سنقع في اخطاء الماضي مرة اخرى
 

اقترب الهلاليون كثيرا من الكوري الجنوبي الظهير الأيمن لي يونغ الذي يلعب لفريق بروسيا روتموند الألماني بعد أن تم طرح أربعة أسماء على المدرب غيرتس من استراليا والصين وأوزبكستان ليكون اختيار المدرب للكوري الجنوبي حسب ما أشارت"دنيا الرياضة" الأحد الماضي.

ومنح الجهاز الفني للفريق إجازة للاعبين الدوليين المنضمين للمنتخب لمدة أربعة أسابيع بدءا من أمس (الخميس) ليكون موعد عودتهم للتدريبات متزامنا مع يوم السفر إلى المعسكر الخارجي بالنمسا في الرابع عشر من يوليو المقبل، إذ لن ينضموا مع اللاعبين يوم العاشر من يوليو، وسيبقون في المعسكر الخارجي لمدة ثلاثة وعشرين يوما، ومن ثم يلتحقون بمعسكر المنتخب الأول يوم السابع من أغسطس.

من جهة ثانية صرف الهلاليون النظر عن ضم لاعب وسط الاتفاق عبد الرحمن القحطاني لعدم حاجة الفريق له الفترة المقبلة، إلى جانب المبالغة المالية في قيمة انتقاله من قبل الاتفاقيين.

من جانب آخر بعث الهلال الرد الرسمي لإدارة الاتفاق حول طلب البرقان بالإعارة لموسم واحد بستة ملايين ريال ولاعبين، إذ يرى الهلاليون أن ذلك مايستحقه البرقان، ومن مبدأ التعامل بالمثل في موضوع طلب اعارة الرهيب.

وفي شأن آخر سيقام معسكر الهلال الخارجي في النمسا في مدينتين مختلفتين بمعدل خمسة عشر يوماً لكل مدينة، كون المدة للمعسكر ستكون شهرا.



لااعلم هل الادارة لاتتعلم من اخطائها السابقة ام لا

فقد ثبت ان لاعبي الشرق الاقصى لايتناسب اسلوبهم مع اسلوب لعبنا هنا في السعودية

وان كنت ارى ان من الافضل البحث عن لاعبين خاصة في مركز الظهير في احد دول الخليج وهم كثر

اتمنى من الادارة ان تستفيد من اخطائها السابقة وان تستشير من عملوا في الاداراات الهلالية السابقة

كما كان يفعل الامير محمد بن فيصل في اول بدايات رئاسته وكيف نجح وهو صغير ولم يكن يمتلك لاعبين اجانب على مستوى عال

من حيدر الو علي ولا مسعد الحمد ولا مظفر ولا يعقوب الطاهر

ما في احد كويس

بالتوفيق للزعيم في جلب ظهير ايمن

وان شالله الزعيم غير الموسم القادم

على اي اساس حكمت انهم مايتفعون علشان سول؟؟
سول لما جاء للهلال كان وقتها6 شهور وهوا قاعد بدكة الاحتياط
يعني بالعقل لاعب ماراح ينجح مع الفريق
اذا اللاعب ممتاز ويلعب مو لاعب متوقف ليه مايجيبونه
لاعاد تحكمون من قبل ماتشوفون الله يصلحكم بس

الادارة افهم في هذي الأمور
سول كان يناسب اسلوب كوزمين لكن كوزمين بعد ماراح تدهور حال المحترفين الاجانب
والان هذا المدرب اختار الاعب المناسب له

الادارة افهم في هذي الأمور
سول كان يناسب اسلوب كوزمين لكن كوزمين بعد ماراح تدهور حال المحترفين الاجانب
والان هذا المدرب اختار الاعب المناسب له

.
.
.
.

الله يهديك بس حكمت على شرق اسيا كلها انهم ماينفعون عندنا عشان لاعب

التعمييم من الجهل

بارك الكوري الي كتم نور في الوسط يلعب مع اعظم نادي في العالم والمنتخب الكوري وصل رابع كاس العالم واليابان تطور رهيب في غظون مده بسيطه وعندهم افضل دوري اَسيوي

يارجل كوريا الشماليه هالعسكر الي لو ماتاهلوا يمكن يعدمونهم كلهم بالنووي فازوا على المنتخب في ارضهم وكتموا انفاسهم في الرياض

لا بعد و مدرب وطني كوري برتبه رقييب اول فني .

من زين لعبكم الحين يالخليجيين اخذوا المقاعد الاربعه لكاس العالم وتركوا ربعنا يتطاحنون على نصف مقعد

والاَسويه للانديه ..................... لا تعليق



اخيرا الاداره الهلاليه لم تخطئ


وشكرا

.
.
.
.

اخوي سيول حالة واحدة ... اول لاعب كووري في الملاعب السعوديه ... يعني مو بس لانــه مانجح قلت اللاعبين الاخرين الكوريين فاشلين


شوف الدوريات الاوربية (الانجليزي خصوصا ) تجد فيها الافريقي والاوربي والاسكندنافي والاسيوي والامريكي الجنوبي والشمالي ...

ماقالوا اسلوب لعبهم مايناسب الدوري الاوربي او الانجليزي ... وش معنى دورينا اللي مايناسب طريقة لعب الاسيويين ليش دورينا على راسه ريشه .! ولا هو احسن من الدوريات الاوربية


على العموم ظهير ايمن اسيوي ...افضل بمليون مرة من رهيب او حسن معاذ ...

ولعلمك اخوي

ظهير اسيوي <<<< يجيد اللعب الجماعي + المهاااااااااري + سرعه
نيفيز <<<< له تجربه في اوربا متعود كثيرا على اللعب الاوربي ... ون تو لعب لمسه واحده عدم فلسفة بالكورة

رادوي << اوربي يجيد اللمسه الواحده واللعب الجماعي البحت ....


بكذا صار في الهلال لاعبين يجيدون اللعب الجماعي ... الذي من اهم اهم اهم تفوق اي فريق على الاخر .!!

وسيكون الهلال السنة القادمة غير .... بتخلص الهلال من التائب الذي يعطل الهجمات بأستعراض زائد .. واحتفاظ بالكرة مع ان التائب مكسب لأي فريق ...تذكر كماتشو ايام الهلال تذكر كيف كان الهلال يلعب لعبه جماعيه مثل الشباب في الوقت الحالي

بكل اختصار

نبي لاعبين حقين لعب جمااااااااااااااااااااااااااعي وهم سر تفوق اي فريق

خصوصا الفرق الاوربية متفوقه على الكرة العربية او الاسيوية بشكل العام والسبب اللعب الجماعي

بالعكس اخوي انا اتمنى ظهير من شرق اسيا

ولسبب واحد السرعه في الانطلاقات

لا و الله غلطان ..


أولا .. سيول جانا و ما حنا بحاجته .. كنا نبي مهاجم و جانا وسط و (لي) محتاجينه مع إني
ما قد شفته يلعب بالظهير الأيمن دائما أشوفه يلعب بالظهير الأيسر .. هذا أولا ..

ثانيا .. (لي) في إعتقادي الشخصي من أفضل الأظهره الي في العالم .. لاعب متميز هجوميا
و جيد في الدفاع .. و هو يشيل فريق هجوميا .. بصراحه ..أما سول .. كان لاعب عادي و أقل من
عادي في اوروبا .. كان احتياط في فريقه لمده كبيره قبل لا يجي ..

لي مختلف تماما عن سول بصراحه .. و غير هذا ..

في السعوديه نقطة قوتنا الوسط و الهجوم .. أي أن سول بيجي في مركز يعتبر نقطة قوه ..
أما (لي) بيجي في نقطة ضعف في السعوديه و ليس الهلال .. و صدقني بنستفيد منه و بقوه ..



و الله ضربة معلم لو يجي ..

بس فيه سؤال لك .. قد شفته يلعب ..؟؟
لأني متأكد أي واحد شافه يلعب . بيعرف بأنه لاعب فناااااااااااان لأبعد الحدود ..