]||[ فضفضة .. و حلم بدأ بالضياع ]||[ - صفحة رقم 2 - نادي الهلال السعودي - شبكة الزعيم

الكلاسيكي · #16 17/06/2009, 10:54 AM

وعليكم السلام ورحمة الله وبركاته

هلا وغلا عبدالله

نورت المجلس

واسعد الله صباحك ومساءك بكل خير ..

ياحليلك , اجل ساقط بـ 13 , وش ناجح فيه بالرياضه

, اللي يرسب
بهالمواد العاده يصير معه ماجستير ثانويه عامه

, بس ماشاء الله ثابرت وعديت

..

اما عن وضعكم يالمعلمين الخريجين , والله كل ماقريت وسمعت معاناتكم يضيق صدري. .
اقول الحين وين بيروحون

, الله يستر بس ماتنحرف انت والقحماني

كل هاللي يصير امور تعجيزيه او بمسمى ثاني تطفيشيه , لان مالقوا مكان يضفكم ..
الغريب ان تخصصك نصف المعلمين فيه مصاريا حسب علمي , وهم حسبوها زين..
المصري راتبه 3500 , وان جلس 10 سنوات اعطوه 4000..

بس انت يالسعودي لا يبي لك علاوات وترقيات ومستويات , فمشكله عليهم

كل ماقوله , الله يوفقكم , ويسهل عليكم , ويفرج همكم وكبرتكم .. وربي يسعدكم ..

وتقبل فائق احترامي ..
دمت بخير

صدى الامس · #17 17/06/2009, 12:13 PM

هلا والله أسيــ الزعيم ــر ..

الله يوفقك ان شاء الله والجميع ..

مشكلتنا في الاختبارات هذي .. قسم بالله من كثرتها ضيعت اساميهن ..
شخصياً احمد الله ان وقت التخرج ما كان فيه شي اسمه قياس والا كفائات والا خرابيط ثانية ..

الحين يحددون مستقبل الواحد بهالاختبارات وسنوات الدراسة واجتهادك يضيع كله ويرتبط بدرجتك في الاختبارات اللي مدري وش سنعها ..

كل مالهم ويعقدون الامور اكثر واكثر .. من الاساس الاختبارات ما وضعت الا عشان يصرفون الطلاب عن الجامعات ويقولون والله درجتك بالاختبار ما تساعد .. طيب يا عيال المنب قايل وكرفي طول هالسنين في المدارس وين راح ووش الفايده منه لا الله ابو ابو ابو ابو فكرتهم البااااااااااااايخه !!
وحالياً مع المعلمين تصريفه بداااال سالفة الاحتياج .. قسم بالله يا فيه قرارات مدري وش تبي !!

اجل اختبار يحدد مصيري بالوظيفة وما يكون فيه اي شي من تخصصي !!؟؟ بأي حق وبأي ذنب اني احرم من الوظيفة بسبب اختبار ما فيه ولا شي من مجال تخصصي ؟!!

يعني وش يبون الواحد يكون جوجل متحرك يعرف كل شي ويفهم في كل شي ؟؟!!

ياشين ربعنا اذا صلحوا انفسهم فاهمين !!

إقتباس


	بالعكس كل ما له يزيد إحتياج التربية الخاصة و سمعت كلام انهم بيزيدون البرامج في الرياض هذا غير ان احتياج التربية الخاصة للسنة الدراسية القادمة هو ثلاثمية و شوي ! و الخريجين ما يوصولن ثلث هالعدد !

قبل كل شي وش مسارك في التربية الخاصة ؟؟ تخلف عقلي والا سمعي والا صعوبات تعلم ؟!!
الاحتياج في التخلف العقلي بكثره ..
السمعي اقل ..
وصعوبات التعلم مثل السمعي ..
وكانك في السمعي والا صعوبات تبي تبلش بالديرة هذا كتب الله وعينوووكم ..

اما سالفة انهم يزيدون البرامج ما ظنتي خصوصاً بالرياض وتحديداً في برامج الاعاقة السمعية ..

موفق ان شاء الله وكل متخرج ..

الهلالي دائماً · #18 17/06/2009, 03:15 PM

هلا وغلا بابو علبه

منور الحته ياباشا

وما اقول الا الله يعينك وان شاء الله تتيسر وانا اخوك

وبالفعل شي يقهر خاصة اذا كان خصمك هو الحكم

الله يوفقك يالغالي

فيلسوف · #19 17/06/2009, 03:33 PM

هلا والله عبدالله

ابوعلبة

مبروك التخرج فالبداية

ثانيا ... مدري هل اختبار القياس اللي تختبرونه الحين نفس حقين الثانوي !؟

ان كان نفسه فمو معقول العالم كل درجاتها تحت الخمسين!

سؤال ثاني . تقدر تخبر اكثر من مرة .؟ يعني يعطونك مجال تختبر مرة ثانية وثالثة ولالا ؟

والله يعينك وييسر امورك . ونسيت اقولك . دورلك واو من هنا ولا من هنا خبري بك معارفك واجد

الله يوفق الجميع

hmooode_4 · #20 17/06/2009, 05:28 PM

إقتباس


	النقل معروف انه صعب جداً .. حتى بالواسطة مستحيييييييل احد ينقل لأن المسألة تمشي في النقل بالارقام و اي واحد ينقل قبل رقم قبله و يتم الاحتجاج عليه يرجعونه لديرته الاولى

حبيبي عبدالله حتى ولو كانت صعبه ... لكن شخص يوعدك وبالاخير يقولك مانزل اسمك بقائمة المنقولين !!... اذا كذا ليش من البدايه توعد

وترا حصلت اكثر من مره مع اقاربي وغيرهم

إقتباس


	يا رجال هذا اللي مخوفني يقولون انه غالباً في اختبار قياس درجة الاختبار الاول ما تكون بعيدة عن الثاني ! فائدة القياس هو قياس القدرات زي ما يقولون

يارجال مامنها فايده

مضيعة وقت عالفاضي والاسئلة ماتفيدني مستقبل

افلقني اذا احد حفظها كلها او نصها

حل واطلع

ولو تسال وش السؤال اللي جاك بيقولك لاتقلقني مدري شلون طلعت

يعني نظام غريب وعجيب واشوف ان مامنه فايده الفايده انهم ياخذون الفلوس ويخلون

اكثر من طالب يدق مشوار من قرى ومدن بعيده عن مكان الاختبار !!

Hictar · #21 17/06/2009, 05:51 PM

هلا أبوعابد
ياليتك كل يوم تكتب موضوع
يا أخوك منزل ناس من فوق - من مشرفين وإستشاريين
شذى وهي شذى شفنا لها رد

تصدق لو أنا بعمر 16 أو 18 وأشوف وأقرأ عن المعاناة هذي
لأوقف عن الدراسة!!.
ليه أتعب عمري إذا مجهودي كله بيروح هباءاً منثورا
حنا مؤمنين إن الرزق بيد الله

لكن اللي حاصل شئ عجيب ، وياليت على قله الوظائف فتحوا المجال للسعوديين
بالعمل بقطر أو الإمارات

ياخوك الإمارات وقطر ما فيها أحد فاضيه ، وش خايفين منه!!.
عيب يعني الواحد يسافر ويشتغل برا
وإلا خايفين على الجنسيه تروح !!.

الطالب ينتظر اليوم اللي يتخرج فيه علشان يتوظف ويعرس!!.

وإذا توظف وكتب له الله رزق ، ما يتعدى راتبه 3500 ريال
ويبي له من خمس إلى ست سنوات علشان يعرس
وإذا أعرس قام يخطط على بيت ، ومن وين لك تجيب حق البيت
إذا الشقق التمليك وصل سعرها إلى أكثر من 400 ألف ريال!!.

يا عالم يا ناس شقه مساحتها متر في متر بـ 400 ألف ريال
وقبل عشر سنين تآخذ بيت طول بعرض بقيمه 500 ألف!!.

A S D · #22 17/06/2009, 06:21 PM

إقتباس


	تصدق لو أنا بعمر 16 أو 18 وأشوف وأقرأ عن المعاناة هذي لأوقف عن الدراسة!!.

أنواع التحطيم , كأنك تقول وقفوا عن الدراسة , أنت تبي تلعب بعقولنا ؟؟
تبي تخلي الواحد الحين يروح يقول لأهله أبي اوقف دراسه بيقولون أنت وش شارب

أنا للحين في بداية الطريق ,, و كل ما أقرا موضوع عن اختبارات القدرات أو ما يتبعها مثل القياس يضيق صدري ,,
يعني كل شوي يتغير تفكيري في مستقبلي كل شوي أقول لا أبي اسوي كذا

و الزبده و النهاية وش نسوي ؟؟؟؟

أسيــ الزعيم ــر الله يوفقك و تتوضف إن شاء الله

Carlitos 32 · #23 17/06/2009, 07:39 PM

آرحب يا عبدالله

موضوعكم يقهر صراحة . أنا عندي آخوي جلس 7 سنين بالكلية لحد ما تخرج !!
وآخرتها يحددون مصيره بالقياس ويرسب فيه مع العالم اللي رسبوا
طبعاً آخذوا من كل طالب 200 ريال . يمكن انا وانت نقول ماهي شيء 200 ريال
لكن احسبها من كل الطلاب اللي تقدموا . أكيد راح تكون مبلغ كبير

المشكلة لهفوا فلوس العالم ورسبوهم . الله يقلعهم !!

لكن ما قول الا الله يعينكم . وفعلاً مهنة التدريس بعد ماكان الكل يتمناها
الحين الكل يتهرب منها بعد السنين اللي نشوفها عشان يتعين الواحد
والقياس اللي طلعوا لنا فيه الحين . هذا غير التعيين بمنطقة بعيدة

لكن يا بو عابد إذا كان خصمك القاضي فمن تقاضي
ما قول الا الله يعينكم ويوفقكم

TEVA 4 HILAL · #24 18/06/2009, 12:36 AM

أنا اشوف انك تستاهل تتوظف و يعطونك اللي تبي ..
يكفي انك حفظت هالأرقآم

ياخوي مابيدي غير ادعيلك ..
الله يوفقك وييسر لك و يسهل عليك و يوصلك لكل ما تطمح له ..

<< وياي وويا الجميع انشا الله
آمين يا رب

تقبل مروري ..
اختك تيفا

( دعواتكم .. الاختبارات وصلت

)

الضحى · #25 18/06/2009, 01:58 AM

حسبي الله ونعم الوكيل ..

المفروض توكلون محامي يأخذ حقكم !!! غير معقول

معلم يتخرج من الجامعة ويختبرونه بهذه الطريقة والله أنا أعتبره ظلم ..

المفروض يوظفونكم ويكون أول سنه تجربة ويشترط في

خطاب التعيين ويعطى كل موظف سجل بما يتوجب عليه عمله ويوقع عليه ويكون

معه نسخه ونسخ في إدارة التعليم حتى لا يظلم أحد وبعد مضي العام لا يعتمد على

تقرير المدير والمشرف فقط بل يعتمد على رأي الوكلاء والمدرسين الذين حضروا للمدرس

وبذلك ياخذ كل إنسان حقه ... كم من معلم نتيجته كانت في التخرج جيد ولكن

عطائه في الميدان ممتاز ...مرة أخرى يجب أن تتفقوا وتوكلوا محامي ....أين يذهب الشاب المتخرج؟؟؟؟؟؟

المفروض إحتواء كل المتخرجين وعمل دورات لهم وإعطائهم مكافئات حتى

يكتسبوا الخبرة للمستقبل ...

المعذرة الرد غير مرتب أثارني الموضوع وزعلت على وضع أبائنا وشبابنا بدون وظائف ..

اللهم كن في عونهم وأنصرهم على عدوك وعدوهم وسخر لهم منه أقوى منهم ...

عقد الياسمين · #26 18/06/2009, 04:13 AM

يا هلا بك أخوي

للأسف بعد تعيين وزير التربية والتعليم الجديد تغيرت أشياء كثيرة ! حتى نصاب المعلمات تغير لـ30 ساعة في الأسبوع !

الخلل من هالوزارة الخايبة .. ولكن تذكر أن الله مع المظلوم

* قال تعالى : ( من يتق الله يجعل له مخرجاً ويرزقه من حيث لا يحتسب ) , والله يا أخوي لو عملت بـ الآية الكريمة فستجد ضالتك ..

و الله يكتب لك اللي فيه الخير وان شاءالله تحصل وظيفة من هنا ولا من هنا .. وصدقني مهما ضاقت بالإنسان السُبل وتبدلت عليه الأحوال , يبقى الله سبحانه جل جلاله لا يتغير ..يسمع لشكواك و يُعطيك مُبتغاك ..

بالتوفيق لك في الدارين ..
وتمنياتي لك بحياة رغدة سعيدة في الدنيا ..

أسيــ الزعيم ــر · #27 18/06/2009, 05:35 AM

باااااك

algohmani

إقتباس


	انا ماختبرت قياس لاني مختبر كفايات السنه الماضية بس لو انت متابع منتدى الخريجين بموقع الوزارة فأذكر قبل الإختبار والتسجيل جا واحد بالمنتدى من الوزارة وقال ان الاختبار بيكون فيه رسوب وان اللي بيرسب ماراح ترفع اوراقة ..

هلا بك يا الذيب

ألف مبروك انك مخلص وضعك من قبل حتى و إن كنت ما تعينت ع الاقل ما تطيح في هالعقبات السامجة

بالنسبة لمنتدى الخريجين للآسف عندي يوزر هناك لكن ما يفتح معي مدري ليش ؟!

سالفة الموضوع معروفة و على فكرة كان منزله مشرف و المشرف هذا يشتغل بالوزارة نفسها .. بعد القرار حقهم الغبي حق النجاح و الرسوب .. انحذف الموضوع .. هالكلام وصلني من شخص له يوزر هناك و موثوق فيه

إقتباس


	طبعا هذا بمنتدى الخريجين للموقع الرسمي للوزارة .. تدري وين المشكلة ان الوزارة حرصت على ذكر ال 200 ريال في موقعها اكثر من التذكير بان هناك رسوب ونجاح وهذا ما اتحدى اي مسئول بالوزارة ان يثبت ان هناك بيان رسمي نزل على الموقع يشير الى ذلك .. لهذا كل المتخرجين دخلو الاختبار على ان مافيه رسوب ونجاح ..

أنا اشهد .. حتى إلى الآن الظاهر في موقع الوزارة أو موقع الخدمة المدنية مكتوب ان هالاختبار هو للمفاضلة فقط !

إقتباس


	طالما لم يذكرو ان الاختبار فيه نجاح ورسوب بالموقع فكان من الأجدر ان لايعتمد عليها في عملية التصفيات المؤهله للتدريس ..

صارت تصفيات

والله تعبير جاي في مكانه

إقتباس


	يابو عابد انا جلست مع طلاب معدلاتهم والله فوق الاربع ونص عارف هذولي بالكلية وش كانو يسوون .. ماكانو يسهرون ولايطلعون من البيت للمسجد ومن المسجد للبيت والحين يجيبولهم اختبار لو اللي وضع الاسئلة اختبر فيه مانجح ..

أقسم بالله هذولي اللي وضعهم يقهر أكثر .. قل اني مبزوط و ما ادري وشلون تخرجت .. لكن هذولي كيف يجلسون ما تعينوا و هم أفضل الطلاب ؟!

إقتباس


	بالنسبة لك وكنصيحه من اخ خبير قدم على موقع الوزارة مع انهم يقولون اللي مانجح لايقدم .. وانا قابلت واحد عند بوابة مبنى ادارة التعليم بجده مادري هو صادق ولا كان سكران ولاهو داري وش يقول ..تعين وهو ماختبر كفايات

التقديم ناوي عليه لكن ما أدري هل هو مسموح أو لا .. و هل عليه عقوبات اذا قدمت و انا ما استحق التقديم او لا .. ننتظر و نشوف و إن شاءالله إلى ذاك الوقت تتعدل الاوضاع

بالنسبة للرجال .. ما اتوقع هالشيء حصل له .. يا اخي صعبة .. بس تصدق ممكن

مع الواسطة كل شي يمشي

إقتباس


	بغيت ادخل على مدير التعليم واصفقه لين اعمية يعني الحين انا ياللي اختبرت وعديت جالس وهذا اللي ماختبر تعين .. وبعدين هذيك تعطيك تساؤل كيف تعين

تعين بالواسطة اكيد او انه يستهبل .. واحد من اخوياي اختبر الكفايات و تخيل ما عينوه السنة اللي راحت بحجة انهم ما لقوا ورقته او توقيعه

مدري وشهو اللي ما لقوه المهم انهم ما لقوا شيء يثبت انه اختبر الكفايات

حالة غريبة جداً .. الرجال طبعاً ما سكت راجعهم الين لقوها او ان معه ورقة تثبت و تم تعيينه بعد اسبوعين من بداية السنة الدراسية 1429-1430

إقتباس


	تعال للوظائف المعلنه 2250 وش بتسوي فيها والخريجين ضعف هالعدد عشرين مره وخذ تخصصي لغة عربية جامعي عددنا على حسب احصائية السنة الماضية 5500 قل بنوصل ل6000 خريج هالسنه .. اذا الاحتياج لنا ماراح يتجاوز ال 360 بأي شكل من الأشكال وش بتقول ...

المشكلة انهم يكدسون هالعالم .. طيب ما فيه لا تفتح تخصص اللغة العربية وقفه .. قل ان ما فيه تعيين لهم لعشر سنين قدام و فك هالعالم .. خاصةً انتم يا الغة العربية الله يعينكم .. واحد من اخوياي له خمس سنوات الى الان ما تعين

خمس سنوات من عمره راحت في مدرسة اهلية و الكل عارف كيف وضع المدارس الاهلية

إقتباس


	للمعلومية اذا تبي تقدم على الامارات ترا التسجيل مفتوح وانا قدمت وش يجلسني هنا ماغير نت وسادح باطح ومقابل شوتايم واي ارتي حتى المدارس الأهلية اللي انواع واشكال الإهانه يطردونك ولايفكرون فيك وفوقها واسطات واذا ماعندك واسطة لاتحلم ولاتفكر تقدم عليهم ..

والله هالفكرة موجودة .. لكن يبيلها دراسة من حيث الراتب و تكلفة المعيشة هناك .. يبيلها تفكير و تخطيط جامد و هذا اللي بيصير إن شاءالله في حال ما تعدل الوضع لا سمح الله

إقتباس


	للإمانه قرار استبعادكم كان ظالم لان الإعلان عن أن هناك رسوب ونجاح لم يعلن عنه عبر موقع الوزارة الرسمي ولا اي جهه عدا المنتدى الذي لايراه سوى بعض الخريجين لانه القسم الخاص بالخريجين مخفي ولايراه سوى الخريجين فقط ..

طال عمرك ودك أعلنوا و الا ما اعلنوا القرار هذا من أغبى القرارات على الاطلاق .. يختبرني في قدرات عامة [ دين و رياضيات و لغة عربية و مدري ايش ] و في النهاية انا تخصصي واللي بعمل فيه في المستقبل بعيد عن هذه الاسئلة و القدرات ؟!

يعني حتى السنوات الجاية بيكون فيه ظلم للي بيدخلون الاختبار .. الواحد عدى مئات الاختبارات في حياته و يمكن تكون الاف الاختبارات و في النهاية اختبار واحد بس يحدد مصيره و اختبار ماله اي فائدة ! والله ظلم

إقتباس


	بالنسبة لدرجة 49 هذي بلحالها تقهر وانا واعرف واحد نفس وضعك جايب 49 يقول ليتها جات 30 ولا 49 على الأقل اريح عليها لكن 49 ذي تلوع الكبد

انا اشهد تلوع الكبد و بس .. الا تخليك تشيب و تجيب لك المرارة و الضغط و السكر .. كنك داري وش اقول للشباب .. اقول ليتها 30 يا شيخ اهون علي والله

إقتباس


	الله يعينك ياخوك وعندي فضفضه كثيره بس ماقول الا حسبي الله ونعم الوكيل تعبنا وتعبنا في الجامعة ودراسة ومصاريف وسهر وصداع وكتب نقابلها لين عمينا وصرنا مانشوف الا بنظارات وآخرتها عاطل وسادح جنبي شهادتي اللي يوم اشوف التاريخ فيها 1426 احس ان ودي اقطعها .. طبعا انا خريج 1425 .. وش فائدتها الحين شهادتي

لا إله الا الله .. 5 سنوات و الى الان ما تعينت .. ما اقول الا الله يعينك

إقتباس


	حتى آلية التعيين مارحمتنا .. كل سنه يجون اهل المعدلات ابو اربع ونص ومن فوقنا يتعدونا بنقاطهم ويتعينون واحنا مكانك سر ..

هذي حركة غبية بعد و غريبة .. اللي انا عارفه ان تاريخ التخرج يخلي لك افضلية على اللي بعدك لكن اذا كان اللي بعدي جاب افضل مني معدل و يتعين قبلي هذي قمة الظلم .. المفترض الافضلية للخريج الاقدم و خلصنا اما على كذا لو معدلي 2 ما راح اتوظف ابد

إقتباس


	عموما اسمحلي فضفضت في موضوعك لاني حاس بمعاناتك وعارف وش اللي انت فيه وماقول غير دعواتي لك بالتوفيق والله يكتبلك الخير ونراك في المكان الذي تتمناه قريبا ..

لا منت مسموح

حياك با بعدهم

والله يسمع منك و يكتب لك و للجميع الخير و يفتح أبواب الرزق لك و للجميع

الكلاسيكي

إقتباس


	هلا وغلا عبدالله نورت المجلس واسعد الله صباحك ومساءك بكل خير ..

إقتباس

هلابك عادل

النور نورك

إقتباس


	ياحليلك , اجل ساقط بـ 13 , وش ناجح فيه بالرياضه , اللي يرسب بهالمواد العاده يصير معه ماجستير ثانويه عامه , بس ماشاء الله ثابرت وعديت ..

إقتباس

يا شيخ ليتك وزير تقدر المكافحين اللي مثلي

إقتباس


	اما عن وضعكم يالمعلمين الخريجين , والله كل ماقريت وسمعت معاناتكم يضيق صدري. . اقول الحين وين بيروحون , الله يستر بس ماتنحرف انت والقحماني

إقتباس

تصدق جبتها

اللحين بدال هالتبطح الواحد يجرب شي جديد

بس لازم نبتكر انا والقحماني شيء جديد في الانحراف بس على فكرة ترانا نحب السعودية

إقتباس


	كل هاللي يصير امور تعجيزيه او بمسمى ثاني تطفيشيه , لان مالقوا مكان يضفكم .. الغريب ان تخصصك نصف المعلمين فيه مصاريا حسب علمي , وهم حسبوها زين.. المصري راتبه 3500 , وان جلس 10 سنوات اعطوه 4000..

إقتباس

المصارية و حسب كلام وصلني لأن ما عندي احصائية عنهم .. واصل عددهم من ميتين الى اربعمية مصري .. خالي بنفس تخصصي متعين في المخواة و عنده اربع مصارية وهي ديرة شارعين و عشر بيوت

إقتباس


	بس انت يالسعودي لا يبي لك علاوات وترقيات ومستويات , فمشكله عليهم كل ماقوله , الله يوفقكم , ويسهل عليكم , ويفرج همكم وكبرتكم .. وربي يسعدكم ..

إقتباس

والله ممكن يكون هالكلام صحيح بس لا يجيبونها بهالطريقة

الله يسمع منك و منور يا الذيب

صدى الامس

إقتباس


	هلا والله أسيــ الزعيم ــر .. الله يوفقك ان شاء الله والجميع ..

إقتباس

هلا بك

والله يوفق الجميع

إقتباس


	الحين يحددون مستقبل الواحد بهالاختبارات وسنوات الدراسة واجتهادك يضيع كله ويرتبط بدرجتك في الاختبارات اللي مدري وش سنعها ..

إقتباس

كأنهم يقولون ترى تدريسنا فيه خلل .. المصيبة انهم يقولون ان الهدف اصلاح التعليم .. يا اللي منيب قايل تصلحون التعليم بهالاختبار .. فيه طرق كثيرة زي دورات اجبارية للمعلمين و يكون عليها رسوم ما فيه مشكلة .. يا شيخ ادارات التعليم و الوزارة فيها اشياء كثيرة المفروض تتصلح فاذا هم صادقين يبدون باللي فوق !

إقتباس


	كل مالهم ويعقدون الامور اكثر واكثر .. من الاساس الاختبارات ما وضعت الا عشان يصرفون الطلاب عن الجامعات ويقولون والله درجتك بالاختبار ما تساعد .. طيب يا عيال المنب قايل وكرفي طول هالسنين في المدارس وين راح ووش الفايده منه لا الله ابو ابو ابو ابو فكرتهم البااااااااااااايخه !! وحالياً مع المعلمين تصريفه بداااال سالفة الاحتياج .. قسم بالله يا فيه قرارات مدري وش تبي !!

و احنا ما ذبحنا الا هالتعقيدات الغبية

إقتباس


	اجل اختبار يحدد مصيري بالوظيفة وما يكون فيه اي شي من تخصصي !!؟؟ بأي حق وبأي ذنب اني احرم من الوظيفة بسبب اختبار ما فيه ولا شي من مجال تخصصي ؟!!

تدري وش خايف منه .. خايف بكرة يجيبون من التخصص بس ما فيه شيء من اللي درسته

طبعاً الجامعة ما يعطونك كل شيء يعطونك الاساسيات .. و بتكون حجتهم ان المعلم يجيب ان يكون مطلع و لا يجب ان يكتفي بما يتحصل عليه من معلومات في الدراسة

إقتباس


	يعني وش يبون الواحد يكون جوجل متحرك يعرف كل شي ويفهم في كل شي ؟؟!! ياشين ربعنا اذا صلحوا انفسهم فاهمين !!

الظاهر ان جوجل بيعجز منهم بعد

إقتباس


	قبل كل شي وش مسارك في التربية الخاصة ؟؟ تخلف عقلي والا سمعي والا صعوبات تعلم ؟!! الاحتياج في التخلف العقلي بكثره .. السمعي اقل .. وصعوبات التعلم مثل السمعي .. وكانك في السمعي والا صعوبات تبي تبلش بالديرة هذا كتب الله وعينوووكم ..

تخصصي سمعي .. بالنسبة للصعوبات فاللي سمعته انهم في ازدياد اما بالنسبة لتخصصي العام كان الاحتياج في تخصصي 195 و اللي تعينوا سمعي كانوا 120 تقريباً يعني باقي 75 احتياج هذا غير انه كل سنة يزيد الاحتياج يعني ما يجلسون على الخمسة و سبعين .. و على فكرة دفعتي [ الفصل الاول ] 45 خريج منهم 4 طلعوا يدرسون برى

إقتباس


	اما سالفة انهم يزيدون البرامج ما ظنتي خصوصاً بالرياض وتحديداً في برامج الاعاقة السمعية ..

هذا اللي حاصل .. بيزيدونها ان شاءالله .. بيحطون برنامج في النظيم و برنامج في العزيزية .. برنامج النظيم بسبب الضغط على البرنامج اللي موجود في النسيم .. و على فكرة بداية هالسنة [ بداية تطبيقي ] كان فيه 37 طالب ما تم قبولهم في المدرسة بسبب ان مالهم مكان .. و الفصول تقريباً كل فصل فيه 15 طالب [ متوسط العدد ] و الاساس انه ما يكون في كل فصل الا خمس طلاب بالكثير

إقتباس


	موفق ان شاء الله وكل متخرج ..

الله يسلمك و يوفقك و يوفق الجميع

منور يا العميد

ماجد مقبل

إقتباس


	هلا وغلا بابو علبه منور الحته ياباشا وما اقول الا الله يعينك وان شاء الله تتيسر وانا اخوك وبالفعل شي يقهر خاصة اذا كان خصمك هو الحكم الله يوفقك يالغالي

من ابوعلبة

حياك يا ماجد و النور نورك

الله يعين الجميع و فعلاً المشكلة ان خصمي هو القاضي و ما تقدر الا انك تسايسه

فيلسوف

إقتباس


	هلا والله عبدالله ابوعلبة

إقتباس

هلا بابا فرحان

إقتباس


	ثانيا ... مدري هل اختبار القياس اللي تختبرونه الحين نفس حقين الثانوي !؟

إقتباس

إقتباس


	ان كان نفسه فمو معقول العالم كل درجاتها تحت الخمسين!

إقتباس

هي واحدة من الثنتين .. طبعاً مستحيل ان اللي يطلع من القياس يقول اني بدعت او يقول اني جبت العيد .. اللي يطلع من القياس يقول ما ادري بس ان شاءالله ان تخبيصي يجي زين

الدرجات يا انها ملعوب فيها .. يا ان اللي رسبوا ما حلوا زين و معذورين لأن أغلب المعلومات منقطعين عنها و لا درسناه لا في مواد التخصص و لا في المواد من غير التخصص في الجامعة .. مثلاً العربية درسناها في الجامعة بس مقررين و من اول سنة لا والاسئلة مهيب من اللي درسناه في عرب

إقتباس


	سؤال ثاني . تقدر تخبر اكثر من مرة .؟ يعني يعطونك مجال تختبر مرة ثانية وثالثة ولالا ؟

إقتباس

يُقال انه بعد ست شهور .. ويُقال انهم بيسمحون لنا نختبر مع خريجين الترم الثاني .. و يُقال انهم بيمنعوننا من الاختبار معهم .. بصراحة الوضع مشربك !

إقتباس


	والله يعينك وييسر امورك . ونسيت اقولك . دورلك واو من هنا ولا من هنا خبري بك معارفك واجد

إقتباس

حتى لو عندي واو .. هالسبعة الاف وش بيسوون

ما اقول لك اني لو لقيت الواو بقول لا ما ابي و بسوي شريف

لا والله بقول تعال .. بس حرام هالعالم يجلسون

منور يا بيه

hmooode_4

إقتباس


	حبيبي عبدالله حتى ولو كانت صعبه ... لكن شخص يوعدك وبالاخير يقولك مانزل اسمك بقائمة المنقولين !!... اذا كذا ليش من البدايه توعد وترا حصلت اكثر من مره مع اقاربي وغيرهم

إقتباس

عجيبة .. بس على ما يقولون هذي وعود واهية يمشون فيها الناس

إقتباس


	حل واطلع ولو تسال وش السؤال اللي جاك بيقولك لاتقلقني مدري شلون طلعت

إقتباس

يا رجال قل ربع نص الربع

ما يجيب لك سؤال واحد يا شيخ .. انا يوم طلعت من الاختبار ما تذكرت الا سؤالين بس

مواصل من عام 1413هـ

إقتباس


	هلا أبوعابد ياليتك كل يوم تكتب موضوع يا أخوك منزل ناس من فوق - من مشرفين وإستشاريين شذى وهي شذى شفنا لها رد

يعني مهوب عشان تستمتع بكتاباتي

الحمدلله هالشيء يشرفني

و ابشر باللي يكتب متى ما جت مناسبة بس عساها تجي زينة

إقتباس


	تصدق لو أنا بعمر 16 أو 18 وأشوف وأقرأ عن المعاناة هذي لأوقف عن الدراسة!!. ليه أتعب عمري إذا مجهودي كله بيروح هباءاً منثورا حنا مؤمنين إن الرزق بيد الله

المشكلة اللي بيوقف دراسة وين بيروح

عسكرية .. فيها قياس بعد

اللي صاير قسم بالله يرفع الضغط

إقتباس


	ياخوك الإمارات وقطر ما فيها أحد فاضيه ، وش خايفين منه!!. عيب يعني الواحد يسافر ويشتغل برا وإلا خايفين على الجنسيه تروح !!.

لا تقول موقفينه بعد .. يعني ترى ما راح تتوظف في اي ديرة برى و احنا ما راح نوظفك و اجلس عاطل لأننا محتاجينك في العطالة

يا والله الشغلة

إقتباس


	الطالب ينتظر اليوم اللي يتخرج فيه علشان يتوظف ويعرس!!.

وهـ بس يا العرس

ينتظر و في النهاية يتحطم .. بعضهم يمشون و لله الحمد لكن اللحين كل واحد كان يفكر بالتخرج صار يفكر بالقياس و لا يفكر بالتخرج لأنه هم أكبر

إقتباس


	يا عالم يا ناس شقه مساحتها متر في متر بـ 400 ألف ريال وقبل عشر سنين تآخذ بيت طول بعرض بقيمه 500 ألف!!.

ما وقفت على ذي .. يا رجال اسال الله انه يعيننا على هاللي قاعد يصير

منور عبدالله

و شكراً على المقاطع اللي في توقيعك

A S D

إقتباس


	أنواع التحطيم , كأنك تقول وقفوا عن الدراسة , أنت تبي تلعب بعقولنا ؟؟ تبي تخلي الواحد الحين يروح يقول لأهله أبي اوقف دراسه بيقولون أنت وش شارب

إقتباس

لا بيقولون اختبر قياس اذا بتوقف دراسة

إقتباس


	أنا للحين في بداية الطريق ,, و كل ما أقرا موضوع عن اختبارات القدرات أو ما يتبعها مثل القياس يضيق صدري ,, يعني كل شوي يتغير تفكيري في مستقبلي كل شوي أقول لا أبي اسوي كذا

إقتباس

يا رجال لا تفكر . .فكر في دراستك و الله يوفقك فيها .. و وقتها يحلها الف حلال و إن شاءالله انك بتتوفق .. لا تفكر لأنه أي تفكير في اي وظيفة حكومية بتلقى قياس قدامك !

إقتباس


	و الزبده و النهاية وش نسوي ؟؟؟؟

إقتباس

لا زلت اقول لا تفكر لأنه ممكن تعدي و ان شاءالله تمشي امورك .. و إن شاءالله يُلغى اعتماد هالاختبار قريب

إقتباس


	أسيــ الزعيم ــر الله يوفقك و تتوضف إن شاء الله

إقتباس

آمين

حياك

Carlitos 32

إقتباس


	آرحب يا عبدالله

إقتباس

حي الله عمر

إقتباس


	موضوعكم يقهر صراحة . أنا عندي آخوي جلس 7 سنين بالكلية لحد ما تخرج !! وآخرتها يحددون مصيره بالقياس ويرسب فيه مع العالم اللي رسبوا طبعاً آخذوا من كل طالب 200 ريال . يمكن انا وانت نقول ماهي شيء 200 ريال لكن احسبها من كل الطلاب اللي تقدموا . أكيد راح تكون مبلغ كبير

إقتباس

هذي المصيبة كل شي يتحدد بهالاختبار .. الدراهم مفكرين في مجموعها .. لكن مهيب شي عادي بس نتوظف

إقتباس


	هذا غير التعيين بمنطقة بعيدة

إقتباس

بكيفهم و انا مسلم بهالامر من قبل انهم بيحذفوني بمنطقة بعيدة .. بس نتوظف

إقتباس


	ما قول الا الله يعينكم ويوفقكم

آمين

منور يا عمر

TEVA 4 HILAL

إقتباس


	أنا اشوف انك تستاهل تتوظف و يعطونك اللي تبي .. يكفي انك حفظت هالأرقآم

إقتباس

الله يسلمك

بس وشهي الارقام تراها كثيرة اللي جت

إقتباس


	ياخوي مابيدي غير ادعيلك .. الله يوفقك وييسر لك و يسهل عليك و يوصلك لكل ما تطمح له .. << وياي وويا الجميع انشا الله آمين يا رب

يكفي دعاك

الله يسمع منك و يوفق الجميع

حياكِ

الضحى

إقتباس


	المفروض توكلون محامي يأخذ حقكم !!! غير معقول

هذا مخلينه آخر الحلول و تم التفكير فيه لكني قلت لهم نأجلها شوي .. جتنا نصيحة من أحد الموظفين في الوزارة اننا نرفع قضية في ديوان المظالم .. لكن تصدق لو حصل هالشي و ربحنا القضية بتصير صعبة عليهم .. ما راح تكون صعبة اختبار ثاني و ابن امه ينجح

إقتباس


	المفروض يوظفونكم ويكون أول سنه تجربة

واللي بعدنا بيجيهم نفس الشيء

ودي انهم يقولون هالسنة تجربة لكن اللي اتمناه فعلاً انهم يلغون شرط النجاح في هالاختبار و يخلونه للمفاضلة مع ان المعدل كافي !

إقتباس


	المفروض إحتواء كل المتخرجين وعمل دورات لهم

إقتباس


	اللهم كن في عونهم وأنصرهم على عدوك وعدوهم وسخر لهم منه أقوى منهم ...

آمين يا رب

منور

عقد الياسمين

إقتباس


	للأسف بعد تعيين وزير التربية والتعليم الجديد تغيرت أشياء كثيرة ! حتى نصاب المعلمات تغير لـ30 ساعة في الأسبوع ! الخلل من هالوزارة الخايبة .. ولكن تذكر أن الله مع المظلوم

عاد كنا متفائلين فيه لكن اللحين يا زين العبيد

والله يعين المعلمات بعد بيجيهم القياس بداية من السنة الجاية .. يقولون ان الحاجز عشان بطاقات الاحوال لا بارك الله فيهم .. 30 ساعة على ايش لا و يبون يزيدون اليوم الدراسي

إقتباس


	* قال تعالى : ( من يتق الله يجعل له مخرجاً ويرزقه من حيث لا يحتسب ) , والله يا أخوي لو عملت بـ الآية الكريمة فستجد ضالتك ..

إقتباس

آملي الوحيد هو في الله وحده .. و إن شاءالله ان الله سيجعل لنا مخرجاً و يفرج كربتنا

إقتباس


	و الله يكتب لك اللي فيه الخير وان شاءالله تحصل وظيفة من هنا ولا من هنا .. وصدقني مهما ضاقت بالإنسان السُبل وتبدلت عليه الأحوال , يبقى الله سبحانه جل جلاله لا يتغير ..يسمع لشكواك و يُعطيك مُبتغاك ..

إقتباس

الحمدلله بعد كل صلاة أدعي الله و آملي في الله كبييييييييير

إقتباس


	بالتوفيق لك في الدارين .. وتمنياتي لك بحياة رغدة سعيدة في الدنيا ..

حياك و الله يوفقك

سعدت كثيراً بردودكم و الله يفرجها .. الحمدلله الآن الخدمة المدنية أجلت التقديم إلى ما بعد اسبوعين او ثلاثة اسابيع ناسي الموعد لكن الظاهر انه بيكون في 18 -7 .. و التأجيل جاء بأمر مفاجئ و ما تبينت الاسباب فيه .. و إن شاءالله يكون خيرة

لكم

algohmani · #28 18/06/2009, 07:30 AM

إقتباس


	بالنسبة لمنتدى الخريجين للآسف عندي يوزر هناك لكن ما يفتح معي مدري ليش ؟!

اذا تبي يوزري عادي برسلك خاص ترانا خمسه انفار قاطين في اليوزر وندخل كلنا به ...لا ونرد على المواضيع ههههههههههههه

في موضوع تصويت هل تؤيد الغاء القياس ردينا بنفس اليوزر ردين مختلفه خخخخخخخخخخخ واحد جا ورد مؤيد والثاني غير مؤيد

عموما ابرسلك رابط يشرحلك كيف تفعل وتشوف قسم الخريجين واذا ماعرفت ارسلي اليوزر والباس وانا اسويهم لك

صدى الامس · #29 18/06/2009, 10:52 AM

حي الله الزميل

..

وشلون علي حنفي معكم

؟
الدماطي راعي السواليف للحين موجود والا راح ؟؟!

إقتباس


	تخصصي سمعي .. بالنسبة للصعوبات فاللي سمعته انهم في ازدياد اما بالنسبة لتخصصي العام كان الاحتياج في تخصصي 195 و اللي تعينوا سمعي كانوا 120 تقريباً يعني باقي 75 احتياج هذا غير انه كل سنة يزيد الاحتياج يعني ما يجلسون على الخمسة و سبعين .. و على فكرة دفعتي [ الفصل الاول ] 45 خريج منهم 4 طلعوا يدرسون برى

يابعدي لما قلت ان الاحتياج بيكون اقل بحكم ان فيه هالسنة اكثر من جامعة تخرج منها نفس التخصص ..
جامعة القصيم اول دفعة تخرجت هالترم .. جامعة الملك عبدالعزيز (اخبرهم اضافوا التخصص من قبل كم سنة )
كلية المعلمين مدري وش صار عليهم خبري بهم اضافوا تخصص التربية الخاصة لهم ..
ولا تنسى اهل الدبلوم من مصر (مدري اذكر قالوا انهم بيوقفون سالفة الدبلومات لكن ما ادري وش صار عليهم )
عندك مثلاً هالترم عدد المتدربين في المعهد عندنا 24

غير البرامج الثانية

..
غير كذا بالعكس الاحتياج كل ماله ينقص بحكم ان افتتاح البرامج قليل وقليل جداً ..
منب احطمك لكن هذا الواقع ..

..
حتى سألت احد المشرفين عندنا على اساس ينصح بدخول التربية الخاصة في بداية السنة الدراسية الحالية ..
قال لا .. لان بيكون فيه اكتفاء بسبب كثرة المتخرجين من اكثر من جامعة وقلة البرامج والاحتياج ..

دفعتكم ما عليها خوف ان شاء الله .. اذا فكوكم من سالفة هالاختبارات الله يخس ابليسهم ..

إقتباس


	هذا اللي حاصل .. بيزيدونها ان شاءالله .. بيحطون برنامج في النظيم و برنامج في العزيزية .. برنامج النظيم بسبب الضغط على البرنامج اللي موجود في النسيم .. و على فكرة بداية هالسنة [ بداية تطبيقي ] كان فيه 37 طالب ما تم قبولهم في المدرسة بسبب ان مالهم مكان .. و الفصول تقريباً كل فصل فيه 15 طالب [ متوسط العدد ] و الاساس انه ما يكون في كل فصل الا خمس طلاب بالكثير

يابعدي من تعينت وانا اطلب الرياض ولا جاني شي

.. حتى على خبري هالسنة محد نقل للرياض بحكم مافيه امكانية بسبب قلة البرامج ..
كان عندك علم ان فيه احد نقل للرياض عطني الاسامي خل اشوف هم من دفعتي والا اللي قبلي

معهدين (شرق و غرب ) ومكتفين فيها من ناحية السعودة 100 % ما شاء الله الا اخصائي النطق ..
والبرامج شوية وما تغطي الرياض كلها ..

..

موفق يابعدي واي شي تبيه ترانا تحت امرك تعرف خبرررررررررة