تم إغلاق مطعم الفخار بعد حالات تسمم يوم الاثنين الموافق 22يونيو إلا ان الإغلاق حدث يوم الجمعه فقط بعد أن تم تحويل

عينات أخذت من اطباق تحتوي سوائل من المطعم و أظهرت واحده من 8 عينات أن نمو بكتريا الإيكولاي البرازيه من نوع 157 ذات السميه العاليه

وذلك حسب مختبر حولت اليه العينات بمجمعمدينة الملك فهد الطبي

حالات التسمم هي 12 كما وردني من احد الزملاء العاملين في المركز و تم 2 بعد تعويض السوائل و اعطائهم المضادات الحيويه الوريديه

و تم الإنتظار حتى توكيد نمو البكتريا في المختبر

بالطبع هذا النوع لا يأتي الى ان يقوم شخص متبرز مصاب بمسح يده بالبراز ثم دون غسل يباشر تحضير الطعام

إقتباس المهم البلدية جت وسكرت المطعم يوم الجمعة يعني امس بعد ظهرت نتائج عينات اخذت من العمال ومن اكل المطعم وجود بكتريا E.coli وهذا النوع من البكتريا يأتي من قلة النظافة الشخصية ومن عدم غسل اليدين بالماء والصابون بعد الحمام وانتم بكرامة !!!

يامصيبتي، ايه الئرف ده ، قتك نييييله
وياتسبدي تسبداااه شي يقرف قسم بالله ، أشوا إني ماأعرف المطعم والا كان علوم
أنا أصلاً حرّمت المطاااعم عقب شي يحوّم الكبد صار لي ، يككككك !
//
شكراً قرقااص ، ونداااء للعزابيّه لاعاد تروحون للمطاعم حفاظاً على السلامة < ناوية أموّتهم من الجووع هع

طيب اللي في حياة مول مثله هع

،،

انا يوم الخميس هذا القريب متسمم من مطعم اسمه صحي بحي الملك فهد الرياض

^^
وطايح لي يومين < حسبي الله عليهم ما خلوني اذااكر

طبيعي اي مطعم ناجح لازم يطيح سوقه

تدري ليش

الزباين يضغطون على المطعم تخيل 12 عامل في المطعم وطلبات خارجيه وداخليه

بساعه حول 100 طلب اكيد راح يجي يوم يغلط ويكون فيه تسمم

يعمي الصاج الذهبي قفلوه قبل شهرين تسمم وما طول وفتحوه وانواع الزحمة طبعا اتكلم عن فرع الريان عاد الأسبوع الماضي قفلوه وأشوفهم شالوا عفشهم ...!!!!


بس خل عنك عليه شاورمااااااااااااااااااااااااا

الله يستر بس والله انا لي الحين 10 اشهر عزابي وعلى الله ثم المطاعم انا حاولت انفدا شي اسمة شاورما لاني عارف انها دماااار للإنسان و المشكلة كل الناس طايحين فيها الحين في المنطقة الشرقية ما نعين الشورما منعا باتا في عائلة من 12 شخص اصيبوا بتسمم في منطقة الاحسا تحديدا وقامت البلدية بمنع الشاورما في المنطقة الشرقية عامة وانا اشوف لو تمنع بشكل كامل من جميع مناطق المملكة الا مطاعم محددة تكون على مستوى عالى من النطافة و والمراقبة والله يا ناس ما تسوى الحين والواحد يتسمم ويمرض على شان شورما بقيمة 3 ريال وتلقى امة تلاحقة تعال يا وليدي كلك شي قبل لا تطلع خذ هذي خبزة توي مسويتها بيدي وهو يقول لا والله عازمني واحد من الشباب في مطعم و ما يمدية يرجع الا وهو والله ما ياكلها الا امة الي بتشيل همة وتسهر علية

المطاعم مع اقتراب فصل الصيف بيكثر الطلب ويقل الاهتمام خصوصا عن العامل الي يشتغل تلقاة ما لة خلق يعسل يدة او يشوف طلبك او يهتم فيك انا اقول لكل عزابي انة يروح لأقرب بقالة ويشتر خبز و بيض وجبن ويسمي بالله انا بديت بهذي الطريقة من قريب لتفادي وقوع مالا يحمل عقباة واذا اراد انة يغير وياكل من مطعم ينشب ويشوف الي يطبخ لة ويحاول انة يتجنب الدجاج و اللحم لان اكثر حالت التسمم من هذين و الكل عرف هذا ويروح للفطاير والله يا هي شي وخصوصا اذا جاتة حااارة هنا تقل نسبة النسمم بسبب موت البكتريا البكتيريا

والله لو البلدية تشهل بكل مطعم وخاصة المشهور منها في الجرايد و الحي السكني كان قلت حالات التسمم وزاد الاتمام في عملية النضافة خوفا من العقوبة . وضع المطاعم مراقبة داخلية وهي مختلفة عن البليدة المراقية الي تكون من قبل البلدية تكون مراقبة خارجية فالمراقبة الداخلية لا تهدف لتصيد الاخطاء وانما تهدف لتصحيح الاخطاء الداخلية وهذا يساعد وبشكل كبير من التقليل من حالات التسممم الغذائي

اتمنى ما اكون طولت والله يعدي هل الايام على اخير

اشكرك خوي قرقاص

هلا والله قرقاص ..
الفخار ماغيره اللي بشارع سلطان بالعلياء
ياخي ودي اذكر موقعه بالضبط بس مشكلتي ماعرف بالرياض الا شارع القراطيس
متعشي فيه قبل فتره ومعي شباب من الرياض هم اللي ودوني يمه
طبعاً شغلي الأكل وبس زين اوريك فيهم مشكلتنا خمسه ولا تعشينا الا اثنين شكلهم عارفين الوضع خخخخخخخ
ذكرتني بمطعم مشهور عندنا مره اغلقوة البلديه عاد جالسين باستراحه مع شباب و احد الشباب هو اللي جابلنا الخبر حصري وقال المطعم الفلاني مصكرته البلديه والسبب يستخدم دجاج مدري وش
المهم واحد معنا نشبه ومنسم يحب يحرج ويعلق مثل بعض ناس هنا دق على المطعم وحط سبيكر وقال اضحكوا
يدق ويرد ابويمن ويسلم قال لو سمحت حبتين مظبي
قال اليماني الغاز مخلص هههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههه
قال صاحبنا متأكد انه الغاز ولا البلديه انحرج ابويمن وصكر السماعه بس كله كم يوم ويفتح
المفروض يشهر فيه ولا يفتح خل غيره يتعض صح ولا لا ياقرقاص

فمان الله

يمامي مطعم الفخار عاااد

لو قفلت كل المطاعم حق الشاورما بسبب التسمم
فيه مطعم واحد في الرياض ماراح يتقفل

مطعم حق شاورما يحبها قلبك

مع انه محله صغييييييييييييييييير مساحته خمسه امتار في سبعه
بس شوف الناس والاقبال عليه

ومفتوح من قبل لا انولد

ولم تسجل عليه اي حاله تسمم ولله الحمد

مطعم اسمه مطعم(عرفة )اتوقع فيه ناس يعرفونه

موجود في الملز


هو المطعم الوحيد إللي يسوي كل شغله قدام عيونك وتشوف بعينك وش يحط بالضبط


بلا مطعم الصاج بلا مطعم الطاسه


انصحكم فيه ياشباب لا يفوتكم مطعم قمة النظافة
وعمالهم كلهم لبنانيين وسوريين

هذا اللي عند مستشفى رعاية الرياض والا !؟
اصلن من تشوف الشاورما من برى تغسل ايديك ,,

إقتباس الرسالة الأصلية كتبت بواسطة قرقاص اجازة نهاية الأسبوع لأن في الرياض ماعندك غير مطاعم واسواق هل ستعود لهذا المطعم المفضل رغم التسمم اللي صار والأغلاق لمدة من الزمن!! بعد انقضاء فترة العقوبة لا والف لا

مساكيــــــن

انا اقول لو كان هذا بمطعم البـــيـــك

حتى لو صار فيه افلونزا الخنازير لكان اهل الرياض 24 ساعه ماسكين سره