|
العالميه مالها غير رجال ( قصيده في الكابتن سامي ) بسم الله الرحمن الرحيم من دون اي مقدمات العالميه مالها غير رجال ............................ رجال يطوي سهلها مع بحرها ذيبٍ ولد ذيبٍ وللحمل شيال ............................يرز صدر المملكه مع علمها سامي ليا منه لزت حد الأفعال ............................نوخ ذلول الكايده مع بعلها واحد وساواله ثمانين رجال ............................ يومن ولد اللاش كدد شعرها في عهد ماجد مالنا غير الآمال ............................وفي عهد سامي اعتلينا قممها والحين ضعنا بين رغبات جهال ............................جيلٍ جهل بالمملكه مااحترمها من يوم شفنا نور بالوسط جوال ............................وقدام نايف اعترانا هزلها بوجودهم صرنا مثل لعب بنقال ............................محطةٍ من جاه مر وعبرها الله على سامي تصدى للأهوال ............................ليا ذكرته راح هلت اعبرها من رحت ياسامي غدى حالنا حال ............................غيوم لكن مانهلنا مطرها ومادام سامي راح فالحلم قد زال ............................والحلم يكبر والبلا في جهلها مشعل السلمان ( سلطان الشوق ) |
صح لسان قايلها سامي غابت هيبة الاخضر بعدك بأختصار مافي سامي ,,, مافي كاس عالم |
قدر الله وماشاء فعل................ |
الله عليك ياشاعرنا صح لسانك العالمية تبي رجال امثال سامي ورفقائه يحسون بالمسؤلية لكن للاسف الحين مابقى منهم الا اسامة هوساوي |
صح اللسانك يشاعرنا ومنتضرين المزيد من القصائد الرائعه وبالفعل مافي سامي...............مافي كاأأأأأأأأس عالم شكرا يامشعل |
صح لسانك ياخوي بس ليتك تتقبل هذا التعديل سامي ليا منه لزت حد الأفعال ............................نوخ ذلول الكايده مع ( فحلها) |
صح لسانك.. الله يعــطيكــ العآآآآآآآآآآآآفيهــ,,, |
قدر الله وماشاء فعل................ |
تبون كـاس العــالم دوروا لكــم ســامي آخـــــر سامي اعتـزل .. فأعتزل حــلم المووونديــال لله درك يا أسطــوره صـح لسانك :) |
صح لسانك ياشاعرنا وان شاء الله يعيد ياسر ورفاقه امجاد سامي المهم ان يتجاوز ياسر هذه الأزمة وهو بحول الله قادر على ذلك |
صح لسانك ,, الاسطورة وجه خير على الكرة السعودية ,, مع المنتخب : من اول مشاركة له بالتصفيات تأهلنا لأول كأس عالم . من أول مشاركة له حققنا كأس الخليج لأول مرة . لله درك يا اسطورة |
من يوم شفنا نور بالوسط جوال ............................وقدام نايف اعترانا هزلها بوجودهم صرنا مثل لعب بنقال ............................محطةٍ من جاه مر وعبرها |
آآآآآآآآآآآآآآآآآآآآآآآآآآآآآه ياسامي |
على مر التاريخ لا يتبدل اسم بأسم سامي ... صح لسسسانك .. اخوي كتبت وابدعت .. :smilie47: والي سطر الابداع بأبداع ان القصيده بأسم سامي s13s.. ودمت مبدع ننتظر جديدك:smilie47: |
صح لسانك ااااااااااااااه يا سامي فقدناااااااااااااااااااااااااااااااك |
| الوقت المعتمد في المنتدى بتوقيت جرينتش +3.
الوقت الان » 12:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd