توظيفهم.

الموقع الرسـمي للنادي




.................

تسنك يابو زيد ماغزيت (( حال الاداره الغبيه ))

تشكرات شباب ع النقاشات والاخبار

|| خبـر جيــد وبشـارة كويسـه في أول تدريبات زاكروني ||



دل بييرو وكاسيريس مرة أخرى في المجموعة
عند ظهر هذا اليوم وخلاص الجلسة التدريبة الأولى لزاكروني في Vinovo.
الخروج من الأزمة الأولى تحت أوامر من مدرب يوفنتوس الجديد البرتو زاكيروني.
المهم في الأمر شهدت تدريبات اليوم تواجد دل بييرو وكاسيريس.
هنالك أخبار خاصة أثناء التدريب ضمن مواجهة لاتسيو :
دي تشيلي على اليسار سيحل محل غروسو وهجوم الفريق الأغلبية لاماوري مرة أخرى وسوف يتواجد من دل بييرو .

عساكم ع القوه شباب .. صراحه الرابطه بدات تفتح النفس مع تفاعلكم

بخصوص زكريا ماعرف عن هالمدرب شي الا انه نكبه كبر راس لاس ديارا
لكن ان شاء الله انه يقدم مستوى مشرف مع اليوفي في ظل الغيابات الي في الفريق.
وان شاء الله انه يفكنا من خطه الثلاث المحاور لي مامنها اي فايده .

بوفون وقروسوا راح يغيبون عن اللقاء قدام لاتسيو .. بوجود ماننجر نقدر نقول ان
مركز الحراسه في أمان إن شاء الله .. لكن دي تشيلي ع الظهير
الله يستر بس من هاللاعب لي ماعنده الا الدجه ..

بتيقا مصرح يقول ان الفريق ماراح يتعاقد خلاص مع ولا لااعب .. بس ينتظرون عوده
المصابين .. الحين هو من عقله يوم يصرح هالتصريح .؟
ماشاف ان الفريق ماعنده لا دفاع ولا هجوم .؟
ماحسب حساب ان واحد فيهم يصاب قبل عوده احد المصابين .؟
صدق اداره داجه ..

هذا الي عندي حاليا .. والف شكر لكل الاعضاء في الرابطه

^
حياك الله بيـانكونيري شرفتنا بتواجدكـ و الله,,,
بالنسبة للإنتقالات فعلا ما فيه صفقات فعليه خلال الفترة الشتوية وهذا ما عودنا عليه اليوفي دومـا يمكن صفقة سيسوكو هي اللي عليها الكلام خلال السنوات الآخيره وإن لم يكن خلال قرون لول

طبعا الفترة الشتوية استرد اليوفي اثنين من شبابه " برمفيرا " مثل منت ملاحظ :
باولوتشـي: ذبحوه إعارات
يــاقو الأسباني: توه جديد بس كان إعارة بس ناسي وش اسم الفريق المعار له يمكن ليفورنو والله ناسي
كانـدريـفا أحد أبرز الأسماء الشابه في ايطـاليا " هو لاعب لأودينيزي وكان معار لليفورنو والحين مع لليوفي"

يعني ما كنت أتوقع في أسماء لاعبين جايين في الفترة الشتوية هذي عادة اليوفي وإن لم يكن " مستحيل يجيبون لاعب "..
دوما و أبدا اليوفينتوس " الصفقات اللي عليها الكلام دوما تكون صيفية " .. مالنا غير الصبر يا صديقي ..

تقبل مروري لك مني كل الـود

أعلن الموقع الرسمي عن قائمة المدربين و الفنين الذين سيساعدون
البيرتو زاكيروني المدرب الجديد للفريق و همـ :

المدرب
Alberto Zaccheroni

مساعد المدرب
Stefano Agresti

مدرب الحراس
Alessandro Nista <<-- مب مدافع الميلان .. واحد يشبهه <<-- ياثقل دمك

مدرب اللياقه
Eugenio Albarella

اخصائي الاعداد البدني <<-- ماعرف وش هي
Claudio Gaudino

مدرب اعداد بدني <<-- نفس بنت عمها لي فوق
Andrea Scanavino

على فكره ترا Claudio Gaudino هو المعد البدني للمنتخب الايطالي ودوم مع ليبي
و هو نفسه المعد البدني لجيل الثمانينات التاريخي تحت قيادة تراباتوني و فترة ليبي بالتسعينيات
أما Andrea Scanavino فهو في اليوفنتوس منذ فترات ليبي و كابيلو و ديشامب ثم رانيري
و أخيراً مع فيرارا يعني ماتغير الرجال وماسك المنصب بايده واسنانه

المصدر في الصوره