|
.. مالكم يا أبناء المملكه .. السلام عليكم أخواني امسي عليكم بالخير ..و أقدر مدى الغضب بعد التعادل المرير أولا مب اول و لا ثاني و لا آخر مباراه للمنتخب السعودي أمام كوريا و التاريخ سيشهد الكثير بإذن الله ثانياً أمل المنتخب قائم للتأهل أمام منتخبين لا اعتقد أنهم أقوى من الكوريتين لذا .. أتمنى أن تكون الفرحه السعوديه هي آخر فرحه لجمهور منتخب متأهل لمونديال ثالثاً هي فرصه لرؤيه نجوم المنتخب أربع مرات قبل المونديال باعتبار ان المباريات الوديه مشفره تلفزيونيا رابعاً التعادل مع كوريا فرصه ( لتفتيح ) العيون لعيوب المنتخب و مراجعه الاعبين أنفسهم بغض النظر عن فلان و علان. أخواني .. قدر الله على المنتخب أن يتعادل و بإذن الله يقدر لهم التأهل و بإذن الله ترجع لكم الفرحه الموندياليه و لكن لا تقارنو ياسر بسامي و لا وليد بالدعيع و لا فلان بعلان ولا طيط ببوعلاق كلن له زمانه و ياسر يمر بمرحله هبوط و سيرد و لا تنسو انه ( آدمي ) و نفس الشئ بنور مع اني أؤيد ان يكون له ( قرصه أذن ) لا تنسو غياب عيال عطيف المؤثر ناهيك عن مالك معاذ الا أقول كيف سيكون وجه المنخب بوجود ولد عطيف و مالك ؟؟ و بعوده مستوى ياسر و نور ؟؟ القادم أجمل و بإذن الله السعوديه إلى أفريقيا و السموحه |
هلا والله اخوي المنتخب الله يوفقه لو كاتب انه يتأهل بيتأهل لو ماهو كاتب ماراح يتأهل |
اخوي احنا نعاتب المنتخب عتاب محب ولسى املنا فيهم ما انتهى تقبل مروري |
شكرا لروحك العاليه اخوي المارد الاماراتي والمنتـخب كان قريب من التأهل لولا اضاعة الفرص ، ولكن هذا الكلام لاينفع ، علينا ان نفكر في القادم وتصحيح كل خطأ وقعنا به وان شاء الله موعـدنا جنوب افريقيا |
كفو والله أخوي المارد .. وربي يحييك .. فعلا الجمهور السعودي قسى على المنتخب بعد التعادل الأشبه بالخسارة .. يحق له أن يعاتب ويغضب فقد أمل بمنتخبه الكثير ورأي آماله تتحطم الواحدة تلو الأخرى .. لكن لابد لنا من عودة قوية بإذن الله ثم بدعمكم ( إخواننا في الخليج ) ودعواتكم سنصل ... وسننتظر وصولكم في قادم البطولات .. وفقك الله أخي الكريم ... بالغ احترامي لرقي أسلوبك ... ولشخصك الكريم .. والمنتخب السعودي للجميع :) |
بالله عليك نتاهل ع ارضنا..!! وجهور حظر ونتعادل الي يشوفنا يقول نلعب معا اليابان! بعدين راح نباري نيوزلندا صكونا 5في الكاس القارات. بتوفيق |
قسوتنا عليهم لحبنا لهم اخوي مشكور على موضوعك ياغالي |
بيض الله وجهك يالمارد والله ان كلامك 100% والله يكتب الي فيه الخير ونتاهل اميييييييييييييييييييييييييييييييييييييييييييييييييين |
تكفي متااابعتك لنا يا ولد الإمااارات فما بااالك وأنت تشد من أزرنا ,, وترفع معنويتنا بإسمي وبإسم جمااهير السعووديه ,,, نشكر وقفتكم معنا ما بين جمااهيرنا بالرياض |
يارجال ياجعلهم مايتأهلون .. وليه يتأهلون ويرووحوون لكاس العالم ويطيحون بمجموعه وياكلونها خمسات وستات !! ناقصين هزايم وفضايح !! خلونا على الأسيويه وعسانا نجيبها !! يالله يارب انك توفق المنتخب البحريني ويفوز على منتخبنا بالذهاب والأياب ! ونشوف وقتها وجه سلطان ونواف اصحاب الخطط المدروسه |
برأيي أن التأهل من بداية التصفيات كان بالمتناول .. ولكن لسوء التقدير من المسؤولين كان سبب في الدخول إلى الملحق أول أخطاء المسؤولين كان بتعيين المدرب (المفلس) ناصر الجوهر ..مع احترامي لتاريخه ولكن أبداَ لايملك أي قدرات تدريبية(حديثة) من أول مباراة ودية راهنت على الخروج المبكر ..منتخبنا مع الجوهر بلا رائحة ولا طعم ولا لون! منتخبنا كان يلعب بدون تكتيك مجرد (صفصفة لاعبين) داخل الملعب,والخطة المعتادة (شدوا حيلكم)! وبسبب تعيين الجوهر وطاقمه الفني (على قد حالهم) كان الإعداد سيء جداَ بل بالأرقام يصنف على انه أسوء إعداد حدث في تاريخ كرة القدم ثاني أخطاء المسؤولين (الجدولة ونظام المسابقات) ضغط رهيب عجيب غريب ماكانش وماحصل ! مباراة كل 3 ايام وبعض الأحيان 5 مبارايات في 10 ايام ..ياساتر!! أهم لاعبي المنتخب اصيبوا ياسر مالك كريري الحارثي عزيز المرشدي عطيف الاحتياط بشير الفريدي النمري والخ ياسر اصيب مرتين بالفتاق وكل إصابة تحتاج شهر كامل للإ‘عداد لكن الطاقم الفني (الجوهر والبقية) رأوا أن يكون الإعداد لمدة اسبوع ونصف وبعدها يتم الزج بياسر (سوبرمان) كي ينقذهم!! أذكر دخول ياسر في مباراة الامارات في الامارات كان شكل ياسر مضحك جداَ حتى ركضته غريبة وعاش (التخطيط)! مالك مصاب ونفس الشيء خطأ في تقدير الاصابة ثم التهور بالاستعجال على عودته وبالأخير نخسره موسم كامل ! سعد رباط صليبي الي بعدووووووو صالح بشير الهجوم كله مصااااااااااااااااب كريري من 4 سنين حاله كحال ياسر لم يتوقف ابدا لهم 4 سنين يلعبون مباراة كل 3 ايام ..والله لو انهم مكاين!! وباقي اللاعبين طبعاَ مباراتنا الأخيرة شفنا نور ضايع وياسر كاره نفسه من الضغوط والمشاكل عزيز المعروف باللياقة والقتالية كان منهك حتى الموت.. الزوري يسحب نفسه لكن حيل الله اقوى .. وبالأخير الأمير سلطان يوبخ اللاعبين ويلومهم ويقول "اين الروح السعودية" ! اللاعبون اوادم طال عمرك هيء لهم اجواء مناسبة وضبط جداول مسابقاتك وبعدين حاسبهم .. ياسر وباقي اللاعبين راح يعملوا اعداد مع انتديتهم وراح نشوف مستوياتهم الحقيقة بإذن الله.. عموماَ نتاج الخطط العلمية المدروسة هذه السنة : سعد الحارثي علاء كويكبي ماجد العمري صالح بشير عبده عطيف عماد متعب 4 لاعبين من الحزم كلهم "رباط صليبي" كريري عزيز ياسر المرشدي مالك معاذ النمري تيسير الفريدي كلهم اصابات مؤثرة أتحدى أن تكون هذه الاصابات حدثت في أي مكان في العالم ! وعاشت الخطط المدعوسة |
أشكركم على ردودكم اخواني و بالنسبه للامير سطان أرى انه ما يستحقون كل لاعبين العرب لأن الاعب العربي أساسا لا يعتدل إلا بالعين الحمرا الأخ هلالي ردك على عيني و راسي بس الاعب المحترف يتحمل مباراة كل 3 أيام و لا اعتقد احدا من اعبين السعوديه لعب 5 مباريات في 10 ايام و ارجو منك ذكر متى حدث هذا الشئ البطولات السعوديه قائمه منذ عشرات السنين و لم يشتكي الاعبون من اصابات أو غيره فلماذا يأتينا هذا الجيل بادعائاتهم الواهيه مع ان الانديه وفرت كل سبل الراحه النفسيه و المعنويه لاعبين. بذكرك عن الامير سلطان و توبيخه للاعبين بعد مباراة الكويت أتمنى أن لا يأتي اليوم الذي تندمون فيه على فقدان شخص مثله. شكرا أخي |
أفا ماهي الهجوه يا شباب تتمنى للمنتخب هالحال و اردى ؟؟! زين لصالح منو ؟؟ |
مشكور اخوي بصراح ما جاني النوم يوم التعادل ولم اكن اتصور عدم تاهل المنتخب السعودي رغم اني {{يمني}} لاكن لا بد من ان نوقف مع ياسر ونور وحسين وجميع الاعبين ورفع من معنوياتهم في الملحق وبتوفيق:smilie47::ba1::smilie47::ba::ba: |
قبل كل شي حاب احيــيــــــــــــــــــــــك من كل قلبي اخوي ((المارد الاماراتي)) واشكرك على تواجدكـ الدائم في شبكتنا الغالية وصدقني اني من متابعينكـ لامن ردودك او مواضيعكـ..! ع العموم مالنا الا نقول الحمدلله على كل حال وكوريا الشمالية قدرت تثبت نفسها في المباراة بوجود9دفاع وبمهاجم واحد..! والله ثم والله ان التأهل لكاس العالم عن طريق الملحق ماله اي طعــــــــم ومانقول الا الله يسهل ان شاءالله..! وعقبال مانفرح معكم بتأهلنا سويا باذن واحد احد للمونديال القادم..! اكرر شكري لكـ خيووو |
| الوقت المعتمد في المنتدى بتوقيت جرينتش +3.
الوقت الان » 09:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd