وينك ... طلعت علوم الفريق من بعد خروجك ...


شباب .. الاخطاء كلها اخطاء من البداية

تخيل عندك اخوانك الصغار اعمارهم بين 13-15 بالله عليكم تخلونهم يسافرون ولا يمسكون الميزانية بالبيت


ناس ما تعرف لازم واحد خبره بينهم

طيب لا راحت فلوسهم و انحاسوا و جاهم واحد كبير بالله عليكم يبي يسنعهم

الخطا الاول
هو ان الادارة ماكان فيها شخص مهم من بعد رحيل كوبولي الى ان جاء بيتنغا بعد ما انحاس الوضع

الخطا الثاني
ان الادارة ما تضغط على المدرب ... اجتماعاتها مغلقة , تجديد الثقة ... المشكلة ما يقولون ان الادارة اجتمعت مع فيرارا ... لا اجتمع مجلس الادارة ... يعني بالله راح يصير شيء


الخطا الثالث
ان الوضع الحالي يقول ان المدرب مافيه اي خبرة ولا حتى امكانية تطوير و تصحيح اخطائه
ميلو ما وضفه صح الى الحين ... ديغو مازال مستواه سيء ... جيروسو ما يقدم شيء على الجهه اليسار ... كنفارو من سيء الى اسوء ... سيسوكو طاح مستواه ... بوفون صار يحس بلامبالاه ... اماوري ما يسجل اهداف زي العام

يعني كل هذولي من مهام المدرب ولا واحد منها مضبوط ... وش يدل هذا عليه


على العموم فيه اخبار تقول ان زاكيروني راح يستلم النادي

و من بعض المصادر ان راح تكون فيه تطورات اليوم الساعة 4 في الموضوع و سيكون الرد النهائي



بالنسبة لزاكيروني ....

و الله انا ما اببيهم يجيبونه ابد

صح الرجال كان توب مع الميلان ... بس ما سوى مع ترينو شيء يذكر

مع ان ريكوبا و روسينا كانوا مقدمين شغل مع بعض

بس فيه حسنه وحده اللي هي استقعاده الدايم للانتر لو كان معه فريق هوقابوقا من الهاواي ...

اتمنى شخصيا انه ما يكون هو ... و الله ودي الادارة تجيب مدرب له ثقل ... او حتى يوقعون معه الحين " هيدنك , بينتز " ... هذي الحركة راح ترفع معنويات الاعبين

حقيقة استقطاب بينتز راح يكون افضل من رائع و احسن من خيال



بينتز بداء بتوضيف جيرارد من يوم كان صغير و صار من افضل لعبيبة العالم

الحين اليوفي يملك لاعب فيه تشابة كبير بجيرارد الصغير

مركيزيو ... لو يجي بينتز ان شاء الله راح يوضف ماركيزو على الطريقة الصحيحة و يبداء حبة حبة معة ... ممكن في يوم نشوفهم مثل لعب جيرارد

صحيح ممكن ما يكون مثل جيرارد ... بس اهم شيء ان الاعب راح يستطيع توضيف امكانياته بشكل كبير

بينتز مشهور بتوضيع الصح للاعبين

انا اعتقد انه ضالة اليوفي

اليوفي عنده لاعبين بس 90% من الموجود يحتاج توضيف

و اليوفي هو ضالة بينتز

الرجال يبي ادارة تسمعه و تنفذ طلباته

وهذا اللي تسويه ادارة اليوفي ... اي طلب رانييري كان ينفذ " بولسن , اماوري ، ميلبرغ , ... "

و حتى طلبات فيرارا " جيروسو ، ميلو ، كنفارو ، كاسيراس ، .... "

اعتقد لو استطاع اليوفي استقطاب الداهية الماتدوري راح يكون اعظم من مجرد نجاز لهم

دمتم