|
تبون الحق؟؟ تعالوا وربي منتخبنا بطل في هذه الظروف!! بسم الله الرحمن الرحيم هاردلك للمنتخب السعودي ولنا جميعنا عدم تأهلنا مباشرة الي نهائيات كاس العالم ولعل وعسى ان نتاهل عبر الملحق أدري ان البعض داخل وناويني على عنوان الموضوع لكن تعالوا ناخذها بشوي من الهدوء والعقلانية ... انا لا ابرر فشل المنتخب امس امام كوريا الشمالية في عدم الفوز والتاهل لكن خلونا واقعين وربي ان المنتخب واجهة ظروف لو جت على اي منتخب ثاني صدقوني ماااتوقع راح يكملون التصفيات.... اولا: ضرووف التحكيم ماادري التحكيم هالسنه على المنتخب والفرق السعودية المشاركة اسيويا بهذا الشكل الغريب والتحامل الكبير يعني في مباراة ايران ضربتين جزاء حرمنا منها الحكم الاسترالي كانت كفيلة بمنحنا 3 نقاط ثمينه في مباراة كوريا الجنوبية وهي مباراة القمة في اسيا وليس فقط في المجموعه للاسف نتفاجئ بحكم سنغافوري بين قوسين مايدري وين ربي حاطه وفوق هذا لعب المنتخب بدون ابرز مهاجمينه ياسر وسعدومالك اللي ماكان جاهز مع انه شارك 7 دقايق ومع كل هذا ضربة جزاء واضحه وضوح الشمس لنايف هزازي وفوقها طرد لحارس المنتخب الكوري فيقوم الحكم الغريب هذا باحتساب فاول لمنتخب كوريا وطرد ناايف !!! والنهاية الخساره من كوريا الجنوبية بثنائية يعني واحد من ذي المباراتين كانت كفيلة بتأهلنا ومع ذلك واصل المنتخب .ولعب مع كوريا الشمالية في بيونغ يانغ وللاسف نفس السيناريو هدف كوري وحيد وهجمات للاخضر ضائعه !!!!وبعدها خلاص الاعلام كله والجمهور السعودي قالوا انه مافيه امل اننا نتاهل لانه لازم نفوز على ايران في ارضها وعلى الامارات في ارضنا وعلى احد الكوريتين وهذا شي مستحيل وخصوصا اننا نبي نلعب ضدهم بدون ياسر وسعد ومالك وشهيل وهم ابرز المهاجمين برضو وفوق هذا اكثر من 80 الف متفرج وحضور الرئيس الايراني وتاخرنا بهدف ومع ذلك صقورنا جابو النقاط الثلاث .. وجددو امل التاهل وفازو على الامارات بثلاثية بعد تاخرهم 2-1 الشوط الاول .... ثانيا: ضروف الاصابات :مالك سعد ياسر في اغلب المبارايات والفريدي وعبده عطيف في اخر مباراة وطرد احمد عطيف في اخر مباراة ..... مع احترامي للجميع نعم كلنا ماكنا نتوقع تاهل المنتخب بعد كوريا الشمالية بالذهاب وحتى سلطان بن فهد صرح وقال انه مهب عيب انه الاخضر مايتاهل في كل كاس العالم بعد ذيك المباراة .ومع ذلك اللعيبه تغلبوا على الصعاب وسوو كل اللي عليهم وقاتلوا في كل مباراة باستثناء الاخيره للاسف اللي غابت الروح وغابو النجوم اللي كنا مأملين فيهم (نور ياسر زوري عزيز القحطاني).... ثالثا: ارهاق الاعبين ومعسكرات واعدادات المنتخب الفاااشله ....نقاط سريعه : _ بإذن الله بإذن الله بإذن الله سنتأهل لكاس العالم عبر الملحق رغم انف ابن هـمام فهو ورى كل هذا .... _بسيرو جاب لنا 8 نقاط من 12 نقطه وناصر الجوهر جاب 4 من 12 ..مع اني ضد بيسيرو امس لكن اقالة ستكون اكبر غلطه ... _ مشكلة بيسرو انه مايعرف يسوي تبديلات اذا كنا متعادلين ونحتاج الفوز اما اذا كان مهزومين فهو افضل من يجري التبديل والدليل ايران والامارات ... _ منتخب البحرين قوي ولايستهان فيه وعشمنا ان الاعبين المصابين ان شاء الله نبي نستفيد منهم وعلى راسهم مالك والفريدي ... اسف للاطاله لكن والله هذا في قلبي وكان ودي اقوله من زمان تحياتي واشواقي خليفة سامي |
والله موضوعك يفتح النفس مشكوووور يالغاااالي بالتوفيق لمنتخبنا |
يعطيك العافية اخوي .. وباذن الله اننا بنتأهل عبر الملحق .. يكون المنتخب راجع حساباته وارتاح من ظغط المباريات .. |
انا متفآئل خير اننا راح نتأهل من الملحق لكن ما فيه اي عذر يخلينا نعذر المنتخب ولا لاعبيه |
صحيح معاك في كل كلمة لكن الي ذكرته ما حصل بيوم وليلة.. ولاحظ أن أول مباراة مع بيسيرو كانت بيوم 28/3/2009م يعني قبل ثلاثة شهور تقريباً وتغلب فيها على منتخب إيران 2 - 1 المشاكل الي ذكرتها لو كانت في بطولة مجمعة ووقتها محدد ممكن اقلك هذه الظروف لها التأثير الكبير في عدم تأهل المنتخب لكأس العالم بمعنى لو أن هذه التصفيات مثل تصفيات كأس العالم 94م والتي اقيمت بنظام التجمع في دولة قطر وحدث ما حدث من تخبطات الجوهر وتغيير الجهاز الفني والأخطاء التحكيمية وإصابات اللاعبين ممكن أنا اقلك معاك حق بكلامك لكن في هذه التصفيات والفترات المتباعدة بين المباريات ويقدر طبعا المدرب يختار 26 لاعب قبل كل مرحلة من مراحل التصفيات يعطينا الحق أننا نلوم الجميع بدون أي أعذار يا أخي إحنا كعناصر مهارية وجسدية وخبرة في المباريات القوية.. أفضل بكثير من المنتخب الكوري الشمالي بل أفضل من جميع من في المجموعة مع الإحترام للكل بعدين جات الفرصة لحد عندنا أننا نفوز ونقاتل على هذا المباراة بس.. ووين في أرضنا وبجمهورنا والعوامل كلها تساعد في التأهل.. يعني ما لعبنا المباراة المصيرية مع كوريا الجنوبية أو إيران حتى ممكن التعادل يكون احتماله أكبر.. لكن قدر الله وماشاء فعل.. والحمدلله على كل حال اللوم على اللاعبين الي كل واحد حاط ثقالات في رجله وما هو عارف يتحرك ضاعت الدقايق بدون أي فائدة حتى الحارس الكوري لما خرج الكورة وتظاهر بالإصابة ما احد كلم الحكم وقله هذا تعطيل وقت.. الحكم كان متحمس أكثر وهو راح للحارس واعطاه كرت أصفر وبعد كذه راح عبدالرحمن القحطاني طلع الكورة للكوريين واحرج حكم المباراة كثير وكأنه يقله عادي خلي يضيع الوقت وهذا الشي حتى اغضب المدرب بيسيرو كثير من برودة أعصاب اللاعبين وعدم جديتهم بالمباراة يعني لو تعبنا بهذه المباراة وقاتلنا وصنعنا فرص كثيرة وفزنا أفضل مما نلعب 4 مباريات الملحق في خلال 5 شهور.. لكن ما نقول غير الله يصبرنا على هذه المزاجية من اللاعبين... تحياتي لك.. وتقبل مروري... |
والله ياحبيبي ., اختلف معاك ., الحكم ., ليش الحكم ., كل مرة الحكم الحكم ., صحيح الحكم يخطأ أخطاء قاتلة ., بس 90 دقيقة وش سوى الاعبين ., طيب ليش ماتكلمت عن ابو 13 سنة او 9 سنوات ., ليش مافيه تغير ., مستعبد المنتخب ., منتخب خاص فيه . في كل تأخير خيرة أن شاء الله وإن شاء الله نتأهل لكأس العالم ., |
دمي ازرق: شاكر لك مرورك الرائع اخوي وبالتوفيق ان شاء الله للاخضر سفير الكويت: الله يسمع منك ان شاء الله ونتاهل ياااارب زئير الاسد: شكر على مرورك ونقول يارب اننا نتاهل بالملحق وان شاء الله يكون الاعبون قد المسؤولية |
إقتباس:
شاكر لك مرورك ومثل مايقولون الاختلاف بالراي لايفسد للود قضية ... لو كانت اغلاط الحكام واحد او اثنيتن كان مشيناها لكن تكون مغيره لنتيجة المباراة فهاذي والله كارثه وراجع للمبارايات مبارايات كنا المفروض ناخذ النقاط الثلاث لكن للاسف حرمنا منها اما عن اب 13 سنه تعبنا وحنا نتكلم لكن مافيه فايده وانا اخوك ... |
إقتباس:
مشكور على مرورك الاروع اخوي ..صحيح معاك انه قهر اننا ماقاتلنا على الفرصه الاخيره مع اننا امس ضيعنا اهداف كثيرره جدا على الرغم من الدفاع الكوري وقدر الله وماشاء فعل.. لكن الظروف اللي اتكلم ان عنها واولها هي اغلاط التحكيم واانا اخوك واخره امس ارجع وراح تلاقي بلنتي لهوساوي انا ماابغى ال6 نقاط ايران وكوريا الجنوبيه اللي اغتصبت مننا لكن ابغى 3 منها كانت كفيلة لنا ... اما الاصابات وشلون يختار لعيبه اذا كانت نجوم المنتخب مصابين للاسف السعوديه كلها مافيه صناع لعب الا 3 الفريدي ونور وعبده عطيف وامس كنا محتاجين لصانع لعب يلعب على العمق ويساند نور المختفي تماااما بالختام قدر الله وماشاء فعل ولعل الله يريد بها خيرا ... |
هو صحيح الحكام اخطائهم فادحه فيه اول مبارتين كانت مؤثره بنتيجه المباريات بس اللي يقهر ان مباراة امس كانت في متناول اليد ولاعبينا ضيعوها |
إقتباس:
|
للحين نقول ان التحكيم ضدنا والاتحااد الاسيوي ضدنا وابن هماام ضدنا والسركال ضدنا وبكره يمكن يصير بلاتر ضدنا وبلاتيني ضدنا واوباما ضدنا حنا وش سوينا قبل نحاسب غيرنا؟؟؟ اسأل نفسك هالسؤال بعدين قل منتخبك بطل منتخبك كان بطل بس ايام فيصل بن فهد الله يرحمه اما الحين منتخبك خيشة بصل الله يديم النعمه |
أمس ماعملوا شئ عشان نعذرهم قبلها معك حق |
كلامك بالصميم وان شالله المنتحب يتاهل لكاس العالم |
الى كأس العالم يا سعودي .... |
| الوقت المعتمد في المنتدى بتوقيت جرينتش +3.
الوقت الان » 02:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd