|
تجديد جواز السفر السعودي, من واقع تجربه مساء الخير http://www.l44l.com/upfiles6/mju04521.gif طبعاً ,, معظمنا في هذا الوقت من السنه ,, يفكر بأن يجدد جوازه اذا كان منتهي فالصيف قرب والسفر سار اقرب:s2: فـ بحكم تجربتي الشخصيه في تجديد جواز السفر الخاص بي , وبعد عناء طويل في اكتشاف المتطلبات .. وسماع كثير من الشائعات قررت اني اضع هذا الموضوع لكي يستفيد راغب تجديد الجواز .. اول خطوه لتجديد جواز السفر http://www.l44l.com/upfiles6/Yn204521.jpg اول خطوه تسويها بعد النيه طبعاً ..:naughty: انك تزور موقع وزاره الداخليه وتشوف هل عليك مخالفات مروريه ولا لأ وتقدر تزور الصفحه الخاصه بالضغط هنـا كل ماعليك انك تدخل رقم هويتك بالحقل المطلوب ..وراح يطلع لك مبلغ المخالفات وعددها بعد معرفه قيمه اجمالي المخالفات .. لازم تروح تسددها بطريقتين ! الطريقه الأولى .. من خلال ايداع , تحويل المبلغ الى المرور عن طريق البنك الراجحي .. او بنك الرياض تدخل البطاقه .. تروح عند سداد > دوائر حكوميه > المرور > سداد المخالفات تحط لهم رقم الهويه حقتك وتسدد الطريقه الثانيه .. اذا ماعندك حساب في بنك الراجحي او الرياض تقدر تسوي ايداع في احدى مكائن الإيداع الخاصه بسداد الفواتير مع اني اشوف ان الطريقه الأولى احسن واسرع ثاني خطوه تسويها بعد سداد المخالفات وقبل ماتطلع من البنك .. هو سداد رسوم الجواز 150 ريال فقط لاغير بنفس الطريقه لكن بدل ماتروح للمرور روح للجوازات في خيارات البنك وسداد قيمه تجديد جواز سفر سعودي .. راح يطلع لك 150 ريال انت سوي عليه تأكيد الحين انت متطمن .. مسدد مخالفاتك .. ومسدد الرسوم حقت الجواز مجرد ماتسددها في البنك راح توصل على طول للحكومه , وتقدر تتأكد بالدخول بعد السداد على موقع وزاره الداخليه وتشيك على مخالفاتك خذ معك ايصال السداد للإحتياط .. بعد الخطوتين الي راحت , لازم تجهز الأوراق المطلوبه لتجديد الجواز .. وهي مو كثيره
راح اتكلم بالتفصيل عن كل خطوه بالنسبه للصورتين .. لازم تكون الخلفيه بيضا + باللبس السعودي + ماتكون مسحوبه (مااعرف ايش معناها:d ) ويكون حجمها 4 في 6 بالنسبه لبطاقه الأحوال.. الي يقلك لازم الهويه الوطنيه الجديده الي فيها الشريحه .. هذا نصاب بطاقه الأحوال القديمه وبس . هذا عند التجديد .. اما عند إصدار جواز جديد فماعندي فكره الجواز القديم لازم تجيبه معاك عشان يخرمه لك وتلاقي نموذج في الجوازات هناك تعبيه وتعطيه للموظف طبعاً النصايح حقتي .. انك تروح الجوازات من بدري .. تطلع الساعه 6 الصبح من بيتكم البس ثوب وشماغ احتياط عشان لايرجعوك:mad: اتركك من الناس الي برا الي يقولولك اعبي لك النموذج واسدد لك ومدري ايش.. ماراح ينفعوك وكل الأشياء هذي تقدر تسويها بنفسك اول ماتدخل روح على طول للإستعلامات وراح يعطيك ورقه انتظار+نموذج روح للكافتيرا وخذلك عصير ليمون وعبي النموذج على رواقه .. خذ معاك ملف احسن لك عشان تحط فيه كل اوراقك وصورك مدة الإنتظار على حسب الزحمه .. وتترواح بين النصف ساعه الى ساعه بعد مايجي دورك .. تعطيه بطاقة احوالك , صوره منها , صورتين شخصيه , النموذج , والجواز القديم وبس ! يخرملك الجواز , ويوقع على نموذجك , وياخذ الصورتين ويرجعلك بطاقه احوالك ويعطيك ستيكر مكتوب عليه رقم , هذا حق المراجعه لإستلام الجواز .. تقدر تسأل الموظف متى اجي استلم الجواز ويعطيك يوم محدد بالنسبه لي انا سلمت الأوراق يوم الأربعاء واستلمته يوم السبت بعد الظهر فـ انت تجي بورقه المراجعه وتستلم جوازك بدون اي تأخير او زحمه ان شالله اكون وفقت في الشرح .. واي سؤال انا حاضر |
جزاكـ الله خيــر .. ماقصرت |
الله يجزاك الف خير على هالشرح التفصيلي والواضح تقبل تحياتي يا الغالي see you |
هههههههههههههههههههه كنك تدري اني اليوم عقب الاختبار رايح اجدد الجواز حقي :s2: بـ صرـآحه زحمه غير طبيعيه .. بس معى الفيتامين وـآو .. مش حتقدر تغمض عينيك و انا جالس في المكتب خلصت كل اوراقي .. ذا الكلام الساعه 10:30 و عقب صلاة الظهر جيت استلمت الجواز .. و تحياتي للي ماعندهـ وـآسطه :s3s: و الله يعينكم على الزحمه |
طيب الحين افرض ان واحد من الشباب قرا موضوعك و راح وجدد جوازه و سافر برا وسوا قلة ادب ما يجي عليك ذنب :D ? |
يعطيك العافيه .. فعلا الجوازات مرمطه انا جددت جوازي قبل كم يوم .. وانا بالبيت عطيته واحد وضبطه وجدده لي :D: ياخي الواسطه فله |
بصراحه موضوع رائع ويعطيك العافيه وماقصرت وتحياتي للجميع |
طيب وذا الواحد يبي يطلع جواز سفر جديد وش يلزمه وكم العمر المسموح وكم رسومه >> وش ناوي عليه يالذيب :d |
يووه يوم رحت أطلع جواز :( كنت بسافر للكويت ولازم أطلع الجواز خلال يومين s121s ,! وماخذ معي الصور وكلش .. وأنتظرت حوالي ساعة :s5s: ! يوم وصلت للكاشير قال : خلفية الصور مهب بيضاء :s2: وأروح أصور ذاك اليوم وأرجع لهم وقالو خلاص قفلنا :ranting: بس الحمدلله رحت عند مدير الجوازات وطلبته وخلص أموري :to::smilie47: .. ويعطيك العافية ع الموضوع ياعين أبوي انت :smilie47::s5s:.. ! |
الشي الغريب بصراحة في الجوازات !!! ان تعامل العاملين في الجوازات ممتاز مع المراجعين :smilie47: شي غريب والله مو مثل المرور والا الخدمة المدنية :mad: بس الي يبي يروح الآن للجوازات وما معة فيتامين " و " اصلي مو مقلد :d الله يعينه على الزحمة |
إقتباس:
|
دخول قطر بجوزا ولا بطاقه الاحوال الجديده ؟ ------ بافتراض بطلع جديد .... كم سنه مده الجواز ؟ |
إقتباس:
إقتباس:
اتوقع انك تقدر تدخل قطر بالهويه الوطنيه الجديده , ومده الجواز بين الـ4 و الـ5 سنين . إقتباس:
لو بيده ماكان سلمني الجواز:d إقتباس:
إقتباس:
فوق 21 سنه تروح تطلعه بنفسك ,, واسئلتك الباقيه اجاباتها كلها في الموضوع:yes: إقتباس:
إقتباس:
إقتباس:
واللهي ياخي الواسطه مو مره مؤثره في الجوازات ..لأن جوازك ياخذله يومين ويخلص يعني .. مو زي بعض الدوائر الحكوميه الي تحتاج من جد لواسطه إقتباس:
إقتباس:
يعني الواحد مايجدد جوازه الا بعد مايقرى موضوعي ؟ كأن موضوعي هو سبب تجديد الجواز والسفر:to: |
الله يعطيك العافيه انا جايهم اليوم قالوا لازم بطاقه جديدة(( الهويه الوطنيه)) ورجعوني ورحت للأحوال قالوا بتاخذ اسبوعين |
الله يكون بعون بابا :smilie47: :s2: إقتباس:
ثانكيو يابطل :rose: |
| الوقت المعتمد في المنتدى بتوقيت جرينتش +3.
الوقت الان » 11:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd