إقتباس تاريخ التسجيل: 08/09/2008 المكان: الريـــــاض ( قلب احمر ) مشاركات: 63 هلالي معالي يا بيتكم مسكووون ولا انت موسوس بقووه من كثر ما تسمع قصصهم ..!! <<<< انا اشوف ان الثاانيه اصح

انا اقول الثنتين صح
واحد من اخوياي حررررم يطب بيتنا يقول بيتكم يخوف

إقتباس : مـوضوع مميـز جداً جداً .. ! خـاصه انه على الجــن .. ’ ودايماً الجـن تجذبنـي قصصهـم وأحبـهـا كثييـر مع اني اقمط منهـا إلا اني استمتع فيهـا .. , وأحـلا شي في المـوضوع روآيـة العضوة " سـوسو " روايه مميـزه جداً جداً وأمتعتنـي كثييـر ! وقعدت اقرا فيها ساعتيـن .. يعطيك العافيه هلالي .. وياكثر مواقفك مع الجـن ! بالنسبه لي الحمدلله ماحصل لي ولا مـوقف .. ض1 شكراً لك .. , اضافة رد مع اقتباس

افا و انا قصصي وين راحت

لالا امزح تسلم على المرور

إقتباس هلا بـ هلالي معالي . ياه قصص الجن حدث ولا حرج ، نحب نزعجهم لـ جينا المزرعه .. المصيبه كذا مره طلعوا لنا يالبنات و أحنا ولا يهمنا --> ماتخاف لانها تكون مع مجموعه بـ صراحه أنا الآن صرت أعاني من مشكله عظيمه ! وهي التخيل قسماً بـ الله صار فيني تخيل كبير كل ماهنا وتزداد الحاله ، المصيبه أول كنت أتخيل مثلاً ع السجاده الصلاة تبعي عند موضع السجود صور وجيه ما اعرفها ، عاد الآن تطورت الحاله وصرت أتخيل لـ جلست لـ حالي شيء يمشي بسرعه أو أسمع صوت ماما تناديني بصراحه بديت أخاف .. عاد اللي زود خوفي أكثر أمي تقول يبون يدخلون فيك بسبب رقصك و الديسكو حقك --->> لازم تردح في بيتهم ع طاري الردحه ، مره كنا رايحين لـ مخيم المهم أنا و بنات خالي ، لابد نسوي حفلة رقص و لازم نصور فيها معنا كاميرا ديجتال و حده من بنات خالي وهي تصور قامت ترتعش و قلب وجهها أصفر من الخوف ، عاد وقفنا وقلنا و شفيك!! يوم ورتنا الصوره قسماً بـ الله مثل الريح يصلحون مثل حركاتنا ! في البداية ظنينا ظل ، قمنا شغلنا المسجل وصورنا و نشوفهم ، يوم طفينا المسجل و صورنا مالقينا أحد .. عاد بعدها ماعاد طبينا المكان فـ الليل ،بس ماتبنا سهرنا إلى الصباح بعدها كملنا ردحه جد الله يستر علينا و يهدينا و يحفظنا من كل شر .

هلا بك

و الله قصه حلوه يا ليت تعطيني مكان المخيم ابروح و ابرجع ممسوس هههههههه


اكثر قصص الجن الي اسمعها مثل قصتك انا و انا قاعد اناظر تلفزيون قسم بالله

اشوف اشياء سوداء اللون تشطفني

اشوف الموضوع فقد حلاوته بعد صلاة الفجر ابنزل قصة ان شاء الله

إقتباس الرسالة الأصلية كتبت بواسطة هلالي معالي عاااجل توه صايره الحيين قاعد في الصاله انا و ولد عمي و سمعنا احد يحوس بالمطبخ بالقصدير الصوت واااضح جدا حتى جدتي جت قلت من فيه تحت رحت انا تحت على طووووووول<<يالمغامر قلت يمكن يكون جني ولا شي من هالقبيل الزبده يوم قربت من المطبخ سمعت صوت ملعقه تنحط على الطاوله دخلت المطبخ ما فيه اي احد او شي انا تشنجت دقيقتين في مكاني الباب مقفل و الدريشه مسكره وش يمكن يكون حست في البيت كله ما لقيت شي سميت بالله و رقيت فوق اذن الفجر صليت و قعدت شوي و دخلت النت و هذاني كتبت الي حصل يالله يا شباب اشوف اعضاء كثار يدخلون لكن ما فيه احد يرد تفاعلووو تكفووون لدي بجعبتي الكثير و الكثير فما رأيك ان تشارك جعبتك بجٌعًب(ن) كثيره<<من عقلي

كله كوم وعاجل كوووم





بسم الله الرحمن الرحيم


انا دايم ادور لهالقصص مع اني اخاف ولكن فضول الله يكفينا شره



المهم تابعوني بنزل اصداري الاول من القصص قريبا


والله يافيه قصص تشيب براسك

احم احم

اولا بسم الله الرحمن الرحيم

سكنهم مساكنهم


ياخي والله اني من زمان عن المجلس العاااام ولكن يوم اشوف الموضوع حلفت افررره من الى


يالله كلو يوسع



القصه الاولى :


صارت لاختي الكبيره ايام ماكانت تدرس في المرحله المتوسطه

تقول مدرستهم اللي يدرسون فيها كانت سمعتها مو طيبه يعني جن بسم الله << لااحد يفهم غلط

عاد تقول في الفسحه البنات فالينها اللي تروح واللي تجي ويوم صفرت وانتهى الوقت

تقول البنات يصرخون ويبكون من جهة دورات المياه وانتم بكرامه

واختي تقول وقفت مكاني من الخوف والبنات يجرون

وتطالع لجهة دورات المياه الا وتشوف هيئة انسان لابس عبايه وراسه راس كلب

والله العظيم لو اختي مو جاده بكلامه وطبعها الجديه ماكان صدقتها


@@@

القصه الثانية :

الوالده الله يرحمها تقول رحت اسير عند الجيران وقابلت وحده تسولف بهالقصص

تقول هلادمية جارتها تسولف لها عن قصه صارت لها وهي انسانه كبيره بالسن ودايم ماشاء الله تذكر الله

وتداوم على الصلاه في مواعيدها

ومره كانت سهرانه الظاهر تنتظر ولدها يجي وسهرت الين قبل اذان الفجر غفت وهي جالسه

الا وتسمع صوت وحده تقولها قومي قومي صلاة الفجر وتطبطب عليها

ويوم تفتح عيونها تشوف حرمه عيونها حمراء تكلمها

انفجعت وقالت لها مين انتي قالت انا الصلاه واختفت

والله العظيم هالقصه فجعتني

بسم الله يمكن تكون من الجن المسلم والله اعلم


يالله كفايه عليكم قصتين مع هالصبح وصدقوني القصص عندي انواع واشكال وتخرع القلب

اشكرك اخوي على الموضوع اللي يعيد لي ذكريات الطفوله

الجن ما ادراك ما الجن هذولا ناس متسلطين على تقول ابليس موصيهم علي

انا عندي قصص كثييييره مع الجن ولقصص هذي صارت معي شخصيا>>متعوب عليها

الموهم ابقولكم الحين قصه وان شاء قرييب اكمل لكم بعض القصص واكرر القصص والله حقيقيه صارت لي انا

الاولى هذي صارت قبل فتره بسيطه (بالاشهر)

مره من المرات كنت على الفراش اهوجس الفجريه والبيت مضلم مافيه الالمبه وحده برا الغرفه ونورها خفيييييييييف مره
والا اسمع صوت الباب ينفتح وانا اللي ارفع راسي ابشوف من ذا الفاضي اللي جاي الفجريه وياليتني وا رفعت ذا الراس
الباب انفتح الا آخر شي وحسبت بواحد دخل الغرفه وانا مفهي واناضر الباب بيت اسلم وقوله يالله حييه بس خفت يكون جني قافله اخلاقه قلت يا رجال خله يخلص شغله ويمشي ورجعت راسي على الوساده وشوي الا الباب انصك وانا والله جتني حاله هستيريه وصبع رجلي ما اقدر احركه (متشنج) قلت لا يصير دخل وصك الباب بدون ما يطلع وذاك الوقت اذني ورجلي وضهري وراسي وكل شي في جسمي يحكني وانا ما اقدر احرك اصبعي ملي والنوم طااااار من عيوني وانا على هالحاله حتى طلعت الشمس اقوم من السرير واطمر برا الغرفه


هذي اول قصه طبعا عندي قصص اكثر من هذي رعب

اكتفي بهذي القصه الان وان شاء الله اكمل قريييبا

تحيآآآتيــــــ..,,

إقتباس الرسالة الأصلية كتبت بواسطة هلاليه خياليه احم احم اولا بسم الله الرحمن الرحيم سكنهم مساكنهم ياخي والله اني من زمان عن المجلس العاااام ولكن يوم اشوف الموضوع حلفت افررره من الى يالله كلو يوسع القصه الاولى : صارت لاختي الكبيره ايام ماكانت تدرس في المرحله المتوسطه تقول مدرستهم اللي يدرسون فيها كانت سمعتها مو طيبه يعني جن بسم الله << لااحد يفهم غلط عاد تقول في الفسحه البنات فالينها اللي تروح واللي تجي ويوم صفرت وانتهى الوقت تقول البنات يصرخون ويبكون من جهة دورات المياه وانتم بكرامه واختي تقول وقفت مكاني من الخوف والبنات يجرون وتطالع لجهة دورات المياه الا وتشوف هيئة انسان لابس عبايه وراسه راس كلب والله العظيم لو اختي مو جاده بكلامه وطبعها الجديه ماكان صدقتها @@@ القصه الثانية : الوالده الله يرحمها تقول رحت اسير عند الجيران وقابلت وحده تسولف بهالقصص تقول هلادمية جارتها تسولف لها عن قصه صارت لها وهي انسانه كبيره بالسن ودايم ماشاء الله تذكر الله وتداوم على الصلاه في مواعيدها ومره كانت سهرانه الظاهر تنتظر ولدها يجي وسهرت الين قبل اذان الفجر غفت وهي جالسه الا وتسمع صوت وحده تقولها قومي قومي صلاة الفجر وتطبطب عليها ويوم تفتح عيونها تشوف حرمه عيونها حمراء تكلمها انفجعت وقالت لها مين انتي قالت انا الصلاه واختفت والله العظيم هالقصه فجعتني بسم الله يمكن تكون من الجن المسلم والله اعلم يالله كفايه عليكم قصتين مع هالصبح وصدقوني القصص عندي انواع واشكال وتخرع القلب

و الله قصه المدرسه شي عجيب اما قصة الصلاه هذي انا متأكد منها لأنها صارت لواحد اعرفه


و الله يرحم الوالده و يرحم جميع موتى المسلمين تحياتي لك

إقتباس الرسالة الأصلية كتبت بواسطة ارسنال والهلال اشكرك اخوي على الموضوع اللي يعيد لي ذكريات الطفوله الجن ما ادراك ما الجن هذولا ناس متسلطين على تقول ابليس موصيهم علي انا عندي قصص كثييييره مع الجن ولقصص هذي صارت معي شخصيا>>متعوب عليها الموهم ابقولكم الحين قصه وان شاء قرييب اكمل لكم بعض القصص واكرر القصص والله حقيقيه صارت لي انا الاولى هذي صارت قبل فتره بسيطه (بالاشهر) مره من المرات كنت على الفراش اهوجس الفجريه والبيت مضلم مافيه الالمبه وحده برا الغرفه ونورها خفيييييييييف مره والا اسمع صوت الباب ينفتح وانا اللي ارفع راسي ابشوف من ذا الفاضي اللي جاي الفجريه وياليتني وا رفعت ذا الراس الباب انفتح الا آخر شي وحسبت بواحد دخل الغرفه وانا مفهي واناضر الباب بيت اسلم وقوله يالله حييه بس خفت يكون جني قافله اخلاقه قلت يا رجال خله يخلص شغله ويمشي ورجعت راسي على الوساده وشوي الا الباب انصك وانا والله جتني حاله هستيريه وصبع رجلي ما اقدر احركه (متشنج) قلت لا يصير دخل وصك الباب بدون ما يطلع وذاك الوقت اذني ورجلي وضهري وراسي وكل شي في جسمي يحكني وانا ما اقدر احرك اصبعي ملي والنوم طااااار من عيوني وانا على هالحاله حتى طلعت الشمس اقوم من السرير واطمر برا الغرفه هذي اول قصه طبعا عندي قصص اكثر من هذي رعب اكتفي بهذي القصه الان وان شاء الله اكمل قريييبا تحيآآآتيــــــ..,,

تم اكتشاف موسوس جديد

يالله حيه بالله اسدح قصصك وحده وره الثانيه الاعضاء سحبو على الموضوع يعني يوم ما نزلت قصص سحبتو

قعدت احوس في النت و رحت اسأل امي قالتلي ما اذكر شي عن الجن رحت سألت اخوي قالي اقلب وجهك يالموسوس

لكن لن استسلم سوف اجد قصه عما قريب ان شاء الله

والله يا شبااب موضوع الييم وخاصة في الاجازة تكثر السهرات والطلعات للاستراحات والمزارع


انا بالنسبه لي قصص الجن احسن قصص واذا سمعت قصه انسجم معها انسجام انما ايه

وانا اقرا قصة سوسو سمعت صوت صرير قوي مرة وكل ماله يزيد

طبعا انا بالملحق يعني برا البيت , وانا الي اقمط قمطة والصوت يزيد صوت قوي جدا

وانا الي افتح الباب واحط رجلي داخل البيت المشكلة تركت اللاب توب مشغل
وفيه اغاني مشغله
بس اشوا اني شابك الهيد فون << السماعات

ودخلت غرفتي والكلام كان الساعة 1 ونص وجلست في الغرفة الين 5 واطلع ومعي المكنسه

واشوا ما لقيت شي ورحت افطرت ورجعت ونمت وقمت وجيت اكتب لكم الرد

ترا هذي قصة حياتي


يله اسدحو قصصكم

هلالي معالي


ممكن اعرف وش موقفك لو حطيت مقطع صوتي لآية الكرسي هنا بالموضوع

<=== مايقصد انه يحس ان هلالي معالي جني يستهبل علينا


ماصارت قصص لي بس مره قد رحت لشيخ يقرا على الناس وصارت حفلة هناك


عندي اختبار يوم الاربعاء وماذاكرت ان شاء الله متى اخلص اجي اقولكم عنها


BrB

هلالي معالي
الله يحييك من ناحية موسوس فهذي خالصين منها

وهذي قصه ثانيه لعيونك واعيد واكرر حقيقيه 100% وبدون بهارات

هذي الله يسلمكم في احد اليالي كنت منسدح على السرير>>عايش بالسرير ذا
واسمع زقزقة العصافير>>>حلوه عصافير بالليل

وانا قاعد بالسرير >>توك منسدح<<لا يعني توي بالسرير
وانا اسمع صوت الباب الداخلي (اللي يودي للحوش) يطق بقووووووه ضرب قوي من جد انا قلت شكلي موسوس واتوهم

الا والله يطق مره ثانيه وثالثه انا قلت الموضوع فيه (إن) وانا افتح باب الغرفه اشوف الوالد توه طالع من غرفته سألته على طول وش هالصوت قالي سمعته (طبعا بعد ما وقف) قالي امش ننزل نشوف قلت يله ونروح ونفتح الباب ومافيه الا العصافير اللي تزقزق انا قلبي بدا يرقع قالي الوالد انزل القبو شف لا يصير حرامي داخل البيت وانا ابروح المطبخ انا قلت طيب بس ما استوعبت انه قالي القبو الا بعد ما راح وانا اقول في نفسي يا ابو الشباب وش يوديني لمعقل الجن الموهم انا من فوق خشمي رحت للقبو واقعد احوس فيه حوس كل ما اروح لمكان اسمع صوت بالجهه الثانيه>>>شكله جني يستهل او شارب له شي
انا بعد ما تاكدت ان مافيه كائن بشري رحط صاروووخ فوق وقلت لأبوي ما فيه احد قالي طيب يا حمار لي ما طفيت النور قلت هااه ..... الحيين انزل والله نزلت ورقيت بسرعه البرق ورجعت على السريييير وخذ انواااع الكوابيييس

THE END

طبعا فيه عندي قصه مع الجن بس انا البطل يعني الجني هو اللي خاف مهب انا>>>>ايه هيين

اذا فيه تفاعل ابكمل لاني والله ما لي خلق اكتب كلام واجد وبالخير ما يقراها الا 2او3
:r ose:>>>هذي للجني لا يحسبني غلطت عليه


تحيآآتيــ...,,

إقتباس الرسالة الأصلية كتبت بواسطة السرعوف هلالي معالي ممكن اعرف وش موقفك لو حطيت مقطع صوتي لآية الكرسي هنا بالموضوع <=== مايقصد انه يحس ان هلالي معالي جني يستهبل علينا ماصارت قصص لي بس مره قد رحت لشيخ يقرا على الناس وصارت حفلة هناك عندي اختبار يوم الاربعاء وماذاكرت ان شاء الله متى اخلص اجي اقولكم عنها BrB

ههههههههههههه

بيجيني صرع يا شيخ خخخخخخخخخخخخخخخخخ


يالله منتظرينك تيت