|
هل اصبح الحضور الجماهيري عامل سلبي ؟! السلام عليكم وحمة الله وبركاته احبتي جمهور الازرق الكبير اريد نقاش موضوع الحضور الجماهيري للملاعب معكم وهل هو عامل سلبي ام ايجابي ؟ المطلع على دوري المحترفين السعودي للعام الماضي وتحديدا المباراه الختاميه بين الهلال والاتحاد فقد كانت المباراه على ارض الهلال وبين انصاره وقل امتلاء الملعب بجمهوره وفي الختام المحصلة هزيمه ؟ وايضا المتابع لدوري المحترفين الآسيوي وفي المباراه التي جمعت الهلال بفريق ام صلال القطري فقد كانت المباراه على ارض الهلال وبين جمهوره وكانت المحصلة خروج الهلال من البطوله ؟ واخيرا المباراه الاخيره التي جمعت منتخبنا ومنتخب كوريا الشمالية وبين 70 الف متفرج يتأهل المنتخب الكوري الشمالي الذي كان مرشح لتذيل المجموعه وبقي تأهل المنتخب انتظار ؟ وبعد كل هالمشاهد هل اصبح الحضور الجماهير الغفير يشكل ضغط على لاعبينا او على لاعبي الخصم من وجهة نظري أنا انها رهبه للاعبيين الجدد وقوه للفريق الخصم لي أثبات الذات اتمنى مشاركتي في ملاحظاتي ولكم كامل الشكر تحياتي أخوكم : الامبراطور 9 |
ليس الجمهور هو السبب ابدآ والاعبين يهمهم الحضور الجماهيري ولكن السبب هو المسئولين عن المنتخب وعن الرياضه عمومآ والتخطيط السيء يارك الله بك |
والله ماعاد فيه حماس في الاعبين مثل اول اول اذا امتلأت الواجهه ابشر بالفوز بنتيجة كبيرة راح زمن الثنيان وسامي والنعيمة والتيماوي و و و و و الي يقاتلون لااجل الفريق والجمهور |
اف نحضر وبالاخيرررررررررررررررررررررر ننهزم يعني يمكن لو ما نحضر يمكن يفووووووووووزون الظاهر انه سلبي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
ليس الجمهور هو السبب ابدآ والاعبين يهمهم الحضور الجماهيري ولكن السبب هو المسئولين عن المنتخب وعن الرياضه عمومآ والتخطيط السيء يارك الله بك |
ياعم شفت وجه ياسر ونايف ونور وحسين كل اللاعبين خاااايفين من نزلوا الملعب لية تخافون من جمهوركم اتمنى مباراة البحرين ينقلونهاااا لجدة بعيدة عن البحرين وملعب يشيل 30 الف متفرج مو 70 يكون اهداء عليهم |
السبب ان جمهورنا ما يعرف يشجع ويحسب انه حاضر عشان يوجه ويعلم اللاعبين وش يسوون ويفهم المدرب وش الخطه الصح.. دايم الجمهور لين حس بالضغط يبدا يضغط اللاعبين بالذات جمهور الرياض مجمع البزارين |
إقتباس:
مجمـع البزارين جمهور الرياض مجمع البزارين ملو الملعب قدام الوحده الاماراتي مجمـع البزارين ملو الملعب امام الامارات مجمع البزارين ملو الملعب امام الاتحاد مجمع البزارين ملو الملعب امام ام صلال مجمع البزارين ملو الملعب امام كوريا فقـل لي مـآذا فعلت انت .؟ فقط تناشد وتؤازر من خلف شاشتك وتغلط على جمهورك مجمع البزارين الي قلت عنهم فيهم المدرس وفيهم الطبيب وفيهم الطالب الجامعي وفيهم الدكتور الجامعي وفيهم المهندس وفيهم بعض الاطفال فكيف تجمعهم كلهم وترسم صورتهم كاطفال انتبه لردودكـ يـآأخي بـآلنسبـه للموضوع شوف الاعب السعودي صار يخاف من الجمهور ليه مادري يخافون مايعرفون يلعبون ارتباك واضح من الجمهور بينما الخصم يلعب باريحيه قلبت الايه للأسف شكرا لك ع الموضوع |
انا من ضمن الجمهور ياخوي وحضرت كل المباريات هالموسم وأشوف بعيييييييييييينييييي تشنج الجمهور على اللعيبة.. واشوف بعد كيف اللاعبين يفقدون التركيز بسبب الجمهور.. المشكلة ليتهم يشجعون زين.. الا ساكتين طول المباراة ولين جاء وقت الضغط بدوا يسبون في اللعيبة والمدرب.. ورجاء لا تصير عاطفي وارجع للجمهور وش سوى يوم جاء يدخل الشمراني في مباراة كوريا الشمالية وتفهم قصدي.. جمهور يهدم أكثر مما يبني.. واذا كنا نبي ننتقد كل أحد من مدرب ولاعبين وجهاز فني ومدرب لياقة واتحاد.. لازم نتقبل انتقاد الجمهور.. الجمهور في كل انحاء العالم عامل مؤثر ومهم.. لكنه عامل ايجابي في أماكن وسلبي في أماكن.. عندنا انا اشوف انه سلبي.. ارجع للتشجيع في الدول المتقدمة ولا تروح أوروبا.. رح لكوريا واليابان وتعرف.. الجمهور مطلوب منه يؤازر وبس.. لا يجي يتفلسف ويوجه ويعصب والا كان ما احتجنا مدربين ولا شيء.. وارجع لكل تصاريح اللاعبين وتشوف قد ايش متأزمين من الجمهور.. آخرها المدرج يتفرج وتبي تحكم على كلامي شف آخر المباريات المهمة.. المنتخب: مباراة إيران مباراة كوريا الجنوبية مباراة الإمارات اللي بغينا نفوز بالطقاق مباراة كوريا الشمالية الهلال: الهلال والكويت الكويتي الهلال والوحدة الإماراتي الهلال والاتحاد 2-1 الهلال وسابا باتري الهلال والأهلي الإماراتي يوم فاز بالطقاق الهلال والاتحاد 2-1 هالسنة الهلال وأم صلال ولا تنسى المباريات اللي في الرياض وفي نفس الملعب واللي لعب فيها الجمهور في اللعيبة.. الهلال والوحدة 0-0 الهلال والأهلي نفس النتيجة الهلال ونجران العام وغيرها واااااااااااااااااااااااااااااااااااجد صدقني ما قلت هالكلام الا عن قناااااااااااااااااعة تاااامة جمهور يصفق للكعب والكوبري.. ويزعل على أي زلة دفاعية أو غلطة.. في مباراة الهلال وأم صلال.. قدامي شلة شباب يغنون : ياسر وينه في الاستراحة ؟؟؟ سلام |
ياخوي السبب هو التشجيع الفااشل لأندية الرياض عموما عكس أندية جدة ياخي لنا 10 سنيين وحنا نقول ( ياهلال عزك عزنا ) والا ياويلوه ياويلوه خلاص تطورو خلو الجماهير كلها تردد ورا بعض |
إقتباس:
كلن يرى الناس بعين طبعه (اذا انت بزر لا تطالع كل اللي حاضريين بزاريين مع احترامي لك اخوي ) |
أنا اشوفهم بزارين وهذي وجهة نظري واللي ما عجبه يشوف اقرب جدار ويكسسسسسسسسسسره براسه لين يقول ربي الله |
مــاعـتقد انه سلبي بالعكس ، لأن اللاعب يوم يحضر جمهور النادي اللي يلعب له راح يتحمس ويحـاول يقدم كل اللي يملكه من اجل اسعاد الجمهور والخروج بأفضل صوره امامهم ربمــا مصـادفه هي حينما نخسر وتجد الجمهور يملئ الملعب ، لأن المنتخب او الهلال حقق بطولات كثيره وبوجود الجمهور الغفير :) |
للأسف بعض الجماهير فيها تخلف مو طبيعي البعض وليس الكل ويأخذون الموضوع عنصريه يعني مثلاً اذا ضيع لاعب هلالي يجيك مشجع نصراوي يقول ياخي وش ذا اللاعب عشانه هلالي بس وعلى فكره والله العظيم قبل امس في مباراة المنتخب قدامي واحد نصراوي طول المباراة وهو يقول ياسر وينه ازعجنا والمشكلة ياسر اذا ضيع يقوم يسب ويتكلم اما اذا ضيع هزازي مايقول شئ سبحان الله اكبر دليل انه متخلف تدرون وش مشكلة الجمهور المشكلة إنه يقعد يشجع ويرقص قبل المباراة بساعتين وإذا جاء وقت المباراة كلهم يطفون راحت كل الحماسه اللي فيهم قبل المباراة ويقعدون يتابعون المباراة وكل ما ضاع هجمه يصارخون وبكذا تسبب ضغط كبير على اللاعبين وبكذا يكون عامل سلبي |
والله الجمهور اللي يجي ويتفرج ولا يشجع ويــأزر الفريق بالحلوه والمره اكيد جمهور سلبي على فريقه جمهورنا ما يتفاعل الا مع الهجمه واذا ضاعت فرصه تبدا الصيحات والضغط على الاعب وللاسف اغلبهم جمهور لاعبين وتلقاه يصفق للاعب اللي يحب والاعب الثاني يلعن خيره ويطالبون بإبعاده .. وش رايكـ هذا جمهور ايجابي الله :mad: |
| الوقت المعتمد في المنتدى بتوقيت جرينتش +3.
الوقت الان » 09:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd