قصايـــد دايـم السيــف. السلام عليكم ورحمة الله وبركاته... هذا الموضوع الأول الذي اود طرحه وهو عبارة عن قصيدة مختارة من قصايد المبدع الأمير خالد الفيصل بن عبد العزيز, واحد من كوكبة عشاق الكلمة الجميلة والصورة الرشيقة.. القصيدة الأولى سوف تكون من اختياري أما البقية فستكون على حسب طلباتكم أخواني الأعضاء.. "ياللــــي حيــــاتي" ياللي حياتـي كله منـك تجـريـح.. مامــر يـوم سالـــم ماجــرحتـه.. المشكل انك واجد اللوم وتصيح.. وانت الذي طفل المودة ذبحته.. ما انت بتعرف تريـح النفـس وتريح.. كم منظر حلو بكفـك مسحته.. لوحت بي في ليل الأحزن تلويح.. هذا عطاك وربحي اللي ربحته.. أبيك تبرا لي على هبـة الريح.. وتناصح القلـب الذي بك نصـحته.. أثرك تدور عثرتي وين ابا أطيح.. وش ينفعك لى قيل خلك طرحته.. تحياتي.... أبــو ســـــاره. |
Daredevil حبيبي بالله واحد فول قلابه سفري لووووول امزح معك اذا انت تقول على طلباتنا الله لايهينك ابغى كلمات القصيده الي غناها محمد عبده وابي منه الخبر ...ويقول ليله ....... ابغاها كامله ولا عليك امر |
هلا والله بأخوي شموخ... "أبـــي منـــــه الخــــــبر" أبي منه الخبر ويقــول لله.. لفا الــمرسول ماعين محــله.. وقلبي تايــه مــن عــام الاول.. الا يـــالله يسـر من تد لـه.. خذاه اللي على خده علامة.. سواده غيم في شمس مطله.. سرقني مادريت أنه سرقني.. سلبني واحسب أني فاطن له.. أنا يوم ارسل عيونه لقلبي.. عطيته مهجتي والمعطي الله.. نصف زين المخلايق في عيونه.. وباقي الزين في باقيه كله.. تحياتي...أبـــو ســـاره. |
مشكووووووووووووووووووووووووور |
الله يعطيك العافيه اخوي واذا ما عليك كلافة ابي قصيدة (لاهنت ياراس الرجاجيل) |
إقتباس:
|
هلا والله بجميع الأخوان... بالنسبة لقصيدة " لا هنت "... فهي من أروع القصايد التي كتبها دايم السيف..وهي كما هو معلوم مرثية في والده جلالة الملك فيصل بن عبد العزيز رحمه الله تعالى... والقصيدة هي.. "لا هنت" لاهنت ياراس الرجاجيل لاهنت.. لاهان راس في ثرى العود مدفـون.. والله ما أحطك بالقبر لكن امنت.. باللي جعل دفن المسلـمين مسنون.. منزلك ياعز الشرف لو تمكنت.. فوق النجوم اللي تعلـت على الكون.. سكنت دار المجد ياشيخ واسكنت.. شعبك معك في منزل العز ممـنون.. صنت العهد ياوافي العهد ماخنت.. علمتهم وشلون الأشراف يوفون.. كم ظالم عاداك واعفيت واحسنت.. واخلفت ظن جموع ناس يظنون.. شلت الأمانة حافـظٍ ماتهـاونـت..شفـنا بـك رجـال على الـعز يــقوون.. يــاللـي طـلبه الـمـلك بالحـب زيـنـت.. عــرشـك بتـاج نـاس يحـبون.. لونـت تـاج الـملك مـاقـد تـلونت.. مـاغرتـك دنيـاك ماصـرت مفتون.. بالزهد والمعروف والصبر كونت.. منهاج فيصل منهج اللي يعدلون.. تلفتت روس المخاليق وين أنت.. وين العظيم وعود الشوف مطعون.. كـم خـافق وقـف عقب مـاتكفـنت.. وكـم ناظـر ذوب سـواداه محـزون.. لـو شـفت حـال الـشعب بعـدك تبيـنت.. مقدار حب الناس للي يودون.. ممـا بقلبي قـلت يابوي لاهــنت.. والا انت فوق القول مهما يقولون.. تحياتي ...أبــــو ســـاره. |
مشكووووووووووووور |
الله يعطيك الف عاااافيه أبغى القصيدة الي يقول فيها ماينسينا الخطا حب الخشوم ...ولايطهرك المطر عشرين عام وتحياتي لك |
هلا والله بالأخوان...العرفج...أبو روان... ابو روان.... بالنسبة للقصيدة الي طلبتها هي... " حــــــب الخـــــــــشوم " مــا يـنسينا الخطا حب الخشوم.. ولا يطهرك المطر عشرين عام... مخطي ترضى لنا ظلم الظلوم.. ومخطي ترضى على شعبك يضام.. بـايعٍ شاري على شعبك تسوم.. مايهـــمك بالحــــلال وبالحـــــرام... لاجــل شعبك بيننا كنت محشوم.. لكن الحشمــة خســــارة باللــئام.. يــوم فشلنا صواريخ الخصوم.. رحت ياوحه الفلس ترمـي كـــلام.. من شمال ومن جنوب أمسيتو قوم.. وأنت تنخى كل مجرم بالظلام.. واتفقتوا- خذكم الله - يالرخوم.. تطعنون الجـار وظهــور الــكرام.. لا حيا فيكــم ولا نفــس تــشوم.. غركـم فيــــــنا محبتنـــا الســـلام.. كــل غــدار تجهـــز للهجـــوم.. من طمعكم ما حسبتوا للمــــــلام.. المعارك ما خذت ليلــــــة ويــوم.. سلموا جند الخطا ما بالحزام.. وعــود الغازي من الغزو مهزوم..وامست دياره من أفعاله هدام.. وطاحت قصور التماني والحلوم.. واكتفيتوا في طلب ظل الخيام.. نــحمد الله شخينا راعي عـــزوم.. والعظايم مالها غير العظـــام.. قـــام واللي يطلب العليا يقـــوم.. ما ينوم الى بغى غيره ينـــــام.. انتهض مثل العقاب اللي يحوم.. لين جات صقوركم مثل الحمام.. شخينا قرم تحدر من قروم.. الملك ابـــن الـــملك ابن الامــــــام.. تحيـــاتي.... أبو ســــاره... |
ألف ألف ألف شكر لك أخوي والله يعطيك العافيه |
مشكووووووووووووووووووووووووووووور :D :D :D :D وان كان ما عليك كلافة ابي القصيدة اللي يقول فيها (( يموت الشجر واقف)) |
أبو روان ... هلا وغلا... الله يعافيك.. أخوي الهلالي الفخور.. هلا بك... القصيدة اللي طلبتها تقول.. " يمـــــــوت الشـــــــــــجر " يموت الشجر واقف وظل الشجر مامات.. رياح الدهر تصرخ وهي تجرح جنوبه.. لك الله شجر للموت ماترخي الهامات.. بقت وقفـــتك يارافــع الراس مهـــــيوبه.. شجوني لها مع وقفتك ياشجر وقفات.. عيون النظر مع نظرة الفكــر مصحوبــه.. شموخ الشجر عبرة لمن يفهم الشارات.. والانسان في غفلة والايام محسوبــــه.. أرد النظر لا شك يانظرتـي هيهــــات.. أباستوعب العبرة بالأشجـــــــــار مكتوبه.. وانا يعتريني ضعف الأنسان والهقوات.. أروم العزايم يــوم وايــــــام مسلوبــه.. أبا ظهر عن الدنيا مع حالم النظرات.. واسافر عن العالم علــى غايـــم دروبــه.. وابارسم على غيمة دروب الهوى بسمات.. وابانثر كلام الحب طرب ومطروبه.. واغني بها سامر واقوم بها عرضات.. واباتــــرك الدنيــــا لمن كان مطلوبـــه.. ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ هلا فيك أخوي الهلالي أنت وبقية الأعضاء ... تحياتي... أبــــــو ســــاره. |
مشكووور قصيده رائعه |
العفو. |
الوقت المعتمد في المنتدى بتوقيت جرينتش +3.
الوقت الان » 05:51 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd