|
ماذا لو كان سامي الجابر مساعدا لمدرب من وجهة نظري ان الأسطوره سامي الجابر مناسبا جدا بأن يكون مساعدا للمدرب وهذا الرأي الذي اطرحه حاء حينما تذكرت نجاح سامي قبل اعتزاله مع المنتخب حينما استلم تدريب المنتخب ناصر الجوهر وكان ناصر الجوهر يعتمد عليه كثيرا داخل الملعب وهذا الكلام تحدث فيه المدرب القدير ناصر الحوهر ومن جاءت فكرتي بأن يكون سامي الجابر مساعدا للمدرب .s13s |
اوافقك الرااائي الله يعطيك العافيه |
حبيبي .. مو اي لاعب يصلح مدرب !!! وشف ماردونا وين وصل منتخب الأرجنتين !! مو مقياس حبيبي :) |
اوووووووووووووووووه ياللـــــــه بدينا من هالحين وشوله شبيه الريح يتعاقد مع قريتس منظر اصلا‘قريتس متكفل بكل شي الله يهديك |
أتمنى ان سامي يدرس التدريب والاحتراف باوروبا كم سنه وبعدها نشوف الذيب مدرب للهلال ... طول عمره إن شاء الله ... |
أتمنى ان سامي يدخل دورات في التدريب وبعدها نشوف الذيب مدرب للهلال ... |
مو وقت تجارب الحين يكفي الموسم الي فات موسم فاشل بجميع المقاييس مو ناقصين ندخل تجربه بطلها الجابر جديده على حساب بطولات الزعيم .. اذا ودكم تقترحون وتجربون جربو في فريق الشباب واذا فلح ذيك الساعه يمسك الفريق الاول . ترى الي فينا يكفي وللحين لا لاعبين ولا صفقات ولا شي والهلال مكانك سر حتى الان . |
اوافقك الرأي وبقوه .. تبي الدليل .. من يذكر مباراة الهلال والاتحاد يوم ينطرد من الهلال لاعبين وهم : تفاريس والخثران. كان مدربنا سيريزو وكان سامي بعد ما انطرد لاعبين هو اللي يوجه والمدرب جالس والحمدلله فاز الهلال في تلك المباراه |
انا من وجهت نظري ان سامي الجابر افضل انه يكون مشرغف الحين شفتنا سامي الجابر وهو مشرف ينتقد ويحارب عاد لو نشوفه مساعد مدرب كان لو يخسر الفريق سارت صجه ولجه ويتحمله سامي |
سامي درب الفريق بأيام ليكنز |
مشكور ، لكن الاسطورة سامي ما تركوهـ في حاله و هو لاعب و بعدها مشرف علشان يتركونه وهو مدرب ، الله يحفظه ، و التدريب ترى شغله مو سهله و الدليل ان عندك مدربين و طنيين ما نثق فيهم ابداً و اكبر دليل الكابتن القدير عبداللطيف الحسيني اللي جلدناه بسياط النقد و انا اولهم بسبب خسارة الفريق امام ام صلال .. تدري وش مشكلة المدرب الوطني عندنا ..؟! انه ما يحاول يطور نفسه اكثر و اكثر و بعد كذا يبدأ بفرق الدرجات السنية ، يعني عندك خالد مرزوق في الخليج و المصري في الطائي و البشري في ابها و البدين مع شباب الاتفاق قدموا مباريات و مواسم حلوه لكن في اقرب فرصة على طووول يتم الاستغناء عنهم ، يعني بــ إختصار ممكن يكون هناك مدرب وطني في السعودية في حال تغير ثقافتنا و وجهة نظرنا في المدرب الوطني ، يعني حاجة تقهر تشوف مدرب مصري يدرب في اندية الدرجة الاولى و هو ماعنده سيرة ذاتية تجي ربع سيرة بعض اللاعبين عندنا ، لكنها عقدة المدرب الاجنبي فقط ، و الدليل على كلامي انا اعرف ان هناك مدربين من تونس و مصر يدربون في اندية الدرجة الاولى و الثانية لاتتجاوز رواتبهم الفين او ثلاثة الآف ريال ..! و انت احسبها كــ رئيس نادي .. مدرب اسمه اجنبي و راتبه اقل من الوطني فــ طبيعي انك تختار الاجنبي للاسباب اللي ذكرتها مسبقاً |
إقتباس:
|
الأن تحـاربونه وهو الأن مديرا للفريـق ,, فلو أتى مساعداً للمدرب فماذا تقولون ....... ! من وجهه نظري أتمنى ان يكون مساعد وأتمنى له التوفيق سوى كان مديرا او مساعد .. ! ., |
| الوقت المعتمد في المنتدى بتوقيت جرينتش +3.
الوقت الان » 10:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd