نادي الهلال السعودي - شبكة الزعيم - الموقع الرسمي

هذا الهلال اللي على الفوز معتاد
هذا الزعيم اللي يقولون وينه
له هيبة يرهب بها كل الاضداد
وارجال تصدق فعلهم خابرينه
الفرق واضح كل يوم ويزداد
بين النوادي والأسد في عرينه
الهلال ماله عن مشاهيه رداد
زعيم فوق الكل يمشجعينه
حقيقة بانت على روس الاشهاد
في ليلة تاريخها حافظينه
ليلة خميس وخير وبرق ورعاد
كأس الكؤوس اللي بقى جايبينه
اهلالها زاد المسافة والابعاد
بين الوطن واللي ترى امنافسينه
شلهوب موهوب لعب كيف ماراد
وصاه ذيب غاب يافاقدينه
نواف والجمعان للباب جلاد
له شوتةٍ حراسها خايفينه
وجمهور لون الموج ويهز الإستاد
واضعافهم في كل بر ومدينه
وابختصر قولي عن اهروج نِقاد
كبت المشاعر صعب يالايمينه
قول المثل معروف من عصر الاجداد
لعب الكعابة غلبة فيه شينه

===========================================

سلمولي على اللي ينتصر كل جوله
بلغوه السلام وبلغوه التحيه
يا هلال العرب يا كفو رفع البطوله
كب راع الزريه وين راع الزريه
البطوله للازرق والجميع هتفوله
من تعرض هدير الموج جته المنيه
الذهب للهلالي للهلالي ميوله
والاصايل تقدم لوتوخر شويه
والشرف سيدي نواف الازرق رقوله
من يصافحك يامير الرياضة هنيه
جهد امير الهلال اليوم نجني بذوله
بعد ربي لها الفضل اليمين النديه
يتبع رضا جماهير البطل صفقوله
جعل عمرك يابو تركي سنين هنيه
ياجماهير الازرق جابها باركوله
رافع روسنا بالكون ماشفت زيه
يشهد الملعب الاخضر بعرضه وطوله
ويشهد اللي حضر بالدولة الاجنبيه
قاده الفيلسوف بلعب فيه الرجوله
والفرح للهلالي والحزن للبقيه
===========================================
حتى السما لونها يغريك
زرقا وبيضا هلالية
يا هلال يا هلالنا نغليك
مليون مليون بالميه
لعبك طرب ما بها تشكيك
فن ومهارة وندية
ونجومك أهدافها تكتيك
اهدافهم غير عادية
نادي ترابط بلا تفكيك
يلعب وهو مخلص النية
واللي يشجعك يفخر فيك
يا حظ من كنت ناديّه
كل الجماهير بتحييك
من كل دولة وجنسية
رئيسنا الله لنا يخليك
عطف وتسامح وحنية
جديد عهد وعلى اياديك
جبنا البطولة سعودية
لو تسمحون أرفع التبريك
لكل هلالي وهلالية

اخوكم / فيصل الدغيلبي
اتمنياتي للجميع التوفيق
__________________