وش الموضوع هذا
قسم بالله اني اتنافظ هذا الشئ اكثر شئ اخاف منه
لدرجه طلعت بشعري شيبه من الخوف مع اني ماعمري صار لي شئ بس اتخيل
من خالتي وبناتها الله يهديهم السواليف عندهم جن بيتهم تصير فيه حركات حلووة دايم >> بالقصيم بيتهم
لدرجه مره خالتي كبيره ومطوعه يعني مستحيل تكذب تقول مويه المطبخ حقهم دايم مفتوحه
يعاندونها بالمويه تقول اسكرها وشوي وتنفتح والي ماقدرت استوعبه عادي تكمل شغلها بالمطبخ
ومره خالتي تقول المقلط مانجلس فيه ابدا تقول مره اخذت قهوتي وجلست فيه
وتجي حرمه وعليها عبايه وتجلس جنبي قالت لي قومي هاذا محلي (مكاني ) تقول قلت لها طيب
وقامت خالتي وخلت المكان .......... الشئ الي مااقدر استوعبه خالتي عادي وتسولف عادي قسم بالله صرت احيانا اخاف من خالتي
وبناتها وعيالها كل واحد يقص لي قصه وصرت اخاااااااااااف بزياده من كل شى
وقالوا لي اذا دروا انك تخافين منهم يتسلطون عليك لان اعقل واحد عندهم مثل عقل الطفل عندنا
وعلشان كذا ماقريت قصصكم على طول نقزت اضافه رد
بصراحه الحين وانا جالسه اكتب خايفه انهم يقرون الي اكتبه ويتسلطوون
الوضع الشجري
