نادي الهلال السعودي - شبكة الزعيم - الموقع الرسمي - غـــيـــابـــك حــــيـــل دمــــرنــــي

السلام عليكم ورحمة الله وبركاته

في بادئ الأمر أحب أن ألتمس العذر من المشرفين والأعضاء

بمشاركتي المتواضعه وهي قصيدة ... بعض من أبياتها قرأتها في رسالة,,,,,

فأثارت فضولي بأن أقرأ القصيدة كاملة ولم أعرف كاتبها...

قصدة أثارت مشاعري* وأنعشت فؤادي* وأشبعت ذائقتي

فشدوتها لحنا في أعماقي

فإليكموها......

{غـــيـــابـــك حـــيـــل دمـــرنــــي}

أحس العين ماتبص وصار الهم لي وحدي
وأحس القلب ماينبض وعاف الدم شريانه

حبيبي تدري في قربك تمر أيام وتعدي
ثواني في نظر عيني أبد ماتنام ولهانه

تصور ياغلا نفسي غلاتك وش كثر عندي
يذوب الثلج في القطبي وتدفا نفوس بردانه

خيالك مالي هالدنيا وأشوفه وين ماودي
ولامنه اختفى عني لعنت ابليس واخوانه

أبي تعرف قدر حبك وأبي تعرف أنا شودي
وأبي تعرف وش الدنيا بدون الورد وألوانه

وإذا والله جميع الكون وقف كله بعد ضدي
يموت الكون ومايسمع خفوقي يالملا خانه

يسمع كيف أنا احيابه وأموت فبسمته حدي
وابي يعرف كيف يملك فكر عقلي وسلطانه

صحيح ولهان ولكني وقفت بقلب متحدي
أحبه قلتها وهزت جميع الكون واركانه

وضعت الناس في كفه لجل تفهم علي قصدي
لجل تفهم قدر خلٍ رجح بالقلب ميزانه

يكفي لانظر لي بشوق نسيت إسمي واسم جدي
وذكرت اسمه واسم أمه واسم ابوه وأخوانه

خلاص اليوم ياعالم ملكت الكون من قدي
مابالغ لو عشق قلبي ظلاله بس من شانه
مابالغ لو عشق قلبي ظلاله بس من شانه

تحياتي وأشواقي للأحبة ودمتم بخير

محبكم *** الزعــيـــم الغـــيــور***