|
هذا ما جرى لي مع قنوات الآرتي وقناة الزعيم.!!! باختصار انا مشترك في قنواة العار تي على شان الاولاد الله يصلحهم يموتون في شيء اسمه هلال . الله يسامحك يا ياسر كله منك!!! المهم اراد ابنائي الاشتراك في قناة الزعيم لمشاهدة تمارين الهلال .قلت لهم حتى التمارين ستتابعونها ستملون من الكوره قبل بداية الموسم!!! المهم استجبت لطلبهم وذهبت معهم لوكيل العار تي في السليمانيه وقلنا نبي قناة الزعيم قال لنا: اولا هات كرت الآرتي اللي عندك ونضع عليه اشتراك الزعيم واذا تبي الزعيم لمدة سنه ب (450) ريال لازم تجدد اشتراكك في قنوات العارتي لمدة سنة ب 1100 ريال.؟؟؟ يعني المجموع 1550 والا لن نعطيك الا شهر فقط وهو ما تبقى من مدة اشتراكي معهم . ويقولون رسوم الاشتراك لكل قنوات العار تي في مصر بحدود 200 ريال او حولها!!!! وحنا بالمئات والله قهر وش الحل يا جماعة الربع.!!! نصب عيني عينك!!!!واستغلال للسعوديين فقط!!! وكأننا البقرة الحلوب التي يجب عليها ان تُرضع اللي يسوى واللي ما يسوى.!!! |
الله يجيب قنوات الجزيره الان في الجزيره في بلس 1 بلس 2 بلس 3 بلس 4 بلس 5 بلس 6 بلس 7 بلس 8 كلها هذي سعرها 380 ريال وشوف الحصريات اللي في الجزيره |
ارتي الزعيم قناة فاشلة بما تعنيه من كلمه لا شفنا حصريات ولا شي ماعندهم الا اغاني قديمه ومباريات يعيدون فيها يعني قناة خسارة الواحد يشترك فيها اجل المدرب جديد وتوه جاي ماتستقبله القناة ولا تسوي معه مقابلة هزلت والسلام ختام |
قناة الـart .. تتمادى كل يوم والثاني طالعين لنا بسعر مختلف جدا عن الي قبله وأغلى والي يقهـر أنو ماأدري على ايش على تصويرهم للمبارايات الي نقول عنه أقل من العادي .. أو حصرياتهم الي ماأدري وش أقوول عنها :( يستغلون المشاهد بس مافي اليد حيله وأنا أختك :s5s: !! أكيد قنوات الجزيرة الرياضية لايختلف عليها أثنين .. تغطياتهم ولاأرووع منها تصوير أحترافي بمعنى الكلمة .. محللين أساطير كرة القدم ويكفي نقلهم للمبارايات على اكمل وجه " متى يجي الوقت الي أشوف قناة الجزيرة تنقل دوريناااا:smilie47: :( |
السبب كلة منا ليش مانقاطع الأرتى الظاهر لو حتى انة خلى الأشتراك بمليون ريال ماأحد ودة يقاطع |
للأســف هذا مانعانية من art انصحكـ بالدريم بوكس |
هذا كله من الطمع الزائد والله انهم ماينعطون وجه تعس عبد الدينار |
غلطان يخوي انا كنت عندهم امس يقولي اذا تبي تجدد السنه الجايه لازم تشترك بالباقه العائليه اولا علما بان قناة سبورت 1 وسبورت 2 نقلوها من الباقه العائليه الى الباقه الرياضيه يعني مع سبورت 3 و 4 و 5 و 6 ,,,, يعني الباقه العائليه بدون اي فائده وتشترك فيها غصب وبكذا يكون الاشتراك طلع عليك بقيمه 1800 ريال سعودي مع الاسف الشديد ,, لا واذا تبي الريسيفر الجديد حق الارتي ( حاطين لهم ريسيفر خاص بشفره جديده عشان ما تنكسر شفرتهم مثل ما حصل بالدريم بوكس والشله) تدفع 350 ريال ريسيفر خاص عشان تشتغل عندك الارتي ,, يعني يالغالي اللي يبي يشترك بالارتي الموسم القادم الله لا يهينه ينقط 2150 ريال :s5s: ,,, ما اقول الا حسبي الله ونعم الوكيل على الباكستاني الله لا يوفقه ولا يربحه اللي مستغل الناس حسبي الله عليه ,,, علما بان قنوات الانديه مثل ما ذكر الاخ بـ 450 ريال للموسم لكل قناة رياضيه :s3s: |
الله لا يوفقهم ولا يوفق اللي سمح لهم ,, الله لا يوفقهم ولا يوفق اللي سمح لهم ,, الله لا يوفقهم ولا يوفق اللي سمح لهم ,, |
اخوي غلطت على قناه الجزيرة سعر التجديد 250 ريال فقط الان في الجزيره في بلس 1 بلس 2 بلس 3 بلس 4 بلس 5 بلس 6 بلس 7 بلس 8 كلها هذي سعرها 380 ريال وشوف الحصريات اللي في الجزيره اما بخصوص الاي أر تي تبغى تضحك عليها صحيح خل المنتخب السعودي مايوصل كاس العالم يعني يطلع من البحرين أو نيو زلندا وبتشوف الاشتراك مجاني خخخخخخخخخخخ لانهم يدرون مايدفع إلا السعوديين بس |
هاذا المواطن غير (الصالح) مازال يبتز هاذا الشعب الطيب اللذي جمع ثروته من بلدهم الطيب. وأستغرب أن جميع دول العالم المتأهله لكأس العالم تشاهد مبارياتها ,كما أن كل العالم يشاهدونها على البث الأرضي ماعدا نحن الشعب المسكين. وأستغرب من السكوت على تواطؤ بعض الجهات الرسميه مع هذه القناة وهي جهات لها ثقلها مثل وزارة الاعلام ورعاية الشباب. وأتعجب أيضا من الأسعار المبالغ فيها مقارنه بسوء الخدمه المقدمه منهم. |
أسعارنا غالية لسبب بسيط من وجهة نظري.. ان الأخوان في مصر والجزائر وغيرهم ليس لديهم قوة شرائية مثل التي عند الشعب الخليجي فتضطر العارتي ام تجعل الخليجين يدفعون عن المصريين وغيرهم |
دريــــــــــــــــم بوكس .. متعة المباريات .. |
إلا وش قص أبو ناقص كلما فتحت على إقرأ(أحد قنوات العارتي) ما تسمعه إلا هادا حكم الشريعة الإسلامية هادا لا يرضي ربنا سبحانه هادا مدري وشو تقول شيخ ,وإذا فتح العارتي وباقي الباقة تلقى أنواع الدشارة |
يالله ياربـي جعله مايربـح .......... صالح كـامل ... |
| الوقت المعتمد في المنتدى بتوقيت جرينتش +3.
الوقت الان » 11:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd