|
زي الهلال لابد من تغييره في البدايه سوف أبدأ بتحية أهل الإسلام / السلام عليكم ورحمة الله وبركاته ..... وبعد سوف أتطرق إلى زي الهلال الرسمي .. وبما أني أحد اعضاء المنتدى .. سوف أبدي رأي وأتمنى أن يصل إلى المسئولين عن زي الهلال .. في البدايه نادي الهلال كيان .. ليس بأي كيان عادي ... بمعنى ليس كيان رياضي او اجتماعي او ثقافي .. بل أكثر من ذلك .. والدليل متابعة كل صغيره وكبيره من قبل الإعلام العربي وبعض الإعلام الأوروبي وإهتمامهم الكبير بحيثيات النادي الأزرق .. وايضا لما يملكه هذا النادي الشامخ من قاعده جماهيريه تمتد من اقصى الشمال إلى اقصى الجنوب ومن اقصى الشرق إلى اقصى الغرب .. والدليل ايضا .... نتيجة اختبار شركة زغبي .. وايضا لما يملكه من اعضاء شرف يعدون (( الصفوه )) وضعوا تحت كلمة صفوه ما بدالكم من خطوط ولما يملكه من لاعبين من طراز عالي جدا .. ومحترفين يمثلون منتخبات اوروبيه ومدرب ذا سمعه اوروبيه كبيره جدا ... وبما أن المجال مفتوح لكل عضو هنا يعبر عن رأيه الرياضي البحت بما يخص عن نادي الهلال ويعبر عن رأيه الإداري ايضا .. وانا هنا أريد أن اعبر عن رأي في زي الهلال ..... بعد تلك المقدمه .... أردت أن اوضح الصوره لكل متابع رياضي لنادي الهلال . بأن نادي الهلال يحتاج زي يكون يليق بسمعة تلك النادي .. لازال نادي الهلال مع إحترامي الكامل .. لايختار الزي المناسب والمتناسق لسمو الصرح الشامخ نادي الهلال مع العلم بأنه يوجد اكثر من شخص في المنتدى مبدعين جدا .. في التصاميم للأزياء الرياضيه ولو علمت عنهم الشركات المخصصه للأزياء الرياضيه لأستقطبتهم وتم احتوائهم ... مختصر الحديث ... لابد أن يكون للزعيم الأزرق زي يوازي الكيان ... مثل الأنديه الأوربيه لابد ومن ثم لابد ومن ثم لابد .... لو لاحظنا في الدوري السعودي .. لايوجد نادي يرتدي زي يعتبر افضل الأنديه في التناسق والاختيار .. سوى نادي الشباب ... والبقيه .. مع احترامي الكامل لايعدون سوى طقم يميز الفريق عن الفريق الأخر .. علينا أن نقتدي بالزي الإيطالي .... مثل الأنتر ... واليوفي ....... هؤلاء هم فقط على مستوى العالم من وجهة نظري الخاصه والمتواضعه من يرتدون زي .... يعتبر كامل الأناقه ... كلنا أمل في الله عز وجل ومن ثم مسؤلي النادي الأزرق عن تعديل الزي بشكل يستوفي الطموح |
أتفق معك زي الهلال الحالي سيئ جداً واديداس تضر الهلال اكثر فاكثر أتمنى طقم جديد والا يدخل فيه اللون الاسود !! او الكحلي الغامق لا ادري ماسبب هذا الاصرار على ثلاثة الوان في طقم واحد!! لوحة اعلانيه ام زي!! أمتنى يكون نفس طقم الاس تي سي قبل موسمين كان قوي جداّ أوم الطقم الذي كان مكتوب عليه دعاية مجموعة خالد الشبيلي قبل اربع مواسم نريد طقم مختصر والوانه قويه ولها لمعتها وتميزها |
الصراحه شركة نايك افضل من اديداس ولو يكون نايك هي الي تسوي الزي الهلال افضل |
انا معك والله في الدوري السعودي عموما فاقدين شي اسمه طقم ممتاز نبي اسم الاعب على طقمه ملينا من الرقم بس الدوري اليمني يكتبون اسامي على الطقم الدوري السوداني بعض الأفرقه تكتب الأسامي وحنا هنا ماتقدر تفرق بين طقم التسخين وطقم المبارات مشكور على طرحك الهادف |
أنا اختلف معك أخوي في نقطتين: 1- زي الهلال في الموسم المنصرم كان مميز صنع للهلال فقط ولا يوجد أي نادي سواء اسيوي أو افريقي او حتى اوروبي يلبس مثله. 2- الشباب يعد من اسوء الانديه في الزي لأنه لا يستمر على طقم واحد او بالاصح على ماركه وحده . في بداية الموسم عرضوا ثلاث أطقم من شركه محدده لا اذكر اسمها . وفي منتصف الموسم لبس نايك والطقم كان سئ جدا. الي لا بد يسويه الهلال انهم يرجعون للشورت الأبيض من باب التغيير لموسم واحد. والموسم الي بعده يكون ازرق كامل في اغلب المباريات وهكذا. وأفضل إن اللبس الثاني ما يكون نفس تفصيل الاول بالضبط مع تبديل الازرق أبيض والأبيض أزرق, مثلا اللبس الاول يكون بياقه ومطعم بأزرق يكون اغمق بدرجه بسيطه عن لون القميص واللبس الثاني تكون الرقبه عاديه بدون ياقه وبدون تطعيمه كحليه. أتمنى الفكره وصلت.. سلام |
والله انا معاك نبيه زي عالمي |
بلا نايك بلا اديداس يازين طقم اعتزال الذيب ولا ابو يعقوب ولا الطقم اللي ايام النعيمه والشله<<<<<<<<<<لا عاد مهب الى الدرجه بالتوفيق للجميع |
يا بريداوي ترا طقم اعتزال سامي ويوسف اديداس هع |
لالا يا ليت يكون الطقم من ناااايك وبس لانهــــآآ جودهـ جميله جدآآ آ ووقويه في نفس الوقت واذا كانت اديداس ياليت يبدعوون فيهــى وينزلونهــآ بدري |
في إعتزال الذيب ساامي كان الطقم روووووووعه حلو ..! اتمنى يكون هذا الطقم الرسمي للفريق ..! .. الف شكر لك ..! وأنا مؤيد لفكرة تغيير الطقم ..! سسسسلآم ...! برآيفت :: الزعيم منآسبه له كل درجات اللون الأزرق إلا السمآوي هههه :) |
اتمنى الموسو القادم يكوووووووووون الزي الاساسي ازرق بالكامل والطقم البديل يكووووووووون لون غريب مثل الاندية الاوربية |
أهم شي عندي المتعه واللعب((لو يلبسون خيشه ههه)) |
اعتقد ان الشركه المصنعه للزي وهي اديداس لها الدور الكبير في جمالية الطقم ولو تتعاقد الاداره مع شركه اخرى تكون افضل من اديداس بمراحـل عموماً الطقم الآن ماهو مهم بقدر ماسيقدمه الفريق ووقوفنا مع الاداره واللاعبين هو الاهم الآن لاهنت |
بالعكس اخوي طقم الهلال هالسنه رهيب وهو مخصص لنادي الهلال |
انا مادري ليش الاصرار على ثلاث الوان في الطقم والمشكلة ان اللون الثالث كحلي :mad: ياليت الطقم يكون متوازن يعني اللونين الازرق والابيض وبلاش الكحلي وبعدين المفروض ان اللون الابيض يكون وجودة في الفانيلة اقل من الموجود بالطقم الحالي البعض يقول بالعكس الطقم هذا للهلال فقط ما فيه احد يلبسه الكلام هنا في جمال الطقم وليست حصريته يعني الهلال يقدر يطلب من اديداس نفس الاطقم الرسمية للاندية الاوروبية الي ترعاها اديداس مع تغيير اللون للازرق والابيض يعني مثل طقم ريال مدريد الموسم القادم بيكون مشايه لطقم تشلسي والهلال يقدر انه يطلب نفس النوع للطقم او مثلا يطلب نفس طقم ليفربول مع تغيير الالوان طبعا مثلا في ايطاليا طقم الميلان من اديداس والطقم الرديف لميلان دائما يكون سادة يعني مايكون مخطط مثل الطقم الاساسي ليش الهلال مايطلب مثلا نفس تصميم طقم الميلان الرديف مع تغيير الالوان نبغى نشوف تغيير للطقم و تصميم جذاب وجميل اما لو يكون فيه طقم ثالث ويكون الاسود مع الازرق يطلع خيااااال :wub: انا ردودي قليلة يعني ما ارد الا اذا كان الموضوع مميز وهذا دليل ان موضوعك مميز :s2: اخيرا يعطيك العافية وان شاء الله وصلت الفكرة وآسفين على الإطالة إضافة الله ما اجمل طقم الهلال في التسعينات وبداية الالفية ايام ما كان طقم الهلال من شركة شامل والمنتخب كان طقمه من نفس الشركة يكفي ان الطقم فيه من ريحة الجيل الهلالي الذهبي ابويعقوب سامي نواف الدوخي لطف العويران الشريدة ابو اثنين |
| الوقت المعتمد في المنتدى بتوقيت جرينتش +3.
الوقت الان » 02:34 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd