لأول مره أتذوق طعم الإنتصار مرتين في أقل من 4 ساعات
الحمدالله كان انتصار مهم بمستوى ممتاز جداً ويفتح النفس عكس اليوفي اللي شفناه في السابق .. أفضل فريق إيطالي في 9 جولات هو السامب هذي مافيها شك والفوز عليه بهذه النتيجة والمستوى هو أفضل دعم معنوي للفريق في أفضل وقت لأن الفريق ينتظره أسبوع مهم وحاسم خصوصاً في دوري الأبطال ضروري الفوز على الصهاينه ونتمنى نكملها بالفوز على نابولي اللي بدأ يرجع نابولي 2008 .. مثل ماقلت سابقاً خطة 4-2-3-1 هي الأنسب والأفضل لليوفي سواءً في الكالتشيو أو دوري الأبطال لأن العناصر الموجودة بالفريق تناسبها هالخطة أفضل من أي خطة غيرها ، عندنا كامو ودييغو وجيوفينكو حرام تحط واحد منهم احتياط عشان مهاجم أرعن <-- أبنافسك يا ناصر ، أماوري ذو الشعر المستشور والجزمة الحمراء ياليتك تستمر على هالمستوى وتركّز على كيف تسجل وتصنع وتقلق الدفاع وتترك عنك الهياط على أخوياك ، شخصياً أشوف أنه يملك أكثر من ياكوينتا لكن مشكلته النرفزه في أي هجمة ماتوصل له .. فعلاً الفريق يفتح النفس أمس بجميع العناصر خصوصاً من اللي كان الأمل فيهم كبير وهم دييغو وسيبا
كيليني لاعمرك تفرح مره ثانيه تكفى وش ذي الحركه اللي سواها مع ملامح الوجه صاير توووحفه
إقتباس
الرسالة الأصلية كتبت بواسطة skroo
والله اني فرحت لهدف كامورانيزي اكثر من اي هدف
هالادمي ذاااابحني يا شباب شوفو لي حل
ناصر رجاءً لاتحتك وخلك على مولينارو خويك
إقتباس
الرسالة الأصلية كتبت بواسطة MHM
يا جماعه هذا مطرب ولا معلق
أبو فـيصل أفضل معلق عربي بالنسبة لي وعلى فكرة قبل تقريباً 3 أسابيع فاز بجائزة زاهد قدسي للتعليق ، الكعبي في الفوز يمتعك وفي الخسارة يطلّع اللي بقلبك ويريحك من الكلام ..الا صح وش رايك يابو حميد في مشروع السي دي حق الكعبي
|| ماروتا : أنا و كاسانو باليوفي ؟ أعتقد أننا مستمرون مع سامبدوريا ||
بعد نهاية مباراة يوفنتوس و سامبدوريا قامت قناة Sky Sport بأجراء لقاء
مع المدير الرياضي لـ سامبدوريا بيبي ماروتا قال فيه.
" سامبدوريا يمتلك الآن فريق قوي ووجود كبير بسوق الانتقالات. لا أجد نفسي في
أي مكان غير نادي سامبدوريا. تحدثت مع رئيس يوفنتوس الجديد بلانك وباركت له
منصبه الجديد و تحدثنا عن عدة أمور رياضية "
" كاسانو في اليوفي ؟ عدة أندية أبدت رغبتها بالتعاقد مع كاسانو ولكن لم نتصل أبداً
لاتفاق مع أحدها. قيمة كاسانو هي 20 مليون يورو لأن هذا هو مبلغ فسخ عقده
ولكننا لا نفكر ببيعه لأن مشروعنا الرياضي يعتمد عليه "
مبروووووك للجميع الفوز والمستوى المقنع والنتيجة الكبيرة اخيرا شنفا مستوى يرضي طموح عشاق البيانكونيري صحيح فيه بعض المباريات مايهم المستوى قدر ماتهم النتيجة لكن عندما يتكرر هذا الشي في اكثر من مباراة راح تكون ردة الفعل معاكسة من الجميع لانه عندما يظهر الفريق بمستواه الحقيقي يعطيك انطباع ان هناك عمل من الجميع وهذا ماحدث في بداية الموسم مستوى رائع ثم هبوط مخيف بالمستوى بعد اول تعادل للفريق وكان الفريق بحاجة الى فوز لتعود الثقة للجميع والحمد لله هذا حدث في مباراة سيينا وان كان المستوى غير مقنع والاغلبية انتقد هذا الانتصار وانا منهم لكن ماذا حدث بالامس شي جميل ويطمئن الجميع لكن لابد الاستمرار على هذا المنوال توظيف سليم للاعبين وقراءة ممتازة من المدرب وشيء طيبعي يظهر الفريق بالمتسوى هذا
ممكن تذكرون عندما تكلمت عن خطة ( 1/3/2/4 ) وشرحت كيفيت عملها وقلت انه انسب خطة للفريق بالوقت الحالي في ضل غياب المهاجم الثاني والمحور الذي يجيد الادوار الهجومية والدفاعية بنفس الوقت والان المدرب مجبر على هذي الخطة بعد اصابة ياكوينتا وقلة الخيارات الهجومية وهذا ردي
إقتباس
الرسالة الأصلية كتبت بواسطة U V
السلام عليكم ورحمة الله وبركاته
خطة (4-2-3-1)
اتفق كثير مع اخوي ناصر وانه راح تكون مجازفه كبيرة من المدرب وهو صرح قبل مباراة الفيولا باستخدام هذا التكتيك لكن لم يفعل واستمر على تكتيكه السابق (4-3-1-2) مادري وش الاسباب لكن هذا لايمنع ان هذه الخطة (4-2-3-1) لها مميزات عديدة وتستطيع تحويلها الى اكثر من خطة سوا في الدفاع او الهجوم ممكن على سبيل المثال تتحول الى النهج السابق للمدرب وهذا الاقرب لمشاهدته اليوم ايضا تستطيع تغيرها الى خطة هجومية بحته مثل ما يفعل ليبي بالمنتخب الايطالي (4/3/3) ايضا من مميزات هذه الخطة وجود ساتر دفاعي قوي مكون من محورين وتكون اداوارهم مركزة على استخلاص الكور من الخصم وتعطية اماكن زملائهم الاعبين في حال مساندة الهجمة عكس السابق يكون فيه ازدواجية في الادوار ايضا يكون فيها اراحة كبيرة لصانع العب ويكون تركيزة على صناعة العب فقط ويجد لاعبين مساندين من الاطراف او العمق بتقدم قروسو او كاسيريس الى الجناح ونزول سيبا الى المعق كمهاجم ثاني نفس الكلام ممكن يحدث مع كامو وكاسيريس بشرط ثبات احد الاظهرة لانه من الصعب تقدمهم كلهم اما الاجنحة فيكون لهم بعض الادوار الدفاعية في حال فقدان الكرة اي بمعنى تعود الخطة الى (4/2/2/1/1) وهنا راح يكون فيه تبادل في المراكز بين دييقو و سيبا او كامو بحيث الاقرب يكون هو الجناح والبعيد هو صانع العب ومثل ماهو معروف اي خطة لها سليبات ولها ايجابيات لكن هذه الخطة هي الانسب بالوقت الحالي اولا لعدم وجود محور يجيد الادوار الهجومية والدفاعية مثل تياقو وماركيزيو ايضا لايوجد بديل في المحور الا لاعب واحد ودوره دفاعي الي هو بولسن اما كامو فيكون اخطر اذا كان جناح والاعب لم ياقلم مع الخطة حتى الان ودوره في المنتخب يختلف عن دوره باليوفي بالمنتخب يلعب جناح ايمن وفي الجهه اليسرى يخلتف الاعب مرة دي ناتالي او ياكوينتا اكثر من اسم تم تجربتهم في هذا المركز + غياب المهاجم الثاني والمكمل لدور راس الحربة رغم وجود سيبا في الاحتياط لكن لم يعطى الثقة الا في مكان دييقو ولم يكون بالصورة وعاش نفس ظروف دييقو لكن ممكن يجد نفسه في الجناح ثم يتحول الى مهاجم ثاني واشوف انه خطورة سيبا تكمن بالشي هذا لان بنيته الجسمانية في بعض الاحيان لا تساعده انه يكون دائما متواجد في العمق خلف المهاجم وهذا مكان يفعله سيبا عندما كان في فريق إمبولي وان شاء الله راح تكون هذه الخطة هي مفتاح الفوز لليوفي
صراحة انا نسخت ردي هذا ليس لاثبت لكم صحة كلامي لاني عارف ان فيه اعضاء بالرابطة افضل مني بالتحليل وقراءة المباراة وبالعكس انا اتعلم منكم لكن نسخت هذا الرد لاقول هذا ما شاهدته بالمباراة صراحة اغلب ما ذكرته شفناه امس
سيبا وكامو خطورتهم تكون عندما يكون بالجناح ثم يدخلون للعمق وصراحة ابدعوا وامتعوا
المحاور كانوا سد منيع امام الخصم وانعدمت خطورة كاسانو ومانيني مفاتيح العب بالسامب وشاهدنا كيف كان لهم دور كبير بالمباراة سوا في تغطية اماكن زملائهم او قطع الكور حتى بالمساندة الهجمية كانوا مميزين
قروسو وقراقيرا كان لهم دور رائع بالدفاع والهجوم وشفنا كيف تبادل التقدم ومساندة الهجمة بينهم
الدفاع كان مرتاح اغلب فترات المباراة لدرجة انهم اصبحوا يتقدمون ويساندون المحاور في التغطية والسبب هو وجود الساتر الدفاعي المكون من ميلو وسيسوكو واحد الاظهرة فالذالك وجدنا باتزيني معزول تماما عن كاسانو ومانيني
اماوري وما ادراك ما اماوري بس ابقول شي قبل ما اتكلم عنه عندما ننتقد لاعب مهما كان هذا الاعب ليس معنى ذلك اننا ضده بالعكس الجميع مع الفريق ويحب الفريق واي لاعب بالفريق لابد نشجعه ونحييه انما نقيم دوره بالمباراة وماذا عمل فيها واماوري كان مميز في بداية الدوري وكان يقوم بادوار جميلة ومدحناه كثيرا على هذا الشي لكن انخفض مستواه انخفاض مخيف وهذا تزامن مع انخفاض مستوى الفريق كله وكان في بعض الاحيان يكون سبب في قتل الهجمة امس قدم كورة جميلة ورائعه وليس غريب من اماوري هذا المستوى لانه وجد خلفه لاعبين يوصلون اليه الكورة وقادرين على صناعة الفرص لاي مهاجم وهذا ما كان يحتاج هجوم اليوفي لاعبين يوصلون الكرة لهم ولو سوينا مقارنه بينه وبين باتزيني في مباراة الامس نجد الفرق ونعرف دور صانعي العب وفائدتهم للنوعية هذي من المهاجمين واعتمادهم الكبير عليهم امس باتزيني كان مختفي تماما والسبب هو اختفاء صانع العب(كاسانو ومانيني) رغم وجودهم بالملعب لكن دورهم كان مبطل بسبب الرقابة الصارمة من المحاور على النقيض اماوري كان نجم القاء وسجل هدفين وصنع هدف والسبب مثل ماذكرت وجود صانعي العب ودورهم الكبير في تالق اماوري نقطة اخرى لابد ذكرها المهاجم يعيش على الاهداف وعندما لايسجل الاهداف يعيش في حالة نفسية سيئة ويبحث عن تسجيل الاهداف حتى لو كان على حساب الفريق والمجموعة وهذا ما كان يعيشه اماوري بالفترة الماضية هذا غير الهجوم الصحفي الكبير على اماوري لعدم تسجيلة للاهداف و ربطها بسالفة جواز السفر امور كثيرة تاثر على مستوى الاعب لكن ماذا حدث عندما سجل اماوري نفس الحالة ماذا حدث لتريزيقول عندما سجل في البداية تحسنت نفسياتهم وانفتحت شهيتهم للتهديف فما بالك اذا وجدو لاعبين خلفهم يسهلون لهم هذه المهمه اكيد راح يكون فيه ابداع من الجميع
..........................................
اخوي حظيظ
قريت ردك الي تكلمت عن تمركز الاعبين بالمنطقة او قريبين من المنطقة عند رفع الاوفر وشرحك الجميل بالصورة لهذي النقطة وكنت راح اعقب على النقطة هذي لكن امس هدف كامو يشرح ما كنت تتكلم عنه وصراحة امس الفريق فعل هذا النقطة وشفنا كيف يشارك الاعبين الخارجين عن العب في كورة الاوفر ودورهم الجميل بالمسانده في ارباك الدفاع والمحاور وتشتيت انتباههم
..........................................
اخوي شبيةالذئب
تغيير ميلو كان اجباري وليس اختياري
ميلو كان يعاني من اصابة وكان يعرج وكنت متوقع تغييره واشوف ان المدرب تاخر بالتغيير وكان دي تشيلي افضل خيار بالدكة لعدم وتوفر لاعب محور بالدكة وتحول اسلوب الفريق الى الشكل هذا ( 1/2/3/4 ) والوسط كان بالشكل هذا
دي تشيلي ... بولسن ... كامو
سيبا ... دييقو
..........................................
الله يعطيكم العافية شباب مبروووك للمرة الثانية الفوز الثمين والمهم وان شاء الله يكون سبب في انطلاق اليوفي نحو الصدارة
هي خطه ناجحه اذا كان لديك مدرب قادر على توظيف لاعبيه بشكل صحيح.
مثل ما كان ليبي يتعامل مع دي ليفيو كونتي ,, تاكي ودافيز إلخ.
ولاكن لاحظت ان 3 محاور فيرارا فاشله بسبب.
ضياع الادوار والإتكاليه. ازدواجية الادوار الي ما لها داعي.
كثرة المحاور خلت المحور نفسه ما يعرف دوره. لذالك لو تلاحظون خط منتصف اليوفي دائماً تائه وبدون هويه.
فتحت الاجنحه ( كامو - سيبا ) حرر قيود دييقو مثل ما ذكر اخوي ناصر.
اخيراً بخصوص اماوري , لاعب تألق امس وسجل هدف ضربه رأسيه جميله وصلح هدف لــ كلليني.
الهدف الاول كان جيد ويحسب له المتابعه وردة الفعل.
على كل حال. اتمنى ما احد ياخذ هذي المباراة كــ باب لمحاربة ترزيقيه
إقتباس
امس فيه كورة لترزيقيه قدام الباب وشاتها بطريقة بدائية ,, ليتك يالعسيماوي تعلق عليها
هو لاعب بعيد عن اجواء المباريات ,, ما لعب 15 % من وقت اماوري ومع ذالك سجل مثله او اكثر.
شي واحد ودي تركز عليه ,, وباقي اخواني وخواتي يركزون عليه.
في هدف ترزيقيه. قبل رفعت قروسو ,, ترزي كان بين قلبي دفاع ,, انسحب للخلف وظهره للباب ,, وبعده دوران وتوجه للمنطقه الفارغه بين الظهير وقلب الدفاع الايسر في المكان الفاضي. 1 تحرر من قلبي الدفاع.
2 اخذ سرعة 3. اخذ منطقه فارغه 4. وسع زاوية التهديف لنفسه.
سلالسه وروعه جداً ,, اتمنى تشوفو الهدف مره ثانيه وركزو على تريزي واتركو الكرة
مشرف منتدى الرياضة العربية والعالمية عضو باللجنة الاعلامية للرياضة العالمية نائب رئيس رابطة عشاق الكالتشيو
تاريخ التسجيل: 13/01/2009
المكان: Riyadh
مشاركات: 6,892
السلام عليكم شباب جميعا ،،،
يعطيكم العافيه جميعا، صراحه لسه في نشوة الفرح حقت أمس يالبي الفريق أمس كانوا قمة في الإمتاع و عيشونا لحظات رائعه ياسلام علييهم .
باليرمو أحرج الإنتر اليوم وكانوا قاب قوسين من التعادل صراحه!!
صراحه حبيت أتكلم عن التشكيل والتكتيكـ، قريت أغلب ردود الشباب كلكم ماقصرتوا و يعطيكم ألف عافيه ..
* أتمنى أن يستمر الحال على ما هو عليه التشكيل اللي بالأمس هو الأفضل بدون أي شك، لكن لا مانع للعودة لتكتيك اللي يحبذه تشيرو في نفس المباراة وحسب الظروف كما شاهدنا أمس عندما شاهدنا :
دي تشيلي _ بولسـن _ كامورانيزي
وأتم اعطاء الحريه لكل من جيوفنكو و ديغو للصناعه و الهجوم تريزي!!
* ياسلام هنا الدهاء التدريبي و هنا التكتيك الرائع صراحه امتعونا اللاعبين و كبر تشيرو في عيني اكثر ورد علينا في الملعب هذا هو الملطوب صراحه .
لن أطيل أكثر من ذلك ولكن أتمنى الإستمرار على هذا النهج و مع عودة الكابيتانو و ماركيزيو سيكون اليوفي في أفضل حالاته .
الخوف من نابولي لا نريد أن نستهين في هذا الفريق!!
فلا مجال لنزف أي نقطه . ومثل ما قال تشيرو، بعد مباراة سامبدوريا
هي نقطة الانطلاق الحقيقه للحصول على السكوديتو .
والفريق بدأت تظهر شخصيته وفرض الأسلوب وعدم الخوف والهجوم...
صراحه هذا ما أبحث عنه
: صباح الخيرات ( ولد الزعيم البار ) نوّرت الرابطه بطلتك يابدر والله اشتقت لك شخصياً والحمدلله على سلامتك يالغالي واهداء لك الفوز الكبير هذا شيء ... الشيء الثاني اكبر المستفيدين من الفوز الكبير هو لا شك تشيرو خصوصاً بعد المشاكل وعدم الاستقرار سواء في المستوى او النتائج يحسب لفيرارا في هذه المباراه هو مطالبته للاعبين بالضغط على المنافس في ملعبه والبحث عن النتيجه من اول دقيقه عكس المباريات السابقه والشيء هذا ما شفناه في جميع مباريات اليوفي هذا الموسم بأستثناء مباراة روما اللي كانت بنفس المستوى الاداء القوي لدرجة ان جميع متابعي ولاعبي الكالشيو القدامى رشحو اليوفي من خلالها لخطف الاسكدتيو ولكن للاسف سرعان ما تدهور مستوى الفريق بصوره غريبه جداً نعم مثلما انتقدنا فيرارا فالسابق ونمتدحه ولكن لا نفرط بالمديح بعض الشباب اثنى على فيرارا لانه لعب بـ 4 2 3 1 وتناسوا انه لعب فيها وبنفس الاسماء ضد الفريق الصهيوني باستثناء تريزيغيه كأساسي وزيبينا ايضاً وكان المستوى سيء والفوز باهت عكس مباراة السامب فوز كاسح في كل شيء مستوى ونتيجه وهذا يدل ان المشكله ليست بخطة اللعب بل بـ ( التوظيف ) فيرارا تجراء اكثر وبحث عن النتيجه بغض النظر عن الفريق المقابل لدرجة ان قروسو وكيليني وكانفارو شاهدناهم داخل خط السته لمرمى السامب وهذا هو المطلوب : المطلوب من تشيرو هو المحافظه على طريقة اللعب وعلى اسماء اللاعبين في التشكيله لضمان انسجام اكثر للفريق ولكسب الثقه بأنفسهم كـ لاعبين ويجب على تشيرو هو المحافظه على مستوى الفريق العام وان يستفيد كثيراً من الفتره السابقه للفريق بعد المستويات الرائعه في البدايه ومن ثم انخفاض مخيف في مستوى الفريق الاستمرايه سواء فالمستوى والطريقه والاسماء هي المطلب الاساسي ياتشيرو في المرحله القادمه : الغالي ( حظيظ ) قبل فتره صار بيني وبينك نقاش بخصوص الباكات وخاصة قروسو وكان ملخص كلامي انك ماتقدر تحكم على مستوى الباكات الا اذا كان الفريق بالفورما عكس لما يكون الفريق مستواه سيء لا تسطيع ان تحكم عليهم فـ ياليت تقولي رأيك في مستوى قروسو في مباراة السامب , يهمني رأيك بصراحه : الريس ناصر / اوافقك بالرأي بنسبة 55 % < هههههههه : اخيراً فيرارا استفاد من بعض اخطاءه وهذا شيء جيد ولكن من وجهة نظري يُعاب عليه الى الآن ( التدخل اثناء سير المباراه ) المباريات القادمه بأستطاعتها ان تكشف المزيد والمزيد من شخصية تشيرو التكتيكيه
، أماوري ذو الشعر المستشور والجزمة الحمراء ياليتك تستمر على هالمستوى وتركّز على كيف تسجل وتصنع وتقلق الدفاع وتترك عنك الهياط على أخوياك ، شخصياً أشوف أنه يملك أكثر من ياكوينتا لكن مشكلته النرفزه في أي هجمة ماتوصل له .. فعلاً الفريق يفتح النفس أمس بجميع العناصر خصوصاً من اللي كان الأمل فيهم كبير وهم دييغو وسيبا
أفضل معلق عربي بالنسبة لي 
..
الوضع المتطور
