|
الحقيقة وان اغضبت الكل .. كفاية مجاملات بالبداية اقول " على نياتكم ترزقون " * ازبدنا وارعدنا على هزيمة كوريا الجنوبية وهزيمة كوريا الشمالية ووصفنا المدرب ناصر الجوهر بابشع العبارات وهو الذي واجه الجمهور والاعلام وحتى المسئوولين بالاتحاد السعودي .. وضغوطات ضم فلان وعلان ..الخ والقريب من المنتخب يعرف ان ناصر الجوهر يواجه تدخلات خارجية في التشكيل واهمها مباراة كوريا ج وجاء المدرب بسيروا وطار الجميع به الجميع بعد مباراة ايران حتى جددنا معه سنتين قبل ان نعرف ما هو مصيرنا وبعدها تخبط بمباراة كوريا الجنوبيه ومن ثم الطامة في مباراة كوريا ش .. في مباريات الحسم ظهر المدرب اجبن من النعامة ولا ادري وش اقول عنه هل كان يحلم او انه انجن في المباراة !!!! واقسم بالله العلي العظيم لو جاء طفل عمره 10 سنوات ان يفعل ما عجز عنه هذا المدرب الذي سبق وان اشرف على نادي الهلال ولم يتغير اسلوبه في التغيرات ولا حتى بالتكتيك ثابت طول المباراة .. اسالكم بالله العلي العظيم ما فرق بسيروا عن ناصر الجوهر ... بالنسبة لي الجوهر افضل لو وفر له الجو المناسب ..؟؟ * مجاملات اختيار اللاعبين لن احدد لاعبيين معيين فالجميع يعرفهم لاعبين احتياط ولاعبين نازله مستوياتهم باي حق ينضمون الى المنتخب وهناك لاعبين يحترقون طول الموسم لنيل شرف تمثيل المنتخب... والظلم ظلمات يا مسئول * عندما يقول المحلل او الجمهور ان الاعب النجم الفلاني هابط مستواه لماذا نشن هجوما عليه وان لا يفهم كوره او انه لا يحب اللاعب او من الجمهور المنافس .... الخ وهالنجوم خذلونا .. مهاجم المنتخب الاول ياسر من بطوله الخليج وهو نازل مستواه وكابرنا وقلنا لا من قال بالعكس وسياستنا التطبيل .. ماذا فعل ..؟؟ نجم الوسط السعودي محمد نور طالب به كل شرائح الرياضيين جمهور واعلام ..الخ .. حتى ضم للمنتخب وماذا فعل ..؟؟ على نياتكم ترزقون ... كفاية مجاملات .. كفاية تدخلات .. كفاية واسطات .. كفاية تدليع للاعبين نبي نشوف اللاعب اللي يستاهل المنتخب يلعب وينضم.. بصراحة 90% من الجمهور .. جمهور اندية يريد المنتخب اغلبه من ناديه واللي يسجل من ناديه والكابتن من ناديه حتى بعض الاعلاميين ومن لهم باع طويل بالرياضه .. لا يهمهم المنتخب اهم شيء لاعبي المفضل او لاعبين نادي المفضل اما المنتخب بحريقة وهذا اللي حاصل .. نراكم بعد الملحق وبالتوفيق لمنتخبنا وان شاء الله ما يطرد من الملحق .. تقبلوا تحياتي |
كلااااااااااام جميل وفعلاّ كلامك يدل على ثقافه عاليه بس اخوي وش سبب هبوط مستوى ياسر القحطاني مين كرم المخطط في القضية المشهوره وكلفه رئيس نادي مين سكت على هتافات الجماهير صدقني لو صار محاسبه للجماهير الي اصدرت الهتافات تهون في نفس ياسر ترونه بشر يحس ارحموووه اقسم بالله العظيم انه يكسر الخاطر حاربوه بكل قذاره وسرطان يطبل لهم يستاهل المنتخب وانشاء الله ماتقوم لهم قايمه ليوم الدين |
اقوووووووول بلا منتخب بلا هم ماداام عبدالغني ومحمد نور في المنتخب والله ما يتأهل ابدا كل لاعب شايف نفسه على الثاني عشاان يقولون اللي ماسك المنتخب نور ولا عبدالغني عبدالغني وش سوى مع المنتخب باااااماانه يا ناااااس بلاا مجاملات |
والله الذنب ماهوب ذنب كل اللاعبين من الحارس للهجوم يعني هل حنا حريصين على لعبهم في كاس العالم اكثر من اللاعبين انفسهم؟؟ اكييد لا والف لا هم احرص النااس على التأهل لكن فيه ظرووف خارجيه اثرت عليهم في حااجه غلط بالمنتخب وهي سلطاان بن فهد ونواف بن فيصل هذولي وجودهم بالرياضه اكبر غلطه لكن ان شاء الله ما يتأهل المنتخب لكاس العالم ليس كرها للاعبين لا والله لكن كرها في من هو فوقهم ويديرهم ويرأس الجهه الحكوميه الي تشرف عليهم واحس ان كل اللعيبه كارهين المنتخب بسببه ولايهوون اسير الشووق والمشكله مايقدرون يعتذرون عن المنتخب والا تقوم القيامه عليهم ويروح مستقبلهم لكن ربي بلاهم في سلطان واسير الشوق والله يخلصنا حنا وياهم منهم في اسرع وقت |
إقتباس:
مهما كانت الهتافات والمسببات انت لاعب نجم وتعرف قيمتك لازم ترد بالملعب كثيرين هتفوا ضدهم وتعرضوا لضغوط لكن زادتهم اصرار وتحدي وابدعوا |
إقتباس:
بصراحة عبد الغني ما قصر وهو يلعب بغير مركزه وهو اللي مبدع .. والجميع يشهد له مو انا لحالي لكن نوور ؟؟؟؟!!! |
إقتباس:
والله ما تدري من وين الخلل اكيد لهم يد بالموضوع والخلل من الرئاسة العامة .. كل واحد له 3 مناصب وين يشتغل معه .. وانا اتوقع انها دعوات من المظلومين كل مسئول يبي يضم الاعبين اللي يحبهم .. |
إقتباس:
أقول أخوي لاتكثر بس من القرق الفاضي " لا سلطان " ولا " بسيروا " ولا الجوهر " من تسبب في خروج المنتخب الاعبون انفسهم هم اللي وصلونا للمرحله هذي " وعادي " هذا مستوانا " ليش مانعترف . لماذا الاعلام اعطاهم اكبر من حقهم . صدقوني لاعبين اقل من عادي لاهم محترفين ولا اي شي ولاتمت بهم صله الاحتراف بأي شي . محتاجين " ثقه " بالنفس لكي يواجهوا الاعلام . ياسر مو ياسر , ونور مو نور , عزيز مو عزيز , الزوري يركض ويتضاربن ارجوله من الخوف . ههههههههههههههههههههههه وبالاخر يقولون من اوصلنا للمرحله هذي " الاتحاد السعودي " وبسيروا (بسيروا هو من فاز على ايران وعلى الامارات وتعادل مع كوريا الجنوبيه وأخيراً تعادل مع كوريا الشماليه . |
وان فاز على البحرين بيوصلونه ويوصفونه باكبر مما يستحق كل هذا الفشل وتبون تشجعونه بعد00000 |
تسلم على الموضوع ... بصراحة من يوم طبقنا الاحتراف وانتفخت جيوب اللاعبين بالملايين ، والاعلام طيرهم بالعجه وصنع منهم اساطير ونمور من ورق وانا متأكد ان المنتخب راح يكون من انخفاض إلى انخافض بالله كيف تبي ياسر يلعب زين و هو شبعان فلوس وشهره وضامن مركزه حتى لو مالعب زين في الدوري ومستواه هابط او مثل حسين عبدالغنى علشان بس محترف في نادي بلجيكي مدري نمساوي من الدرجه الثالثة نجيبه ونلعبه في المنتخب مع العلم ان هناك لاعبين يفحطون في الدوري علشان يلعبون مع المنتخب مثل السعران لاعب الشباب او غيره إذا المنتخب ما رفع شعار اللي بيلعب زين راح نضمه مهما كان اسمه ، واللي ماراح يلعب زين راح نمسكه الباب مهما كان اسمه ماراح المنتخب يتقدم |
ياخي لوتتغير الرئاسه كان رياضتنا بخير !!! أجل العالم تدعم أنديتهم عشان يوصلون للعالميه وإنا تخريب في تخريب صدق على نياتكم ترزقون !! |
إقتباس:
مستوانا عادي ولاعبيتنا عاديين لكن مو هالدرجة انا نتعادل مع كوريا الجنوبية اللي ما عرفت الفووز طعم من سنوات ولا كوريا الشمالية الا بسبب التخبطات اللي قلتها ... والظاهر انت جالس تتخبط وش الاعبين يواجهون الاعلام .. قصدك الجمهور يواجه الاعلام ويقوول كفاية نفخ في الاعبين واعطاءهم اكبر من حجهم .. والمشكلة ليس باعلامنا فقط حتى الاعلام الخليجي ... الاعب السعودي عندهم قمة ومبدع .. اما بسيروا ارجع لتاريخه مع الهلال وشف تخبطاته .. وربي لو انت مدرب المنتخب فزت على كوريا الشمالية والجنوبية لكن بسيروا ..؟؟؟!!!!!! |
إقتباس:
|
إقتباس:
كلام سليم جدا جدا " اللي بيلعب زين راح نضمه مهما كان اسمه ، واللي ماراح يلعب زين راح نمسكه الباب مهما كان اسمه " |
بهذا المنتخب لا اريد التأهل لكأس العالم حتى لا نتفشل للمره الرابعه بأستثناء 1994 المنتخب الأصطوري |
| الوقت المعتمد في المنتدى بتوقيت جرينتش +3.
الوقت الان » 08:31 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd