!! ... مع الهلالي 11 :$ .. مش حتقدر تسكر بؤك ... !! - نادي الهلال السعودي - شبكة الزعيم

الهلالي 11 · #1 25/06/2009, 09:28 PM

السلام عليكم جميعا

انا عارف كلكم تحبوني

ترى انا كذا كويس كثير دايما الناس يقولون لي انت كويس واحنا نحبك ويا رب يصير عندي اخو زيك

ومرات ناس يصيحون وما ينامون الليل وهم متحطمين نفسيا يقولون كيف نصير مثلك

وانا اواسيهم واقول معليش ترى صعب كلكم تصيرون مثلي انا غير

بس ترى انا ما اقولكم هالكلام عشان بس ما تقولون وش هاللي شايف نفسه ومغرور

<== وانت بقيت فيها غرور وثقة بالنفس يقلع بليسك

مساكم ورد وفل وياسمين

بحكم ان الليل اجواءه شاعرية ورومانسية

وانا احبكم

وصباحكم شاي وفول وكبده للي بيقرا الموضوع الصبح

موضوعي هذا فكرته بدأت بمحادثه ماسنجرية بيني وبين حبيب قلبي والغالي ABO GIGGS

حاولنا وتعبنا كثير اننا نشتغل فيه ... لكن لاسباب تكنولوجية توقف العمل

حبيت اواصل لان الفكرة دخلت مزاجي ... حاولت اوصل لحل يخلي الفكرة ترى الضوء اللي مدري وش لونه هذاك

ايه الضوء الاخضر

وترى سبب تسميته بهالاسم هو ان الواحد ما يقدر يمشي الا اذا صارت الاشاره خضراء

واستفيدو من عقلي الكبير وتحليلاتي المنطفيه يا طلاب المدارس

والقلب لكم والا المدارس تخسى

المهم الموضوع دخل فيه مشرف الفيديو مهند

والبوس الكبير مدربنا الواسطه تركي مستر جول

لكن برضو الموضوع ما شاف الضوء الاخضر

الى ان الحمد لله وصل الموضوع بين يديكم

الشخص اللي ساعدني فيه رافض تماما اني اذكر يوزره

حاليا انا في نقاش حاد وجدال انه وش سببه بهالرفض !!

رح اضيف اسمه لاحقا باذن الله بعد ما اقنعه انه يغير رايه

ولولا اني خايف احط يوزره بدون رضاه ويزعل والا سويتها وما شاورته

بس ما ودي يكون عنده سبب معين وهو على حق

@فكرة الموضوع @

الموضوع هو عبارة عن مقطع رياضي ... او بمعنى اصح مقابلة رياضيه لاي احد ... ناخذها ... نقص منها اللي نبغاه ... ونترجمها

بس ترجمه غير عن اللي تعرفونها

مو ترجمة الافلام اللي اكثر شي نشوفه فيها تبا لك

لا ترجمه من نوع ابو ريالين

الترجمه هي تكون تعتمد كليا على تعابير وجه اللي يتكلم

يكون معنى الترجمه غير عن اللي يقوله

وبلهجة عاميه فيها نوع من الطرافه طال عمركم

الموضوع ما هو سهل ... يعني كنت متوقع ان موضوع تجهيز الكلام والذب حسب تعابير وجهه مو صعب

لكنه اتعبني والله خصوصا اني اسمع كلام اللي يتكلم وعارف معناه

والشي الثاني مرات اذا لقيت تعبير معين لحركات وجهه تبلش بالمقطع اللي بعده بترجمه تناسب الترجمه الاولى

بكل الاحوال ما اطول عليكم

المقطع رح احطه لكم

بس قبل لا تشوفوه فيه ملاحظه صغيره

هذا اول الاعمال وانا عارف تماما انه يمكن ما يكون قد الطموح لانها بس البدايه ... ما يهمني بهالموضوع هو طرح الفكرة بين ايديكم ... لكن ما حبيت اطرحها كتابة بس واشوف رايكم فيها

حبيت ان الطرح يكون بفيديو لاول عمل وانتو تعطوني رايكم فيه

اتمنى اتمنى اتمنى من الكل انه يشوف المقطع ... والله ارائكم وانتقاداتكم تهمني كثيرا

عشان الاجزاء الثانيه تكون قد المقام وتكون على مستوى الطموح

ويكون الجزء الثاني اطول مدته ... وترجمته احلى باذن الله

انتظر ارائكم

شكرا ابو جيجز

... شكرا اللي اشتغل الموضوع وركب الترجمه على المقطع وقصه وضبطه

الله يبيض وجهه والله ما قصر ابدا وكان متعاون لابعد الحدود رغم ان معرفتي فيه بدأت من وقت ما طلبت منه يساعدني

لكنه كان خدوم جدا جدا جدا

بيض الله وجهك لاني اعلم انك تقرأ كلماتي

المقطع هو لـ كرستيانو رونالدو

وتعمدت اختياره لانه الوقت هذا هو اللي ماكل الجو

والدنيا مولعه عليه

وقريبا بيعلن رسميا انه الاعب الاغلى في العالم

ما ابغى منكم اي مقاطع

المقاطع كلها بتكون مني واجزاء ثانيه بتنزل لاحقا باذن الله

@@@@@@@@@@@@@@

رابط تحميل من Media Fire

رابط تحميل من Zshare

مشاهدة مباشرة من اليوتيوب ( يمكن مو واضحه لكن عموما انصح بالتحميل )

شكرا لكم ... بانتظار ارائكم وانتقاداتكم

تشلساوي2050 · #2 25/06/2009, 09:43 PM

يعطيك العافيه انت والشباب
خقيت مع المقطع

hmooode_4 · #3 25/06/2009, 09:43 PM

هههههههههه

والله فكره جهنميه

يامهايطي

بس اللي مايعرف يظبط الفيديو ويحط الترجمه وش يسوي؟

فكرتك اكثر من رائعه

V.valdés · #4 25/06/2009, 09:52 PM

ههههههههههههه

صرااحه روووعه واحلى شي اخر جمله احسها ظابطه شوي وفيه جمل قبلها بشكل عااام روووعه واكيد مو كل الجمل تظبط مع تعابير الوجه انا ماعندي لا انتقاد ولا شي

بس فيه سؤال كم الفتره بين العمل والعمل اللي بعده

بيض الله وجيهكم ماقصرتوا

يعطيكم العافيه

ahmad919 · #5 25/06/2009, 09:53 PM

الفكره روعه ... خصوصا بالأجازه الواحد يوسع صدره و يضحك

المقطع حلو الله يعطيك العافيه ... و أن شاء الله الشباب يتعاونون مع بعض و نشوف أشياء أحلى و أطول

Vicente14 · #6 25/06/2009, 09:56 PM

جار التحميل ، بشوف إذا حلو و إلا بايخ .

بس عاد إذا صار بايخ ، يا ويلك ؟؟

لأني بصراحة قلت : أبي أفلها و أضحك ، يعني إذا حماسي كله يروح بلوشي ، بتشوف مني شيء مو طيب .

Mr.Anfield · #7 25/06/2009, 09:57 PM

يالله حي الدحمي

الفكره حلوه .. واتمنى تفعيلها

لكن عندي إقتراح : ليش بالموسم القادم في الدوري الإنجليزي و الإسباني و الإيطالي أو الدوريات الثانيه .. في كل جوله نطلع فيديو فيه تصريحات للاعبين و نترجمها

--

ولآهنت على الموضوع الحلو يا حلو

وجاري التحميل ..

ҜђâŁЗđ 88 · #8 25/06/2009, 09:57 PM

.
.

فكرهـ حلووهـ , وبدايه جيدهـ بس اموت واعرف كيف طرت على بآآلكم

..
فكرهـ ماتطري الا على بال محششين

<_ امزح

..

بس عندي نقطه صغيرهـ ممكن تفيدكم في الفيديوهات الجايه : خلوهـ مضحك زيادهـ

, يعني ذكرتوني بـ الفيديو حق مورينهو كيف كاان خاالع بسبب اللهجه والترجمه الي تضحك

..

وانا متابع لك ذباتك حلوهـ ومزحك حلو <_ برقمك بعد شوي

.. بيطلع منكم شي حلوو

..
.
.
الى الامام <_ عجبتني

..

رونالدو-7 · #9 25/06/2009, 10:06 PM

تسجيل اعجاب

مقطع حلو وترجمه ولا احلى

الله يعطيك العافيه

FLETCHER · #10 25/06/2009, 10:14 PM

حجز شويات !![COLOR="Navy"][/COLOR]

.................................

Blanco Soul · #11 25/06/2009, 10:15 PM

هلا بالدحمي

والله فكره جهنميه ياعم الشيخ , وان شاء الله تكون اكثر من نايس

لي عوده بعد التحميل ان شاء الله ..

والشكر أيضا للأبو جيجز وتركي ومهند واللي عيا يقول اسمه

..

-

.بـــــاك

والله الفكره ماعليها حلوه بصراحه

..
واتوقع انها راح تلقى اهتمام البعض ..

لاهنتم ياشباب . ّ!

sword · #12 25/06/2009, 10:17 PM

حلللوة الفكرة .. و صراحة مع الصيف الواحد يحتاج فكاهة هههههههههههه

نصيحة صغيرة للي يفهم انجليزي اكتم الصوت و اتفرج و لا بيخرب عليك المقطع ..

R V P · #13 25/06/2009, 10:27 PM

والله فكره جهنميه

ماشاء الله تفكير سليم وتطبيق سليم ايضاً

عبدالرحمن موضوع وفكره اقل ما يقال عنه قمة الروعه

، الله يعطيك العافيه انت و ابو جيجز وكل من اشتغل معك

وننتظر الحلقات القادمه لكن خلها الاسبوع الجاي بعد عطلتنا

هلالي شقراء · #14 25/06/2009, 10:32 PM

جت الاجازة وطلعت المصالة

الله يعينا عليكم المشكلة ان الاجازه في اولها

الله يعطيك العافية فكرة ولا احلى منها وابداااااااااااااااااااع بقوووة

صحيح ان فيه بعض الذبات ماتتنساب مع تعابير الوجه لكن كأول عمل اشوف انه مميز

وعجل علينا ننتظر مصالتك الجاية

المارد الأحمر ميلانو · #15 25/06/2009, 10:37 PM

ههههههههههههههههههه
قسمن ابداع , اهنييك الصراحه

, تصدق ! يا ليت كل ترجمة الافلام كذا !