بسم الله الرحمن الرحيم

قبل بداية هذا الموسم برئاسة الأمير/ عبدالرحمن بن مساعد ال سعود. حفضه الله

أحضر لنادي الهلال لاعبين جدد وسجلهم في كشوفات النادي ونحن نريد أن نتناقش

بهذا الموضوع أولا...


المدرب البلجيكي : ايريك جيريتس :

ماذاسيفعل جيريتس لنادي الهلال في الموسم القادم؟

ثانيا...
المهاجم الدولي عيسى المحياني



ماذا سيفعل عيسى المحياني لنادي الهلال وهل سيواصل أبداعة ؟

ثالثا:Lee Young-Pyo (لي)


ماذا سيفعل لي لنادي الهلال وهل سيبدع الموسم القادم خاصة وأن عمرة32عام؟


الموضوع لنقاش فقط نريد المناقشة وشكرااااااااا؟

اعتقد ان جيريتس سيبدع مع الهلال

فنجوم الهلال افتقدوا الفترة السابقه الجديه في العمل

وجريتس باين عليه انه صارم ولا مكان للمتهاون او المقصر عنده

ونجومنا لو شدو حيلهم فأنهم بيبدعووون


عيسى المحياني بيكون ثناااائي بطل مع ياسر وبينسينا سالفة نبي مهاجم اجنبي

وانا اراهن على هالشي لان فوق مهارته سيلعب بقلبه وعشقه للزعيم

واللي فرط بالملايين لعيون الزعيم مستحيل يحفظ اي مجهود عن الهلال



لي يونغ بس يبي له شوية وقت عشان يتأقلم مع الجو والفريق وبتتحول نقطة الضعف في خانة الظهير

الى نقطة قووووه تبهذل الخصوم بأذن الله


واسمح لي اخوي اضيف تياقو نيفيز تراك نسيته

هذا بيرجع لنا ايام التسديدات الصاروخيه و الاستفاده من الكرات الثابته ان شالله

و بيكون علامه فارقه في الفريق بأذن الله

الله يوفقهم كلهم مع الزعيم . .

المدرب اعتقد راح يقدم للهلال . . من وجهة نظري
اما اللاعب الكوري انا خايفه انه
((سول )) الثاني<<متعقده منه ؛ <هع

اما عيسى مااعتقد ذاك الزود راح يقدم ماادري . .
انا اشوفه ماراح يقدم مرررره . . مع اني اتمنى ان توقعاتي ماتجي بمحلها
بالنسبه لعيسى . .

بالتوفيق للزعيم في الموسم القادمً. .
جيرا الهلاليه ..

اتوقع لجريتس ان ينجح مع الزعيم خصوصا ان الهلال عنده لاعبين ممتازين يساعدون اي مدرب على النجاح متى ماكانوا في مستواهم

والمحياني كان ناجح مع الوحده مع ان عندهم نقص في اماكن كثيره فما بالك اذا جا مع فرقه مكتمله اكيد انه بيبدع

والكوري بيفك ازمة الظهير وبالنسبه لعمره عادي حنا جايبينه سنه وحده ويتوكل على الله عقبها يعني عمره ماياثر
هذا نور وعبدالغني كلهم اعمارهم كبيره

اسمعني
انا متاكد متاكد متاكد وباذن الله ان الهلال فريق بطل ورايح يجي من الموسم الجاي فريق عاشق للتهديف وفريق عاشق للتسديدات الصاروخيه ترى من زمان محد يعرف يسدد من خارج المنطقه الا كم واحد وينعدون على الاصابع وابرزهم ..طبعا من لاعبين الوسط او القادمين من الخلف


ماكان فيه الا عمر الغامدي


والحين رادوي واثناء تواجد رادوي غاب الغامدي لان خلاص صار معروف راعي التسديدات ويقفلون عليه حتى الكديش سواها معنا بعد ماقرصهم رادوي من اول ماجاء


اما الان فنا كنت متواصل مع اليوتيوب مع تياجو نفييز وهو لاعب عاشق للتسديدات ... اضف الي الكوري وياسر ورادوي والهلال الموسم انا اضمن لك باذن الله الدوري هلالي ومعها كاسين ياا اما اسيا ولا الملك ولا ولي العهد


هاذا اذا ماكوشنا على كل البطولات ياجماعت الخير انا متافئل بموسم جديد واللي يقول طارق وماطارق

يعيال تذكروون الحمله اللي شلينها والبلبه اللي صارت والتصمايم عن تفاريس ومانبي ومدري وش المهم

ومانبي هوساوي

مالكم بالطويله اللموسم الجاي


نااااااااااااااار


ابو مايكل كلك ذوق ونظر

وينك يآ الفيصل..هذآ زي موضوعي الي حذفته وعطيتن عليه إنذآر..!!
بآ التوفيق للزعيم

جرييتس أنا متأكد إنه راح ينجح مع الهلال بشكل كبير بإذن الله ,,, لانه مدرب معروف في أوروبا وهو دائما ينجح مع اي فريق يدربه
المحياني بإذن الله راح يشكل ثنائي خطير مع ياسر في قلب الهجوم,, إذا ماأشركه المدرب أساسي
الكوري لي يونغ,, من خلال ملفه الشخصي لاعب جيد ومبدع في مركز الظهير الأيمن وهو هجومي أكثر منه دفاعي ,, لكن عمره كبير جداً مقارنه بعمر اللاعبين ...

كل التوفيق للهلال بحصد الألقاب بإذن الله

الله يوفقهم وان شاء كل بطلات السعوديه في الجيب واسيا

اشكرك على هالموضوع اخوي

جيريتس بالنسبه للمدرب فللااخوف على الهلال بوجوده ولعل اهم شي يدعو الى الطمأنينه طريقته المعتمده على 4-4-2 وهو الشيء الذي افتقده الهلال من ست سنوات تقريبا

عيسى فسيشكل فارقا بجانب كباتن الهلال الموجودين من قبل الله يوفقه يارب بالاضافه الا انه يشكل تحديا مع نفسه والنصراويين الذين نادوا بافضلية السهلاوي عليه ( طبعا عقب مارماهم)

لي راح يفكنا من نامي وتخبطاته في الجهة اليمنى التي لطالما افتقدها الهلال من بعد احمد الدوخي

وبالختام الله يوفقهم جميعا

لكل مدرب وجهة نظره ولكل مدري تكتيك معين ومشكوور الحارثي
على الموضوع واهتمامك في النادي وانشاء الله جريتس يبدع مع الهلال

وجهت نظري >> ان اي لاعب يصرح للاعلام يفشل