إقتباس الرسالة الأصلية كتبت بواسطة اسامة الرحيلي بصراحه .. ارى ان (عيسى المحياني) في الوقت الحالي هو افضل مهاجم سعودي يستخدم (عقله) في طريقة لعبه .. فهو قد يكون نموذجا مصغرا لـ (سامي الجابر) اذكى مهاجم عرفته الملاعب السعوديه .. ولكن مشكلة المحياني كانت تكمن في فريقه السابق .. الا انه وبعد انتقاله للهلال .. اعتقد انه سيكون المهاجم الابرز في الموسم القادم .. هذا اذا تم منحه فرصة اللعب كأساسي بصوره كافيه . بصراحه عيسى مهب نموذجا لسامي مصغر ولا مكبر .. سامي غير اعتقد ان عيسى بخيطف الاضواء الموسم القادم بشرط ان يبتعد عن الاصابات وان يتجنب كل من رضا تكر وطارق المولد ولا ننسى ريان بلال بالمناسبه .. اذا صحت الاخبار في ان الهلال يبحث عن مهاجم اجنبي .. بالرغم من وجود عيسى المحياني .. فإني اتأسف لهذا التخبط الواضح .. فكيف يتم جلب مهاجم جديد قبل ان يمثلنا عيسى .. ولو حتى في التمارين ! يا حبيبي ابو سليمان الهلال عنده 5 بطولات وصعبه تلعب بمهاجمين هما ياسر وعيسى واذا كنت تعمدهم هجموك على كذا ياسر بيقعد يبزوط لان ما فيه بديل له .. لازم اجنبي ينافسهم على المركز .. واتمنى اجنبي يكون جناح ايسر ويلعب مهاجم بدلا عن ويلي .. لان الاجهه اليسرى هجوميا اصبحت ضعف فالهلال والجهه اليمنى الحمد لله فيه الفريدي ورادوي والغامدي لاعب اجنبي يلعب جناح ايسر وهاجم ان كانت الاداره الهلاليه غير مقتنعه بقدرات المحياني - وهذا ما لا اعتقده - .. فلماذا حرصت على ضمه إذا ؟ اداره الهلال مقتنعه بالمحياني ولا كان ما جابته اصلا بس صعبه تلعب بياسر وعيسى موسما كاملن واحد فالمنتخب اساسي لابد ولابد ولابد من اعطاء عيسى المحياني فرصه كامله في اللعب اساسيا .. فإن لم ينجح .. سنتفق مع الاداره ونساندها في القرار .. اما الآن وقبل ان يخوض المحياني اي لقاء بشعار الهلال .. فإني قد اتمنى فشل اي مهاجم اجنبي يحضره الهلال من اجل عيسى فقط ! بالعقل يابو سليمان .. هجومك فالهلال مين ياسر وعيسى .. لا تقول الصويلح والعنبر هذولي ما يصنعون الفارق بصراحه وقد اقول عندها : (ياليت المحياني راح النصر) لكي يأخذ فرصته.. لانه ظلم كبير أن يركن مهاجم - ارى فيه بعض من سامي - على دكة الاحتياط ! المحياني وياسر واللاعب الاجنبي اللي راح يبدع بيكون اساسي .. والتنافس هو المطلوب .. لا نكرر الموسم الماضي بالاعتماد على ياسر فالهجوم والضحيه الهلال من قبل ان ينتقل للهلال .. وانا معجب بعيسى المحياني .. لانه لاعب يستخدم (عقله) قبل كل شيء .. نجم ينحدر من سلالة الاذكياء .. يلعب كرته وكأنه يحرك (قطعة شطرنج) .. هاديء .. ذكي .. لماح .. ! ماشاء الله تبارك الله .. اللهم لا حسد ! ما شاء الله واللاعب كبير والله يوفقه مع الزعيم قرأت قبل ايام في احد المواضيع المثبته هنا .. ان المدرب جريتس سيعتمد في الموسم القادم على الهجوم بلاعبين اثنين .. وانه سيمنح الفرصة لعيسى المحياني ليلعب هو وياسر سويا .. وان لم يناسب لعبهما طريقته .. فإن الهلال سيحضر مهاجما اجنبيا .. ويعلم الله انني سعدت بهذا الخبر كثيرا من اجل عيسى المحياني .. ولكن بعد فتره اصبحت اقرأ في الصحف - وتحديدا الجزيرة والرياض - ان الهلال يفاوض بعض المهاجمين الاجانب !!! لااعرف من اصدق ؟ الموضوع المثبت هنا .. او الصحف المختصه بالشأن الهلالي ؟! لذلك كتبت هذا الموضوع .. متمنيا منح المحياني فرصه كافيه .. وانا متأكد من بروزه .. وانه سيكون على قدر المسئوليه .. كما كان قبله (اسامه هوساوي) ! اســــــــاميــــــات ** امام كوريا الشماليه .. كان المنتخب بحاجة ماسة لصانع لعب من نوعية (احمد الفريدي) .. ولكن سامحك الله يا (ريان بلال) ! المنتخب كان يحتاج الى قاد في الملعب مثل سامي ** ليس الهلال فقط .. بل حتى منتخب بلدك .. عانى بعد اعتزالك .. هل تدرك كم كنت قاسيا برحيلك يا (سامي) ؟ صحيح وليس الفريدي ** العراقي (يونس محمود) .. ذكر بعد مباراتهم مع نيوزيلندا .. انهم على الاقل افضل من بعض المنتخبات التي تتأهل لكأس العالم وتنهزم بـ ثمانيه !! يونس محمود ما كنت اعرفه الا بعد حصول ياسر على افضل لاعب اسيوي فعلا لكي تشتهر عليك بلاعبين الهلال وادراه الهلال شفت الحقد هذا .. كله منك يا (ياسر) .. ياخي ليش ما تنازلت له عن جائزة افضل لاعب آسيوي .. زي ما تنازلت لـ محمد نور عن الكابتنيه امام الصين ! ** يقول وليد الفراج .. لو كان (ماجد عبدالله) في عزه .. واشركه المدرب في آخر خمس دقائق .. فـ ماراح يسوي شيء ! وانا اقول للفراج .. ماجد عبدالله كان في عزه في تصفيات 82 و 86 و 90 ولم يستطع قيادة المنتخب للتأهل لكأس العالم .. بل انه في تصفيات 90 انطرد في المباراة الحاسمه امام الامارات !! واللي ما سوى شيء في 3 تصفيات .. بالتأكيد ماراح يسوي شيء في خمس دقائق ! ههههههههههههه ** على طاري وليد الفراج .. اتذكر ان الرئيس الجديد (ابو علك) عندما تمت استضافته في برنامج (مقابله خاصه) عبر art .. طلب من الفراج اكثر من مره .. ان يعلن ميوله (النصراويه) .. وقال له : (انا اعرف انك نصراوي ياوليد .. اعلن ميولك .. مافيها شيء) ! ** افضل تكريم يستحقه (اسامه هوساوي) .. هو منحه شارة القيادة .. مع الهلال والمنتخب ! يستاهل والله ** لم تحرص الادارة الهلالية على ضم (السهلاوي) .. لانه هداف (الدرجة الاولى) .. فهو لا يتناسب الا مع الفرق القادمه اساسا من الدرجة الاولى .. مثل فريقه الجديد ! ههههههههههههههههه ** يقولون ان رئيسهم الجديد (ابو علك) .. ناوي يغير الوان (الطقم الرديف) .. من سماوي الى (وردي) ! اوما عاااااااااااااااااد ههههههههههههههههههههه ** بصراحه .. لا اعرف كيف سيكون شعوري .. لو ان رئيس النادي المفضل لي .. لا يظهر امام الناس والكاميرات الا و(العلك) في فمه !!! وش خليت للاطفال يا (خبيلان) ؟؟ ** ادارة الاتفاق رفضت ضم محمد الشهراني المعروف بـ(طيحني) .. ليه ؟ يقولون ما نأخذه الا معاه (حزام) !!! عشان ما يطيح ههههههه ! ههههههههههههههههههههههه الله يرجك يابو سليمان ** عيسى المحياني .. كم اتمنى مشاهدتك بجانب ياسر !

لاهنت ولاعدمناك يبو سليمان

ردي باللون الاحمر

صحيح في مباراة المنتخب كنا محتاجين لاعب هادي مثل الفريدي ولاعب يسدد من خارج المنطقه بس للاسف كل السعوديه ما فيها صانع لعب ويشوت

بالنسبه لعيسى اتوقع نجاحه باذن الله مثل اسامه لكن ياخوي استغرب كلامك تقول اتمنى المهاجم الاجنبي يفشل عشان يلعب عيسى
نجاح الهلال اهم من لعب عيسى

بالنسبه لهوساوي صحيح ابدع ويستحق التكريم لكن اعتقد اقتراح الكباتنيه اقتراح في دوري مدارس
مو بالكابتنيه التكريم

طيب يا عزيزي ياسر في المنتخب والمحياني في المنتخب وإذا أخذهم المنتخب كالعادة وش نسوي حنا
نقعد نقشر بصل ؟؟؟؟؟؟؟؟؟
خسر الهلال كل البطولات التي خسرها لأنه لم يستطع تسجيل هدف وآخرها موقعة ام صلال وانت الحين تقول
ليش نجيب مهاجم ؟؟؟
شيء من الواقعية اخوي

ههههههههههههههههههه وربي بغيت اموت ضحك على النكته الاخيره حقت الشهراني

الله يرجك ياشيخ

الله يعينهم على شطحاته وكلامه البذيئ واحمد الله اني هلالي

إقتباس الرسالة الأصلية كتبت بواسطة اسامة الرحيلي .. زي ما تنازلت لـ محمد نور عن الكابتنيه امام الصين !

بصرآحه يكرهني بمواضيعك انك تحب تزرع الفتنه !!
وش تنازل عن الكابتنيه ..!! بعني لازم تقلل من قدر اللاعبين الكبار في الانديه المنافسه !!
الاحق بالكابتنيه هو حسين ومن بعده نور وبعدهم يأتي ياسر !!

وترى نجوم الاخضر اكبر من هالكلااام ... وزي ماقال ياااسر ماتفرقنا قطعة قماااش ..!!
وزي ماقال حسين كل المنتخب من وليد عبدالله إلى هزازي كباتنه ...!!

لاهنت اخوي ع الموضوع


ِ

ياخي أرفق عليهم ذبحتهم وكرهتم بلعلوك بعد .........

بنسبة للمهاجم الأجنبي انا أؤأيد وبقوة قدومة لعدة أسباب أولها نزول واضح في مستواى ياسر

ثاني شي ضعف البديل أمثال الصويلح والعنبر

ثالثها لو لا قدر الله وأصيب ياسر أو المحياني نجلس نقول ياليت عندنا مهاجم ينهي الهجمة خصوصاً مع هل أربطة اللي مو عارفين قصتها

ان شاء الله عيسى المحياني بيخيب امال الجميع بالظهور بالشكل المختلف الموسم القادم

ههههههههههههههههههه وربي بغيت اموت ضحك على النكته الاخيره حقت الشهراني

الله يرجك ياشيخ

لله درك ..
لله درك ..
لله درك ..


وربــي نفس الكلام الي ناوي اقوله ..

اخشى ان الإدارة تكرر (( غلطة رالديس )) !!

يحلموووووووووووووووووووووووووووووووووووووون وبس

احلا شي في صفقة عيسى المحياني مكالمه يحلمووووووووووووووووووووون هههههههههههههههههههههههه