|
اللاعب يبي الريال وانت تجبره الى انه يجلس...؟! على هالحال بيصير مشاكل و ماراح يقدم مستوى حلو مع فالنسيا...! لكن بإذن الله انه بيكون مدريدي عاجلا ام اجلا.. |
ليش بعض المدريدية يعتبرون رئيس فالنسيا غلطان ولا حرمة وما ادري ايش ؟؟ يعني علشانه ما بغى يبيع يصير حرمة ؟؟ لا تقولون لي انه اتفق ولا شي ما فيه اثبات انه اتفق معه ولا لو هم متفق معه كان وقع من البداية .. يعني العام لما فيرقسون العام قال ما فيه بيع لرونالدو طلع كلام على فيرقسون وسب فيه .. يا اخوي الرجال ما يبغى يبيع الا غصب .. يعني يا نتفق يا انتم وعييين <<< كيف وعين بس :d .. مع احترامي انا اشوف سعر اللاعب مبالغ فيه من ادارة الريال ومن ادارة فالنسيا ويمكن السبب الرئيسي اسعار كريس وكاكا .. على العموم بالتوفيق للفريقين .. واعتقد الريال ما يحتاج فيا وخصوصا السنة الجاية يمكن السنة اللي بعدها انا معك .. الوافي001 |
يمكن انت ما تابعت الموضوع من الاول قبل اسبوع طلع تصريح لــ رئيس فالنسيا وقال انه يبي يبيع فيا وكان يقول ان فيه منافسه من فرق اوربيه كبيره (( مانشستر و تشلسي والريال و برشلونا )) واللاعب رفض انه يطلع من اسبانيا بعد كلامه ذا ما بقى مرشحين الا (( الريال و برشلونا )) ونفس الرئيس اعترف ان ما جاه عرض رسمي الا من الريال وكان فيه اتفاق بين الادارتين بس للاسف بيريز كان يتوقع انه يتكلم مع رجال واخلو باتفاق "" الجنتل مان "" وجلس يماطل بالسعر المتفق عليه وبالاخير قال اللاعب مو للبيع انت تعرض بضاعه وتجلس تقول عندي عروض وبالاخير تسحب عليهم والمشكله المتضرر هو فالنسيا بالموضوع ذا (( بسبب الضيقه الماليه )) بالاخير اتوقع ان فيا بيلعب لمدريد عاجلا ام اجلا :rose: |
لا لالا لاتقوله حنا توقعناه قضي الامر لا يكون مثل ما قلت |
والله حرام يجلس مع فالنسيا لأنه فالنسيا منافسته معدومة في الدوري ماراح يلعب الأبطال وأتمنى يجي للملكي عشا يستانس بالأبطال والدوري |
* من الرسمي ممكن يوضح بعض الامور .. يورنتي : " قررنآ عدم بيع فيآ " http://www.valenciacf.com/export/sit...TE19jun09f.jpg اليوم في مؤتمر صحفي لـ يورنتي تحدث عن فيآ و عن فآلنسيآ و المستقبل لـ النآدي .. الرئيس يرآهن على قوة فآلنسيآ وأنهم قآدرين على المنآفسة .. البلآغ الرسمي الصآدر من ادآرة فآلنسيآ .. " أريد أن أوضح شيء بـ شأن انتقآل ديفيد فيآ , القرآر اتخذ بعد فترة تفكير و تقييم لـ مزآيآ اللآعب وهو على خطى أن يكون الافضل في أوروبآ , لـ ذلك نحن سـ نقآتل من أجله لأنه لآعب مهم لـ فآلنسيآ , فآلنسيآ أقويآء وهم بـ حآجة لـ اللآعبين من هذه الطينة , فيآ أظهر ولآءه لنآ في كل يوم ونحن بـ دورنآ لن نتركه هكذآ سـ نكآفح لـ بقآئه هنآ " فيآ من أهم اللآعبين في فآلنسيآ .. " فيآ لآعب فآلنسيآ وهو ينتمي الى فآلنسيآ وأنآ أقول هنآ حقآئق ولست أفترض شيئا ً , نحن نترك جميع الشآئعآت ورآئنآ فكرنآ بـ الموضوع واتخذنآ القرآر وانتهى الامر وأبلغنآ الجميع بـ ذلك " اللآعب .. " لآ أعرف مآ الذي قآله فيآ لـ وكيله , ديفيد شخص رآئع وأنآ أعرف شخصيا ً أنه لن يتخلى عنآ تحت أي ضغط و قد رأينآ موقفه بعد كل هذه الشآئعآت و الضغوط , المهم بـ النسبة لنآ لآعبنآ سـ نتجآوز الوضع الحآلي و سـ نفعل مآ يريده اللآعب , فيآ مرتآح هنآ و قد ظهر أكثر من مرة لـ وسآئل الاعلآم قآئلا ً ذلك " http://www.valenciacf.com/export/sit...TE19jun09d.jpg يسير بـ ثبآت لـ يكون الافضل في أوروبآ .. " اذآ كآن يقدم كل هذآ المستوى و سـ يكون يوما ً مآ الافضل في أوروبآ سـ يتعين علينآ ابقآئه معنآ و القيآم بـ كل مآهو ممكن لـ ذلك , لقد تحدثت مع اللآعب وقآل لي أن تفعل الادآرة مآ ترآه منآسبا ً وقرآر فآلنسيآ هو قرآره , اللآعب قدم كل مآلديه لنآ وهو أمر مهم يجعلنآ نتمسك به و سـ نستمر في ذلك , نحن فـ الوقت الحآلي نقوم بـ الحفآظ على لآعبينآ كـ مكآفأة نقدمهآ لهم , و سـ يستمر فيآ في عطآءه لأن يكون رقم وآحد فـ العآلم " رسآلة لـ جمآهير فآلنسيآ .. " نحن فآلنسيآ , تذكروآ اللحظآت القليلة المآضية كنآ من الافضل فـ العآلم , علينآ أن ننظر لـ الامور من كآفة الاصعدة سوآء ً الريآضية أو الاقتصآدية أو الامور الاخرى , النآدي سـ يعود لـ الوآجهة من جديد , الريآضة أهم من الامور الاقتصآدية حتى لو كآنت تشكل فآرقا ً مهما ً , نحن الآن نبني قرآرآتنآ على أسس قوية سـ نصنع فريق قوي .. بطل .. ينآفس بـ الاحتفآظ بـ من في النآدي , حتى لو أخذ الامر وقتا ً فـ تلك خير وسيلة لـ الاحتفآظ بـ جمآهيرنآ وارتفآع أسهم النآدي " Valencia |
من حق فالنسيا انه مايبيع لاعبه ومن حق الريال انه يفاوض اللاعب وكذلك اي نادي اخر ومن مصلحة الريال ان اللاعب مايجي هالسنه , عدم قدومه يعني خيارات هجوميه اكبر لكريس وكذلك فرصه مشاركة اساسية لهيجواين اللي الموسم الجاي ممكن يصير افضل من فيا, هيجواين مهاجم خطير وقناص وعنده مميزات ماهي عند فيا مثل الضربات الرأسية باتقان كبير , اتوقع لو ماجاء فيا للريال هالموسم واخذ هيجواين فرصته الموسم الجاي كاساسي وخلفه كاكا وكريس انه بيكون الهداف وبيقول لفيا امسك سرى وراي الله لايهينك بقايمة الهدافين . |
قرار مانقدر نحكم على انه صحيح أم خاطئ لين نشوف نهايته اذا الرئيس بيبيعه الصيف هذا فهو خسران بعدم بيعه لأن الفتره هذي هي أعلى الأسعار بعد صفقات بيريز أما اذا كان يفكر بالاحتفاظ بفيا حتى نهاية كأس العالم المقبل فأتوقع ان تفكيره سليم لأن المنتخب الاسباني هو المرشح للحصول على كاس العالم وبكذا يرتفع سعر فيا من 35 مليون يورو الى 50 أو حتى 60 مليون يورو الصيف القادم هذآ (إذا) صار الصيف القادم مثل هالصيف الأسعار نار ( ما اتوقع ) لذلك برأيي بيع فيا الآن هو الأنسب لفالنسيا اللي يعاني من ديون وبخصوص تصريح اللاعب لم يصرح بالنادي اللي يتمناه صرح انه يعرف اين سيلعب يعني مثل تصريح ابراهيموفيتش بدون تسمية نادي معين |
ياشباب مع احترامي لكم انت داخل سوق انتقالات .. منتب داخل مجلس أبوخلف أو أبوصالح يعني اتفقت مع نادي اللي بينك وبينه التوقيع أما سالفة اذا عطاني لاعبهم يصير رجال واذا ماعطاني اللاعب يصير حرمه !! |
اتوقع بيوووقع للريال مدام بيريز عايش وحط عبيننه على لاعب الاعب جاي يعني جاي شكرا |
. مصير بيريز يكسر خشمكـ .. مثل ماكسر خشم فيرقسون . |
ياخي هالمدريديه مدري وش يبون بالضبط .. ترا هذول لاعبين مو طوابع سن توب تقعدوا تجمعوا فيهم عشان تفوزو بالاخير إذا الاعب عنده رغبه بالبقاء فسوف يبقى برغبته وبرغبه الإداره ، واذا كان وده يطلع فما راح يطلع الا بالمبلغ اللي يرضي الإداره واذا تبونه يا مدريد ادفعوا الكاش قرش بقرش وخلو عندكم الهذره الفاضيه وبيندمر وبتموت أم جدته وهالخرابيط يعني الحين كاكا دافعين فيه 65 وكريس 92 ليه فيا ما يستاهل 50 ؟ وقليله بعد بهداف اوروبا ... ع العموم إن ظل في فالنسيا فراح يبدع مثل كل سنه ويشقق بابكم بكم هدف زي العاده وإن راح لكم فمن حقكم تفرحوا بلاعب كبير زي ديفيد فيا :) |
إقتباس:
ههههههههههههههههههههههههه:d الحين وش دخل فيرغسون في السالفه ..!؟ فيرغسون مدرب وليس رئيس نادي .. جاهــ عرض حلو ومفيد للنادي واللاعب .. الاداره استشارت فيرغسون وهو وافق .. وبرغبة اللاعب بعد كلا الطرفين مستفيد من الصفقه .. وابشركـ ما فيها كسر خشوم ولا شي حسستني اننا نتكلم عن البلوي ومحمد بن فيصل :d |
على طريقه المدريديين كل لاعب يفاوضوه يقولون؟ يبي الريال قالوا فيا يبي الريال وريبيري يبي الريال وانيستا يبي الريال وابراهيموفيتش يبي الريال والونسو يبي الريال وميسي يبي الريال وبعد محمد نامي يبي الريال..!!!! ((ما يتجرون يفاوضون لاعبين من برشلونه)) وانا مع بقاء او ذهب فيا الى البرسا لانه اذا راح لريال نجوميته بتمحي لوجود رونالدو وكاكا وما يدري يظمن يلعب اساسي ولا لا؟؟؟ ومن حق رئيس النادي يبقى على الاعب. كيفه مووو كل شي بالغصب.. ...... |
سوااااااااااااااااااااااااليف اشونه قالها انا قررت مصيري وبعدين الاعب الكبير يبي بطولات |
| الوقت المعتمد في المنتدى بتوقيت جرينتش +3.
الوقت الان » 10:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd