|
رسالة لإدارة النادي : دعونا نقدم " تياقو نيفيز " للجمهور وللإعلام بطريقة احترافيه لتكون لنا الأسبقية !!! السلام عليكم ورحمه الله وبركاته !! اسعد الله صباحكم ومسائكم اعزائي الزعماء والزعيمات الكل يعلم ماوصل اليه الزعيم من احترافيه في التعامل في المنشأت وفي التعامل مع الاعبين والتعاقدات مع الاعبين الاجانب ومن التسميات سواء للمدير الفني او الاداري فلماذا لايتم استقبال نجمنا البرازيلي الشهير تياغو نيفيز على ارض ملعب الامير سلمان بالنادي على طريقه استقبال للاعب ريال مدريد النجم الشهير الاخر كاكا في سنتياغو برنابو معقل ريال مدريد والاحترافيه العاليه بتقديمه لوسائل الاعلام والجماهير http://www.youtube.com/watch?v=7s0ZZHmiLfg http://www.youtube.com/watch?v=GCAwv...eature=related ولنكن سباقين الى هذه الطريقه فياليت احد يوصل هالفكره الى الاداره !! كل الود والاحترام |
والله ياخوي شفنا كاكا اليوم وكيف طان استقباله وتقديمه للجمهور والله قمة الاحترافيه والتنظيم لكن الانظمه لدينا لاتعليق وتأخير في التطور يعني بالعربي وين كورتنا عشان تقارنا بالاسبان |
اخوي اذا هي عالجمهور فأنا أضمن لك انه آلاف منهم ودهم يستقبلونه بالمطار .. لكن وش نسوي بإدارة الأخبار اللي ماتعلن عن اوقات وصول لاعبينا .. ونظامها بالعربي اذا ماتعرف احد منهم فأنت وحظك اذا صادفت رحلته توقيت تكون انت وقتها بالمطار سواء فضاوة او شاءت الأقدار ان يكون هناك من يعز عليك ورايح تستقبله !!! . . |
والله فكره روعه انا شفت اليوم حفل تقديم كاكا لجماهير الريال روعه وفي الملعب ومليان بالجمهور وطبعا لا ننسى ان هذا يعتبر دخل للنادي لان الدخول بتذاكر ... يارب توصل الفكره للاداره ونكون اول نادي يسويها ولاعب كبير يستاهل مثل هذا التقديم تحياتي .. |
من وجهة نظري مش ضروري هذا الموضوع ,, شكرا على طرحك |
إقتباس:
اتمنى من الاداره عمل حفل استقبال للاعب البرازيلي تياجو نفيز حتى تكون له دافع لتقديم كل مايملك من ابداعات |
الأهم انه يكووون مفيد في الملعب اما هذه الشكليات ليست من الأولويات((بالنسبة لي)) على العموووم شاكر لك هذه الفكرة التي ان اعتقد المسؤولون عن النادي انها مجدية تأكد انهم راح ينفذونها سلام عليكم |
طيب واذا جا اللاعب الاسيوي ما راح يكون له تقديم وبندخل في مشكله جديده من نسوي له تقديم ومين ما يستاهل وتبدأ المشاكل والغيره |
اللاعب جي من فريق جمهوره يحبه يعني نفسيه اللاعب شوي عشان كذا لازم يحس ان وراه افضل جمهور في اسيا وسقدم الغالي والنفيس وشكرا على طرحك الرائع |
يا رجال بالمطار ويخب وش احتلااف وش خربطه |
ياليت توصل الفكره وانا أول المؤيدين لها ... |
انا والله اقول يجمعون اللعيبه الجدد كلهم بحفل استقبال واحد الاجانب والسعوديين والمدرب بعد .. ولو فيه اداري جديد بعد يدخلونه بينهم .. وكذا نفتك من الاشكالات:d |
مايحتاج توصل للإداره يالغالي حنا من اول تدريب له نحظر ..! |
والله المفروض نستقبله بالنادي علا الاقل نعطيه دافع معنوي لان الاعب صغير ويحتاج انه يكون مرتاح معانا وبعد المفروض ادارة الاخبار يعلمونا متى وصول الاعب الى المطار عشان نستقبله |
والله صراااحه فكرة ممتازة وانا امشي اليوم 40 الف يملون الاستاد حق ريال مدريد والله قهر لو عندنا كان اكثر وتلفا عند الباب بعد |
| الوقت المعتمد في المنتدى بتوقيت جرينتش +3.
الوقت الان » 04:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd