السلام عليكم ورحمة الله وبركاته

ترشيح نادي القرن الآسيوي من خلال العربية بغض النظر عن البطولات والمشاركات

تحالف الأصفرين ، تكفون يالي تحبون الهلال ، الرجاء التصويت و و و...إلخ

بصراحة كل يوم يزداد اعجابي بموقع العربية ، مالهم أي علاقة لامن قريب ولا بعيد بقضية نادي القرن
ومع ذلك إذا دخلت المنتدى لقرأة الجديد وتتبع آخر الأخبار والتمارين وجدت ثلاثة أرباع المواضيع عن التصويت
في العربية ، معقولة ياأدارة منتدانا ماتثبتون موضوع للتصويت للهلال بأنه يستحق الحصول على نادي القرن
ولا أنتم مايهمكم إن الهلال يكون نادي القرن .....تراني قريت اعلان إن بتال القوس يقول الجماهير السعودية تنصب نادي الاتحاد نادي القرن
وياليت بالمرة المراقب الي بيكتب الموضوع وبيثبته ماينسى وهو يحط رابط العربية يصوت معه ترى مابيننا كثرة أصوات
خلونا نقهر الاصفرين و لاعاد يقولون لنا يحلموووووووووون ، ويعرفون إن الشعبية لاتقاس بالطرق العلمية إنما بالتصويت
بالمناسبة ترى عندي برنامج يخليك تصوت 1000 صوت بالثانية ، إذا تبون أنزل البرنامج صوتوا أنزله ولا لا
وبعد فترة بتحقق العربية مبتغاها وبتصير أكثر موقع في عدد الزوار وتصبح موقع القرن هااااااه من الحين لا تقولون نزل برنامج التصويت مجانا إذا صار العربية موقع القرن وتقولون اني خاين ما أبي موقع الزعيم يصير موقع القرن حمله الحين
لأنه بعدين بيكون برسوم


بصراحة لو قريت الموضوع كذا كان قلت حقد طبقي طفارى وصايعين بدون وظايف ( منهم الي يحلمون قصدي منهم الي ماعندهم وظايف ... كني كشفت نفسي ... لا لا ما أظن)
وقاهرهم نجاح سامي كلاعب ولا يبونه ينجح كمستثمر ، لكن أن يكون السبب لأن سامي مقهور من الجماهيرية الي صنعها التايب ولا يبي أحد يوصل مثل ماوصل ، هذي بصراحة أهني الي اكتشفها تحس فعلا إنه ذو نظرة ثاقبة
لأني اذكر فعلا سامي الجابر كان يسرب اشرطة محمد عبده ويكتب عليها عبادي الجوهر حتى يتمشكلون مع بعض و بعدكذا يمنع نزول أغانيهم للاسواق ولا يصبح عندهم جمهور ينافسون جماهيريته
وبالمناسبة ترى سامي قدم عرض لبيليه ومارادونا انهم يعتزلون قبل لا يسجلون في كأسي عالم يفصل بينهم 12 عام عشان يكون هو وحده ولا يوصل مواصيله أحد بس تدخل واحد أبرازيلي ( ترى مو خطأ إملائي بس هذا زي ما نقول احنا في شبة الجزيرة العربية واحد أعرابي هم يقولون واحد أبرازيلي ) وواحد أخر ارجنتياني ( وهذي ينطبق عليها ماينطبق على أبرازيلي وأعرابي ولكن لأنها بدأت بألف فتوهق الكاتب فكان لا بد من أن يتصرف وسلم الذيب )
اقنعوا سامي بأنه يخليهم يسجلون مثله بس بشرط مايتعدونه
وبالمناسبة كيف انقسم جمهور الهلال لفئتين :
الأولى : عاشقة للتائب ومقتنعة إن سامي هو الي ابعده
والثانية : كارهة للتائب مستمتعه بخبر انتقاله للشباب ويقولون هذا الي قال موبلاعب في السعودية الا في الهلال والله انكم على نياتكم
الفئة الأولى :
أنا لا أخفي عشقي للتائب بل من بعد الثنيان والغشيان وسامي وبعض الاجزاء المتفرقة للتمياط والشلهوب لم يطربني بعدهم الا هذا البرنس <<< ـــــــــ ترى ماعترفت الا عشان التوقيع لأحد يشوفه بعدين يقول ذا عنده انشخاص في الفصمية قصدي انصخام في الفشسية قصدي انشسام في الفخصية يوووووووه اعوذو بالله من ابليس قصدي انفصام في الشخصية
لكن مسألة توهيق سامي الجابر والسباحة في ذمته !!!
عندك شي مؤكد عطنا الدليل وإذا رفضت إدارة الموقع نشره راسلني على الخاص واكتب الموضوع بمعرفي ولا أحد يقدر يمسحه لعدة اسباب : لأني سمي سامي الجابر الي يقدر يسوي أي شي في النادي والاسم يحن
ثانيا لأني كل يوم ، نعم لا تفغر ، كل يوم أقابل المراقبين على المنتدى



شفتو !! ومن قوة الجبروت حاطهم باخر الصفحة
هااااااه بالصور عشان لا تقولون مصدرك

نرجع للفئة الأولى من خلال تجربتنا الشخصية السابقة مع اعتزال الثنيان وسامي ونواف وابتعاد الغشيان ( عشان لاتقولوا هذولا اعتزلوا الغشيان ترك الهلال قبل الاعتزال يعني مثل طارق حاليا ) الهلال لم يقف على لاعب وكلها بدايت الدوري ونرجع لعشقنا الأصلي للكيان الهلالي وليس للاعب فكم قلنا لا طعم للكورة من بعد الاسطورة والكورة بعدك كيف الحال و و و .... ولكن إذا لعب الهلال فخبرون... قصدي اذا لعب الهلال لم نعد نهتم الا بالموجود ين في ارض الملعب مع بقاء العشق والمحبة لتلك الاساطير

أما الفئة الثانية : ( لاني بحاقد عليهم ولا شي )
كره التائب ومحبته شيء من الله ورأيك أنت حر فيه لكن تقول وش استفدنا من التائب وينه قدام الشباب والاتحاد ووو باقي الاعذار الي مألفها لكم صاحب النظرة الثاقبة الي بأول الموضوع وينكم من ثلاث سنوات وليش الاتحاد والشباب ماكانوا أكثر فوز علينا وفوز بالبطولات أكثر من الهلال دام التائب مايفيد
ومسألة انتقاله للشباب لا تمت لصلة ولا لهاترك ( معليش ماقدرت اصبر ثلاث اسطر بدون ثقالة الدم المعهودة ) لا تمت للعشق والمحبة بشيء هو كان يقصد المساومة أنه لن يساوم دامه مع الهلال وقالها حرفيا الهلال الاولية لكن إذا مايبون التايب راح القى عروض لكن الاولوية تبقى للهلال ( حتى شوفوا الاخلاص راح للهلال الساحلي من حبه للهلال.........أقول روقنا كنت ماشي صح ليه الشطحة )
لكن التائب لاعب محترف مصدر رزقه الكورة ووين بيلقى ( دوري زين ) في العالم كله الا في المملكة العربية السعودية
وأنا متأكد أن القطرين والاماراتين فاوضوه لكن من ويلهم زين يعني تخيل انك لاعب ... وينبرش عليك ريان لسى ماسكها عليه لاخر يوم في حياتك المهنية والمنزلية بعد التقاعد .... قصدي انك لاعب ويجيك عرض من الامارات وقطر والسعودية وش تختار ؟؟؟
بعدين لا نروح بعيد أو نستبق الاحداث هذا حسين عبد الغني رمز من رموز الاهلي ولا زال عقده مستمر مع نيو شاتل
حاول الرجوع للاهلي و ماقدر تبونه يعتزل ( رغم انه اصرف بس قوية يعتزل وهو لسى يبي يلعب )

وللفئتين أقول فعلا الادارة معذوره لو ماصرحت بشي رسمي للتائب
فلو كانت ناويه على إعادة التائب فصعب تكرر خطأ الموسم الماضي عندما تعاقدت مع نفيز وضيعت التائب الي حس انه هو البديل
ولو كانت ناويه عدم إعادته فلن تصرح بذلك مراعاة لمشاعر عشاق التائب وعدم قسم الجمهور الهلالي لقسمين
لكن الأكيد إن خبر بفلوس بكرة ببلاش


هذا الصحفي البلجيكي الي زار نادي الهلال وخش على الموقع الرسمي لقى كلها طلبات لاعبين والتعاقد معهم
ومطلوب وضروري
فحب يسوي ذكي وقال دامنهم يطلبون أكيد ماعندهم لاعبين و إدارة ناديهم مشغولة عن النادي ووو





ترى البلجيكي ماله دخل بس حبيت اذكر الأعضاء المسؤولين عن التعاقدات لهذا الصيف ومحسسينك ان الهلال يبيله
أربعة الاف و ميتين وسبعة وخمسين لاعب حتى يعود للمنصات الي غاب عنها منذو مبطي ابان الثورة الفرنسية

مع أن تعاقدات الهلال ــ ماشاء الله تبارك الله ــ لوكانت لفريق من فرق الوسط بالدوري لاصبح فريق مرعب
فمابالكم أنها اتت لفريق ثمن أي بطولة الفوز عليه

...............................

في الختام اعتذر عن الاطالة ولكن هذي نهاية الي جالس بحر الرياض وسافروا أخوياه
واذكر اني كتبت الموضوع لعدة اسباب من اهمها :
ــ دعاية لبرنامج التصويت أبو الف صوت في الثانية
ــ رفع ضغط الأعضاء الغير مصرح لهم بكتابة موضوع جديد

والسلام عليكم ورحمة الله وبركاته

ههههههههههههههه انا ماعجبني الا اخر شي
رفع ضغط الي مايكتبون مواضيع

الله يعطيك العافيه

مع اني توي منزل موضوع مقارب
بس اهنيييييك على الطرح
والى الامام يابطل

ياخي انت بطل وكل شي ..!
بس الصفحه وسيعه كنها جبهتك
ياخي نسق الموضوع عشان نقرا صح..!
عيوني راحت فيها
احذف الصور ترى مالها لزمه في موضوعك..!
شكرا يابطل
ترى الموضوع حلو بس انا اقول التنسيق لك عليه وشكرا ..!

إقتباس الرسالة الأصلية كتبت بواسطة Valdano ياخي انت بطل وكل شي ..! بس الصفحه وسيعه كنها جبهتك ياخي نسق الموضوع عشان نقرا صح..! عيوني راحت فيها احذف الصور ترى مالها لزمه في موضوعك..! شكرا يابطل ترى الموضوع حلو بس انا اقول التنسيق لك عليه وشكرا ..!

شوف انت مندس عشان كذا ماني راد عليك
بدليل ماعندي جبهه انا على طول حواجب بعدين شعر

شاكر لك ملاحظتك ومرورك
وبالنسبة لعرض الصفحة هو ناتج عن صورة مراقبين المنتدى
باقي الصور انا تعمدت تنزيلها بسبب
أن اسمائهم تكفي بعيدا عن الوصف و و و
شاكر لك وللجميع مرورهم ومشاركتهم

طرحك جدا حلو

ومميز في نفس الوقت

مشكور وماتقصر

مشكووووووووووووور على الموضوع والطرح لاكثر من رائع

مشكور اخوي على الموضوع
لاتحرمنا من جديدك

..



نادي القرن اذا هو كان عن طريق التصويت << سلم لي على اللقب


وين البطولات والزعامه الاسيويه للهلال


وبالنهايه تكون تصويت !!

اذا ما أخذ الهلال (( المستحق عن جداره )) اللقب هذي سقطه قويه في تاريخ الكره الاسيويه


________



بعدين ياخي مليتونا وانتم تحكون عن التايب والتايب وسامي


التايب لاعب كبير بس خلاص اصبح غير مفيد للهلال بأقتناع الاداره والمدرب و بعض الجماهير (( وانا أولهم ))



وسامي لاعب كبير ويعد من أفضل الاعبين الي عاشرتهم انا مع يوسف الثنيان


ومستحيل ياحبيبي الجماهير الغير هلاليه تعشق سامي << لان قطع شباكهم من الاهداف ومذوقهم المر


"أشكركـ...




..