|
مستوى الزوري + التشكيلة المناسبة لمباراة كوريا الشمالية بسم الله الرحمن الرحيم أولا - ابدأ بمستوى الظهير الايسر للمنتخب عبدالله الزوري :- اليوم كلنا شاهدنا ضغط المنتخب الكوري على المنتخب السعودي من الجهة اليسرى للمنتخب السعودي وهذا يعني ان هناك خلل في هذه الجهة وكانت الهجمات تشكل خطوره كبيره على مرمى المنتخب السعودي والسبب هو عبدالله الزوري لاعب مستواه نازل بشكل كبير اليوم كان في المهام الدفاعية والهجوميه ضعيف جدا جدا وكان من المفترض على المدرب ان يخرجه الشوط الثاني لكنه تركه ليضغط المنتخب الكوري من نفس الجهة اتمنى من المدرب ان يشرك في المباراة المقبله ( حسين عبدالغني - شهيل ) بديلا للزوري لتنشيط وتفعيل الجهة اليسرى . ثانيا - التشكيلة المناسبة لمباراة كوريا الشمالية من وجهة نظري :- وليد عبدالله شهيل .... هوساوي .... المولد ( القاضي ) .... معاذ حسين عبدالغني ...... خالد عزيز عبدالرحمن القحطاني ............ محمد نور هزازي .........ياسر ميزات هذه التشكيلة هي :- 1- سرعة الاظهره وايجادهم للمهام الدفاعية والهجوميه . 2- وجود ساتر دفاعي اللي هو خالد عزيز وهو اللي حيرح الدفاع كثير . 3- وجود لاعب لتوزيع الكرات ومحرك رئيس للعب اللي هو حسين عبدالغني . 4- سرعة لاعبي خط المنتصف بالاضافه الى مساندة الاظهره راح تشكل خطر كبير . 5- وجود مهاجمين ممتميزين . :smilie47::rose: وبالتوفيق للاخضر في مباراة كوريا الشمالية :rose::smilie47: |
الله يقدم اللي فيه الخير والصالح والتشكيله جدا ممتازه بس ياليت بدل حسين يحط تيسير لأن بجد راائع في النقلات وتحريك خط الهجوم والله يوفق المنتخب وبأذن الله بسيرو رااح يآخذ التشكيله الأنسب للمنتخب واللي رااح تأهلنا للمونديال بعد الله سبحاانه مشكور أخوي وأن شاء الله يرجع الزوري لمستواه |
يااخي الزوري معذور طووول الموسم وهو يحرث الثيل مع الهلال وبطولاته واكيد ان اللياقه زفت والمستوى تعبان..... |
تشكيله ممتازه والزوري اتوقع انه يحتاج للراحه كم مباراه وبتوفيق للمنتخب |
بالعكس انا ارى ان الخطأ ليس من الزوري الخطأ كان من خطة المدرب الزوري كان مستحيل يطلع ويساند والكوري ضاغط على المنتخب لايعني ان المنتخب الكوري يهاجم من منطقة الزوري ان الزوري كان تعبان انما كان فيه ضعف من المحاور لمساندة الزوري محمد نور كان مساند دائم لشهيل في الجهة الثانية وعشان كذا نور ماشفنا ادوار هجوميه من نور او ماكان نور مساند قوي للهجوم الزوري كان يلعب وحيدا لان عبدالغني كانت ادواره مشتته لانه كان يغطي خانة احمد عطيف كان خطأ كبير من المدرب الدخول باحمد عطيف وخصوصا بوجود خالد عزيز في رأيي ان مشكلة المنتخب اليوم في وجود احمد عطيف والشمراني فلو لعب خالد عزيز مع عبدالغني كمحاور اصبح الدفاع اقوى ويقدر الزوري يهاجم ويرفع كرات مع شهيل ويكون هزازي موجود في منطقة الجزاء وخلفة ياسر ويجي وراهم نور وعبده عطيف او القحطاني ارجع واقول تكتيك المدرب ماكان مناسب لمباراة اليوم ابدا وفي المباراة القادمة اتمنى يجري التغييرات التالية الدفاع مثل ماهو الوسط القحطاني وعزيز بدال عيال عطيف الهجوم هزازي بدال الشمراني مع التاكيد على هزازي ان يلعب داخل منطقة الجزاء على فكرة .. هدف المنتخب الكوري الشمالي كان بسبب عدم وجود مساندة من المحاور للدفاع وكانت خانة المحور فاضية ولم يكن الخطأ من الدفاع وجود خالد عزيز ضروري جدا في المنتخب |
والله اليوم منطقة الزوري فيها خلل واغلب هجمات كوريا من جهة الزوري وكان غائب تمام عن مهمام الهجوميه بس اعتقد ضغط كوريا على السعوديه سبب خلل سواء من جهة الزوري او الشهيل الزوري يفتقد للضغط على حامل الكره هذا من ابز سلبيات الزوري والله شوف تشكليه حلوه بس لو تشيل حسين لان اشوف حسين ماينفع محور لن كوريا الشماليه سريعين ولازم يكون لاعب المحور جهد كامل على طوال المباراه فما اعتقد ان حسين بيكمل المباراه كامله بنفس العطاء فمن المفترص ادخال تسير بدال حسين فيه خلل بين متوسط الدفاع ممكن مافي تجانس بين القاضي هوساوي بس هو يعتبر ثغره بسيطه اتمنى من المدرب تدراكها والله يوفق المنتخب للتاهل لمره الخامسه اهم شي يكون الحضور الجماهيري |
الخطأ هو اشراك حسين عبد الغني بمركز المحور لاهوا الي لعب محور صح واتدخل في لعب الزوري وخلى الزوري يتلخبط يا انك تنزل حسين عبد الغني ظهير أيسر أو وسط أيسر وليس محور أو إنك ما تنزله والزوري لما شاف حسين عبد الغني كل شوية ينقز عنده اتلخبط وشكرا لك عللوش ،،، |
====وليد عبدالله==== عبدالغني===هوساوي===المولد===حسن معاذ ===عزيز====الجاسم تيسير==== ==القحطاني ع. (عطيف)======م. نور ===هزازي(السعران)===ياسر(الشمراني)=== المميزات : نحتاج لاعبين يجيدون التسديد امثال عبدالغني وتيسير الجاسم وحسن معاذ والقحطاني ع لاعبين ذو سرعه كبيرة واختراقات رائعه جدا : تيسير الجاسم & القحطاني ع & محمد نور & حسن معاذ ظهير ايمن وظهير ايسر مميزين في العرضيات : حسن معاذ وحسين عبدالغني لاعبين يجيدون الظربات الرأسيه : هزازي &ياسر وفي الركنيات تلقى نور والمولد وهوساوي لهذا اخترت التشكيله |
الزوري في هذه المباراة مو يومه الكوريين يمرون منه سلام سلام وشي ثاني يقول محمد نور ان عدم ظهور الاتحامات القوية بيننا ويين الكوريين هو الخوف من اخذ بطاقات صفراء يقول ان تسعه من الاعبين مهددين بالغياب مبارات كوريا الشماليه لو اخذو بطاقات الصفراء في مبارة كوريا الجنوبيه وشي ثاني يا هلالي مدريدي ترا ما عليك شهره شكلك كوري ميه الميه الله يشفيك |
أما بنسبة لي أتفق مع الخوان الي قالو أنه مستوى الزوري نازل ويبيله راحة أشوي لين يقدر يرجع مستواه بس بخصوص مباراة أمس لا تنسون يا أخوان أنه عبد الغني ماكان مساند فعال لخانة الزوري وهذا الي خلا الزوري مايتقدم وسبب ضغط عليه أمس كان في لخبطة بين عبد الغني والزوري والسبب أنه عبد الغني لعب في خانه مو متعود عليها ولو تلاحظون أنه عبد الغني مو عارف أيش يسوي عكس نور الي كان دوره الدفاعي أفضل من الهجومي وكان مساعد الشهيل والي ساعده في أنه يطلع بكم كورة بس هذا مايبرر أنه الزوري مو نازل مستواه الزوري نازل مستواه من بعد الخليجية مع المنتخب أو مع الهلال مو هذا مستوى الزوري في بداية ظهوره أتمنا من أبيدال أو أمير السمر زي ماحب أسميه أنه ينتبه على نفسه ويراجع حساباته ويرجع مستواه الي عرفناه فيه ولاتنسون يا أخوان الزوري توه صغير في العمر وقدامه المستقبل كبير ويمكن كثر المشاركات مع المنتخب والفريق سبب تله أرهاق ونزول في مستواه |
تشكيله ممتازه والزوري اتوقع انه يحتاج للراحه كم مباراه وبتوفيق للمنتخب |
اعتقد ان الاطراف تعبانيين بسبب ضعف المحاور في المباراة.. وكانوا الظهيرين ( الزوري وشهيل ) مصادر هجمات كورية خطرة.. وليس الزوري فقط..! |
وشرآيكم تريحون المنتخب كله لانهم مجهدين من المشاركات ياناس فكونا من الأعذار ... مرهق من كثرة المشاركات و ما أدري أيش ليش يلعب طيب ... لآ تقول لي غصب اللي مو قدها لآ يمدها |
| الوقت المعتمد في المنتدى بتوقيت جرينتش +3.
الوقت الان » 11:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd