(( ندرس ولآ نعرس )) - صفحة رقم 3 - نادي الهلال السعودي - شبكة الزعيم

ريتاج الهلال · #31 26/06/2009, 11:47 PM

إقتباس

الرسالة الأصلية كتبت بواسطة محاميه


	عزيزتي ترا هي على حسب البنت اذا هي تعتبرا الزواح عقبة تعيقها عن موصلة طموحاتها قبل الزواج سواء كانت دراسية او عملية وغيره واللي تعتبرا الزواج كذا اسمحلي راح تنحرم من اشياء كثير هي تحبها او با الاصح راح تعيش ما يسمى با المقبرة الزوجية .. في ها الوقت الصعب شهادتك تعتبرا امان لك من غدر الزمن والحفاظ على كرمتك.. تدارس وتخصص احيانا يأهلة لوظيفة ومستقبل مهني عظيم في الاخير تتزواج وتترك كل شئي وراءه طيب مو حرام ليالي السهر و والتعب والناس اللي تعبت معك وقت الدراسة وما فيه وحتى تقدير لهم لمجرد ان ها البطل ما يبقك تدرسين او تتوظفين بسبب افكار غبية ومتحجرة ويمكن هو يكون اصلا سبب تعاستك بعدين للاسف ابي اعرف طيب طوال ها السنوت والدارسة والشقاء ومشقية امك وابوك معك وكأن ها الدارسة توصلك لهدف معين اللي هو الزواج واذا وصلتي خلاص تتركين كل شئي هذا يسمى غباء من اول لا تتعبين ولا تعبين غيرك معك اجلسي في بيتكم وانتظري عريس الغفلة .. انا مع فكرة الدارسة الى اخر العمر ومافية مانع اذا كان الزواج محفزا لمستقبل واعد مو سبب في انتكاسة مستقبلي .. ربي يعطيك العافية عزيزتي با التوفيق

هلا فيتس أختي محاميه

نعرس وندرس يسير بس لتس مآيسير << بتتسطر ...........

وربي صوح كلآمتس آهم شئ الدرآسه لأنها بالأخير

بتفيد البنت اذا صارلها ظرف و لا شي

منورتني يآبعدهم.

ريتاج الهلال · #32 26/06/2009, 11:50 PM

إقتباس

الرسالة الأصلية كتبت بواسطة marsal


	إذا بلغ الرأي المشورة فاستعن برأي نصيح أو نصيحة حازم قال رسول الله صلى الله عليه وسلم: يا معشر الشباب من استطاع منكم الباءة فليتزوج؛ فإنه أغض للبصر وأحصن للفرج، ومن لم يستطع فعليه بالصوم فإنه له وجاء ) متى ما جاء الرجل الصالح فلا تتركيه باعذار (غبيه) اكل وشرب عليها الزمن... فتطورك و ثقافتك تنبع من داخلك ولن تضيف لك الشهاده شي يذكر

هلا أخوي

و تشرفت بمرورك.

ريتاج الهلال · #33 27/06/2009, 12:03 AM

إقتباس

الرسالة الأصلية كتبت بواسطة الـصـخـرة


	هلا وغلا اسمحوا لي أبربر شويات... الدراسة مهمه للبنت... والشهادة ضرورية جدا وخصوصا في هالوقت العالم كله مايتكلم الا بلغة ( الشهادة ) لكن ان تصل الامور الى حد ان تقول البنت ( دراستي اهم من الزواج ).. هذا غلط البنت بالنهاية مالها الا زوجها... هذي هي الفطرة صح ان الشهادة تعتبر مصدر امان للبنت ومستقبلها لكن للاسف ان الشهادة ليست هي الغاية بحد ذاتها وللاسف الشديد كثير من بناتنا تعتقد ان دراستها وشهادتها هي اللي بتوفر لها الحياة الكريمة طبعا ارجع واعيد.. الشهادة مهمة جدا... لكنها ليست الأهم الزوج أهم من الدراسة والشهادة الوضع عندنا هنا يختلف عن مصر وسوريا ولبنان والمغرب وكل الدول العربية هناك اذا البنت ما كملت دراستها واشتغلت ( ماتت من الجوع ) هي واهلها هنا الوضع يختلف ولله الحمد... الخير واجد والحياة اسهل كل بنت عايشة في عز ابوها... سواء كان غني او فقير بالنهاية تاكل وتشرب وتنام وتلبس دون ماتشيل هم علشان كذا حاطّه حيلها في دراستها واذا تقدم لها زوج قالت ( اكمّل دراستي ) واذا خلصت دراسة وتقدم بها العمر حسّت بخطورة الوضع خصوصا اذا كان عندها خوات متزوجات.. وصارت شغلتها ( حاضنة ) لعيال خواتها الوضع الطبيعي في تصوري هو كالتالي : * ذاكري بجد واهتمي بدراستك * اذا تقدم لك من ترضين دينه وخلقه ونسبه ( وافقي دون قيد او شرط ) بعد الاستخارة * اذا سمح لك تكملين دراستك ( خير وبركة )... واذا ما سمح لك قولي له ( انت تاج راسي ) بالنهاية هو اللي لازم يشتغل ويشقى ويصرف عليك اسمك انحذف من دفتر العائلة حق ابوك.. وتمت إضافة اسمك في دفتر العائلة حق زوجك في كل الحالتين انتي كنتي ( تابعة ) للرجل صاحب دفتر العائلة وفي كل الحالتين كان ( المتبوع ) ملزم انه يصرف عليك ويؤمن لك الحياة الكريمة لكن اذا الزوج سمح لك بمواصلة الدراسة وبعدها الوظيفة... تبوسين ايده من ورى وقدام لأنه مو ملزوم ابدا يسمح لك... بيتك اولى وهو كزوج أولى بجهدك اللي راح يضيع نصفه على الوظيفه وبعض الزوجات اللي يتحججون بالدراسة والوظيفة بسالفة ( اذا طلقني كيف اعيش ) اقول وانا كلّي ثقة : إحشميه واحترميه وكوني زوجة ( كفو ) وماراح يطلقك طبعا انا اتكلم عن الازواج ( المحترمين ) من الرجال لكن اللي تطيح بواحد ( سافل ) وتقول كيف اضمن حياتي معه.. اقول ليش توافقين عليه من الاساس ؟؟!! نصيحة لكل بنت ترى الدنيا قسم بالله ماراح تجي 100% على احلامكم والشي اللي تتمنّونه اذا تقدم لك ابن الحلال.. وافقي وارسمي لنفسك خط حياة جديد معه حسب ظروفه ونفسيته ووضعه الاجتماعي والمادي ومع هالزوج انطلقي الى حياة اجمل واحلى من حياتك في بيت اهلك اعتذر على طول الرد

هلا و الله بالصخرة

بصراحة أقنعتني بكلامك

و جزاك الله خير

لاعدمناك أخوي الغالي

V.valdés · #34 27/06/2009, 12:05 AM

اهلين وسهلين

والله شوفي ابغى انصح نصيحه من واقع تجربه>>>ترى مو بنت ولد بس اختي مجربه

والله مثل ماقال واحد قبلي اللي عندها طموح وشاطره تاجل الزواج لين تخلص دراستها لان صراحه الوحده ماتضمن وش يصير لها بعدين على الاقل تضمن انها عندها شهاده وماتحتاج منة احد بعدين >>>ماتحسون قمت اتفلسف

وعلى قولة الوالده

ان الشهاده فخر يعني لو يسئلونك وش شهادتك تلقين جواب يرفع الراس

وتجربت اختي تزوجت وهي تدرس والله لايوريكم والله العظيم معاناه مع انها كانت تقول راح اكمل السنه هذي لاكن ماكملت تبي تكمل السنه الجايه ان شاء الله ((اول شي نقل ملف من الرياض الى تبوك اووقسم بالله شغله وتدور ع مدرسه ووكل ماتلقى مدرسه يقولون مانقبل متزوجات>>>بلاهم والله دارين وش اللي يجي من وراهم

الموهم وبطلعة الروح تلقى مدرسه وبعدين قبل اختبارات الفصل الاول بثلاث اسابيع تقريبا رجعت الرياض والحمدلله المدرسه لقيناها بسرعه واختباراتها زفت الزفت مع انها ماشاء الله كانت تجيب نسب عاليه الا وطاحت نسبتها

بشكل خيالي وانسحبت الترم الثاني وبتكمل السنه الجايه ان شاء الله))

888888888888888

معليش طولت لاكن نصيحه لكم يالبنات لاحد يتزوج الا وهي مخلصها دراستها >>>>>حسيت اني شايبكم

يعطيكي العافيه ع الموضوع

ريتاج الهلال · #35 27/06/2009, 12:09 AM

إقتباس

الرسالة الأصلية كتبت بواسطة الجوووري


	انا اقول ادرسي احسن ك من العرس ماوراهم الا الهم هالتماسيح

هلا بالجوووري

مو كل الرجال هم يا عمري

يآمآل العرس والعيآل وصجة الرآس ....

هههههههههههههه

بريماكس · #36 27/06/2009, 12:15 AM

هلا فيك اختي ريتاج الهلال ..
عندي كلام وايد ابغى اقوله بس يووم شفت رد الصخره .. فضلت التراجع عن الرد لانه كفى ووفى جزاه الله خير .. لكني تراجعت وقررت ارد

ابتكلم بوجهة نظري

وابتكلم عن الزواج بصفه عامه لاني احب هالموضوع

اشوف انه متى ماتقدم الشاب الطيب ذو الأخلاق فبدون تردد اوافق .. وطبعاً قبل لا اوافق اكون عارفه كل شئ يخص الشاب ..
هل هو فعلاً يستحق ان يكون زوجي وشريك حياتي ام لا .. وبعده استخير والحمدلله

لان البنت مو زي الولد متى مامسكت معه بحث عن اللي يبي وتزوج ...
وايضاً الزوج متى ماحس باهتمام زوجته له وحبه له وانه ضحت بدراسته من شان رضاه وقبوله فيه.... الزوج العاقل والفاهم .. والله بيعطيه حرية الاختيار الدراسه ام لا . وبكذا كسبت الثنتين .. رضاوة زوجه ... وتحقيق رغبته بالدراسه ...

اما بخصوص المال والحياة و و .. عن نفسي والله ماردني عن الزواج لادراسه ولا مال ولاغيره رغم اني من ذوي الدخل المحدود يعني مش غنئ

بس الحمدلله الله متكفل بمساعدتي .. لان همي هو رضاء الله في الزواج واعفاف نفسي عن الحرام

والله سبحانه وتعالى تكفل بإعانة الرجل الذي يريد الزواج ليعف نفسه ... وانا مقصدي العفه الحمدلله :P

انا مقتنع ان السعاده الزوجيه هي بالتفاهم اكثر من الغنى والمال .. لايجيني واحد ..لا يشتغل ونوم وفلاح ويقول ابتزوج .. لا على الاقل دورلك شغله تمشي حالك وتضمن فيها دخل لك تعينك انت واعيالك

... شئ واحد اللي رادني فقط.

تدرووووووووووووووون ايش هو ؟؟؟

( مالقيت بنت الحلال اللي تستاهلن )

لاتقولون مغرور لكن واللهي اتكلم صراحه

اغلب الشباب العزابيه ودهم يتزوجون يبون احد يهتم فيهم اكثر من حياتهم العزوبيه:$ طلعات وتطعيس ودوران وزكرتيه مالقوا من وراها الا الدجه والشقى

بس خايفين يطيحون ببنا ت تطلع الشيب براسه وهو لسى بعز شبابه .. وقته لا انت اللي عشت عزوبيك وانبسطت مع اخوياك ولا انت اللي تونست وشفت اعيالك

انا بصراحه تعجبني البنت اللي تفكر انه تساعد زوجه

لانه بكل صراحه الحياة مو زي اول الحياة صعبه شوي وخاصه للي ساكن بآجار .. اما اللي ساكن بملك ممكن تهون شوي ..
والمفروض اي شخص مقدم على الزواج يدري انه راح تقع عليه مسؤؤليات والتزامات سواء الشاب او الفتاة ..

اعجبني نقطه ذكرته يافهودي

إقتباس


	لكن اللي تطيح بواحد ( سافل ) وتقول كيف اضمن حياتي معه.. اقول ليش توافقين عليه من الاساس ؟؟!!

إقتباس

الرسالة الأصلية كتبت بواسطة متآبعه بصمت


	يا بنات يا حبيبات قليبي نصيحة من كل أحشاء وصمّامات قلب مجروح ! لازم الوحدة تدعي في كل صلاة إن ربي يرزقها بالزوج الصالح اللي يسعدها ويستر عليها ويعينها على طاعته ويجعله قُرّةَ عينٍ لها ويجعلها قُرّةَ عينٍ له ويُحنن قلبه إليها ويحنن قلبها إليه وأن يرزقهم بالذرية الصالحة ويكتب لهم الخير حيث كان ثم يرضّيهما به ..

طيب يامتابعه الشباب مالهم نصيب من نصائحك

حطيتي كل شئ للبنات وكن البنات يجين كاملات

والله يابعضهن او اغلبهن (................)

متابعه ... الله يوفقك يالغاليه والله يرزق كل منكن شاب مثلي صالح مغرور محبوب

واسأل الله جل وعلا ان يرزقن اكثر من زوجه جميله وصالحه عاجلاً غير اجل اللهم اميييييييييييييييييييييييين .. => من قلب طالعه

صدقوني والله الحياة الزوجيه اسهل مما نتصور بس تبي تفاهم شوي شوي

المفروض ردي هذا لحاله موضوع هههههههههههههههههههههههههههههههههههههههههههههههههههههههههههههههههههههههه

فمان الله .. ووالله اني احبكم كلكم

ريتاج الهلال · #37 27/06/2009, 12:17 AM

إقتباس

الرسالة الأصلية كتبت بواسطة مَاهِينُورْ


	.* شُكراً وعُذراً ريتاج ~> حظتك نحس اليووم منفتحة شهيتي للردود حتى وانا ماعندي إضافة ..

العفو خيتو ما فيها شي

و ان شاء الله دوم نفسيتك تكون مفتوحة يارب

منورتني يآبعدهم

ريتاج الهلال · #38 27/06/2009, 12:24 AM

المحبره

هلا فيتس أختي

و العفو ما فيها شي

نورتي موضوعي

لتس ودي.

ريتاج الهلال · #39 27/06/2009, 12:28 AM

إقتباس

الرسالة الأصلية كتبت بواسطة هـــ الشماسيةـــلالي

رأيي بكل اختصار : للبنت فترة معينة للزواج وللخطاطيب ,, سرعان ماتزول إن لم تتغانمها وتبادر ,,

ومربط الفرس وعين الحكمة في الرد على استفساركـ وتساؤلكـ :

إقتباس

الرسالة الأصلية كتبت بواسطة الـصـخـرة


	الوضع الطبيعي في تصوري هو كالتالي : * ذاكري بجد واهتمي بدراستك * اذا تقدم لك من ترضين دينه وخلقه ونسبه ( وافقي دون قيد او شرط ) بعد الاستخارة * اذا سمح لك تكملين دراستك ( خير وبركة )... واذا ما سمح لك قولي له ( انت تاج راسي )

هلا أخوي

مشكور عالمرور خيووو.

المحبره · #40 27/06/2009, 12:36 AM

إقتباس

الرسالة الأصلية كتبت بواسطة الـصـخـرة


	يا امّي.. ياماما يابنت الاجواد وش مفهومنا للحرمان ؟؟ اصلا مافيه احد راح يتقدم لبنت الا وهو عارف المصاريف اللي بوجهه انا ماودي انك انتي ( وأي بنت ) تشيلون هم لأشياء مالها وجود انتم بالشكل هذا تفرضون على انفسكم ( طوق ) امني مشدد يدل على خوف شديد.. طيب من مين ؟؟ لك على الزوج سكن مؤثث + لقمة العيش + الكسوة + سيارة توديك وتجيبك لزيارة اهلك هذي هي اهم الاشياء الواجب على الزوج توفيرها لك ولعيالك وأي شي غير كذا اعتبريه ( كماليات ) ماتستاهل انك تخربين بيتك علشانها وترى ردي هذا وردي السابق ما اقصدك فيه انتي شخصياً.. واعتقد انك عارفه اسلوبي انا اتكلم ( عموما ) بنظرة المحب للجميع.. للجميع بلا استثناء

يا مرحبا بالصخرة

ردك هذا ممكن يكون أكثرها إقناع .. لكن صدقني انا ماتكلمت تنظير أو فلسفة ..
الوضع اللي نشوفه خلانا نحسب حساب أمور مو مسؤولية البنت أساساً !!

ألف شكر لك على سعة صدرك و طول بالك .. ماقصرت

و عارفة أسلوبك أكيد .. أنا أناقشك بالفكرة فقط ..

الله يعطيك العافية

و عذراً ريتاج

ريتاج الهلال · #41 27/06/2009, 12:38 AM

إقتباس

الرسالة الأصلية كتبت بواسطة متابعة بجنون


	هلا غلا بريتاج الهلال ...... حلووووة ندرس ولانعرس ... أنا أقول الأثنين<< ايه الأثنين لاحد يطالعني .. أنتِ ادرسي وجاء نصيبس أعرسي .. وكملي عنده لاني أعرف كثير أعرسوا وهم بمستوى أول والسنه هذه تخرجوا.. ويالله عقبال تكتبين موضوع أعرست ودرست....

هلا و الله فيتس

عقبالي و عقبالتس قولي أمين

صوح كلآمتس يآعسل

يآمآل العرس والعيآل ........

نورتيني يا بعدهم.

ريتاج الهلال · #42 27/06/2009, 12:42 AM

إقتباس

الرسالة الأصلية كتبت بواسطة ملكة الورد*1*


	انا ولله الحمد والمنه والفضل متزوجه وتخرجت هالسنة ونسبتي رااائعة فالزواج مو عائق للي عندها همة وطموح رح توفق بين البيت والدراسة والزوج وطلباتو واشكر ربي ان زوجي من المتفهمين والمساعدين في نجاحي في الدراسة والبيت وما انسى اهلي لانهم كانوا سندي الأول من الوالدين للأخوان والحمد لله واقول للأخ الصخرة لافض فوك رائع ما كتبت

هلا و الله بــ ملكة الورد

و مبروك ألف مبروك على الزواج و التخرج

مع أنها جاية متأخرة

بس ما يصير لازم أباركلك

و عقبال ما تفرحين بأولادك يارب.

ريتاج الهلال · #43 27/06/2009, 12:45 AM

إقتباس

الرسالة الأصلية كتبت بواسطة السمسار الهلالــي


	شوفي يا اختاه : لو جاكٍ رجل أخلاق ولا عليه قصور ( أقبلي فيه ) ! أنتٍ لاحقة ع الدراسة بس يمكن ماتلحقين ع الزواج ههههه .. وعسى الله يوفقك لما فيه خير ,, والسلام عليكم ..

و عليكم السلام و رحمة الله و بركاته

مشكور أخوي على النصيحة

لا عدمناك و بالتوفيق للجميع

شرفتني بردك.

الضحى · #44 27/06/2009, 12:53 AM

لك شكري على طرح الموضوع ...

البنت من عمرها 18 سنة يكثر خطابها والراغبين بها لأن هذا السن مناسب جداً للزواج ولكن لو تأجل

إلى بعد العشرين لا بأس ...وبكل الصدق الخطاب كل عام يمضي بعد 22 سنة من عمر الفتاة يقل العدد

والشاب 24 عام عمر مناسب وإذا تجاوز 26عام بدأ يفكر ويحسب حساب كل شيء وتقل رغبته

في الزواج ...

أنا من رأيي أن الشاب المناسب في دينه وخلقه وتحمله للمسئولية لا يرد أبداً

بأي حجة ولا تنسي عزيزتي أن زواجك هو طاعة لربك وسعادة لوالديك ...

الزواج أهم من الدراسة .....

ريتاج الهلال · #45 27/06/2009, 12:58 AM

إقتباس

الرسالة الأصلية كتبت بواسطة الاسطوره القدام


	اهلين وسهلين والله شوفي ابغى انصح نصيحه من واقع تجربه>>>ترى مو بنت ولد بس اختي مجربه والله مثل ماقال واحد قبلي اللي عندها طموح وشاطره تاجل الزواج لين تخلص دراستها لان صراحه الوحده ماتضمن وش يصير لها بعدين على الاقل تضمن انها عندها شهاده وماتحتاج منة احد بعدين >>>ماتحسون قمت اتفلسف وعلى قولة الوالده ان الشهاده فخر يعني لو يسئلونك وش شهادتك تلقين جواب يرفع الراس وتجربت اختي تزوجت وهي تدرس والله لايوريكم والله العظيم معاناه مع انها كانت تقول راح اكمل السنه هذي لاكن ماكملت تبي تكمل السنه الجايه ان شاء الله ((اول شي نقل ملف من الرياض الى تبوك اووقسم بالله شغله وتدور ع مدرسه ووكل ماتلقى مدرسه يقولون مانقبل متزوجات>>>بلاهم والله دارين وش اللي يجي من وراهم الموهم وبطلعة الروح تلقى مدرسه وبعدين قبل اختبارات الفصل الاول بثلاث اسابيع تقريبا رجعت الرياض والحمدلله المدرسه لقيناها بسرعه واختباراتها زفت الزفت مع انها ماشاء الله كانت تجيب نسب عاليه الا وطاحت نسبتها بشكل خيالي وانسحبت الترم الثاني وبتكمل السنه الجايه ان شاء الله)) 888888888888888 معليش طولت لاكن نصيحه لكم يالبنات لاحد يتزوج الا وهي مخلصها دراستها >>>>>حسيت اني شايبكم يعطيكي العافيه ع الموضوع

هلا و الله

ان شاء الله تكمل أختك دراستها و تنجح بنسبة عالية

بس برضو ما يصير نعمم تجربة وحدة على الكل

أنا عندي بنات خالاتي و عماتي ما شاء الله

متزوجين و كملو دراستهم و لا صار لهم شي

يعني أصابع يدك مو وحدة و في بنات صح

مثل ما أنت تقول تصير لهم مشاكل و ما يكملون

و بالتوفيق للجميع يارب

نورتني بمرورك.