|
مقارنة بين الدول في الابتعاث ماهي الدولة التي تختارها بسم الله الرحمن الرحيم السلام عليكم ورحمة الله وبركاته اخواني الكرام المغتربين وغيرهم ممن له تجارب في السفر شرايكم نسوي مقارنات بين دول الابتعاث عشان نسهل الامر خصوصا للطلاب الجدد المبتعثين... على سبيل المثال كل شخص يقول كلام مختصر عن دولته الاسعار الطقس الشعب كثرة السعوديين والعرب ...الخ يعني اكثر معلومات اكثر فايدة... ابدأ انا ... في استراليا قولد كوست تقع شرق استراليا مدينة صغيرة فيها 3 جامعات الاسعار متوسطة الى غاليه الراتب ممتاز في استراليا الطقس رائع خصوصا في الشتاء الصيف شمسهم حارة شوي وخصوصا انهم يقولون فيه مشكلة بطبقة الاوزون فوق استراليا.. الشعب طيب (ملتي كالتشر) طبعا تختلف باختلاف المدن باستراليا الاشياء السلبية في استراليا بعدها عن السعودية ..استحالة وجود رحلات دايركت تضطر انك تطلع من استراليا توقف باحد دول الخليج او دول اسيا بعدين تكمل للسعودية يعني الرحلة تاخذ عليك احيانا يوم كامل برضه مشكلة ثانية مشكلة الوقت فرق كبير حوالي 7 ساعات بيننا وبين السعودية وفي بعض المدن 8 ساعات تواجه مشاكل بالمكالمات وبالتواصل ..الخ اتمنى من جميع الاعضاء المشاركة بارائهم ومرئياتهم والي عنده سؤال عن اي شي يقدر يسال الشخص الثاني وهكذا موضوع تفاعلي يخدم الجميع ولكم جزيل الشكر اتمنى الموضوع يعجبكم |
والله موضوع مفيد وياليت اذا في احد ببريطانيا وامريكا يعطونا معلومات والله يوفقكم . |
انا الحين في بولندا عندي دورة مدتها ثلاث شهور في مدينة اقدانس الاسعار مررره رخيصه البلد يمكن ارخص من السعوديه الطقس ماعندهم صيف الا كم يوم العرب ناادر ماتلقى عرب هناا لانها مدينه بعيده وفيه مسجد يفتحونه يوم الجمعه والاحد فقط الجامعه يعني مو متطورين كثيرررر واي خدمه انا حاظر |
المانيا هي دولة تقع في شمال أوروبا والدراسة فيها جيده جدا ولكنها باللغة الألمانية وهي لغة يصعب تعلمها في أقل من سنة من أكثر المشاكل هنا في المانيا هو غلاء الأسعار ولكن من يوجد لديه بعثة فلا يشيل هم لأن فلووس البعثة تكفيك وزيادة الطقس مختلف باختلاف المدن وبالعموم هو شدييد البرودة شتاء -20 ودافئ صيفا 30 المسافة بيننا وبين السعودية هي طيران 6 ساعات وفارق التوقيت 1 صيفا و 2 شتاء من أكثر التخصصات شعبية هنا هي الطب والهندسة بجميع أنواعها ....... مشكووووور يالغالي ع الموضوع الرائع وتقبل مروري |
بريطانيا بريطانيا دوله مافيها صيف الا كم اسبوع او كم يوم ملياااااااااااانه عرب وخصوصا سعوديين الاسعار غاليه بس اليي بعثه يكفيه الراتب فرق التوقيت 2 شتاء و 3 ساعات صيف تبعد عن السعوديه تقريبا 7 ساعات سلبياتها كثره العرب والغلا والجو |
امريكا دوله جميله ومختلفة المناخ بسبب اتساعها تعتبر رخيصه نوعا ما ارخص من الدول الاوربية يكثر فيها الاختيارات فكلما بعد الشخص عن المدن قلة عليه المصاريف اي مكافاة الابتعاث تكفي الشخص وتزيد بحسن التدبير سهلة النظام ولكن لاتخطي شعبها طيب ومتعاون في اكثر الحالات ولكن نهناك بعض المشاكل كبعدها عن المملكه 14بساعه طيران فقط الى واشنطن او نيويوك ثم زد عليها الى مدينتك قد تصل 7ساعات وخصوصا الغرب الامريكي فرق الساعات متفاوت من 7ساعات الى 10ساعات جميع المدن تقريبا بها كثافه عربيه حتي انك في واشنطن ونيويوك تقول انك باحدي الدول العربية بوجود المحلات العربية والمطاعم وغيرها حتي فيمتو العجو موجود مافيه غنات عنه برمضان والزجاجه 4دولار والسنبوسه والذبايح الله يحيكم بس |
موضوعك جميل يالغلا وان شاء الله يستفيدون منه الاخوان : بتكلم اولا عن كندا : مشكلة كندا الجوا فيها بصراحة سيئ يعني تقريبا تسع شهور او ثماني شهور بارد وانت تعرف في البرد وخاصتا في اشهر الثلوج يجيك اكتائب نفسي لانك ماتقدر تطلع من البيت من شدة البرد وعندك صيفهم ايضا سيئ يعني مثلا عندك العام الماضي كان الصيف حار جدا لدرجة اني كنت امشي بالسيارة بدون مالبس فانيلة وعندك السنة هذي الصيف ماتحس فيه يومين بارد ويوم حار ويوم معتدل يعني بصراحة جوها بالنسبة لي سيئ واتكلم عن ( تورنتو ) . وكذلك مشكلتها كثرة السعوديين فيها وخاصتا بعد الانفتاح الكبير في الضم للبعثات زادو الطلاب بشكل كبير وبالنسبة لي هذي ماهيب مشكلة للي يبي دراسة ولكن عند الكثير تعتبر مشكلة فتقريبا هذي هي المشكلتين اللي بكندا واضيف عليها كثرة الاسيويين بأختصار تورنتو أول بلد في العالم من حيث تجمع وكثرة الأقليات . اما من ناحية الشعب والتعامل فقمة في الأدب والروعة والمسلمين فيها كثير بصراحة والمساجد ايضا كثيرة فبيني وبينك في تورنتو تحس براحة نوعا ماء . واعتقد فرق الساعات وبعد المسافة ماهيب مشكلة وناخوك . وبالنسبة لنيوزيلندا ننتظر أي شخص متواجد فيها الان يتكلم عنها او راح اتكلم انا بالتوفيق ان شاء الله |
السلام عليكم مدينتي هي san diego في california المدينه غاليه مقارنه بمدن ثانيه في امريكا الجو روعه فالشتا و مقبول فالصيف شمسهم حاره بس المشكله قبول الجامعات للماجستير صعب شوي الناس هنا تعاملهم جداً ممتاز عدد السعوديين في تزايد و الملحقيه وقفت ارسال الطلاب للمدينه فيها اكثر من ثلاث مساجد البقالات العربيه كثير الجاليه العربيه و المسلمه كثير و المكسيكان بعد كثير و المديبه من آمن المدن عشان توصل السعوديه 5 ساعات لواشنطن و منها 14 للرياض سؤال للاخ معقل البطولات اللي في القولد كوست كيف القبول بالنسبه للماجستير صعب؟ و الا سهل وش المتطلبات؟ TOEFL او GMAT |
الله يوفقكم وين ما تروحون <<<<<<<<<من قلب والله لكن .... فيه احد بهولندا؟؟ انا سمعت انهم فتحوا فيها ابتعاث ؟؟ |
الله يوفقكم انشالله .. :) والله اني خشيت جو معكم ,, مآشالله كل وآحد عنده اسلوب يجذب وربي !! بس شسمه يآشبآب آنآ آحتمآل آنشالله اطلع لــ آوكرآنيآ بدرس > طب < !! آذآ في آحد يشرحلي آلآجوآء هنآك .. وآذآ ينصحني بشي بعد آكون شآكرله .. :) والله يعطيكم العآفيه .. :) |
ابتكلم عن Melbourne مدينة رائعة توجد في ولاية فيكتوريا ، جوها بارد نوعا ما اقل درجة اعتقد5 وصيفها نار بس المدينة جميلة و الناس منفتحة و الجالية العربية والمسلمة كثير والمساجد كثيرة و الجامعات حوالي الخمس تقريبا من ضمنها لاتروب ارام تي ملبورن فيكتوريا موناش وواحدة نسيتها المهم المحلات العربية كثييرة كل البضائع السعودية تلقاها حتى التمرالخلاص و السكري موجود والقهوة السعودية . اما السفر للسعودية فيحتاج عشان توصل مثلا الرياض حوالي 16 ساعة والى جدة 17 ساعة الامارتية والاتحاد على ما اظن تقطع الرحلة من ملبورن الى دبي دايركت في 14 ساعة مملة للغاية و بعدين راحة في دبي او ابو ظبي لفترة وجيزة ومن ثم على السعودية اما الماليزية اريح شوي تنزل على كوالالمبور يعني تقريبا 7 ساعات ونصف ومن كولالمبور بعد الراحة 8 ساعات ونصف الى جدة بس مشكلة الماليزية كل اكلهم رز الفطور رز والغدا رز والعشاء رز. ودي اعرف اش احسن مكان في بريطانيا للدراسة وقيادة سيارة لأني اكره وسائل النقل العامة وكمان ابي اعرف هل البيوت فيها حلوة ؟ |
ماليزيا أسيا الحقيقية بلد دافئ يميل للحرارة طوال السنة وتكثر فيها الأمطار ( يعني نسمع بالشتاء ) البلد رخيص مثل السعودية وأحيانا ارخص ، بس يبيله واحد يعرف يتصرف . المساجدوالمطاعم الحلال منتشرة ولله الحمد ، الشعب معظمه طيب وخصوصاً الماليزيين الأصليين ( أبعد عن الصيني والهندي ) . في الصيف يكثرون السواح العرب وخاصة السعودييين لدرجة أن تحس نفسك في شوارع الرياض من كثر العبايات اللي تشوفها . المشكلة هنا في تعلم اللغة الانجليزية حيث أنها ليست اللغة الأم وهذه أحيانا ميزة لبعض الطلاب اللي لغته ماشي حالها حيث أنه يمشي حاله ويعيش في هالبلد . والمشكلة الأخرى هنا في القنوات الفضائية حيث توجد شركة واحدة محتكرة السوق ولا يسمح النظام هنا بتركيب الدش ، وهذه الشركة عندها قناة واحدة عربية هي art منوعات ( اللي تبث على استراليا ) أحيانا يرضى علينا صالح كامل وينقل لنا مباريات الدوري لكن بدون تحليل ( تخيلوا نهائي العام الماضي ما نقلوه علشان ينقلون مبارة في البطولة العربية ) . كذلك من المشاكل هي برود الشعب فهو شعب بااااااااااااااااااارد جدا ويحب الأكل . الصراحة البلد زين للدراسة وللتمشية ( حج وقضاء حاجة ) . الله يرجعنا وجميع المبتعثين سالمين غانمين . |
شباب الله يوفقكم يارب ويرجعكم سالمين غانمين 7777777777777777 شباب احسن مدينه لتعلم اللغه الانجليزيه ، ورخيصه ، وامان يعني احتاج المساعده ياشباب لاني ناوي السنه الجايه اخذ العطله فرصه لي في بعثه للتعلم اللغه |
السلام عليكم ورحمة الله وبركاته ، اعانكم الله على قيام هذا الشهر ( خصوصا للمغتربين ) لان اللي بسعوديه وبعض الدول العربيه الامور سهلاات ، لكن هناء عذاب الله يتقبل مننا ومنكم صالح الاعمال ، نطب في الموضع المذكور سابقاً ، دام الدعوه كلن يذكر ديرته ، امشو فيذا ( لوس انجلوس ) طبعاً و ما ادراك لوس انجلوس قلب كاليفورنيا الحقيقي طبعاً انا منيب في لوس انجلوس ، انا في احدى ضواحي لوس انجلوس الا وهي : نورثديج ، للامانه مدينة صغيره تبعد عن لوس انجلوس مسافة 20 دقيقه بسياره يعني تعتبر حي من احياء لوس انجلوس لكن الحقيقه انها جميله ورائعه ، وبها جامعة نورثديج جداً قويه . وفوق ذلك الامور الامنيه تمام يالله لك الحمد والله يتمم عليهم . بس ( الاسعار غاليه ) طبعاً المطاعم العربيه فيه بس مو ذيك الكثره فيه تموينات ومحلات عربيه متواجد . يعيبها ( الغلاء مثلها مثل لاس فيقس ) وبعض مدن كاليفورنيا وبعض الولايات ، يعني اللي فيه شدة يجي لـم كاليفورنيا يحط بباله اذا كان مبتعث ان المكافئه يبي يبلها في خلاص 20 يوم ويشرب مويتها خصوصا اذا ساكن سكن زي العالم والناس واذا معك سياره تبي تطلبك السياره بنزين وهالامور لكن و الله الدير تفتح الخاطر وكأنك في الرياض تتمشى في شارع عسير < امزح :d وكل التوفيق للجميع اتمنى ان هناك معلومه تصل لكم . بنسبه للجامعه في قبوولهم ( سلسين جداً ) كل التحيـى آ للجميع ، |
كل عام وانتمـ بخير ياشباب وتقبل الله صيامكمـ وقيامكمـ مشاركتـي أديلـيد عاصمـة ولاية جنوب أستراليا وأكبر مدن الولاية عدد سكانها قرابة مليون ونصف يوجد بها ثلاث جامعات جامعة أديليد وهي من اقوى الجامعات ليس بأستراليا فقط بل بالعالم وجامعة فلندرز وجامعة جنوب استراليا المدينة هادئة جداً شتائها تقريباً من 4 الى 5 شهور اقل درجة حرارة تقريباً 4 درجات بالشتاء والأمطار شبه متواصلة بالصيف مدينة لطيفة ايضاً رخيصة جداً ومن ارخص المدن المبتعث تكفيه مكافئته وزيادة ولله الحمد .. العرب كثيرون محلات عربية منتشرة ويوجد قرابة خمس مساجد غير المساجد بكل جامعة للطلاب .. عيبها انها مدينة مشهورة بالرياح القوية .. يحوس يومك الهواء اذا جاء .. والله يوفق الجميع .. |
| الوقت المعتمد في المنتدى بتوقيت جرينتش +3.
الوقت الان » 09:04 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd