إقتباس الرسالة الأصلية كتبت بواسطة هلالي ارسنلاوي قال فينغر " نحن ضعيفين فـي خط الهجوم والدفاع"

توووك تدري يآ كوتش ,

شي غريب !

إقتباس الرسالة الأصلية كتبت بواسطة هلالي ارسنلاوي فـيـرمـالـيـن : "" هـذا ما أستطيع قـولة فـقـط ..! تخيلوا اليوم لاعبين بدون سونق ولا فيرمالين ..؟! ، مجرد التخيل يخوف

مآ قدر آتخيل , !



يـآخـي وشفيك , ترى لعبك خربآآن ,
تكفى العب زين يآ حقير , آو آنقلع لـ روسيآ .,

صباحكم عسل

ما ابي اقول هارد لك مليت صراحه

انا ما همني اننا بنكمل الموسم الخامس بدون بطولات - والله اعلم - مع ان هذي بحد ذاتها

مصيبه بس انا اشوف ان فينقر شيب وخلاص لازم تجيب دم

جديد لنادي انا عارف فيه كثير بيعارضني على ها المقوله بس الواقع يفرض نفسه

فينقر بلله وش المنهجية الى يمشي عليها له خمس مواسم !!!

بناء فريق ما اتوقع!! وهو كل موسم يبيع احد ركائز الفريق حتى تعودنا على ها الشي

وصار شي طبيعي بالنسبة لنا بعدين فينقر صار يقول شي ويسوي شي ثاني وين

تصاريحه الى تقول سوف نكون نشيطين فى سوق الانتقالات الشتويه ؟؟

والله قمت اتشائم من تصاريحه وللحين بقلبي تريشه بنا اننا بنفوز على المانيو العام

الماضي فى دوري الابطال وخلنا نتفائل واخرتها ناكلها بثلاثه

امس فينقر مفلس تكتيكياً بشكل مخيف لحد يقولى الاصابات خلاص ها الاسطوانه

حفظناها وشبعنا منها خمس مواسم وحنا على ها الحال !!!!! لين متى طيب

انا ما قهرني بهزيمة امس الا ان المان قسم بلله ما يخوف ولا يستاهل ها الفوز شفتوا

ارشافين الحاله وش قدر يسوي بدفاعهم الى فى اسواء حالاته ولا تقدر تفوز عليه ؟

فوزهم جاء من ثلاث لعيبه اقل ما يقال عنهم حمقاء الاول وبدون منافس كليتشي الى

من اول خمس دقايق وانا اقول لربع الى معاي الله يستر منه والثاني دينلسون الفلته

والثالث الحارس ابو فك الى تقول فك حمار الله يكرمكم

بس انا فيه حركه عرفت ان ابو علك حقير يوم نزل قيقز وهو متقدم بثلاثه ها الشيبه

يبي ينهي نفسيات لعيبه الارسنال ويقولهم منتب كفو دوري يبي يطلع بهزيمه مذله

اخر شي بقوله فينقر الى وين المسير ؟؟؟؟؟؟؟؟؟؟؟؟؟؟

مرتين يا فينجر والله قوية

بحتسي عن المباراة :

بداية هاردلكم .. وكان وجهي نحس وقايلكم لا تهايطون
أكبر خطأ في توقعي كان من فينجر هو عدم إشراك بيندتنر أساسي من بداية المباراة , البعض يتساءل ليش , أولاً بندتنر موب فيه = عدم الإستفادة من الركنيات ! , لذلك الطريقة الوحيدة اللي تنفع هي أنك تقدم السناتر في الركنيات !, بالتالي في حال إرتداد الهجمة - وهذا الشيء اللي أكتشفت فيه أن فينجر غبي تكتيكاً في الكرات المرتدة - لذلك في حال إرتداد الهجمة بيكون 3 لاعبين من المانيو على 2 من لاعبين الأرسنال , النتيجة = تنلقم هدف وهذا اللي شفناه من هدف روني وبارك , ومن خلال مشاهدتي للمباراة كان هناك خطأ كبير أيضاً وهو تمركز سونغ في الركنيات ! إذا كان السناتر متقدمين ولاعبين خط الوسط والمحاور أيضاً في منطقة الجزاء فما يحتاج إن المحور الدفاعي يكون قريب لمنطقة الجزاء المانيو , وظيفته أن يكون في منتصف الملعب مساند للدفاع في المرتدات , وهذا طبعاً ما شفناه !, شيء ثاني في الدفاع , إذا كان هناك من 3 إلى 4 ركنيات والدفاع يتقدم وفي حال الهجمة إرتدت لازم يرجع بأسرع وقت بالتالي الدفاع بيكون مرررهق جداً من هالشيء , بالتالي هجوم المانيو يكون مرتاح في تحركاته وتوزيع وتسحيبه لو كان فاهمها صح وناوي على هالحركة أقلها يقدم واحد من السناتر موب كلهم !, بس واضح أن الأرسنال مع إيبوي آآمـآآن يبوي آمـآآن أجل روني يطقها ويلحقها يروح إيبوي يمسط ! أجل لو أنه مسوي مراوح كان داخ !

الحراسة اليوم شوربة لولا الحظ اللي كان معنا في أن مهاجمين المانيو يضيعون الكرات ولا كان أنلقمنا أكثر من 3 ! مشكلتنا ما فيه حارس كويس بديل لألمونيا وألمونيا أفضل السيئين عشان كذا لزوم نصبر عليه , مع الوقت إن شاء الله يتغير للأحسن

اللحين بس شيء قاهرني سناترة المانيو كانوا كلهم من الإحتياط ولا قدرنا نسجل وشلون لو كانوا الأساسيين

قفلة :

منتب اللي خابره

قفلة :

يكفي عنـآآآد
راضين بمهاجم بس

أول حاجه خذ هذي لك

واضح ان الهزيمه مأثره عليك لدرجة ان ردك مادري هو موجه لى ولا فينقر ولا

لشلقة المدربين الى ذكرتهم في ردك قسم بالله قمة اللحسة

انا انصح الى وراه اختبار ما يقراء رد اخونا هينري لانو ما اضمن انه يجيه فقدان

للمعلومات الى فى مخه من قوة الشربكة

ويالغالى قبل لا ترد اقراء كلامي زين انا قلت ان فينقر ملفس تكتيكاً بمبارة الامس

ما قلت انه ملفس ع العموم

امس تقدر تقولى روزيسكي ونصري امس وش كانت ادوراهم بالملعب والله ضايعين

لتقدر تقول ان لهم ادوار هجومية ولا حتى دفاعية قاعدين يهجولون ع الفاضي

لما شاف ناني قاعد يفتح فى كليتشي شوارع رايح جاي يقوم يخلي دينسلون ينزل

يساند معه يقاله اللحين خلاص حل المشكلة والهدف الاول يلخص عجز الاعبين

وكيف جرهم على خشومهم بحركه وحده وفزع معه حارسنا الاسطورى

البطل دينلسون ترك المحور لروني الى قام يرجع للخلف ويستلم كور وهو فال

امها بدون اي رقابه لان فابري كان واضح انه متقدم لصناعة اللعب وانا ما قهرني

ودريت ان فينقر خلاص سلم المباراة الا يوم قام بتغير العظيم بطلوع سانيا ودخول

لاعب الفذ ابويي بس والله ياني رحمته يوم خلاه روني ينسدح على وجهه

انا اقدر اقول ان هذي اسوء تكيك للبوس من بداية الدوري اجل على ارضك وغياب

سناتر المان الاساسين وتلعب بدون مهاجم !!

تقولي اصابات اقولك استرح لا تطلب الدوري اجل

عسى فهمت ليه فينقر امس ملفس و ترا فيه اغلاط كثيرة لفينقر امس بس مشوار الحكي عنها

ومن ناحية تقولي التكتيك مهوب شي اساسي بالكورة اقولك استريح بس