|
هتلـر , يغسل المواعين ..! - على طآري الإنذارات , كيف ينظف سجلي من الإنذارات والإقفات :d:smilie47: السسلام عليكم .. تصدقون هالشي ..! أني أنا أغسل المواعين :( , يديني الناعمه تتجعد بسبب غسيل المواعين :( [< وش عنده فارس كرم فرع سدير ] , < تري ماأعرفه فارس كرم بس واضح من أسمه أنه شخص كويس , جد والله العزوووبيه شينـه , مشكله إذا راحو أهلك ومافي البيت الا أنت وأبوك , أمس الصبح راجع للبيت وأنام على طوول , طبعاً أبوي ماينام في البيت < في المزرعه , المهم يجي الظهر وياخذ له غفوه , وفيه الضغط علشان كذآ أكله بدون ملح [ الله يعطيه الصحه والعافيه] , طبعاً يجيه الغدآ يعني ماعليه خوف[ أنا اللي ماكل كبر راسي :cry:] , المهم جآ غدآ أبوي تغدآ ومشىآ , أنا قمت بعده ونزلت وأشوف قدامي غدآ , قلت في نفسي من هاللي طاق لي خبر ومن اللي مهتم فيني ..!:d:smilie47: , وأفتحه وأشوف أنه مأكول منه , دريت أن أبوي متغدي قبلي , المهم قلت بذوقه وأثرررره مااااصخ :to: , تذكرت أنه بدون ملح علشان أبوي , وش هالحركات البايخه يعني المفروض يحسبون حسابي :( ,قلت أمري لله أتغدآ من برآ , وأروح أغسل المواعين مالهآ داعي أترك الأكل فيهآ ويخيس من جد , < ولو شفتوني تري ذوق s9s:ba1: , طبعاً نص سساعه أدور صابون المواعين والمشكله أنه تحت المجلا على طول:d ,قبل لا أغسل قلت ورآآ ماأطبخ لي غدآ ثم تعوذت من أبليس لان المواعين بتكثر علي < :d , بعد ماغسلت وخلصت وانا طالع واشوف ملابس أبوي [ قلت في نفسي هذي اولهآ ينعاف تاليها :d ] والله لو يعطوني أهلي 800 ريال بدل الشالغه أصرف :razz: , واشيل الملابس وأمر على كل باب وأتأكد أنه مقفل وأتأكد من الغآز لياه ماتسكر زين , وأطفي اللمبات المشتغله << شايب توه متقاعد :s2: , رحت وديت الملابس المغسله ومر يومي نفس كل يوم , رجعت اليوم للبيت الساعه 5 الصبح , وأنام الغريبه أني قمت الساعه 8 على منبه الجوال ..! [ < راضي الله عني ولا مستحيل أقوم على منبه الجوال ] , رحت وخلصت لي كم شغله ورجعت ملابس أبوي واروح أكمل نومي , وبعد ماقمت تكرر نفس أمس ماغير تغسيل المواعين , بس هالمره طبخت :smilie47::wub: , ودي أني مصور , بس خوفاً على مرضىآ القلب والحوامل ماصورت <:d , وأنا أغسل تذكرت إنجلا شغلتنا وصرت أغني وأنا أغسل المواعين s9s ياغايبـ[ن] عني ترى للبطى لوم ... لاشافتك عيني ولاجبت طاري.. بسأل كثير الصبر يمكن تجي يوم ... تلفي تنشد وأنت بالحال داري..:smilie47::wub: بس أني بروح اليوم للرياض وأتوقع أبوي راح يفقد ولده الشقردي اللي هو أنا :smilie47::wub: , وبيحس بقيمتي ..! , لا أحد يششره علي بس شفت موضوع جديد قلت أشكي لكم :razz:. مايستفاد من الموضوع: 1- الناس تقول الفضاوه تسوي أكثر, وانا اقول غسيل المواعين يسوي أكثـر. 2- الشغاله تقوم في دور مهم في البيت لذالك الشغالات في قلوبنا :smilie47: . 3- ورآ مايفتحون محلات {مغاسل المواعين} , وش جيز مغاسل الملابس ..! 4- ذبحني الكسسل وش الحـل ..!:s5s:. فمان الله .. :rose: |
أهلين وسهلين هتلر تذكرني وإلا لا عاد اذا ماتذكرتني حاول تكرر السطر الأول خمس مرات لعل وعسى بالنسبه لغسيل المواعين أبشرك أنا ما عمر ي دخلت المطبخ فما بالك بغسيل المواعين أنا ما دخلت إلا علشان أقولك الرياض نورت بوجودك وأنت ضيفنا وياليت نشوفك :rose: |
هههههههههههههههه أجل ماتبي تصور ، الله يعينك:d |
الله يقطع ابلييسك تصدق اني بعض الاحيان اغسل المواعين بدال الشغااااله مشكووور يااهتلر <<<مسوي فيها |
إقتباس:
الحل بالنسبه لي رح العب كوره<<<<<ههههههههههههاااااااي وش يحس به ذا لالا امزح رح ارقد ولا اشرب باور هورس ولا بايسن ولا كود رد ولا ريد بل ولا بوم بوم :s2::s2::s2::s2::s2::s2: انا بصراحه اذا حسيت بالكسل تبطحت في السرير و دقها نووومه:ba: |
هلا وغلا هتلر الزعيم .. :smilie47: ما عليه تحمل وانا اخوك .. واستغل فضاوتك في غسيل الحوش او تعلم لك كم طبخة جديدة .. :yes: بكرة لا تزوجت الا وانت تعرف تغسل المواعين وتطبخ .. :d مو كل اكلكم يصير من المطاعم او من يد الشغالة .. :to: ما اقول الا الله يصبرك وتروح لاهلك وتردون انت واهلك لابوك ويجتمع شملكم من جديد .. :wub: يعطيك ربي الف عافية على الموضوع ,, :yes: |
هتلر يغسل مواعين :naughty: والله دنيا البنات عزلوا غسل المواعين وصاروا العيال يغسلونها :s2::s2::ap: اللهم انصر البنات بنت بنت :s2:s121s وش فيها اذا غسلت المواعين علشان يصير عندك خبره اذا تزوجت :yes: لان الحين يقولون ان اغلب الرجال سبق وان غسلوا المواعين عن حريمهم فقط لاا عن امهاتهم وخواتهم :s2: الله يكون بعونك ويرد لك اهلك سالمين :yes: |
آآآآآآآآآآآآآآآآآه الله يعيننا شغالتنا كم يوم وبتسافر وعلى ماتجي الجديدة الله يعينني على الكرف أكره شي عندي غسيل المواعين عذاب الواحد يخلص وملابسو مبلبلة وأياديه أنواع التجاعيد وفي بعض المرات أجراح يارب تجي الشغالة الجديدة في نفس اليوم اللي تسافر فيه القديمة عشان ما أعيش معاناتك خصوصا السنة دي أبدا مافيني أشتغل لأني تعودت على الكسل لا دراسة ولا شي كل وقتي نووم الله يعين بس وعادي ياخي مافيها شي غسل مواعين اكوي ملابس فرصة إنك تتعلم ماتضمن إنو تجيك فرصة غيرها واحمد ربك إنك مو أخوي والا كان أعطيتك شغلات بتكتب بعدها موضوع هتلر يفكر في الإنتحار لا أمزح بس دايما لما الشغالة تسافر وفي فترة انتظار الشغالة الجديدة لازم نعطي أخويه نصيب من الشغل حرام بس احنا البنات اللي نكرف شكرا عالموضوع اللي خلاني أنا كمان أفضفض من بدري عن المعاناة القادمة وإن شاالله ما تطول |
جاااري التدقيق النحوي والإملائي للنص المكتووب :D لي عوووودة في القريب العاجل :D ،، // http://samanor./vbpictures%20%2828%29.gif:d سندريلي ، سندريلي صبح وليل دى سندريلي الدفايا ، الفطار، نظفي شيلي الغبار يلا أكنسي ، يلا أمسحى ممنوع تستريحـي بتلف طول اليوم ، حتي بعد ميعاد النوم يندهولها يشغولوها أيــــــــــــوة يشغولوهــــا سندريلي :d http://samanor./vbpictures%20%2828%29.gif هههههههههههههههههههههههههههه // باااااك برائحة الفيرررري هههههههههههههههههههههه :d يااهلا والله بآهل سدير كلهم ، مسيهم وصبحهم بالخير :smilie47::rose: أجل تغسّل مواعين ياهتلر الولد الذي سنع :d ؟ الله من المطاريس والحوسه :naughty: بس إنّك ربّ منزل ممتاز ! أجل تشيّك على اسطوانات الغاز والأبواب ، ماسويتها أنا على سناعتي :d < الخلا بس ! وش خليت لسندريلا الله يزوّجك عاجلاً يارب عشان تعرف نعيم العزوبية :d ،، أغلى هديه ممكن أهديها لك علبة صابون فيري بالليمون وليفة مواعين مع ودّي واحترامي وتقديري لك يالسنع :smilie47::d والله لايخلينا من الشغالات :smilie47: على غثاااهن إلا إن الحيااة صعبه بالحيل بدونهم :smilie47: والله يحفظ لك أبوووك ويطوّل بعمره ويلبسه الصحة والعافية :rose: وتوصل الرياض وترجع لسدير بالسلامة :rose: // إقتباس:
// شكراً لكَ هتلر :rose: |
., إييييييه غسل مواعين وش وراك :naughty: تصدق من زمان انا ماغسلت مواعين .. بالله ذكرني كيف يغسلونها نسيت :naughty::s2: دامك فاضي فاضي برسل لك كم صحن يبي لهن تنظيف :naughty: شد حيلك ترى مواعينا غاليه ياويلك تكسر شيء :s2: ---> وجدان تمون :cry: المهم :cry: ماشاء الله عليك , يعجبني اللي يعتمد على نفسه :yes: اللحين حتى البنات ماعاد يسوون شيء .. فـ مابالك فيكم يالزوَله :razz: مدري ليه استانس إذا دريت ان رجال طبخ والا غسل مواعين ورتب البيت s121s أحس انكم بديتوا تتطورون وتعرفون ان المساعده زينه .. مع انك مجبور مو مساعده :razz: وسمعت انك جاي الرياض وشوله تجي ؟! s121s الناس يهجون عنها اللحين .. نصيحة تعال صيّف بحائل عشان تحس انك مسافر :wub: --> لا بالله مانصحتيه :d شكراً هتلر :rose: |
,, ومنهو هتلر :d ! رح بسس آلله يصلحك بآقي موآعين مآغسلتهآ :s2: , /, هتلر وش رآيك بآلي آهله من يوم بدآ آختبآرآت طسوو آجآزه مآصدقو آخوآني آلصغآر خلصو :d , وقآم يفحط هو وآبوه يوم يغسل هو ويوم آبوه < آبوك يآلنذآله :s2: . لدرجة آني يوم آنآ آجيب آلغدآ ويوم هو وآلعشآء نفسس آلطريقه :d:smilie47: . ومن آلنوع آلعزآبي آلي آخر وآحد يقوم من آلسفره ينظفهآ ورآه ويشيلهآ بآلزبآله "وآنتم بكرآمه" , لآعبن فحسبته كره آليوم آلي خلآ آهلي يروحون فيه آجآزه :s2: . آسبوعين جلست على كبده آلين خلصت آختبآرت s9s آلف شكر لك يآلغلآ وآلله يعينك :wub: . ,, |
هههههههههههههه وصار هتلر يغسل المواعين <<< برا:naughty: تحصل في أحسن العائلات ومع أسنع الشباب <<< تهون السالفه :d يالله عقبال الشباب ومايخلص الصيف إلا كل واحد متعلم شغله في البيت :razz: وبعدين أن شاء الله أنزل موضوع بعد الصيف ( ذكريات صيف 2009) وتسدح ذكرياتك مع المواعين فيها.........:s4s: |
انت بس غسلت مواعين وبغيت تنتحر!!! أجل أنا وش اسوي الي شايل شقه كامله فوق راسي<<<<وحداني ما معهوش حد :cry: بس انا حظها الي بتتزوجني <<<<<<<<< على فكره فيه كم بنت متقدمين لي :s5s: تحياتي :s3s: |
ايه لا تشكيلي ابكيلك:cry: والله الشغلات نعمه عظيمه:smilie47: اجل وش تقول 8 شهور بدوووون شغاله ولا عاد البنات مريحين ومسوين جدول لنا حنا العيال يقولون لا زم تفزعون معنا :to: مدري ليش ما نسوي لهم جدول يروحون يقضون من سوق الخضره بس حنا الي يتسوى لنا جدول :mad: يالله والمصيبه اختي تقول عشان ما تتوهق لا اعرست يعني فيك فيك عزوبي ولا معرس اخ اخ يا قهر:ranting::ranting: يالله الف شكر:rose: على الموضوع الكويس واول رد لي هنا بالمجلس العام توي ادري ان فيه منتديات كويسه ان شاء الله نشارك معك مستقبلا :ga: |
اجل مواعين هاه هذي اخرتها ياهتلر الله يهديك بس بدال ماتقوم تكنس وتتمسح وتستفيد من راتب الشغاله >> ايه هين لاعدمناااااااااكـ انا اقول وش في الرياض منووره اثاريك فيها |
| الوقت المعتمد في المنتدى بتوقيت جرينتش +3.
الوقت الان » 05:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd