بعد المشكله اللي صارت للجمعان وطلع من المعسكر انتفضو الهلاليين والاداره وتسابقو في فرد العضلات على الجمعان وكل واحد يطالب بشي وعقوبه شكل واحد يقول وقفوه ووالثاني يقول نسقوة واشطبوه وش هالكلام الغريب ياسلام مهوب الجمعان ولد النادي ومهب الجمعان ترعرع من هالنادي ليش هالقسوه وليش الافراط في رده الفعل وتحميل الامور فوق ماتحتمل واللي ممكن تؤدي لنتائج ممكن نندم بعدين عليها واللي زاد الطين بله الغبي اللي رفع موضوع الجمعان لسلطان بن فهد ليش يرفع الموضوع وش دخل سلطان بن فهد بالموضوع هذاك ماعنده الا ايقاف او شطب هذا اللي يبيه الهلاليين يبون ينهون ماتبقى من النجوم انهو التيماوي وابو اثنين وفرطو بخميس ويمكن يفرطون بسامي علشان مليون ونص كانوا يدفعونها للازار ووطقته الا متى نعاني من الكساح الاداري في عدم التعامل مع النجوم نجومنا يتساقطون واحد ورا الثاني بسبب الحماقات الاداريه , نواف عملو معاه حركه مالها داعي عندما فوتو عليه فرصه الاحتراف الخارجي بحركه غباء عندما وعدوه بالتعويض ولم يوفو بالوعد هل هذا تمسك بالنجوم هذا طريقه تطفيش وتجعل اللاعب يكره النادي
ارجع لموضوع الجمعان اللي لازم الهلال يخلي موضوعه داخلي بين الهلاليين ويطبقو فيه العقوبه المناسبه اللي ماتضره ولا تضر النادي اللي اقصده هو اخر شي يفكرون فيه هو الايقاف لان النادي سيتضرر كثيرا من ابتعاد نجم كبير مثل الجمعان وخطئه لايبرر ايقافه اذ انه توجد لائحه للمحترفين حيث تطبق عقوبه خصم على المرتب تصل الى شهر او شهرين بعدها انا متأكد انه سيتأدب اذا خصمو من راتبه واجبروة على تمارين انفراديه مع حرمانه من مكافات الفوز خلال الموسم كامل اسالكم بالله اليست اشد من الايقاف وانفع للنادي ولكن اللي جنني ان الاداره رفعت موضوعه الى الرئيس العام والذي اعتقد انه سيشطبه او يوقفه عام كامل ولن نستفيد من الموضوع ابدا بل سيخسر النادي خدمات لاعب هو بامس الحاجه له وسيتضرر اللاعب من جراء التوقف عن ممارسه الكره
اداره الهلال كانها لاتعرف ولا تتجرأ على اصدار عقوبه ما على احد لاعبيها حتى ترفع موضوعه الى الرئيس العام هل يحتاج الموضوع الى كل هالزيطه كل مايحتاجه الموضوع اجتماع شرفي بوجود اللاعب لمناقشه الموضوع واسبابه والتعهد بعدم تكراره وتقديم خطاب اعتذار للجماهير وللنادي ثم اخطار اللاعب بالعقوبه التي كما قلت يجب ان لاتتعدى خصم من المرتب مع حرمان من المكافات الفوز وتمارين انفراديه لمده معينه تحدد من قبل الاداره
بس ااااااخ من هالاداره