رآيكم في ضمآن شركة نجد..؟!!
 

السلام عليكم ورحمة الله وبركاته..

إخوآني حبيت أسأل عن ضمآن شركه نجد..

يآليت اللي عنده معلومآت عنها يقول لي..

لأني بأشتري جوآل n96 ولآحصلت اللون الرصاصي الا شركة نجد..

هل تنصحون أشتري هآلضمآن آو لآ..؟!!

و هل يهم الضمآن..؟!!

يآليت تعطوني الرآي..


تحيآتي..

معقوله مآ آحد عنده رآي..؟!!

اذا كان الجهاز معجبك توكل على الله ,, اهم شيء صناعته . لكن نصيحه ابعد عن ضمان اسمه ( نادي الاتصالات ) والباعه يقولون لك عند الشراء ضمان اتصالات عشان يخيشك ( يغشك ) انتبه من هالضمان انا صارت لي معهم سالفه مرتين واجهزتهم مضروبه او تقليد ولكن يبيعونها بسعر غال او مثل بقية الضمانات الاخرى .

ابعد عنه
محل سيئ التعامل وضمانهم خرطي
عندي جهاز جديد سامسونق ماكمل اسبوع ولايمر يوم الا ويعلق وتدري عنه يجي اتصالات عليه لكن كانه مقفل ولا تنتبه له الا اذا اردت الاتصال به فتجده معلق !!!! صبرت اسبوع اخر ثم مريت المرسلات لاني شاريه من هناك ودورت على محل نجد للاتصالات صاحب ضمان الجهاز من محل الى محل واجده عرضت الجهاز عليهم قال بيتأخر كم يوم !!! ليه قال بنرسله لمركز الصيانه بالبطحاء قلت اجل انا اوديه هناك وصف لي في مركز الكترون بالبطحاء وعلى طول رحت لهم واستقبلوه على الضمان ابا انتظر اخذه لانه تحديث السفت وير قال لا مكتوب في الضمان الاصلاح من يوم الى عشرة ايام !!!! وكل يوم انا وايهم اتصال ويكررون الاسطوانه قايلين لك ان الصيانه من يوم الى عشرة ايام ولي الان كم يوم لا اعطوني بداله جهاز مؤت الى ان يصلح ولا صلحوه
لذلك انصح بعدم الاخذ من هذه المحلات اصحاب الضمانات اللي مثل قلتها واسأل عن الضمان ودرجة خدمة الاصلاح وتعاملهم مع العميل هل هي ممتازه والا مثل هالمذكور محل صغير وصاير في الدور الثاني او الثالث بعد مايوهقت معهم ووجدت من يذمهم
وبانتظار اصلاح الجهاز