|
أنا مؤيد .. ألىآ متىآ الشباب منحجرين .. لامكان نروح له ماغير لفلفه بهالشوارع نبي شي نضحك نستانس فيه .. نقضي وقت فراغنا فيه طبعاً يكون الفلم شي مافيه شي سلبي .. مثل الأشياء اللي تعرض ع القنوات العاديه والعايله كلها تتابعها مثثل مناحي والطقه المميزه ذي ق4 والله ترفيه .. واللي يقول تدعو للرذيله وشوي شوي يصير اختلاط ومن هالخرابيط لا ياعم ماتصير هالحركات لو بتصير كان صارت برىآ بالأشياء الثانيه غير السنما كان صار فيها تفتح و و و .. لكن دوله مسلمه محافظه ماراح يصير فيها هالحركات وبعدين اللي مسؤولين عن السنماء بالسعوديه اكيد نفسهم المسؤولين عن التلفزيون السعودي والحمد لله التلفزيون السعودي ماقد شفنا فيه شي مخل بالأداب . |
ايه ايه ايه ايه ايه ايه لازم سنيما في كل مدينه وفي كل قريه يا اخوان خن نتطور شوي الله يقكع بليسكم اذا ما تبون سنيما يا اخوان لا تروحنلها هاذي يبيلها شي ..؟؟ |
فيه سنما في الشرقيه .. واختلاط وماتقطع..! على العموم انا معارضه :rose:...} |
الله المستعان وعليه التكلان نحمد الله ونشكره المعارضين وصلوا إلى نسبة 71 % الحمدلله .. ولا حول ولالالالالالالالالالالالالالا قوة إلا بالله |
بداية النار شراره ... وبداية السيل قطره هالعلمانين اليوم يقولون نبي سينما بكره مراقص بعدها بارات وهلما جرااا |
إقتباس:
|
ان فتحوا سينما بيفتحون ابواب شر معه .. إقتباس:
|
72 % الحمدلله رب العالمين |
تم التصويت يعطيك العافيـه |
اللي موب شايف سينما بالقاعه بيشوفه بالبيت انا صراحة مع السينمآ :wub: (عرض جميع الأعمال بلا تحديد مع إلغاء الأجزاء المخالفة) |
إقتباس:
|
والله انا ما ادري مع ولا ضد انا بالنسبة لي اذا في سينما زين واذا ما في بعد زين بس حتى لو حطوا سينما ياويلك من الهيئة أشهد بيقوم التحقيط هههههههههه والله اني احبهم الهيئة :razz: ((الاختلاف في الرأي لا يفسد للود قضية )) تقبل مروري :rose: |
ههههههههههههههههههههههههههههههههههههههههه انا ما يضحكني الا الي يقولون تحجر يعني اذا سوينا سينما بنتقدم ؟ لو قلنا حق الي يطالبون بالسينما السينما وش راح تقدم للدوله ؟ هل ستتطور دينياً ؟ هل ستتطور صناعياً ؟ هل ستتطور علمياً ؟ هل ستتطور اقتصادياً؟ وبعدين فيه ناس تقول الرسول عليه الصلاة والسلام ما حرم الافلام يعني الرسول عليه الصلاه والسلام حرم التدخين ؟ يعني الرسول علية الصلاة والسلام حرم المخدرات ؟ (وأسالو اهل العلم ان كنتم لا تعلمون ) |
الله يجزاك الخير وجعل عملك في ميزان حسناتك .. اللهم ثبت الشباب الغيورين على الدين ويوفقهم لكل خير وحسبي الله ونعم الوكيل على كل من يحارب الدين وأهله ويحب أن تشيع الفاحشة في المسلمين ... ليت كل من يشجع السينما يراجع تفسير القرآن ويفهم أحاديث الرسول صلى الله عليه وسلم ..الحمدلله الأمر الآن سهل على من يريد النجاة من النار والبعد عن مخالفة أمر الله سبحانه وتعالى ... |
انا من رأيي المتواضع ان السينما مافيها شيء تكون بطريق منظمه ومافيه اختلاط ولا شيء .. شوفوا الشوارع مليانه محلات افلام ومافيها تقطيع بعد ما سويتوا شيء .. محلات الاغاني اكثر من البقالات وبعد ما سويتو شيء .. التورنت اربع وعشرين ساعه شغال .. متى ما زهقوا شبابنا الكريم شغلوا السياره وراح هو اخوياه البحرين شاف له كم فيلم في السينما وتعشى واستانس وجاء .. يا عالم تخلي عيالك يروحون سينما يستانسون ولا يطلعون في الشوارع ما تدري وش يسوون وش يضمك ما يجي راعي مخدرات ويلعب عليهم .. اما بالنسبه للأخ اللي يقول وش بتفيد السينما من تقدم الدوله .. يا اخوي السينما تفيد المجتمع وتأوي شبابه والافلام هي من اكبر الوسائل الاعلاميه .. وبعدين انا عندي سؤال لبعض الاخوان : ليش دايم تفكيركم سلبي يعني اذا حطيت سينما بيصير في مغازلات وبيصير فيه فاحشه وكذا دايم تفكير سلبي ليش ماتقول اذا حطيت سينما يمكن يكون في فيلم كويس وضد التدخين ويشوفه شاب ويتأثر في القصه ويترك التدخين , دايم تفكير سلبي كأنكم بتعرفون المستقبل .. اسف على الاطاله :smilie47::rose: |
| الوقت المعتمد في المنتدى بتوقيت جرينتش +3.
الوقت الان » 01:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd