|
وعليكم السلام ورحمة الله وبركاتة هلا بك الغدير وعودا حميدا يالقطوع :s4s:s13s بتكلم عن المهور مثل ماذكروا الي قبلي انه يختلف من عائله ومجتمع وديره صح متطلباتنا كثيرة ولو يعطونا مليون مهر ماخلصت مقاضينا بس الوحدهـ تقدر تدبر عمرها باي مبلغ تقتصد واشتري بالفلوس الي جتك واهلكم مو مقصرين المهر مو بكثرته او بقلته المهر على حسن تصرف البنت فيه والله بنات نفس المهور بس هذي ماشاء الله تلاقيها جايبه كل شي معاها والثانيه جايبه خرابيط ماتسوى :s5s: وفكري بان هالشاب توه بمقتبل العمر لاتقارنينه بحياتك ببيت اهلك واذا بتتذمرين خلك بنت اصرف لك الولد ماتعب وجمع هالفلوس وتزوج علشان تزعجينه وتنكدين عليه :s2: انت عارفته من خطبك وعارفه وضعه :s5s: __> حسيت اني من مناصري الرجل عاد تبون الجد مايتفلسف وويكثر طلبات على الزوج اغلبهم من الي حالتهم الماديه قليله ببيت اهلهم ومو كل شي موفر لهم لاجا الرجال حست انه الفرج لها وطلبت كل شي منه :yes: لان اهلها معودينها كل شي لاتزوجتي لاتزوجتي :s5s: الي مغنيها ربي سبحان الله تلاقي عندها عزهـ نفس واحترام وتفهم لوضع الزوج :s5s: \ :smilie47: / يعطيك العافية اخوي الغدير على هالموضوع الخفيف :rose: والله يفرحنا بزواجكم قل امين :d الهنوووف كانت هنا ورحلت |
., هلا والله الغدير الأزرق :rose: ولكم باك :rose: ** [المهر .. يكسر الظهر ] لا المشكله اللحين مو بس ان المهر غالي , لا وأبشرك تجيك البنت ماتستاهل :s2: والله جد إنكم تنرحمون :cry: عندنا عائله بحايل معرووووفه بناتهم من الـ 150 ألف وفوق وأبن أمه يجي يخطب ويتناقش بالمهر :cry: من المحرمات عندهم هالكلام ! :ranting: أنا مدري الآباء اللي كذا يزوجون بناتهم والا يبيعونهن ؟! :s3s: المفروض الأب يساعد زوج بنته مو من البداية يخليه يتديّن ويبتلش :s3s: بالأخير محد رايح فيها إلا الزوجه المسكينه , على بال ماتنتهي أقساط هالمهر إلا يكون زوجها كارهها :cry::s2: التوسط بكل شيء مطلوب والرسول صلى الله عليه وسلم حببّ بالتيسير بـ سالفة المهور :) واللي يبي يسترزق من ورى بناته مايسمى أبو ! :s3s: ** [ إستغلال .. عواطف الشعب ] عاد ماعلمتنا جددت أشتراكك والا لا :naughty::d غريبه هالأساليب :cry: يعني إلا بنت اللي تكلم :cry: استغفر الله :cry::ba1: ** [على حجاجك ..... ] ذكرتن بجدي يوم يوصف لأخوي :s2: المشكله جدي مايفهّم زين ويهاوش بعد :d يعني تفهمون غصب :d:smilie47: ياحبي له مادرى ان هالتوصيف ماتوا اللي يتعاملون به :razz: بس والله وناسه الشيّاب خصوصاً لاقعدوا يقولون قصص منوّل :razz: وأنت عارف بقرارة نفسك كمية ( الحشو الكذابي ) اللي بالقصه :d:smilie47: ** عوافي الغدير موضوع مُمتع وأسلوب مميّز ماشاء الله :wub: أشوف زحمة بالمواضيع المثبتّه ترى مالك داعي تزاحمهم زياده :s2: .. |
هلا وغلا بالغدير الأزرق:rose: , يعطيك العافيــه على الموضوع , لي عوده بس حبيت أرحب فيك , وحبيت أرد علشان أرجع غصب وأكمل ردي لموضوعك المميز:yes::rose: |
الغدير االازرق كتبت فابدعت تسجيل راائع لاعدمناااااااااااااكـ |
هلا ومراحب فيك اخوي الغدير الأزرق :) انا من المؤيدين لزيادة المهور للشاب اللي يتقدم للفتاة وهو من الغير المقربين للعائله .. عشان الشاب مايفكر لاي شئ آخر بعد الزواج .. اما القرايب فممكن يكون فيه تنازلات لانهم عارفين الشاب :) بعض الشباب في زماننا الله يهديهم عند ادنى مشكله على طول (طلق) .. بس لافكر بالمهر واللي وراه ماراح يتخذ قرار الطلاق بالسهوله :) اممم ندفع اللي تبي من مهر وغيره بس وين البنت اللي تستاهل :) # كان شايب قديم بالحاره توفي الله يرحمه .. اتصل عليه شخص يريد توصيف لبيت احد العوائل :) ذكر له اسم العائله .. قال الشايب ( عنا جنوب ) .. ---> طيب وين بيتك انت اللحين :) يعطيك العافيه يالغدير :) |
وعليكم السلام ورحمة الله وبركاته ,,, هلا وغلا بالغالي الغدير الازرق :smilie47: ومنور المجلس وبصراحة مفتقدينك :wub: موضوع جميل وغديريات متغدرة تغدرا :to::d موضوع المهور صراحة هم يؤرق اغلب الشباب وعائق يؤلم الكثير من البنات.. ولذلك الزواج الايام هذي صار صعب وبطلعة روح بعكس اول الشاب من يوم يدخل العشرين يتزوج ..:d اما سالفة البنات والشركات والله انك صادق طاحو فيها العالم بس والله عندنا شباب مهبل الرومانسية بديرة وهم بديرة :d ما تجوز عليهم ها الحركات :d اعرف واحد عطى واحدة من حقين البنوك ارقام كل العيال وقال هذولا بشتركون معك وهي تدق عليهم وهم مستانسين خرفنه بلاش :d طبعا في مهبل كثير برضوا :to: اما التوصيف انا اكره شي عندي بالحياة التوصيف :mad: ودايم اضيع وين اليمين من اليسار :d والتوصيف صعب خاصة اذا كان اللي قدامك عنده مشكلة في الاستيعاب :to: شكرا لك طلال :smilie47: وحقيقة استمتعت بطرحك وحضورك وموضوعك :smilie47: دمت برعاية الله ,,, |
:: المهور .. وكسر الظهور :: هذا المهر سالفته سالفة ..... ياخوي والله صار بيييع مو زواج .. لا ويقولون لك وش سبب ازدياد معدل العنووسة عندنا .. نعنبو ابليسكم كل البلا جاي من هنا .. البنات اللي ردوا هنا مدري وش يبون ( بدا يدف :d ) تقول لك مصاريف وغلا وارتفاع اسعااار .. الحين حنا صايبتنا أزمة عقب ماارتفع سعر الدجاج والرز .. تجون تقولون ارتفاع .. حشا ماصارن عرايس .. حبحب على غفله ؟؟! وين تبون البركة في الزواج .. أقلكن مؤونة أكثركن بركة .. ولا البركة ماعاد لها سووق ؟؟ أهم شيء نرضي الناس ؟؟ ونكشخ في ليلة الزواج بكل شيء حتى لو مامنه لزوووم ؟؟ كذا ولا كذا هي ليلة وبتعدي .. واتحدى بعد شهر احد يتذكرها .. صارت في عالم النسيان .. والفلوس اللي من طرفها .. نسدد فيها طول العمر .. ليه مانقتصد لجل البركة ؟؟؟ ليه مانقتصد لجل انا ماندخل في دايرة التبذير المنهي عنه ؟؟ بعدين وش سالفة رضوة الأم والجدة والخدامة الخ ... .. الحين وش دخل اهلي أروح أجيب لهم اللي يرضيهم .. بتزوج مين أنا ؟؟؟ قسم بالله شيء يفقع المرارة .. خلاص ماأبي لازواج ولاحتى مسيار .. لا بوكم لابو من سرب عاداتكم :ranting: ---------- أما عن الأصوات الناعمة :wub: .. يااااويل حااااالي .. انا قررت اني ماأتزوج خلاص .. بشتري تليفون ونوته حقت الأرقاااااام .. وكل الأصوات الناعمة عندي .. أخرم عليها .. وتطرب لها الأذن .. وشكلي اصدرها بشبكة الاي ار تي .. كل يوم بتصل يقال اني بشترك .. واحلى فلللة :wub::d ------------- وش الموضوع الثالث ياربيييي .. ايه .. ايه .. حجاجك الأيمن :d سبحان الله الوصف هو الشيء الوحيد اللي ماتقدر تغير فيه لهجتك .. حتى وان حاولت .. راح تزل بكم كلمة .. افرض انك توصف لواحد حجازي من اهل جدة .. تجي تقوله .. تمسك الللفة اللي على يمينك ( اللي أدون من لفة ) باسكن روبنز .. بالله تخيل وجهه كيف يطالع فيك :to: الغدير :smilie47: .. لاتطول علينا بهكذا طلات .. ترى الشباب والصبايا مدحوك هنا :d .. ولا أنا والله مااعرفك لكن موضوعك يوحي بأن وراك موهبة لو فقدت حق لنا ان نتفقدها ( لحظة بسجل هالسطر في التاريخ احس اني مدري كيف :d ) .. لك أجمل وأرق التحايا :smilie47: |
إقتباس:
بس ترج ام زوجها..بجملة هذا كان عندي ببيت اهلي..واهلي يعطوني اللي ابي ومن قالك تاخذني دامك ما تقدر تعيشني مثل ما كنت ببيت اهلي..:to: طيب..من قالك توافقين عليه وانتي عارفه حالته..والاما صدقتي واحد تقدم لك..؟:d انا ما اقولك ان ما فيه بنات ما يتفلسون من اللي حالتهم الماديه موش ولابد لكن هذا التفلسف لا نحصره فيهم فقط ..بل هو موجود في جميع الطبقات اللي يختلف هو طريقة تفكير البنت واهتماماتها..:yes: في ردود كثير كان ودي ارد عليها ..بس الواضح ان التفكير منحصر على نفسها..لو تفكر بغيرها وبنظره عامه راح تفهم وتتغير قناعتها حت حت..:rose: الشاب ياخذ السياره اقساط ..اذا تعرفين احد بيقسط لي بنته اعطيني خبر..:s2: المعذره طلووو ع المرور الثاني..:smilie47: سلااااااااااااااااااااااااااااااااااااااااااااااام |
هلا طلال - هاه كيف الإستراحات على سعرها وإلا إرتفع سعر المتر :s2: بالنقطة الأولى : كان بأحد البرامج اللي تناقش مشكله غلاء المهور - ورد فاكس لأحد الآباء متضايق لتحميلهم مشاكل غلاء المهور ، وذكر كم نقطة أتفق معه فيها ومنها : يقول إن ربعنا ما يستحون ، يدفع له مهر 50 ألف ريال ( أو أيه مبلغ ) ويطلب أمور مبالغ فيها ، بمعنى : قصر أفراح ( محدد بقيمة 40 ألف ) و ( تجهيز بعض الشقة )!!. يعني فوق المهر بيدفع أبو البنت من 20 إلى 30 ألف ريال!!. بالنسبة لي : لو أدفع مهر ، ويحطون العرس ( بالحيالة ) ما عندي مشكله لكن أهلك أو أهل البنت ما يرضون - يبون ( عرس معتبر - تتكلم عنه مصر كلها )!!.:cool: الخلاصة : إن مشكلة غلاء المهور يتحملها جميع الأطراف. _____________ النقطة الثانية : الكثير من مشتركي SHOW TIME يعرفون ( نوعيه الإتصال الأنثوي ) :s2: من قبل ما يوصل للسعودية. كنت قبل لما أعرف إن الإشتراك بيخلص أشيل هم الإتصالات اللي بتجيني من اللبنانيات :s2: لا وأتهرب من زين وجهي :wub: ويتصلون على البيت يدوروني ، وأقول لأهلي قولولهم مسافر :s2: من كثر ما يشغلونك - وتحاول تصرف تحس إن بينكم علاقة :s2: تقولهم ما أبي أجدد - تفتح معك تحقيق ( ليه ما تبي تجدد ) - ( من اللي مضايقك ) s73s ولما تسمع ( صوت نعومي ) - صعب تتلفظ بألفاظ سوقية :s2: وإلا لو إنه رجال - كان من أول إتصال بغسله غسل. ______________ النقطة الثالثة : ياخوك كنت أعاني من سالفة ( الحجاج ) وخل وجهك ( شرق ) أو ( غرب )!!. غصب علي أتعلمها لأن أبوي اللي يحفظه متمسك بالعادات القديمة :s2: ولو تقوله ما أعرف ( عز الله يومك ) ما راح ( يعدي على خير ) :s2: أنا قبل أقوله إيه عرفت الوصف ، وأدور غيره يوصف لي :s2: عاد ألحين صرت أعرف الشرق والغرب والشمال والجنوب لأني أقيسه على طريق الملك فهد :s2: وش المانع إنك تقولي ( أول إشارة خذ يمين ) وأول لفه يمين!!. ليه التعقيد هذا خذ الإشارة يمين وخل وجهك شرق!!. هالزيادة هي اللي تحوس التوصيف كله :s2: خلاص أخذت الإشارة يمين مو لازم أعرف الإتجاه ( شرق - غرب - جنوب - شمال ) ما يهم!!.s73s على طاري التمسك بالتوصيف ، فما زلت أتعب من إدخال وصف ( الشيشة ) :s2: شيابنا يسمون ( المحطة = شيشة ) وينا ووين الشيشة - الزمن تغير ألحين المحطة ما فيها إلا هندي وبقالة ومازالوا مصممين يسمونها شيشة.s73s |
إقتباس:
أجل بعد هذا اللي ناقص احنا نحجز القاعه طيب ارفعوا بالمهر أول .... 50 ابداً ماتكفي نقعد نشيل هم من وين ندبر الفلوس الناقصة من الابو اللي عنده بنات وتجهيزاتهم لعرس أختهم وإلا نجمع في المكأفات .......... المشكله اللي يقهر خلاص أول مايجي يملك جايب فلوسه معاه بدون مايسأل تكفي وإلا لا ... كل ماأشوف الدفتر عند أبوي المهر 50 ألف <<<< يأخي قهر زودوها شوي خلوها 70 ألف ....:cry: نفسي أقول لإبوي بس مستحيه ........:smilie47: استغلال عواطف الشعب ..... أنتم تخقون مع اي صوت اثقلوا شوي (الثقل صنعه ):razz: <<<<< بتتصفق على حجاجك .......:naughty: ياشين الوصف ماأحب أحد يقول لي وصفي لي .. أذكر مره بتجي لنا كوافيره وجلست أوصف لها حسيت أني لحست مخها بالنهايه قلت لها لحظه وعطيتها عمي والحمدلله وصلت بعد لحسه المخ .... |
هلا وغلا بالغديــر الأزرق .. على طاري المهور :wub: عندنا شباب خوالي إذا جاوا يتزوجون ما يدفعون أقل من 120 ألف :ba1: :d هذا غير الذهب اللي يوصل الـ 80 ألف :s2: وغير كسوتها وذهب أمها وخالاتها :to::d ولا بعد يا كثر ما يطلقون :to: ــــــــــــــــــــــــــــــــ المهم سالفة الزواج والطلاق مو على المهر :to: السالفة على الأخلاااااااااااااااااااااااااااااااااااااااااااااااااااااااااااااااااااااااااااق :cry: بالنسبة للأغلبية اللي نشوفهم يتزوجون هاليومين :to: يا شباب اللي مو قادر على الزواج ينطّق على راسه :mad: يااخي شباب آخر زمن .. يبون البنات يصرفون عليهم !!!!!!!!!!!!! يالله طسّوا تراني كرهت كل الشباب السعودي :to: وربي طاريهم يحّوم كبدي :cry: الغدير لا شكر على واجب :s2: < متنحه :to: |
إقتباس:
حالتكم جداً جداً صعبة :d:razz: طيب سؤال .. يعني اي اي صوت يخقون معه ولا أصوات معينة :s5s: لأن صراحة في بنات أصواتهم تجيب الضربة و صداع بالرأس وآلام بالمصران:d عُذراً خيو الغدير على المرور الثاني .. |
وعليكم السلام ورحمة الله وبركاته اهلاً وسهلاً فيك الغدير الازرق .. واخيراً فكرت تطرح موضوع .. وبانتظار الموضوع اللي طلبت منك .. :) نرجع للموضوع , من ناحية المهور فعلاً ارتفعت , والمصيبه ان الكثير يبغى الـ50 ألف غير الذهب .. !! وفيه ناس الله يجزاهم الف خير مايحددون ويجعلون تحديد المهر عليك .. والمشكله هي بعض القبائل .. اللي تطلب ان الخاطب يجيب هديه لابوها , ولامها .. والظاهر يقصد سيارات لاخوانها :d اما عن البنوك .. هذي خطتهم .. يتمسكن ويصير كلامه عسل لحد مايتمكن .. وبعد كذا مايردهم الا الشكاوي .. الغدير .. شكراً لك ولطرحك المميز .. وتقبل احترامي وتقديري .. دمت بخير |
هلا وغلا طلال .. :smilie47: من زمان عنك وعن مواضيعك .. :wub: [المهر .. يكسر الظهر ] نلاقيها من المهر ولا من الذهب لا من الشقق .. :to: ما اقول الا ياعزتي لشبابنا اللي ضاع بالعزوبية .. :cry: [ إستغلال .. عواطف الشعب ] اذكر مة تهاوشت انا وموبايلي وكنت ناوي اكسر الشريحة وشوي الا وتتصل وحده من خدمة العملاء عليها صوت انما ايه .. :wub: وكان تستفسر عن جودة خدماتهم المقدمة رغم انها زفت لكن ما خليت مدحة بالدنيا الا مدحتهم فيها .. :to: طبعا لا شعوريا والله عليها اسلوب يجبرك تمدحهم غصب .. :d وقبل ما تنهي المكالمة عطتني اشتراك شهر مجاني بالانترنت ..رفضت وقلت لها ما ودنا نكلف عليك والمفروض حنا اللي نعطيكم مو انتم .. :to: :razz: وبعد هالاتصال تراجعت عن قراري بتكسير الشريحة وقررت الاحتفاظ فيها اطول مدة .. :s2: اخاف تتصل مرة ثانية وتلاقي الشريحة مقفلة وتزعل .. :to: :s2: [على حجاجك ..... :to: ] ذكرتني بمطع باليوتيوب لولد يوصف لشخص درب معين وهم بالبر وشف انواع المصطلحات اللي تهون عندها حجاجك .. :s2: طلال .. :smilie47: الله يوفقك ويسعدك دنيا واخره .. :wub: يعطيك ربي الف عافية على الموضوع الواقعي ,, :yes: |
المشكله مهب في المهور المشكله في الوظايف مافيه وظايف واذا فيه لا صار عمره 25-26 واذا توظف راتبه 2500-3500 وش يسوي فيها هذي إقتباس:
ترا هذي معناها قوي ماتنقال في مجلس الرجاجيل....! تقبل مروري.......................... |
| الوقت المعتمد في المنتدى بتوقيت جرينتش +3.
الوقت الان » 02:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd