|
خبر حصري : المهاجم الإيطالي الكبير قريب من التوقيع للهلال بسم الله الرحمن الرحيم صار منتدى الجمهور الهلالي .. مثل منتدى نادي الجار.. لأن وبكل صراحه الصفقات والتعاقدات هناك بالمنتدى.. فلما يصبح منتدى الجمهور الهلالي مثله .. ويتتبع كلام الصحافة واشاعات الصيف .. وكل واحد من اعضاء شبكتنا الغالية يطلع بموضوع جديد ويقول مصادري ومصادي ويبدأ بالكلام اللي ما له اصل الحقيقة .. عضو يقول مصادري تؤكد أن خالد البلطان يفاوض الشلهوب وحسن العتيبي بدال حسن معاذ وعضو يؤكد إن راشد الرهيب سيوقع للهلال وعضو يقول إن أحمد الدوخي وقع للهلال بـ 3 ملايين وعضو يقول إن عضو شرف هلالي يفاوض التشيكي نيدفيد !! وواحد يقول إن طارق التايب خلااااص بيرووح .. وعضو يؤكد إن فيه لاعب هلالي قريب من التوقيع للشباب.. وعضو يقول إن فيه مفاوضات مع بو شروااااان .. وكلام كثيير .. ومفاوضات جارية حاليا.. وصفقة تطبخ على نار هادئة ..!! اصبح الكل يتعاقد ويفاوض هنا بالمنتدى !! وإذا وصلت المسألة لهذه الدرجة ..! فأنا أعلن أن المهاجم الإيطالي الكبير.. ديل بيرو سيوقع للهلال ..!! بكل بساطة .. هكذا تكون التعاقدات اذن :cry: وهذا شي لا نرضى به إطلاقاااااااااا لنكن جماهير الزعيم الواعية اتمنى من كل قلبي .. إنكم تتركون الإدارة تعمل بهدوء.. دون تشويش .. وحكي جرايد ..!! |
للرفع ............................. |
كل اللي ذكروه الاعضاء مطالبات وتمنيات في التعاقدات مع الاعبين.. بس خذها مني لاتسمع ولاتصدق الا عن طريق المركز الاعلامي بالنادي.. |
كل الي ذكروه الأخوان هي أمنيات يتمنون أن تحقق للزعيم ويتعاقدون معهم ولكن علينا ألا نصدق أي خبر إلا من الإدارة نفسها بالتوفيق للجميع |
كل واحد مسوي ان عنده سالفه وانت اولهم |
والله انك صادق في الصيف يصير كل الناس واصلين وعندهم مصادق الله يصبرنا بس |
ههههههههههه والله انك صادق غثونا بالتعاقدات الغير صحيحة مشكووووووووووور |
والله من جد اهنيك على الموضوع صراحه والله اني منزل مثل هالموضوع اقول تجي اخبار عن التعاقدات مثبت يعني ما يحتاج خربطه بس ما حولك احد يفهم اتمنى تثبيت موضوعك |
ااماا نصير مثل النادي الجاار ؟ انا كنت دايم اقول ان نادي الجار كل شخص فيه هوا مدرب كل شخص فيه هوا رئيس النادي من كثر ما يتدخلو في امور النادي خخ |
اقول انت قوي وعندك اسلوب وتعرف تسحب الناس بس لاعاد تكتب موضوع يابابا |
هههههههههههههههههههههههههه :d والله أنك صادق أخوي انا بصراحه مليت وأنا أقراء اخبار الصيف :d :to: الله يعين بس s121s بالتوووووووووووووووووفيق للزعيييييييييييييييييييييم :alzaeem: |
بس مالها داااعي دل بيرو شيب يعني كم بيخدمك!!!!هههههههههههههههههه مووووووووووووضوووعك من رائع والله ملينا من المواااضيع البااايخه... |
يارجل على حد علمني انو الهلال وقع مبدئي مع توتي بس باقي يوصل للسعودية وتجرى عليه الفحوصات الطبيعه هههههههه هذا الكلام اكدهـ لي عضو شرف هلالي رفيع المستوى هههههه على العموم قلبووو كلامك واقعي واتمنى من هالناس يهدون اللعب شوي تراها فترة اختبارات ونبي التوفيق مو وقت اشاعات اصبروا شوي لين تخلص الاختبارات وبتسمعوا الخبر اللي على كيف كيفكم ههههههه |
حياكم الله .. مرة ثانية وشرفتوا وعطرتوا الموضع حقيقة .. |
هههههههههههه تسلم على الموضوع يابطل بس الجماهير الواعيه ماتخذ الهرج اللي مالوه طعمه الحمد الله كل جماهيرنا واعيه وفاهمه لاهنت حبيبي على هالطرح يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 03:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd