نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى المجلس العام (http://vb.alhilal.com/forumdisplay.php?f=1)
-   -   مطعم ام عبدالله للمأكولات المشويه (http://vb.alhilal.com/showthread.php?t=785831)

ربطـه و شبـاصه 29/06/2009 12:28 PM

إقتباس:

سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين
لا طبعاً مب من حقّي أرفض !
بس حتى الرجال بعد مفرووض يساعد بالمطبخ
يعني يوم يغسّل الصحون ، يووم هي :D ، إذا كانوا الاثنين عندهم دوامات
أما إذا كانت فاضيه ، الله لايهينها تتسنّع وتصير مره :D

//

شكراً لك أخووي

لين شيخه الزين 29/06/2009 12:48 PM

إقتباس:

سؤال للنساء فقط : هل من حقك ان ترفضي الدخول الى المطبخ نرجوا
التعليل في كل الحالتين


لا مو من حقي إني أرفض . الزوج يبغا وحدهـ تعينهـ مهب ياخذ وحدهـ تزيدهـ هم إذا كنت ماأطبخ أجل وش بسوي ..؟؟

ومثل مال للمرأة حقوق على الزوج هو لهـ حقوق ومن أبسطهـ تدير بيتهـ

أشكر أخوي على الموضوع .,~ :)

ProudToBeSaudi 29/06/2009 12:58 PM

والله جبتها عالجرح يا أبو عبدالله..:cry:

<<<< متزوج و عايش المشكلة..



المشكلة هنا مو من البنت من تربية الأهل..

يعني لما تزوجنا ما كانت تعرف أي شيء في الطبخ ، حتى القهوة ما تعرف كيف تسويها..:s5s:

بس الحمد لله أنا زوجتي ودها تطبخ و تتعلم الطبخ بقد ما تقدر ، و بحكم خبرتي السابقة من طلعات البر و الكشتات لدي من مهارات الطبخ ما يكفي لجعل الوضع تحت السيطرة تماماً. :d

بس مع الوقت تعلمت الأشياء الأساسية و كل مرة تروح لأهلها تتعلم شيء جديد و طبخة جديدة..

و بعض الأيام تجي معاااي مسكات أقوم بمهمة الطبخ و أعيد ذكريات كبسات المخيم..:ba1:

و أرجع و اقول المشكلة تبدأ من تربية الأهل..

يعني مو معقول إن البنت تتزوج و تروح بيت زوجها و هي ما تعرف تسوي ولا حاجة..:cry:

يعني الشاب ما راح يخطب و يتزوج عشان يشيل هم و ما يحصل شيء..
بيداوم و يتعب ، و يرجع من الدوام و يجيب معاه أكل ، و بعد كذا يطلع يوديها يمين ولا يسار ، و بعدين يجيب عشاء ولا يتعشى برا ، و بعدين يرجع بالليل تعبان و ينام . ما صار آدمي..:razz:

أنا ما أقول ما راح أجيب أكل من برا البيت و لا أقول ما راح ناكل برا البيت ، بالعكس أنا أحب تغيير الروتين ، بس كل شيء بحدود ، يعني كل يومين نجيب أكل من برا غداء أو عشاء ، و اليومين اللي بعدها نطلع نتعشى برا..
يعني في حدود المعقول..:yes:

<<<<< كأنك طولت ؟؟ يالله انقلع .. :s4s:

ProudToBeSaudi 29/06/2009 01:04 PM

إقتباس:

الرسالة الأصلية كتبت بواسطة algohmani (مشاركة 12416530)


بس شوفو هالصور والميفا يا تركي اللي اقصده هذا


أذكر جربته زماااااان ...

خرااااااااااااااافي..:ba1::ba1:

الأمبراطور 29/06/2009 01:18 PM

حيوه :smilie47:

::

أنزمآن عنك :d:smilie47:


::

إقتباس:

سؤال للرجال فقط : هل تتقبل رفض زوجتك دخول المطبخ لأسباب غير مقنعه .. أجب بنعم أو لا مع بيان الحلول التي ستتخذها في حال كانت اجابتك لا والتعليل اذا كانت اجابتك نعم
لا ..

طبعاً إذآ بتتفنقع .. ومنيب دآخله مطبخ .. ولانيب مغسله فـ مش مشكلتي :d يكفي
ديون المغسلة ومطعم الشواية اللي قبل الزواج :d

الحل الأول :d بقولهآ تبين نجيب شغاله ؟ :d إذا قالت إيه .. خلاص :d تصير المهمة
علي وأنا اللي أرجعها المطبخ :d بجيب شغاله أوزبكية يمديهم فتحوا الإستقدام من هنآك :razz:
أول ما تجي .. على طول سوي كبسة :d وغسلي ثوب :naughty: وعاد بالإسلوب الخاص
تدخل الزوجه المطبخ وهي مغمضة وتطلب ترحيل الخآدمه :d

حل ثآني .. إذا بتقول ما أعرف أطبخ .. بقول الحل عندي أنا أوديك لأمي وتعلمك أصول الطبخ :naughty: وإلا أشتري لها كتاب طبخات حق مريم مدري وش إسمها :razz: وحجر لها :d وإن قالت يدي تتحسس من الصابون ما أقدر أغسل :s2: .. أبشتري مغسلة أوتو الصابون فيها وماعليها إلا تحط الهدوم وتطلع تكوي :naughty:

::

:d

الله يرزقك الزوجه اللي تغسل وتطبخ وتكوي وتقوم بوآجبك وواجب البيت على أكمل وجه :yes::smilie47:

::


سلآم :rose::smilie47:

متابعة بجنون 29/06/2009 01:49 PM

إقتباس:

الرسالة الأصلية كتبت بواسطة algohmani (مشاركة 12416048)

سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين


لا مو من حقي ارفض تدري ليش لإنه من أبسط حقوقه عندي دخولي المطبخ .
وأكره ماعلي البنت اللي تتزوج وتقول ماأعرف يعني أتزوجتي وماتعرفين بالله عليك متى تعرفين ....
بس من وجهة نظري أرفض الطبخ وأطلب من برا في حالتين ...:mad:.
عند الإختبارات ...
والمبارايات .....s13s
ويالله عقبال ماتكتب انك أتزوجت وتحقق حلمك وتفكرون الان بفتح مطعم أم عبدالله .:s4s:


شـــذى 29/06/2009 02:09 PM





حياك الله يابو عبدالله

أول ما شفت العنوان قلت لا يكون القحماني مسوي دعاية
لوحدة من تاجرات النت وكنت بروح أسوي بلاغ :d<< ما عندها وقت :razz:

إقتباس:

سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين

لا مو من حقي ارفض إلا لظروف قهرية كالمرض او فترة اختبارات
بعدين المطبخ وش فيه ركن جميل وأساسي من أركان
المنزل يساعد على الإبداع والابتكار وإظهار المواهب :s2:

وبغض النظر عن حقها أو مو من حقها أو ليش هو بالأساس تزوجها إذا ماتبي تطبخ له ومن هالكلام
أنا أشوفها من منظور ثاني إن الوحدة إذا طبخت لزوجها واهتمت في مظهره وبيتها ونفسها
فهذا دليل قوي على مدى احترامها وتقديرها لهذا الزوج :yes:
كانت أمي :smilie47: كل ماتزوجت وحدة من خواتي قالت لها عبارات مختصرة ولكن من ذهب
انتبهي تخلينه ياكل عند الناس أكل أحسن من أكلك أو يشوف بيوتهم أحسن من بيتك ترتيب ونظافة
لا تخلينه يدخلك في مقارنة مع أحد خليك ماليه عينه في كل شيء


القحماني

الله يرزقك بأم عبدالله بمثل ما تتمنى وأفضل :rose:



الهلالي دائماً 29/06/2009 03:03 PM

:s2:

هلا وغلا ابو عبد الله وش ها الموضوع الزين s13s

ذكرتني بقول الشاعر يوم راح يخطب :

رحت وامي لابواها .. نادى امهاو اخوها .. قال رحوا اسألوها .. هي ودها بالخشير ..

رجعوا وقالوا إيه .. ترى البنية تبيه .. ولها شروط عليه .. وإن طاع كل يصير ..

مها تبي كل صيف .. سفرة لديرة جنيف .. وقصر كبيرٍ منيف .. مفروش زل وحرير ..

وايضاً تبي خادمة .. حيث انها ناعمة .. صرخت ياظالمة .. هي تحسب اني وزير ..:s2:

إقتباس:

سؤال للرجال فقط : هل تتقبل رفض زوجتك دخول المطبخ لأسباب غير مقنعه .. أجب بنعم أو لا مع بيان الحلول التي ستتخذها في حال كانت اجابتك لا والتعليل اذا كانت اجابتك نعم
لا ثم لا ثم لا s121s

الحلول اروح اتعشى بالمطعم واخليها بالبيت لين تطبخ s121s:d
>>> من زمن عن علل يا ابو عبد الله :smilie47:

شكرا لك يالغالي :smilie47:

رجل من عالم آخر 29/06/2009 04:48 PM

***

هلا ببو عبادي .. :ga:

إقتباس:

سؤال للرجال فقط : هل تتقبل رفض زوجتك دخول المطبخ لأسباب غير مقنعه .. أجب بنعم أو لا مع بيان الحلول التي ستتخذها في حال كانت اجابتك لا والتعليل اذا كانت اجابتك نعم
و الله أنا الى الآن ما تزوجت , ولا لي نية أتزوج ولا عندي شعور بالزواج او فكرت << يبوي محد غصبك ترد على الموضوع s121s

نعم أتقبل رفضها دخول المطبخ لسبب واحد ما تزعل مني :ck:
لكن لفترة مؤقتة , أما إذا تعدت الأسبوع اوريها العين الحمراء ووجهي الآخر و أنسى أم الرومانسية و أقوم بالعقال :ranting:


يلا نشوفك على خير يالغالي .. s13s

برايفت
( وين مصدرك ؟؟ :D )


***

Hictar 29/06/2009 04:56 PM

والله يا أنت حبيب يا أبوعبدالله
ما أدري إنت معرس أو لا!!.
ألحين طال عمرك البنت يوصل عمرها 23 ما تدل المطبخ ببيتهم
وإذا إنجبرت تدخله تسأل أمها أو الشغاله علشان توصفه لها!!. :s5s:
ولو الرجاجيل يقدرون يبنون بيوت كان تلقى الزوجه ( الجديده ) ما تبغى مطبخ حولها ( تبي تستغل ) المكان وتحط لها منظر جمالي بالبيت ، أو جلسه!!.
البنت من الإبتدائي إلى ما تتخرج من الثانوية ما تعرف تسوي إلا ( كيكه ) لأن فيه حصه رسميه عندهم ( ما أدري وش إسمها ) أتوقع أشغال منزليه!!.
ما أذكر المسمى لكن ما خبرت إنهم يسوون إلا كيكه :s2:
12 سنه دراسه والبنت ما تعرف إلا تسوي كيكه!!.
وياليتها بعد ( تشيز كيك ) على الأقل يستفاد منها!!.:cool:
مثل ما إنجبرنا قبل الزواج بالفحص الطبي ، المفروض كل بنت بتتزوج معها شهادة أعمال منزليه :s2:
ما فيها شئ إن الحكومة تفتح المدارس بالصيف ، ويسوون دورات تأهيليه للبنات :s2:
أما تجلس طول عمرها تتسدح ببيتهم وأنا أدفع وأتدين علشان أخذها وأخر شئ أنتظر سنه تتعلم الطبخ ، ما صارت!!.
تدخل السوق تقول بنفسك والله من زين الأجسام
من التسدح والتبطح تلقى وحده عمرها ما وصل 20 وكرشتها ، كرشه وحده بالشهر الرابع!!.

الهاديو 29/06/2009 05:06 PM

هلا أبو عبدالله ،،

<< ناويك ض1

وأنا أخوك الترغيب أهم من الترهيب ، حببها لك ، قربها منك ، حسسها بقيمتها ، أعطها حقوقها ،
بعدين إسإل عن المطبخ ض1

فالحمد لله بناتنا إن ( ما وصلت للعناد ض1 ) يعطونك اللي تبي ، ويطبخون لك اللي تبي ، بعدين
إنت ماتفكر إلا في بطنك ض1

إلا ماقلتلي آيش أخبار المضغوط !!


عن جد ،،

الزوج الناجح يعرف تسيير أموره كيفماء إتفق ، فالزواج أكبر من مفهومنا الدارج ( البنت للبيت
والرجال للعمل ) ، فاللي أقوله بإختصار :

الله يوفق شبابنا وبناتنا لما فيه الخير والصلاح ،،






شكراً لك ،،





الهاديو ،،

متابعة بجنون 29/06/2009 05:38 PM

إقتباس:

الرسالة الأصلية كتبت بواسطة مواصل من عام 1413هـ (مشاركة 12417918)
البنت من الإبتدائي إلى ما تتخرج من الثانوية ما تعرف تسوي إلا ( كيكه ) لأن فيه حصه رسميه عندهم ( ما أدري وش إسمها ) أتوقع أشغال منزليه!!.
ما أذكر المسمى لكن ما خبرت إنهم يسوون إلا كيكه :s2:
12 سنه دراسه والبنت ما تعرف إلا تسوي كيكه!!.
إقتباس:

حلوةأشغال منزليه يالفالح اسمها تدبير منزلي ......:s4s:
وأنت وشدراك انها بس كيكه لا نسوي فتوش وكبسه وبيتزا وكبه وغيرها ...



مثل ما إنجبرنا قبل الزواج بالفحص الطبي ، المفروض كل بنت بتتزوج معها شهادة أعمال منزليه :s2:
إقتباس:


تخيل بس ذا الطلب عزالله راحوا فيها البنات .....>> :razz:



تدخل السوق تقول بنفسك والله من زين الأجسام

من التسدح والتبطح تلقى وحده عمرها ما وصل 20 وكرشتها ، كرشه وحده بالشهر الرابع!!.

والله من العيون اللي تقز ......:mad:
أجل كرشتها كرشت وحده ولا بالشهر الرابع .......

الضحى 29/06/2009 06:13 PM

موضوع مهم ويهم كل عائلة ..فقط عندي كلمة أرجو قبولها ..


المرأة من زوجها هو الذي يدبرها على مايبي الأهل يعلمون بناتهم كل أمور الحياة من معاملة للزوج وأهله



والعناية بالبيت ويوصونها بالأخلاق الطيبة لأنها هي صورة لعائلتها إما يقول بارك الله فيها وفي أهلها أو يقول



لابارك الله فيها ولا في أهلها ..لا يعقل أن يأكل الرجل المتزوج من المطاعم أبداً ممكن في الشهر مرتين ممكن



زوجي يكره أكل المطاعم وقد ربى أولاده على ذلك والحمدلله لايأكلون من المطاعم إلا في الحالات الطارئة أو


في السفر لذا زوجتك على ماعودتها وولدك على ماربيته ..يجب على الرجل أن يكون حازم ولكن بدون قسوة


أو شده ..قريبتي عاشت في بيت عز وخدم وكانت أخر العنقود ولم تدخل مطبخ أبداً وكان نصيبها مع شاب


مستقيم ولكن حالته متوسطة وبما نها وافقت تتزوجه بدأت تتعلم وأتقنت الطبخ وتطبخ كل شيء

ماشاء الله تبارك الله ...لا تلوم البنت أيها الشاب لوم نفسك يجب أن تهيء نفسك لكل شيء وتعلمها كل ماتريده


كما سبق ولكن بالحكمة والإصرار على رأيك ...

عريب عبدالله 29/06/2009 06:46 PM

إقتباس:

سؤال للنساء فقط : هل من حقك ان ترفضي الدخول الى المطبخ نرجوا التعليل في كل الحالتين
أنا جاية بس عشان أجاوب على السؤال:d

طبعا من حقي أرفض دخول المطبخ:mad: خدامة عند أبوه أنا:ranting:

إذا يبي خدامة ترى أوفر له يستقدم له وحده من برا :naughty:


بعدين يا أستاذي علماء الفقة يقولون أن من حق المرأة إذا كان في بيت أهلها خادم أن زوجها يجيب لها خادم:naughty:

على فكرة ما حفظت شي من كتاب حاشية الروض المربع الا هالحكم لأنه عجبنيs121s وقلت أكيد بيجي له يوم:naughty:

المهم أن كنت ما تزوجت فأتوقع بتجيك وحدة ما تدل باب المطبخ وأيضا أتوقع أنك أنت اللي بتطبخ:ap:

لأن لازلت أتذكر ولد خالي كان نفس كلامك وسبحان الله جت زوجتة ومشته على كيفها :ap:

وكل الناس يذكرونه بكلامة السابق :ap:


____________________________________________________________


مشكلتنا الأزلية أن كل طرف يطالب بحقوقة ولا يتذكر واجاباته ويرمي بالمسؤلية على الطرف الآخر

الحياة الزوجية تعاون وموده ورحمة المرأة تطبخ وتسوي شغل البيت
وزجها يساعدها في شغل البيت لأن الرسول صلى الله علية وسلم كان يساعد أهله
لازم المرأة تراعي إمكانيات زوجها المادية وبنفس الوقت زوجها يقدر لها صبرها ويتعاون معها

الحياة الزوجية ماهي مجرد طبخ أو فرض سلطة وفرض رأي

الحياة أعمق من هالأمور إذا كان فيه تفاهم الحياة راح تمشي

ولازم الطرفين ييقدمون شوية تنازلات عشان تمشي عجلة الحياة

المرأة ما تعرف تطبخ مع الوقت بتتعلم وحتى زوجها يساعدها على العكس الزوج يؤجر على خدمته لأهل بيته

وطبعا بالتأكيد الزوجة تؤجر على خدمتها لأهل بيتها

يمكن قبل الزواج نقول كلام لكن بعد ما ندخل التجربة نكتشف أن فيه أمور أعمق وأكثر أهمية

إذا بسطنا الأمور راح تكون بسيطه لكن لو كل شخص نظر للأمر من المنظور اللي كتبت فيه الموضوع راح تكون الحياة جحيم

الحياة تمر بالعديد من الأمور وما هي مقتصرة على مطبخ

وبنفس الوقت لازم المرأة تدرك ان ن الجميل أنها تقوم بخدمة زوجها بنفسها

لازلت أتمنى أن نقوم بالتجربة الماليزية هنا في الرياض مع أنها طبقت في أماكن أخرى

بأن لايتم عقد القران الا بدورة تأهيلية وإذا ما أجتاز أحد الطرفين الدورة لايتم عقد القران

للأسف نسبة الطلاق تزايدت لأن المرأة تفكر أن زوجها بيجيب لها كل شي بالدنيا
والرجل متوقع أنه متزوج خدامة ومن ربع تئبرني واربع وعشرين ساعة مثل الممثلات بالتلفزيون
بيتها ميه بالمية نظيف وطول الوقت في كشختها ومكياجها حتى لو صحت من النوم

بالحب والإشراق

نـــــــ15ــــــمر 29/06/2009 07:06 PM

خلك عزوبي اشرف لك :d

وخلو هالبني يتكدسون لين يتسنعون


تشـــــــــاو


الوقت المعتمد في المنتدى بتوقيت جرينتش +3.
الوقت الان » 09:36 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd