السلام عليكم ورحمة الله وبركاته
كيفكم شباب ... كيف أخباركم وعلومكم ... عساكم طيبين ... الحمد لله ... كيف الأجازة معكم والصيف
تمام أن شاء الله>>> أقول اخلص بس ولا يكثــــر .. طيب لا تنفخ أنت وإياه بكمل كلامي ... بس فكوك يدي بكتب لكم الموضوع ...
عساكم ناجحين ... الحمد لله ... خسارة 
<< عز الله منت صاحي .......ههههههه ... امزح معكم ... مبروووك للجميــــع.. اليوم يا شباب صحيت قريب صلاة الفجر ... وكنت نشيط ومبسوووط على الآخــــــــر>>> قولوا ما شاء الله أنت وإياه ... المهم جت في رأسي فكرة ...
كتابة الموضوع ذا اللي برجكم فيه ... >>> استحملوني شويه ... المهم ... بعد ما طلعت من البيت ورحت مع الشباب ...
ودقينا الفطور ... في مكان بعيد ... حيث لاشي ... سوى جمال الطبيعة الخلابة ... >> أقول بلا كذب تراك بالسعودية <<< أنتم عاد مشوها لا تدققون في كل شي ... المهم ... رجعت البيت قريب الظهر ...
<<< أدري الحين بيطلع واحد وبيسوي نفسه ... ولد ناس وعاقل ولا هـبـو داشرر... وبقولي من الصباح برا البيت
وبيقعد ينتقدني ... بقوله انطم وما هو شغلك ... الدراسة وخلصناها ... هههههه ... ما احد قالك تتلقف يالثـــور ...
المهم بعد الصلاة ... اقصد صلاة الظهر ... قابلت معشوقتي ... >>> أقول لا يروح فكرك أنت وياه بعيد ... تراي اقصد بمعشوقتي ... ساحات طيبة ... ههههه والله الشعب السعودي تفكيره معدوم ...
المهم ... وبعد ما فريت في الساحات ورديت على كم موضوع ...
جلست أفكر في موضوعنا اللي حنا فيه الصيف والأجازة ... في السعودية ... وراحت بي التفاكير ...>> أحس إني مضيع اللغة العربية التفاكير مرة وحدة يالـــغبي الأفكار ... مشوها عاد ...
وشويه ... وانقز طفشت من النت ورحت ... يم قناة المجد ... واسمع ... المذيع ... يقول صيفنا مع أهلنا أحلــــــــى ... قلت خلني اشوووف وش عندهم ... بشوف صيفهم اللي مع أهلهم أحـــلى 
.. ولكم الله وأشوفهم جالسين يلعبون في ملاهي بايخة ... زي وجه المذيع ... اللي تقال بومــــه ... والمبزره ... فرحانين بالملاهي ... اللي هم فيها ...
والمذيع ... كل شويه ينط ... وينعق بكل ما أوتي من قوة >>> قوية شويه هههههه بكل ما أوتي من قوة تحسها طالعه من القلب ...
المهم ... اللي رفع ضغطي في الموضوع أن هذا اللي يقول صيفنا مع أهلنا أحـــلى في البرنامج ما يصيف هو وعائلته وورعانه ... ألا في باريس ... وكان ... وطوكيو ... وورعانه في حياتهم ما يلعبون ألا في ملاهي ووالت ديزني ... >>> افاآآآآآ والله ما توقعتها منكم يا حقين المجد ...
أنا عارف ... أن نص اللي يقرون الموضوع الحين ... يقولون ... وشهي ووالت ديزني ... يالدحمي>> امزح ترى اسمي فتى الشهداء ... ووالت ديزني ... يا حبايب باختصار .... هي... عالم ... غير ... أسسها ... المدعو Walt Disney وهذا يا بعد تسبدي ... هو اللي أخترع الرسوم المتحركة ... وجاب لكم طرزان وموكلي وغيرها ...
وهاذي صورته ...
المهم الرجال سوى شركة ألعاب وملاهـــــــــي كبيرة ... قد البحر ...>>> امزح معكم بس المهم هي كبيرة بالحيل ...
وسوى كم فرع لها ... الأولى في ولاية كاليفورنيا ... والثانية في ولاية فلوريدا وحدة كمان في باريس ... وكمان فيه فرع في طوكيو ...
الحين ... بروريكم ... صور للملاهـــي حقتهم ... مو البيعجان ... هو وجه اللي مسوي ملاهـــي بايخه ورجَّنا فيها ...
صور الملاهي ...
هذه الصورة يوم الإفتتاح لأحد الفروع ...
صورة خريطة عالم ووالت ديزني ...
آآآآآآآآآآآآآآخ يالقهر ... وأنا أكتب الموضوع ... تذكرت البيت اللي يقول ...
قالت... بصيِّف.. بين لندن.. وباريس....//
.....// وأنت... حبيبي.. وين.. ناوي تصيّف ؟؟؟
قلت... إسمحيلي.. بالعذر... والتناهيد....//
.....//الله ... يخلي .. غرفتي ...والمكيف !!!
عاد تبـــــــــون الصراحة ... الصيف في غرفتـــــي أحــــــــلى ... >>> خخخخخ
وكلنا بصوت واحد ( صيفنا مع أهلــــنا خرطـــــــــــي )
دمتم في رعاية الله محبكم عبدالرحمن فتى الشهداء dohme2000 
صيــفنا مــع أهلنا ... خرطــــــي !!!! 
الوضع الشجري
