نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى المنتخب السعودي (http://vb.alhilal.com/forumdisplay.php?f=51)
-   -   الجمهـــــــور السعودي والممـــــــنوع ((( صـــــــــور ))) الى متى ؟؟؟ (http://vb.alhilal.com/showthread.php?t=781244)

IM_A_SAUDI 13/06/2009 07:27 PM

الجمهـــــــور السعودي والممـــــــنوع ((( صـــــــــور ))) الى متى ؟؟؟
 
السلام عليكم ورحمه الله وبركاته
مسائكم أخضــــــــر

بدون كلام الصور أبلغ أترككم عم الصور والتعليق تحت

فى اليابان وكوريا ودول أوربا والبرازيل التشجيع هناك فن وتصرف الانديه وأتحادات الكره مبالغ لكى تضمن ان يشجع فريقها بقوه أترككم مع الصور وشوفو كيف العلم يجيك أكبر من السياره وماليين الملعب به

http://futbolmania12.files.wordpress...1_1024x768.jpg
تخيلو هالاعلام وباللون الأخضر .......قمه فى الرعب للكوريين

http://futbolmania12.files.wordpress...8/07/mengo.jpg
هاذى الفلينه دخلت موسوعه جينيس للأرقام القياسيه لأكبر فنيله نادى,,, التشجيع عندهم فن وربي

http://www.aljazeera.net/mritems/ima..._99655_1_6.jpg
لا عجب ان الياباني هو الأقوى فى أسيا دام وراهم مثل هالجمهور

http://www9.0zz0.com/2009/04/02/17/611911133.jpg
وهذا حنا شحليلنا حلوييييين بس صامتين وما الومهم والأسباب أسفل

عتبي على ملاعبنا عقد فى عقد تصدقون حتى الأطفال الصغار لو جاك راسم علم المنتخب على وجهه او صابغ يقلك روح غسله وتعال اخخخخخخخخخخ

هذا غير عدد العسكر الكبير حول الملعب وكأننا بناكل اللعيبه فيما الملاعب الانجليزيه الملعب قدامك لو طبيت لعبت معهم ومع هذا لاحرس ولا مايحزنون

وأحيانا لا قعدت تحت وقاعد على اعصابك وتشجع الا وقاروره مويه على قفاك :d <<<<< صارت فى واحد جمبه ماتدرى تناظر الملعب ولا تدور الى حذفك ههههه

لو رجعت عشر سنوات ورا كان الكل يدخل لافتات ومنعت اتوقع منعت لأن فى كلمات مسيئه بين الأنديه وتلميحات,,,,, اتوقع هذا السبب

بس المنتخب ياناس من بيكتب شئ مسيئ؟؟؟ رساله نوجهها لأتحاد الكره؟؟؟

وأرجو أن ماحد يجيب طارى النمشان ,,,,, لاتعطونه اكبر من حجمه تراه موظف عادى ينفذ المطلوب منه فقط هالقرارات جايه من فوقه

وعلى فكره هالقرارات الغبيه لو تفكرون فيها والله انها سبب من عده اسباب تخلى الجمهور يعزف عن المباراه حنا شعب مكبوت خلقه تجون تدقرون لنا على هالشغلات بنمل وماعاد بنجي ملاعبنا

فى الاخير ما ودى نسوي زيهم بس الى أقصده نجي ونشجع احسن من الحضور الصامت ,,,,,, ودامك صامت يا اخى شوفها فى البيت اريح لك ومكيف وسعه صدر بس الى يجي الملعب يشجع يا أخوان

بالتوفيق للأخضــــــــر

تحياتى لكل أخضر

قناااااص القلوووووب 13/06/2009 07:34 PM

كلام سليم ولا عليه غبار لابد من فاعلية في التشجيع وخاصة المنتخب

قااااهر الأصفرين 13/06/2009 07:50 PM

يارجال الجمهور يحضر من اربع العصر ولا يدق الحكم الصافره الا طفو

وبقلك شغله مثل ما لعيبتهم سابقين لعيبتنا بمرااحل

جمهورهم سابق جمهورنا بمراحل يبي لنا وقت حتى نصير مثلهم وبيني وبينك المباريات عندهم حماس

بعكس المباريات عندنا تجيب النوم ولا تأهل لتشجيع


وسلامتكم

مرتاح البال 13/06/2009 09:11 PM

ياخي الجمهور من الساعة اربع وهو مسنتر

اتذكر يوم مبارة السعوديه × الامارات

كــان الدور الساني الساعة 5 موعل نااااار

وبعد نص ساعة طفــأ ..

وبعددها فتحو المدرج السفلي وكــأن نـــأر وبعدها طفا قبل ما تبدأ المبارة !!

والله السبب في تنظيم الملعب

انت شفت جمهور كوريا.ج والله قبل المبارة ما حضر إلىى جمهور بسسسيط وبعدها بــ / 5 دقائق
المعلب امتلآء نصهـ ..!


في الاخير الجمهور ما راح يتغير ابد

صريح المعاني 13/06/2009 09:29 PM

كلام سليم ولا عليه غبار لابد من فاعلية في التشجيع وخاصة المنتخب

♥ N E V E S ♥ 13/06/2009 10:55 PM

يابن الحلال ادارة الملعب ادارة فاشله لأبعد الحدود

والعساكر ما يعرفون يتعاملون ولا يتكلمون زي الناس...!(متخلفين)

مير الله يصبرنا

هلالي متعبهم حلاه 13/06/2009 11:26 PM

يلا ياشبااااااااب شدو الهمه


بالتوفيق يااااااااااااااارب للمنتخب السعودي

المخـرز 14/06/2009 02:33 AM

اقسم بالله العظيم ان الجمهور السعوودي من اقوى الجمااهير تأثير وتشجيع لو توفرت لهم هالوساائل الي نشوفها بالصوور ولتشووف كل منتخباات اسيا قبل مايجوننا يفكرون في الجمااهير لكن حناا عندنا ناس مثل سلطاان بن فهد ونواف بن فيصل حابسين وكاتمين نفس الجمهور وملغين تأثيرهم ولايهوون سلماان النمشااان والا وش فيها لو ادخلت الالعااب النااريه للملعب؟؟ كل العرب مسموح دخول الالعاااب النااريه وخير دليل مباراه مصر والجزائر وكلنا شفنا شلون الملعب تحول كتله لهب بعد هدف الجزاائر وماصار لهم شي؟؟؟؟ حتى الاعلااام الكبيره ممنوع تدخل الملعب ليه مدري <<< عاد هذي ابي افهم السبب ماظن الاعلام تذبح احد
حتى العصا البلاستيكيه الصغيره ممنوعه تدخل الملعب بحجه انها قد تستخدم لايذااء الجمااهير !!!!!!!! الثلاثه هذولي هم من الغى تأثير الجمهور السعودي بوجه عاام وجمهوور الريااض بوجه خاص والا لو الي بالصور ذي مسموح عندنا قسم بالله لتشووف الكوريين ركبهم تصاافق في بعض اذا شاافوا الجمهور كذا ويفقدون تركيزهم بالمباراه لكن وش نقولي غير حسبنا الله ونعم الوكيل ويا ليت يسمعوون ندائنا هذا ويسمحون لنا بكل شي في هالمباراه وراح يشوفون شلون الجمهور السعوودي على حقيقته

الكموندوز 14/06/2009 03:17 AM


ياليت المباراة في جدة

والله لتشوف تشجيع وحماس والعاب ناريه

غصب عنهم

heat 14/06/2009 03:50 AM



بدل الحراراه والعرق وكلام فااضي


يا زين التلفزيوون تحت المكيف والفانيلا الي شسمهاا

وتلفزيون 15 بووصه :D

الصقر الهلالي 14/06/2009 09:21 AM

امممممممم

الحين نبي نفهم ليش منع الافتات الكبيرة .. واللي فيها كلام ..

ياااخي ملاعب فاضي وربي مالة اي داعي ولا حماااااس


فرق اذا كانت الافااتات موجودة وانواع التشجييع

ررررعب وربي ..


اتمنى حضور الافتات لتشجيع الاعبين .. وتحميسهم ..


ورعب الخصم

أبو عزوووز الوايلي 14/06/2009 09:41 AM

ياليت المباراة في جدة او الدمام

والله لتشوف تشجيع وحماس والعاب ناريه

غصب عنهم

اموت بالرائد 14/06/2009 01:19 PM

الله يوفق المنتخب وان شاء الله مانطلع من الملعب خاسرين


اما من ناحيه اللافتات والأشكال الخياله للجمهور فــعساك سالم نريد من رجال الأمن يحترمون أنفسهم ويحترموننا فقط لاغير

kgb 14/06/2009 04:29 PM

ان شاء الله نوريهم ونرهبهم يا الله

سعود البرشلوني 14/06/2009 04:50 PM

بالتوفيق للاخضر


.................................


الوقت المعتمد في المنتدى بتوقيت جرينتش +3.
الوقت الان » 12:42 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd