|
حرب داخليه من قبل الاتحاد والنصر والشباب على الزعيم سمعت حكي كثير الأيام هاذي بأن رؤساء اندية النصر - الشباب - الاتحاد عقدوا اجتماع فيما بينهم وذلك لعدم تسجيل اي لاعب سعودي من اي نادي سعودي لصالح الهلال يعني تخريب في تخريب اي لاعب يحسون انه رايح للهلال يتم اغراء ناديه سريعا لعدم وصول الهلال اليه والخبر هذا منتشر بشكل فضيع بس صدقوني انا مبسوط جدا لأنهم لايستطيعون على الهلال بشكل فردي فتجمع الحاقدون لكي يطيحوا بالهلال لاكن هذا بعيد عنهم كل البعد ,الهلال مستمر في جلب اللاعبين المميزين سواء سعوديين او أجانب والمضحك في الموضوع ان كل لاعب يفاوضونه يقول لهم انه يبغي الهلال وأن ميوله هلاليه ومو شغلهم ميوله أهم شي يبعدونه عن التسجيل بالهلال مايهزك ريح يامركب هوانا |
مو شي جديد ياحلو .. النصراويين من زمان نفاوض اللاعبين ويدخلون على الخط ويتباكون ويقولون الهلال دخل علينا وأبو البلاوي تكرمون من أول مامسك الإتحاد وهو مخرب على كل الأنديه الغريب ان البلطان صار يقلد البلوي ماأدري وش يبي بالضبط الظاهر عشان ماعندهـ جماهير ترزهـ فقال مالي الا أسوي كذا عشان يدرون أني رئيس نادي ع العموم إتحادنا الموقر ماقدر يوقفنا عن البطولات فما بالك بحثالة الأنديه *_^ |
ههههههههههههههه ناااااااس فاضيه النصراويين معروفين هم والاتحاديين لكن الشبابيين غريبة لكن هذا الزعيم واعضاء شرفه انشالله الله يوفق الزعيم |
هههههههههههههههههههههههههههههههههههه يا رجال الي في رووسهم يسوونه .. صدقني غذا الهلال بغى لاعب و تأكد بأنه بيفيد الهلال جايبينه جايبينه .. لأن الهلال ما يفوض النادي يفاوض اللاعب على طول ..فناديه يصير مغصوب على بيعه .. لأن تلقى اللاعب خلاص يبغى الهلال .. و هذا ما يسوونه الهلال إلا إذا شافوا إستهبال من الفريق الي يفاوضه و الدليل اسامه و المحياني .. صدقني الهلال وراه رجال .. لو بغوا شي لا الشباب ولا الإتحاد و لا النصر و لا حتى الإتحاد السعودي بكبره يقدر يوقفونهم .. |
بسم الله الرحمن الرحيم السلام عليكم ورحمة الله وبركاته أما بعد في الحقيقة هم يحاولون ويحاولون ويحاولون ولكن لن يستطيعون أن يصلو ا إلى ما وصل إليه الهلال الزعيم وهم يعرفون من هو الزعيم لكذلك اجتمعو رساؤ الاندية كلها ما يصير لنا شيء واتمنى أن يحصل الهلال على كل البطولات في الموسم القادم مع التغير الجديد للمدرب اللاعبين الجدد وبالتوفيق للامير الشاعر أبو فيصل |
هذا موالهم كل سنة يحطون رؤو سهم براس الزعيم وفي النهاية ينجلدون إللين مايعظون الارض ويطلعون وهم يلقطون وجيههم |
من اول و هم يبون يخربون على الهلال و اذا راح اللاعب للهلال بدأوا يتكلمون على اللاعب .. و اقربها خبيلان مدري كميخان في كل تصريح يدخّل المحياني انه ما يشرفه في ناديه و من هالكلام |
وش الجديد السيد منفوخ ما قدر علينا من اول جبنا ياسر غصبا عنه هبيلان برضو ما قدر وجبنا المحياني من وراء خشمه اما الدلخ الثالث البلطان ما ادري وش يبي بيسوي فيها انه رئيس نادي وهو والله انه ديكور صدقوني والله لويجتمعون ويكون معهم الاتحاد السعودي بكبره ما وقفو بوجه الزعيم |
الله يرحم ضعفكم بس وين كان هالكلام أيام محمد بن فيصل يوم كان فريقنا قووي وماكنا نقول هالكلام وكان خصمنا الوحيد هو الامين الغير أمين والبلوي صار خصمنا ولكن عرفنا كيف نوقفه عند حده وطردناه شر طرده لكن دامكم بتكونون مثاليين حرام بالله يآ اضعف الخلق أن يتطاولون عليكم والسبب جداركم قصر من المثاليه يضحكني عنوان موضوعك يآصاحبي أجل الاتحاد والنصر والشباب ..؟ يآبوي هالانديه الي جالس تتكلم عنها مافيها ولا واحد قوي يقدر يهزنا يابو الشباب انت الهلال تعرف معنى الهلال ..؟ الكل خلفه وظهره قوي لكن الظاهر ان السالفه أكبر من كذا وهالرجال مايكونون مع الناس المثاليين قال ايش قال الاتحاد والنصر والشباب يحاربون الهلال آآآآآآآآآآآآآآآآآآآآآآآآهـ يآبوسلطآآن آآآآآآهـ |
اخي العزيز كلام تافه وغير صحيح فلا يجد رئيس نادي يترك شؤون ناديه ويتفرغ لمحاربة الاندية الاخرى فمثل هذه الشائعات اكاذيب فقط!! وكل نادي منشغل بأوضاعه الداخلية الى متى ونحن نلوم الاخرين على اخطاءنا؟ ليس ذنب الاخرين ان المفاوض الهلالي ضعيف ولا يقدم عرض قوي منذ البداية!! ليس ذنب الاخرين ان الهلال لايدفع اعلى المبالغ وينهي الصفقات مبكرا!! الاتحاديين مشغولين بمشاكلهم الخاصة واستقالة رئيس اعضاء الشرف اما النصر فالادارة منشغلة بالصفقات الجديدة وكذلك الشباب!! لانريد تعزيز نظرية المؤامرة فهي خيال في خيال,, تحياتي لك . |
ياليت نبطل السياسه ذي .. اعتقد لو الاداره او المفاوض الهلالي اكثر فعاليه كان كلامك متغير .. لدرجة اننا مانعرف هو مين .. واعتقد احنا فزمن الاحتراف .. يعني النادي اللي يبغى اللاعب يدفع .. ويكون كاش لآبعد درجه .. وطالما الخلل عندكـ واضح .. يجب ان تبذل الغالي والنفيس لإصلآحه .. |
ياحبيبي عندنا لاعبين من افضل اللاعبين في اسيا ولانحتاج احد ولله الحمد سواء ظهير ايمن بس والا باقي المراكز عال العال والهلال فريق يرعب الخصوم والله كريم |
هههههههههههههههههههههههههههههههههههه يا رجال الي في رووسهم يسوونه .. صدقني غذا الهلال بغى لاعب و تأكد بأنه بيفيد الهلال جايبينه جايبينه .. لأن الهلال ما يفوض النادي يفاوض اللاعب على طول ..فناديه يصير مغصوب على بيعه .. لأن تلقى اللاعب خلاص يبغى الهلال .. و هذا ما يسوونه الهلال إلا إذا شافوا إستهبال من الفريق الي يفاوضه و الدليل اسامه و المحياني .. صدقني الهلال وراه رجال .. لو بغوا شي لا الشباب ولا الإتحاد و لا النصر و لا حتى الإتحاد السعودي بكبره يقدر يوقفونهم |
الله اعلم باللي يصير من ورانا ,,, خلونا في المهم<>>>>>>>> نادي الهلال وكيف نعدل اوضاعه.. |
المهم عاد اللي يبونه يسونه وانا من وجهة نظري ان الكلام هذا موب صحيح صحيح ان في تدخل في الصفقات من اجل التخريب لكن الوضع يدعو لاجتماع هذا باطل والله اعلم . |
| الوقت المعتمد في المنتدى بتوقيت جرينتش +3.
الوقت الان » 03:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd